Vjedhjet dhe dhunimet e Kishave Orthodhokse

[Hyllien]

Permet, Grabiten objekte me vlera te rralla kulturore nga Kisha e Benjes

Ora: 18:30
Nga E.M


PERMET (3 Dhjetor) -Grabiten nga kisha e Benjes ne Permet disa objekte te rralla. Permes nje deklarate metropolia e shenjte e Gjirokastres ka bere te ditur se eshte grabitur nje objekt me vlera te rralla kulturore, behet fjale per nje ikone qe njihet me emrin “Hyrja dhe rilindja e Krishtit ne tempull”. Sipas kesaj deklarate ngjarja e rende ka ndodhur mengjesin e sotem. Nga kjo kishe jane vjedhur edhe 6 ikona te medha te ikonostatit. Nuk eshte hera e pare qe ne kishat e vendit tone vidhen ikona, te cilat me pas trafikohen per ne vende te tjera te Europes. Nderkaq pak dite me pare u grabit ne Korce arka e kishes se Triades. (NEWS24/Balkanweb)

--------------------------

[Hyllien]

As nuk e can menderen njeri. Sikur me i pas ndertu i huji keto kisha. Ose sikur me pas mbi pa lidhje aty, sikur nuk ka derdh njeri gjak me i kriju e me i rujt keto monumente. Ngelet duke dhene komente neper tema futja pordhes gri sallate qe jane te mbushura me makabritete qe te vjen me vjell ose me mos henger buke per nja i muj, se di se ku e gjeni ket interes leshi, ket kuriozitet kot me kot dhe nuk shkruni kur vidhen vlerat kulturore dhe shpirterore te shqiptareve.

Prandaj sot gjejme kembe pleqsh(sic ndodhi dje ne malin e robit), e koka e femije te vrare e te masakruar neper male e shkurre, njerez te djegur e te groposur, njerez te zhdukur qe nuk i dihet vendi se ku jane, njerez te masakruar te paidentifikuar etj etj.

Kshu eshte kur ka kafshe qe vjedhin te tilla gjera, kur shqiperise po i merren dita dites vlerat e saja kulturore dhe po zhvishet. Ku je dhe ti orthodhoksi permetar i forumit qe nuk shkru i rresht kur ka te tilla gjera. Apo ai tjetri Seminaristua. E keni hallin tjeter kund ju, me qit dynjane orthodhokse e me dhene fjalime alla kongresesh PSSH. Po nxirrni aman, nxirrni te tere orthodhokse, po kshu sic po vete nuk po mbetet asgje nga kjo tradite. E ndersa Hoxha i vari katoliket e ja futi tritolin kishave, sot po vidhen ikonat e vlerat e tjera shpirterore. Keto jane gjera me u shqetesuar. Nuk na mjaftoi Hoxha 50 vjet qe i ktheu neper palestra e i futi tritolin kishave, tani duhet t'i bejme balle dhe ketyre qelbesirave qe shkojne dhe i vjedhin dhe e lejne njeriun pa shpirt pa gje.
turp

[Hyllien]

Reagojnë përfaqësuesit e Kishës Autoqefale në Gjirokastër: Policia të mos mjaftohet me konstatime


Grabitet mes përmbytjes kisha e Bënjës
Përmet, hajdutët vjedhin gjashtë ikona origjinale

Engjëll Serjani

PËRMET

Grabitet kisha 300-vjeçare “Hyrja e së Tërëshenjtës në Tempull”, në fshatin Bënjë të Përmetit. Errësira dhe kaosi i krijuar gjatë këtyre ditëve nga reshjet e shumta, u kanë dhënë dorë të lirë disa personave të papërgjegjshëm që të vjedhin objektin e kultit në këtë rreth. Burime nga policia bëjnë të ditur, se në orët e para të mëngjesit të djeshëm persona ende të paidentifikuar, kanë grabitur në Kishën e Bënjës gjashtë ikona origjinale të Ikonastasit. Ndërkohë, burime nga Kisha Autoqefale e Mitropolisë së Shenjtë të Gjirokastrës, pohojnë se personat që kanë vjedhur ikonat, janë mjeshtra në këtë profesion dhe jo amatorë. Sipas këtyre burimeve, hajdutët, pasi kanë thyer derën dhe janë futur në kishën e Bënjës, kanë marrë ikonat më të vjetra, origjinale dhe jo ato të kopjuara apo të zakonshme. Dyshohet që grabitësit i kanë mbështjellë ikonat me batanije, të cilat përdoreshin në rastet e festave që kremtohen në këtë kishë. Ajo çka ka mbetur tani në kishën “Hyrja e së Tërëshenjtës në Tempull”, janë kopje jo të rëndësishme. Grabitësit kanë lënë në kishë vetëm dy ikona me vlerë. Njëra prej tyre është shumë e vjetër, ndërsa tjetra është një kopje që pasqyron hyrjen e Shën Mërisë në tempull, nga e cila ka marrë edhe emrin kisha. Po të njëjtat burime, sqarojnë se gjashtë ikonat që u vodhën, janë krijuar nga fundi i shekullit të XIX nga mjeshtra që i përkisnin shkollës ikonografike të quajtur Hionavites. Ikonat e vjedhura kanë një vlerë shumë të madhe historike dhe monetare. Kisha e Bënjës në Përmet, është shpallur Monument Kulture prej më shumë se 35 vjetësh dhe nga banorët njihet si kisha e mrekullive. Menjëherë pas konstatimit të grabitjes së këtij objekti kulti, përfaqësues të Kishës Autoqefale Ortodokse të Mitropolisë së Shenjtë të qyteti të gurtë, kanë reaguar ashpër. Ata kanë kërkuar që policia të mos mjaftohet vetëm me konstatime, por të marrë masa për identifikimin dhe vënien në pranga të autorëve të krimit.
“E gjithë kjo histori ka të bëjë me abuzimet e shumë përsëritura dhe me neglizhencën e organeve të specializuara shtetërore, të cilat në mënyrë të përsëritur mbeten në konstatime dhe asnjëherë nuk ndërmarrin veprime konkrete për të ndëshkuar autorët e këtyre ngjarjeve”. Ky nuk është rasti i parë që kjo kishë dhunohet”, - shprehen drejtues të Kishës Autoqefale në Gjirokastër. Në pranverën e vitit të kaluar, janë bërë disa gërmime në dyshemenë e Kishës së Bënjës, por nuk pati vjedhje të ikonave.

[Hyllien]

Kisha e Bënjës, monument kulture prej vitit 1970

Grabiten 6 ikona 300- vjeçare


Entela Bani

Përmet - Ikonat e shenjta të objekteve të kultit bëhen sërish pre e grabitësve. Kisha e Hyrjes në Rilindje të Tempullit në fshatin Bënjë të rrethit të Përmetit është vjedhur natën e së shtunës nga persona ende të paidentifikuar, ndërkohë që 6 ikona 300- vjeçare të ikonostasit të saj, që në total kapin një shifër mëse të konsiderueshme kanë qenë synimi i grabitësve. Ky fakt është bërë i ditur nga Kisha Ortodokse Autoqefale në rrethin e Gjirokastrës, e cila ka reaguar në lidhje me këtë grabitje me anë të një deklarate për shtyp. Megjithëse nuk jepet asnjë hollësi sesi ka ndodhur ngjarja apo për mënyrën sesi është bërë e mundur hyrja e grabitësve në pjesën e brendshme të kishës, nëpërmjet kësaj deklarate për shtyp akuzohen strukturat shtetërore për indiferencën e vazhdueshme të treguar ndaj këtyre ngjarjeve. “E gjithë kjo histori ka të bëjë me abuzimet e shumëpërsëritura dhe me neglizhencën e organeve të specializuara shtetërore, të cilat në mënyrë të përsëritur mbeten në konstatime dhe asnjëherë nuk ndërmarrin veprime konkrete për të ndëshkuar autorët e këtyre ngjarjeve”,- theksohet në këtë deklaratë.
Kisha e Hyrjes në Rilindje të Tempullit është ndërtuar rreth 300 vjet më parë dhe nisur nga vlerat e mëdha që ajo mbart në vitet 1970 është shpallur Monument Kulture, ndërsa njihet si një vend adhurimi ku besimtarët kanë parë mrekulli të shumta.

[Albo]

Vidhnin kishat 300-vjeçare, pranga pesë trafikantëve të artit

Të arrestuarit do ti shisnin objektet e grabitura në Maqedoni për 20 mijë euro. Materialet e sekuestruara të viteve 1700-1800, të shpallura pasuri kombëtare

Artan CENA
ELBASAN - Kapet banda e vjedhjeve të objekteve fetare 300-vjeçare. Operacioni është bërë mëngjesin e djeshëm dhe në pranga janë vënë pesë persona, të dyshuar si anëtarë të kësaj organizate kriminale, që merreshin me vjedhjen dhe më pas shitjen e objekteve në Maqedoni. Operacioni është bërë në Elbasan. Burime zyrtare nga policia lokale thanë se, në bashkëpunim dhe me strukturat e Policisë së Shtetit, kanë finalizuar me sukses operacionin policor të koduar “Dera e mbyllur”, në kuadër të të cilit u bë i mundur arrestimi në flagrancë i pesë personave për veprën penale të “trafikimit të veprave të artit e kulturës”. Policia tha se në pranga janë vënë: Ilir Kera, 36 vjeç; Reshit Hyseni, 29 vjeç; Nebi Guracaku, 49 vjeç; Gramoz Poshja, 34 vjeç dhe Armand Meta, 26 vjeç, që të gjithë me banim në rrethin e Elbasanit.

Hetimi
Pas vjedhjeve të shumta të bëra në disa prej kishave të Elbasanit dhe marrjen nga to të veprave artistike me vlera të pakthyeshme, policia lokale, në bashkëpunim dhe me Drejtorinë e Përgjithshme të Policisë së Shtetit, kanë nisur hetimet për zbardhjen e këtyre ngjarjeve. Me marrjen e informacioneve në rrugë operative, strukturat e uniformave blu kishin identifikuar disa persona të dyshuar si hajdutë të ikonave të kishave. Pasi janë siguruar informacione të mjaftueshme dhe prova është ndërmarrë dhe operacioni për shkatërrimin e rrjetit kriminal. “Finalizimi me sukses i këtij operacioni u bë i mundur në sajë të një pune të mirorganizuar dhe një hetimi të vazhdueshëm të kryer nga Drejtoria Kundër Krimit të Organizuar në bashkëpunim me Drejtorinë e Policisë së Qarkut Elbasan. Në momentin e arrestimit të këtyre shtetasve është bërë e mundur gjetja e sekuestrimi në cilësinë e provës materiale i sendeve me vlera kulturore, pjesë e trashëgimisë sonë kombëtare”, - thanë ditën e djeshme burime zyrtare nga Policia e Elbasanit.

Sekuestrimet
Aksioni i policisë, i koduar “Dera e mbyllur”, nuk ka përfunduar vetëm me arrestimin e të dyshuarve. Gjatë tij janë sekuestruar dhe disa prej sendeve të vjedhura në kisha. Burimet policore tha se është gjetur një kambanë kishe me peshë 50 kilogramë, e gdhendur në material bronzi për të cilën mendohet se i përket vitit 1700. Gjithashtu, të bllokuara janë dhe tri piktura të gdhendura në material bakër me përmasa të ndryshme, që mendohet se mund të jenë të viteve 1700-1800. E bllokuar është dhe një ikonë kishe. Të arrestuarve u janë bllokuar sende dhe objekte antike të ndryshme, të gdhendura në material sermi, të cilat janë vepra arti e kulture në formë monedhe që i përkasin pasurisë kombëtare. Këta persona sendet e mësipërme po përpiqeshin t’i trafikonin për shitje në shtetin e Maqedonisë, kundrejt shumës 20 mijë euro, prova këto të siguruara në rrugë ligjore. Ndaj personave të mësipërm është marrë masa e arrestit në flagrancë për veprën penale të “trafikimit të veprave të artit dhe kulturës” e kryer në bashkëpunim. Dosja me materialet procedurale në ngarkim të tyre i kanë kaluar Prokurorisë së Rrethit Gjyqësor Elbasan për veprime të mëtejshme.

Albania
4 Qershor 2010

[IllyrianPatriot]

Jan 2 grupe qe po vjedhin kisha ......

shqiptare te pa kultutuar qe i paguan greku ,

extremist te fese islame qe ju leverdis qe historia mivjecare shqiptaro-kristiane te humbas ...

[flora57]

Mos ngatarro myslimanet me hajdutet or ti pseudopatroti, pasi jane vjedh dhe xhamia e seshte akuzu ndonje i krishtere.

[refet]

hajduti hajdut eshte

[ilia spiro]

PËRSËRI VJEDHJE NË KISHËN E SHËN KOLLIT
PRANË FSHATIT VANAJ NË RRETHIN E FIERIT

Ngjarja dhe historitë e mëparshme.
Duke gdhirë dita e Djelë e datës 6 është shpërthyer dera e kishës së Shën Kollit në fshatin Vanaj të rrethit të Fierit dhe përveç vjedhjes së arkës së kishësh, aty është vjedhur edhe këmbana e saj. Nuk është rasti i parë që nga kjo kishë vidhen në mënyre kostante elementë të dekoracionit artistik dhe si përfundim tanimë ikonostasi i saj pothuajse nuk ekziston. Në vend të tij tanimë gjendet vetëm skeleti mbajtës me pamje të trishtueshme.
Në kishë është vjedhur para katër vjetësh në datë 11 dhjetor, dera kryesore që hyn në naos(salla kryesore). Kjo derë kishte elementë artistik dhe dekorativ druri të gdhendur në të cilin ndodhej një mbishkrim që na jepte informacionin kryesor për datimin e kishës. Si në rastin e ditës së djelë dhe herët e tjera është bërë denoncimi në organet përkatese, por gjithnjë heshtje dhe asnjëherë nuk është konkluduar me kapjen e keqbërësve. Si duket kemi të bëjmë me një zonë të pa mbuluar mirë përsa i përket ruajtjes së monumenteve, duke ditur që edhe kishat që janë pranë saj si ajo e Shën Gjergjit në Libofshë edhe ajo e Shën Thanasit në Karavasta vidhen sistematikisht dhe janë edhe ato në gjendjen e kishës së Vanajt.
Në këtë kishë janë bërë punime të plota restauruese në vitet 1998-1999 me fonde investuara nga Kisha Orthodhokse Autoqefale e Shqipërisë dhe punime të kryera nga Drejtoria Rajonale e Institutit të Monumenteve Tirane, që në atë kohë kishte mundesinë të bënte punime restaurimi dhe mirmbajtjeje.
Ajo që kërkohet në përfundim nga nga organet përgjëgjese ka të bëjë me lëvizjet e nevojshme për gjetjen e mundëshme të elementëve të vjedhura nga kjo kishë por sidomos të gjejë këmbanën për t’ia kthyer ato përsëri trashëgimisë tonë kulturore në mënyrë që të mos kthehet ky rast si rastet e tjera ku asnjeri nuk ka bërë asgjë, si dhe të shikohet mundësia për parandalimin e këtij fenomeni, i cili ka qënë dhe vazhdon të jetë shumë shqetësues për një kohë të gjatë.

Vlerat historike dhe arkitektoniko-artistike të monumentit.
Ngrihet në majën e një kodre të ulët, në mes të një pylli të dendur me qeparisa. Mbishkrimi i ruajtur mbi portën jugore të kishës na jep datën e ndërtimit dhe të pikturimit të saj. Kisha u ndërtua në vitin 1777 dhe u pikturua më 1795 nga vëllezërit grabovare Gjergji dhe Joani, të cilët kanë ushtruar një veprimtari të dendur në krahinën e Myzeqesë.
Kisha i përket një tipi mjaft të përhapur në krahinën e Myzeqesë gjatë shek. 18-19. Ajo përbëhet nga naosi dhe hajatet e mbyllura që e rrëthojnë atë nga tri anë. Naosi është një bazilikë njënefesh me tavan të rrafshët. Një ikonostas prej druri të gdhendur ndan ambientin e altarit, i cili përmban apsidën e madhe e të nxjerre jashtë dhe dy niket e protezisit dhe të diakonikonit.
Naosi rrethohet nga ana veriore, jugore dhe perendimore nga hajatet e mbyllura, nga të cilat pjesa perendimore eshte shume më e gjërë dhe lot edhe rolin e narteksit. Në hapësirën e tij është veçuar një kthinë, ku mbahej vaska e pagëzimit, ndërsa në anën perendimore lartësohet kulla e ulët prej druri e këmbanores.
Elementët e dekoracionit të brendshëm janë piktura murale që vesh të gjitha siperfaqet e muraturës, ikonostasi dhe amvoni prej druri të gdhendur të një cilësie të larte artistike dhe tavani prej druri i ngjyrosur.
Në pamjen e jashtme spikat volumi i naosit i mbuluar me çati dyujse, i cili ngrihet mbi volumet e hajateve, të mbuluara me çati njëujse. Në ndryshim nga perpunimi i varfer dekorativ i pamjeve të jashtme është apsida, e cila është ndërtuar me bloqe guri të skalitura dhe është gjallëruar nga një harkade e verbër. Permban gjithashtu dhe relieve antike dhe gurë, te marra siç është traditë edhe në kishat e tjera të Myzeqesë, nga Apolonia e Fierit.

Përgatiti: Arkitekt Restaurator Gentian Stratobërdha

[Brari]

pse vjedhin vjedhesit ne Kisha apo vende tjera kulti?

vjedhin sepse nuk i tremben as Zotit as Priftit.

As qeverris kuptohet..

Meqe Zoti vepron me vonese duhet Prifti te veproj shpejt.

Mblidhe fshatin shoku Prift e folu.

Do ta ruajm Kishen apo jo..

Dhe Roje me radhe.. gjith fshati..derisa te kapet vjedhsi..
pastaj huuuu.. po cfar huri.. qe ti ..


..