Kryeministri Rexhepi-Kunder federates me Serbi dhe Malin e Zi

[StormAngel]

Rexhepi shprehet kundër federatës me Serbinë dhe Malin e Zi


Prishtinë, 28 korrik (MIA) - Kryeministri i Kosovës, Bajram Rexhepi ka deklaruar se zbatimi i standardeve të bashkësisë ndërkombëtare është rruga më e mirë për zgjidhjen e statusit të Kosovës, duke shtuar se është e papranueshme konfederata me Serbinë dhe Malin e Zi.

Këtë qëndrim të Rexhepit e ka bërë të ditur zëdhënësja e Qeverisë së Kosovës, Mimoza Kusari.

Kryesuesi i Këshillit të Ministrave të BE, shefi i diplomacisë holandeze, Bernard Bot ka thënë se marrëveshja tripalëshe ndërmjet Serbisë, Malit të Zi dhe Kosovës, para se gjithash do të kishte për qëllim integrimin ekonomik në frymën e "perspektivës evropiane" dhe se në atë kornizë duhet të kërkohet zgjidhja për pozitën e ardhshme të Kosovës dhe të raporteve të Malit të Zi ndaj shtetit të përbashkët me Serbinë.

"Procesi i vetëm i cili do të ishte i pranueshem nga bashkësia ndërkombëtare për qytetarët dhe institucionet - janë standardët për Kosovën, dhe kjo është rruga më e mirë për përcaktimin e statusit të Kosovës" ka deklaruar Kusari.

Ajo gjithashtu ka theksuar se Rexhepi konsideron se "në qoftë se bashëksia ndërkombëtare dëshiron që njëkohësisht ta zgjidhë statusin e Kosovës e të Malit të Zi, kjo është kompetenca e saj, por nuk mund të zhvillohen dy procese paralele - realizimi i standardeve dhe zgjidhja e statusit të Kosovës".

[StormAngel]

Kryeministri i Kosovës për gazetën e Malit të Zi "Dan"



Rexhepi: Kosova kurrë më me serbinë e Malin e Zi

Podgoricë, 29 korrik - Kosova asnjëherë më nuk do të jetë në përbërje të Serbisë e Malit të Zi, deklaroi sot për gazetën e Malit të Zi "Dan" kryeministri i Kosovës Bajram Rexhepi.

Ai theksoi se nuk e pranon idenë e kryesuesit të Këshillit të Ministrave të Bashikimit Evropian, Bernard Bot, i cili propozoi që çështja e Kosovës të zgjidhet sipas modelit belg.

Rexhepi tha se bashkësia ndërkombëtare në të njëjtën kohë mund ta zgjidh statusin e Kosovës edhe të Malit të Zi, por jo edhe t'i ndajë dy proceset paralele, realizimin e standardeve dhe zgjidhjen e statusit të Kosovës.

Ai përsëriti se Bot-i është interpretuar gabimisht dhe se deklarata e tij kishte të bënte me konfederatën ndërmjet Serbisë e Malit të Zi.

[StormAngel]

Reagim pozitiv i Kryeministrit të Kosovës ndaj raportit të Aide-s

B.Rexhepi: Raporti është një analizë e përpiluar me korrektësi dhe profesionalizëm

I dërguari i posaçëm i Sekretarit të Përgjithshëm te OKB-së në Kosovë, Kai Aide, ka rekomanduar përcaktimin e shpejtë të statusit të Kosovës. Aide, që është ambasadori i Norvegjisë në NATO, rekomandon ndryshime rrënjësore në atë që cilësohet si "strategji për Kosovën".Institucionet e Kosovës dhe UNMIK-un e kanë vlerësuar lartë këtë raport të ambasadorit Aide.Kryeministri i Kosovës Bajram Rexhepi thotë se raporti i tij është një analizë e "përpiluar me korrektësi dhe me profesionalizëm".Muharrem Nitaj bisedoi me kryeministrin e Kosovës, Bajram Rexhepi:

BBC: Cili është vlerësimi i Qeverisë së Kosovës për raportin e të dërguarit të posaçëm të Sekretarit të Përgjithshëm të OKB-së, ambasadotrit Kai Aide, në Kosovë?

Zoti Rexhepi: Raportin e ambasadorit Aide e kam lexuar në gjuhën angleze. Ndoshta nuk jam thelluar në të gjitha detajet akoma, por nga leximi i parë mund të them se është një raport mjaft përmbajtësor, i përpiluar mirë, i cili i prek gati të gjitha elementet kryesore të situatës aktuale. Raporti bën sugjerime se çfarë është ajo që duhet të transformohet në Misionin e OKB-së në Kosovë, në afate të ndryshme. Përfundimisht mendoj se raporti është një analizë e përpiluar me korrektësi dhe me profesionalizëm. Unë kam vlerësim shumë të mirë për të.

BBC: Zoti Kryeministër, kërkesat e Qeverisë suaj gjatë gjithë kësaj kohe kanë qenë mjaft eksplicite, që të barten më shumë përgjegjësi nga UNMIK-u tek institucionet vendore të Kosovës. A përputhen kërkesat tuaja me rekomandimet e ambasadorit Aide, në raport?

Zoti Rexhepi: Përafërsisht po. Ne kemi pasur pretendime për krijimin e disa ministrive. Në mënyre të tërthortë aty përmendet roli i Shërbimit Policor të Kosovës, qi ai të kalojë në duart e kosovarëve. Ky raport edhe pse nuk i përmbush të gjitha kërkesat tona për një qeveri më komplete, unë mëndoj se e përmbush shumicën prej tyre. Hartimi i këtij raporti nga një ndërkombëtar, nga një përson neutral, është një raport mjaft i avancuar.

BBC: Ambasadori Aide, gjatë fazës së përpilimit të raportit ka qëndruar disa herë në Kosovë. Disa herë është takuar edhe me ju. Sa janë përfshirë në këtë raport-sygjerimet e qeverisë suaj?

Zoti Rexhepi: Shumë prej tyre janë përfshirë. Unë i pata bërë një sygjerim ambasadorit Aide, që kur të flasë me zyrtarët ndërkombëtarë, të mos flas me ta në baza zyrtare por private. Sepse për shumë çështje ata kanë qëndrime të ndryshme, nga pozicioni që e kanë. Dhe kjo mendoj unë ka pasur një efekt të posaçëm.

BBC: Zoti kryeministër. Ju u bëtë thirrje publike serbëve të Kosovës që të marrin pjesë në zgjedhje, mirëpo ata vazhdojnë të jenë të palëkundur që të bojkotojnë këto zgjedhje?

Zoti Rexhepi: Kërkesa e Qeverisë ka qenë shumë e drejtë. Serbët duhet ta shfrytëzojnë të drejtën e tyre dhe të marrin pjesë në zgjedhje, që kërkesat e tyre t'i artikulojnë përmes përfaqësuesve të zgjedhur në institucione. Mirëpo për fat të keq, politika destruktive e Beogradit, po i pengon ata që të dalin në zgjedhje, po i vë serbët e Kosovës në një pozitë të pavolitshme duke u sygjeruar atyre që të mos dalin në zgjedhje. Mendoj së kjo e izolon komunitetin serb dhe i pamundëson atij që t'i realizojë të drejtat e veta përmes institucioneve, por përmes shantazheve dhe mënyrave të tjera.

BBC: Pasnesër në Prishtinë, vjen shefi i ri i UNMIK-ut, Soren Jesen Petersen. Cili do të jetë bashkëpunimi i Qeverisë me shefin e ri të UNMIK-ut dhe cili do të jetë roli i tij në zgjidhjen e problemeve që ka Kosova aktualisht?

Zoti Rexhepi: Mendoj se do të kemi një bashkëpunim shumë të mirë. Ne i kemi shtjelluar shumë çështje gjatë një takimi që kemi pasur me 29 korrik në Salsburg. Unë i kam bërë një prezantim të hollësishëm të gjendjes në Kosovë dhe i kam dhënë sugjerimet se çfarë duhet të ndërmirret që të kemi një përparim më të theksuar në Kosovë. Soren Peterson, është mjaft i përkushtuar, është mjaft i informuar, e ka edhe vendosmërinë, mirëpo edhe fleksibilitetin, që t'i dëgjojë partnerët dhe të bashkëpunojë ngushtë dhe takimet e para me të janë mjaft premtuese. Mendoj se do të kemi një bashkëpunim të mirë dhe shumë gjëra do të lëvizin në drejtimin e duhur.

[StormAngel]

Deklarata e kryeministrit Rexhepi vjen si pasoje e ketij raporti nga Aide:

Kai Aide:

“Situata në Kosovë sot karakterizohet nga pakënaqësia dhe frustracionet në rritje”

Ndër rekomandimet që jep Kaide në raport theksohet se "politika 'Standardet para statusit' duhet të zëvendësohet me një politikë dinamike të bazuar në standarde prioritare, në kuadër të kornizës së përgjithshme të strategjisë së integraar, me qëllim që të lehtësohet diskutimi rreth statusit. "Duhet të përcaktohen tri rishqyrtime të ndërmjetme të standardeve para shqyrtimit nga mesi i vitit 2005".Pa zvarritje duhet të lansohet politika e transferimit të mëtutjeshëm të kompetencave, duke i dhënë Institucioneve të Përkohshme të Kosovës ndjenjën e pronësisë dhe përgjegjësisë, e gjithashtu edhe kërkimin e përgjegjësisë nga ato, thuhet në këto rekomandime. "Kjo duhet të përfshijë edhe krijimin e ministrive të reja të energjisë, të drejtësisë dhe çështjeve të komuniteteve, të drejtave të njeriut dhe kthimit".

Prishtinë, 13 gusht - "Situata në Kosovë sot karakterizohet nga pakënaqësia dhe frustracionet në rritje. Në forma të ndryshme, ajo ndikon në të gjitha pjesët e shoqërisë - te shqiptarët, serbët dhe pakicat e tjera. Politika jonë momentale vlerësohet si statike dhe e paaftë që t'u përgjigjet problemeve të vërteta, me të cilat po ballafaqohet Kosova", theksohet në raportin për Kosovën të hartuar nga Kai Aide, i dërguar i posaçëm i sekretarit të përgjithshëm të OKB-së Kofi Anan, pas dy vizitave në Kosovë dhe pas shumë takimesh që pati me politikanë në Prishtinë dhe qendrat e tjera.

Më tutje në raport thuhet se "rregullimet e vogla vetëm sa do ta shtojnë frustrimin, shtojnë rrezikun nga një dhunë edhe më e madhe, dëmtojnë reputacionin e Kosoves dhe dobësojnë komunitetin ndërkombëtar". Ndërkaq për mbërritjen në Kosovë të Përfaqsuesit të ri Special të Sekretarit të Përgjithshëm të OKB - së, thuhet se ai do të hapë një "dritare të mundësive", për të rimarrë sërish iniciativen, i cili duhet të sjellë një strategji të re koherente dhe dinamike.

Perspektiva afatgjate, thotë në raport Aide, duhet të jetë shqyrtimi i statusit të ardhshëm të Kosovës. "Pa prejudikuar statusin e ardhshëm, strategjia e re duhet të bazohet në idenë se çështja e statusit të ardhshëm duhet të adresohet së shpejti".

Në raport vlerësohet se pjesa më e madhe e udhëheqësve të shqiptarëve të Kosovës qasjen momentale e vlerësojnë si politikë të status kuosë, e cila vetëm sa mund të shpjerë drejt përkeqësimit të mëtutjeshëm të kushteve të vështira ekonomike dhe sociale dhe theksohet se këtë qëndrim e ndan edhe pjesa më e madhe e popullatës shumicë.

"UNMIK-u është shndërruar në shënjestër të kritikave; kritikohet për mungesë të kompetencës për të qeverisur Kosovën dhe për mungesë të vullnetit, apo mandatit, për ta lëvizur Kosovën drejt statusit të ardhshëm".

Pjesa më e madhe e politikanëve shqiptarë të Kosovës kanë kuptuar se dhuna e marsit ka dëmtuar reputacionin e Kosoves dhe përkrahjen në radhët e bashkësisë ndërkombëtare dhe se ajo mund të ketë efekt negativ në aspiratat e tyre politike, thuhet më tutje në raport. Udhëheqësit shqiptarë të Kosovës gjithashtu kanë nënvizuar edhe nevojën për bartjen e mëtutjeshme të përgjegjësive në Institucionet e Përkohshme të Vetëqeverisjes. Në mungesë të këtij transferi dhe lëvizjes drejt bisedave rreth statusit të ardhshëm, ata kanë tërhequr vërejtjen se frustrimet ekzistuese mund të thellohen, thotë Aide në raportin e tij.

Ndërkaq ndër rekomandimet që jep Kaide në këtë raport theksohet se "politika 'Standardet para statusit' duhet të zëvendësohet me një politikë dinamike të bazuar në standarde prioritare, në kuadër të kornizës së përgjithshme të strategjisë së integraar, me qëllim që të lehtësohet diskutimi rreth statusit. "Duhet të përcaktohen tri rishqyrtime të ndërmjetme të standardeve para shqyrtimit nga mesi i vitit 2005".

Pa zvarritje duhet të lansohet politika e transferimit të mëtutjeshëm të kompetencave, duke i dhënë Institucioneve të Përkohshme të Kosovës ndjenjën e pronësisë dhe përgjegjësisë, e gjithashtu edhe kërkimin e përgjegjësisë nga ato, thuhet në këto rekomandime. "Kjo duhet të përfshijë edhe krijimin e ministrive të reja të energjisë, të drejtësisë dhe çështjeve të komuniteteve, të drejtave të njeriut dhe kthimit".

Ndërkaq për Përfaqësuesin special të Sekretarit të Përgjithshëm të OKB-së, Aide thotë se ai duhet të jetë i gatshëm që të shfrytëzojë më shumë sanksionet dhe të intervenojë pa vonesë dhe me listat e masave të mundshme që mund të ndërmerren.

"UNMIK-u do të duhej të rirreshtohej dhe të rikonstruktohej gjatë kësaj vere, me qëllim që të ofrojë një energji të re dhe përpjekje më të koncentruara kur bëhet fjalë për sfidat kyç", rekomandon Aide, por reduktimin gradual të UNMIK-ut.

Përgatitjet për këtë transfer të kompetencave tek organizatat rajonale duhet të fillojnë më herët, duke u mbështetur në marrëveshjet e arritura dhe si pjesë e strategjisë së përgjithshme.
Për BE-në thuhet se urgjentisht duhet të hartojë një strategji për zhvillim ekonomik dhe të konsolidojë pranitë e saj të ndryshme në Kosovë, ndërkaq NATO duhet të ruajë praninë e KFOR-it për të siguruar një ambient të sigurt.

Pa shtyrje duhet të inicohet një dialog më intensiv me Beogradin, si dhe të krijohet një mekanizëm konsultativ ndërkombëtar i nivelit të lartë për Kosovën, në të cilin do të përfshiheshin kryeqytetet dhe shtabet kyç qendrore, thotë Aide dhe rekomandon që OKB-ja duhet të inicojë gjatë kësaj vjeshte diskutime serioze kërkimore rreth çështjes së statusit të ardhshëm të Kosovës.

[StormAngel]

Pas zgjedhjeve fillon dialogu Prishtinë-Beograd

- 23/08/2004 "Bisedimet mes Prishtinës dhe Beogradit mund të ndodhin pas zgjedhjeve lokale të Serbisë dhe pas zgjedhjeve parlamentare në Kosovë", deklaroi sot kryeministri i Kosovës, Bajram Rexhepi. Ai theksoi se nëse serbët e Kosovës nuk dalin në votim në zgjedhjet parlamentare të Kosovës, do të mbesin të izoluar dhe se për ata është më mirë që të marrin pjesë në proceset demokratike. Rexhepi duke u bazuar në vlerësimet se bashkimi i Serbisë e i Malit të Zi do ta përshpejtojë procesin e hyrjes në Bashkimin Evropian, theksoi se nuk dëshiron që të përzihet në punët e tyre të brendshme. Zgjedhjet vendore në Serbi janë caktuar më 19 shtator, ndërsa zgjedhjet parlamentare në Kosovë për më 23 tetor

[StormAngel]

Prishtinë

Shqyrtohet plani serb për decentralizimin

Burimet diplomatike në Prishtinë thanë se takimi, i cilësuar si teknik, do të zhvillohet në nivel ekspertësh të Kosovës dhe Serbisë, me pjesëmarrjen e përfaqësuesve serbë të Kosovës, por nuk dhanë ndonjë datë të caktuar dhe as vendin se ku mund të mbahet ai. Por zoti Jessen Petersen i ka bërë me dije kryeministrit Koshtunica se për të qenë i qëndrueshëm procesi i reformimit të pushtetit vendor në Kosovë ai duhet të zhvillohet në Prishtinë

Shefi i misionit të OKB-së në Kosovë, Soren Jessen Petersen, në një letër dërguar kryeministrit të Serbisë, Vojisllav Koshtunica, ka shprehur gatishmërinë që ta diskutojë plotësisht planin serb për decentralizimin në Kosovë.

Ky plan është vënë si kusht nga Beogradi zyrtar për hapjen e dritës jeshile për serbët e Kosovës që të marrin pjesë në zgjedhjet e tetorit.

Zoti Jessen Petersen e siguron zyrtarin serb se pjesë të planit të qeverisë së Serbisë për decentralizim do të mund të përshtaten në planin e Prishtinës, të hartuar nga grupi i përbashkët i institucioneve vendore dhe atyre ndërkombëtare.

Shefi i administratës ndërkombëtare në Kosovë i shkruan kryeministrit serb se Grupi i Kontaktit dhe misioni që ai udhëheqë e kanë studiuar mirë planin e Serbisë dhe po i njëjti, sipas tij, do të mund të diskutohet së shpejti në një takim të përbashkët të grupeve punuese të Prishtinës dhe Beogradit. E dimë se cilat janë shqetësimet e pjesëtarëve të pakicës serbe në Kosovë dhe ato kanë të bëjnë me sigurinë dhe me garancitë institucionale me të cilat garantohet se pakicat nuk do të mbivotohen gjithnjë nga shumica

Burimet diplomatike në Prishtinë thanë se takimi, i cilësuar si teknik, do të zhvillohet në nivel ekspertësh të Kosovës dhe Serbisë, me pjesëmarrjen e përfaqësuesve serbë të Kosovës, por nuk dhanë ndonjë datë të caktuar dhe as vendin se ku mund të mbahet ai.

Por zoti Jessen Petersen i ka bërë me dije kryeministrit Koshtunica se për të qenë i qëndrueshëm procesi i reformimit të pushtetit vendor në Kosovë ai duhet të zhvillohet në Prishtinë.

Ndërkohë, shqetësimet e Beogradit zyrtar për sigurinë më të madhe për serbët në Kosovë, thotë në letrën e tij Jessen Petersen, janë shikuar me kujdes dhe pas ngjarjeve të marsit janë marrë masa shtesë në vendbanimet ku jetojnë pakicat.

Ky shqetësim dhe çështja e mbivotimit të pakicave në Kosovë janë dy pikat kyçe të planit serb për decentralizim që vetë misioni i OKB-së në Kosovë thotë se i ka marrë në shqyrtim me shumë kujdes.

"E dimë se cilat janë shqetësimet e pjesëtarëve të pakicës serbe në Kosovë dhe ato kanë të bëjnë me sigurinë dhe me garancitë institucionale me të cilat garantohet se pakicat nuk do të mbivotohen gjithnjë nga shumica. Ne jemi duke i shqyrtuar këto shqetësime dhe diskutimet po zhvillohen në grupin punues, por dokumenti kornizë mbetet ai që është," tha zëdhënësja e UNMIK-ut Metchild Henneke.

Sidoqoftë, plani i qeverisë serbe për zgjidhjen politike të problemit në Kosovë, i miratuar edhe nga Kuvendi i Serbisë, duket se përfundimisht do të shqyrtohet me qëllim të ofrimit të një baze për pjesëmarrjen e serbëve të Kosovës në zgjedhje.

Por mësohet se përveç dy pikave kryesore të tij nuk do të ketë përmirësime të tjera në planin e Prishtinës për reformim të pushtetit vendor.

Rexhepi:

Propozimi i Beogradit për decentralizimin shpie në copëtimin e Kosovës

Beograd, 10 shtator - Kryeministri i Kosovës, Bajram Rexhepi e hodhi poshtë propozimin e Beogradit për decentralizimin e pushtetit në Kosovë dhe përsëriti se bëhet fjalë për një qëllim që synon copëtimin territorial të Kosovës.

"Propozimi serb për decentralim në thelb shpie në copëtimin e Kosovës. Ai ka për qëllim ta ndajë Kosovën dhe më shumë është një dokument politik. Mendoj se në të nuk ka diçka që eventualisht do të mund të zbatohej", tha Rexhepi për "Zërin e Amerikës".

Rexhepi konsideron se qëndrimi i paqartë i Beogradit zyrtar për pjesëmarrjen e serbëve të Kosovës në zgjedhjet e tetorit dëshmon se autoritetet serbe edhe këtë herë i instrumentalizojnë serbët e Kosovës.