Parku industrial i Vlores, investimet1.5 miliarde USD
E Shtune, 11 Shtator 2004
Strategjia Kombetare e Energjise ka krijuar shtratin e mbare per investime dhe reforma te thella

ne te gjithe sektoret e energjitikes, duke perfshire HEC-et e vegjel, reformen e cmimeve te energjise, plotesimin e kushteve per krijimin e tregut rajonal te energjise. Ne kete konkluzion arriti dje konferenca per "Investimet ne industri dhe energjitike" e zhvilluar dje ne Tirane. Sipas Ministrit te Energjitikes, Viktor Doda vetem ne Parkun industrial te Vlores, investimet totale se bashku me gazsjellesin e ri dhe naftesjellesin AMBO ne 10 vitet e ardhshme pritet te kapin vleren e 1.5 miliarde usd. Arritjet ne sektorin elektroenergjitik, vecanerisht ne 2 vitet e fundit, kane ndikuar ne permiresimin e imazhit tek donatoret e huaj, te cilet tani jane te gatshem te investojne fillimin e TEC-it te ri ne Vlore, ne Maj 2005. Sektori hidrokarbur, u theksua ne konference, ka pesuar reformim te thelle, si pasoje e te cilit ne Shqiperi ka nje treg te liberalizuar per tregtimin e karburanteve dhe eshte zgjeruar fusha e kerkimeve per nafte dhe gaz nga kompani te huaja. Ndersa pas ristrukturimit jane ne proces privatizimi kompanite publike te naftes dhe jane ne rritje investimet e huaja dhe kerkesat e reja per kete sektor. Ne diskutimet e shumta ne kete konference, pjesemarresit paraqiten fushat e reja ne sektoret qe presin investime te reja vendase dhe te huaja.