Miriam Cani dhe Preluders

[Pasiqe]

Preluders paskeshin qene edhe ne vend te pare ne Gjermani: Shihni ketu

http://ki.informatik.uni-wuerzburg.d...deu_2000s.html

[panchovilla]

Harruat qe ne Eurosong 2005 Zvicra u perfaqesua nga grupi Vanilla Ninja, grup nga Estonia? (Edhe Celine Dion ka kenduar per Zvicren para disa vitesh.)
Nuk ishte ndo1 gje kaq e turpshme apo e rralle. Perderisa ne mendojme qe talentet e famshme shqiptare neper bote jane pjese e rendesishme e krenarise tone kombetare (ashtu si shume me lart jane shprehur), atehere perse mos tu japim nje mundesi te na perfaqesojne vertete ne konkurimet nderkombetare?

Mirepo Shqiperia nuk eshte Zvicer. Shumica e shqiptarve nuk kane qene ta perfaqesojne te huajt Shqiperine.

[eagle_eye_andi]

Mirepo Shqiperia nuk eshte Zvicer. Shumica e shqiptarve nuk kane qene ta perfaqesojne te huajt Shqiperine.

Per cilet te huaj po flet?!

[panchovilla]

Per cilet te huaj po flet?!

Shko lexoje fillimin e temes dhe mos pyet kot!

[eagle_eye_andi]

Shko lexoje fillimin e temes dhe mos pyet kot!

Ne fakt mua me pelqen te bej 100 pyetje dhe pastaj te jap 1 pergjigje...

Gjithsesi, ne lidhje me temen nuk shoh asnje mekat apo shkelje kushtetute ne ceshtjen: "te huajt ne festivalin e RTSH" Nese jane ne gjendje te kendojne shqip, perse ti ndalojme. Ne fund te fundit une do ndjehesha me i vleresuar nese nje i huaj kendon ne gjuhen time...

[Qerim]

Miriam Cani, nga Gjermania në festival



Anila Mema

U fol gjatë për ardhjen e saj, edhe pse ende nuk ishin vendosur piketat e festivalit. Madje, lart e poshtë flitet se do të jetë përfaqësuesja e radhës për në "Eurosong".

Ndoshta, ky, një thashethem i radhës, meqenëse emri i saj ngacmon. Ajo vetë nuk di asgjë për këtë fakt. Ka vetëm dy ditë në Shqipëri, dhe menjëherë i është ngjitur skenës me prova intensive për mbrëmjen e sotme në Pallatin e Kongreseve. Miriam Cani, shqiptarja e njohur si pjesëtare e grupit "Preluders" ka menduar të shfaqet vetëm në këtë garë artistike. Eshtë hera e parë që merr pjesë në një garë artistike në Shqipëri, me këngën "Shko", të kompozuar nga Alfred Kaçinari, mbi vargjet e Armando Trebickës. Ndërsa një vit më parë, 20-vjeçarja e suksesshme në skenat botërore është prezantuar në Shqipëri së bashku me grupin "Preluders", pjesë e të cilit është bëtë tri vjet më parë. E shqetësuar për volumin e zërit dhe teknikën, që nuk ishte ashtu siç e kërkonte ajo, në përgjithësi bashkëpunimi në Shqipëri i pëlqen. Dje, gjatë realizimit të provave të fundit në Pallatin e Kongreseve, këngëtarja nga Elbasani, Miriam Cani, tregon për gazetën "Panorama" pjesëmarrjen e saj në edicionin e 44-t, të këngës në Radio-Televizion, emocionet e skenës shqiptare, dëshirat dhe punën me grupin "Preluders".

Eksperienca e parë në një festival kombëtar, për më tepër në Shqipëri. Ç'të shtyu deri këtu?
Eshtë hera e parë që marr pjesë në një festival të tillë me kaq rëndësi në Shqipëri, por nuk është hera e parë që unë vij këtu. Kam ardhur edhe herë të tjera, madje edhe së bashku me vajzat e grupit "Preluders" për të kënduar tek spektakli i madh i bukurisë "Miss Globe" në Durrës. Pas tij kemi bërë edhe koncert në amfiteatër dhe në qytetin tim, Elbasanin. Në të vërtetë ndihem mirë dhe kam emocione, pasi prezantohem para një publiku, me të cilin përfaqësohem në Gjermani dhe në vende të tjera të botës. Në fakt, kisha mjaft dëshirë të merrja pjesë në një festival të tillë, por dëshirës sime iu bashkëngjit edhe ftesa e kompozitorit Kaçinari. Më pas dëgjova këngën, e cila më pëlqeu shumë. Eshtë interesante. Një nga qëllimet e mia është të sjell një tjetër rrymë muzikore në Shqipëri, ndryshe nga ato që njihen.

Një këngë ritmike dhe tepër e komentuar për cilësinë e saj. Ju ç'ju tërheq tek kjo këngë?
"Shko" është një këngë, të cilën e kam shumë përzemër, pasi më tërheq. Mendoj se është e bukur (pa modesti). Them e tillë, pasi vargjet e tekstit të Armando Trebickës janë të goditura.

Në skenën shqiptare jeni e re. I trembeni garës apo xhelozisë artistike, pavarësisht famës suaj në Gjermani?
Nuk ka lidhje se ç'famë kam në Gjermani. Në këtë garë konkurroj me 33 këngëtarë të tjerë. Konkursi është konkurs, ku më i miri fiton. Unë do jap më të mirën, për aq sa kam mundësi. Në fund fiton ai që e meriton. Xhelozia ekziston gjithandej, në qoftë se je i mirë dhe ke vlera në muzikë.

Eshtë bashkëpunimi i parë me artistët shqiptarë. Ndjeni diferencime, në krahasim me eksperiencat tuaja të huaja?
Mund të them se, sigurisht që ka ndryshime. Artistët në Gjermani, kompozitorët, orkestruesit apo edhe shkruesit e teksteve kanë zhvillim më të shpejtë. Ndërsa për muzikën, ritmin, rrymën, dua të them se, të gjithë muzikantët kanë të njëjtën gjuhë, si në Shqipëri edhe jashtë saj. Ndërsa, nëse do të ndalemi në anën teknike, atëherë mund të them se, këtu ka më shumë probleme se në Gjermani.

Keni vetëm një ditë në Shqipëri. Eshtë kohë e mjaftueshme për t'u përgatitur për këtë garë?
Nuk mendoj se kam dhënë maksimumin, pasi kam pasur pak kohë dhe incizimin e këngës e kam bërë vetëm brenda dy ditësh. Ka qenë shumë e shpejtë, por unë jam mësuar kështu edhe në përgatitjet në Gjermani. Jam e mendimit se, çfarëdolloj kohe të kem do arrij të dal mirë në skenë.

Mendoni fitoren?
Nuk dua të flas për këtë, pasi nuk dua të mërzitem më pas, nëse nuk ndodh kështu. Unë do të jap sa kam mundësi, pjesa tjetër mbetet për më vonë.

Si është jeta e Miriamit në Gjermani?
Merrem me koncerte çdo ditë në Gjermani së bashku me grupin "Preluders". Nuk ndodh asnjëherë që të punojmë një javë e një javë pushim. Jo. Gjatë një ditë punoj në piano, shkruaj këngë, dhe merrem me muzikë në studion time në shtëpi. Unë nuk kam mbaruar shkollën, shkolla ime është muzika.

Po jeta e grupit "Preluders" në të cilin ju bëni pjesë?
Kemi gati tri vjet që bashkëpunojmë. Jemi shumë mirë, pasi mësojmë nga njëra-tjetra. Kemi shëtitur gjithandej, nëpër skenat austriake, zvicerane dhe gjermane. Jo vetëm në Evropë, por edhe në Amerikë. Tashmë kemi tri albume së bashku dhe nëntë këngë të shoqëruara me videoklip, por kemi pasur edhe duete me këngëtarë të tjerë. Aktualisht jemi duke punuar për një këngë të re, që do të dalë në muajin janar, ndërsa nga mesi i vitit do të nxjerrim dhe albumin tonë të katërt.

Do të ketë një album në shqip?
Pse jo! Do ta dëshiroja shumë. Unë pres të më krijohet ndonjë mundësi. Jam e hapur edhe për këtë gjë.

Sa e njihni muzikën shqiptare?
Gënjej, nëse them e njoh, pasi nuk e njoh shumë. Por, dua të theksoj se jam rritur me muzikë shqiptare, pasi prindërit e mi vendosnin gjithmonë në shtëpi kasetat dhe CD e marra nga Shqipëria. Por, nuk mbaj mend shumë emra këngëtarësh a tituj këngësh.



Elbasanasja dhe suksesi në Gjermani

Në Gjermani është shndërruar në personazhin e vitit, pas fitores së konkursit "Popstars", që në Shqipëri njihet si "Ethet e së premtes mbrëma". Eshtë nga Elbasani, të cilin e ka lënë që gjashtë vjeç. Me këngën është dashuruar qysh në vitet e para të shkollës. Miriam Cani, 20-vjeçarja shqiptare, e njohur si pjesëtare e grupit "Preluders", së bashku me prindërit e saj në fillim të viteve '90 largohet drejt Gjermanisë, në Heidelberg, ku edhe jeton. I ati, duke ndeshur vështirësi të shumta në kryerjen e profesionit të tij, rikthehet në Elbasan pas 5 vjetësh, ku qëndron vetëm një vit. Rrëmujat e '97-ës e rikthejnë familjen Cani sërish në Gjermani. Maturën nuk arriti ta përfundojë dot, për shkak të përkushtimit total të jetës artistike dhe grupit "Preluders". Megjithatë, shprehet se, shkolla e saj është muzika. Në Shqipëri shumë pak e njohin, ndërsa shqiptarët që jetojnë në Gjermani e në vende të tjera të Evropës e cilësojnë si vajzën që ka çuditur jo pak telespektatorë te konkursit të madh të talenteve të reja "Popstars", që zhvillohet një herë në dy vjet në Gjermani. Në fund të tij shpallen pesë djemtë dhe pesë vajzat më të mira, që vlerësohen për këngën, kërcimin, aktrimin, inteligjencën, edukatën etj. "Preluders", deri në 2008 ka firmosur kontrata për koncerte të ndryshme në Gjermani dhe jashtë saj. Tashmë, shqiptarja Cani është ndër vajzat më të preferuara të grupit, madje ka dhe nga ata që habiten kur ajo tregon plot krenari që është shqiptare. "Ka dhe nga ata që më pyesin: "Pse nga Shqipëria je ti?" Por për mua nuk ka shumë rëndësi, unë jam shqiptare", tregon ajo. Tregon se ka hobi kërcimin, këngën, pianon dhe vizatimin. Motoja e saj: "Qëndro gjithmonë vetja jote dhe mos harro kurrë se nga vjen!"