Dosja e korrupsionit shteteror

[Anton]

Pushteti Lokal nuk i do investimet e huaja

Një grup ekspertësh amerikanë të Bankës Boëtore, të cilët kanë kryer një studim për Portin e Durrësit, arrijnë në konkluzionin se në Durrës ka njerëz që nuk i duan investimet e huaja. Projekti, i cili ishte përfshirë në masterplanin e Bankës Botërore, kishte si synim dhënien e lejeve për ngritjen e tankerave në port, dështim që pasohet edhe me projektin për ngritjen e një porti peshkimi, që jo vetëm nuk u aprovua nga Këshilli Bashkiak i Durrësit, por u shoqërua edhe me dhënien e lejeve për ndërtime shumëkatëshe. Dështimi i projekteve nuk përfundon me kaq, pasi edhe para një viti u ndalua funksionimi i një biblioteke angleze, edhe pse për hapjen e saj u investuan rreth 100 mijë dollarë. Këneta, duke qenë se tashmë është bërë një zonë e mbipopulluar, e ka të nevojshme edhe ngritjen e një biblioteke. Projekti i Sorosit, i cili ka 3 vjet që funksionin në Durrës, kishte për qëllim hapjen e një biblioteke në Kënetë dhe kërkonte 400 mijë lekë për të mbijetuar, mirëpo nga ana e Bashkisë nuk gjeti mbështetje, por gjithësesi nuk munguan financimet nga grupe vokalë, të cilët u prezantuan si grupe me kontribut vullnetar. E veçanta e dështimit të këtij projekti ka qenë kundërshtia e grupeve të arsimit, kryesisht dy drejtues të dy gjimnazeve kryesore të qytetit të Durrësit. Dështimi i projekteve nuk ka të sosur.

Ky fakt bëhet edhe më konkret dhe me projektin e një firme italiane, e cila kishte si synim ngritjen e një termocentrali. Korrupsioni në Pushtetin Lokal dhe në Këshillin bashkiak të Durrësit po sjell si pasojë paralizimin e zhvillimit të qytetit numër të dy të Shqipërisë.

F. Bici


Po mire kjo si shpjegohet?

As pare nuk dune mo keta monstra?

Me duket jemi bere nje shoqeri skizofrene totale e pashembullt.

[Vinny_T]

Keto jane ato qe thote shtypi dhe gazetaret pa njohur fare çeshtjet dhe pa patur asnje lloj kompetence japin mendimin e tyre. Perpara se te bejne nje analize le te studjone dosjet ne fjale dhe pastaj te japin informacione te tilla. Une per vete nga ato qe nuk shktuhen nuk kuptoj asgje, nuk me sqaron asgje thjesht projekti deshtoi dhe pa studjuar shkaqet dhe problemet ne lidhje me keto projekte.
Per termocentralin e italianeve asnje se njef çmimin e vertete te termocentralit dhe ishte fizibel apo jo keshtu qe perderisa nuk me jepen fakte
dhe argumenta solide sme duket asgje shokuse ne kete rast.
pershendetje

[Anton]

e drejte po ky artikull si te duket?

Sekretari i Majkos ne milionat e tenderave

Sekretari i Majkos ne milionat e tenderave


Ne Lezhe ka nje rruge kryesore, e cila te con ne varrezat e qytetit, por qe eshte kthyer ne nje ferr per te gjithe ata qe drejtohen per te percjelle te vdekurit per ne banesen e fundit. Rruga eshte prej nje viti e pakalueshme. Gjate fushates elektorale te vitit te kaluar ish-kryeministri Meta dhe kryetari i PS-se Nano e premtuan publikisht dhenien e nje fondi per rregullimin e saj. Fjala u mbajt ne dhenien e fondit qe duhej per ta riparuar krejtesisht, bile ne preventivin e saj u shtuan edhe pjesa e ndricimit dhe ujesjellesi, i cili do te mund te rregullohej paralelisht. Deri ketu punet ishin ne rregull. Iku qeveria Meta dhe u ngjit Majko i rrethuar nga nje mori keshilltaresh, te cilet ishin turrur cili te kapte dicka me shume se tjetri. Duke ditur eunukerine e kryeministrit Majko ata emeruan njerezit e tyre ne AKP, e cila quhet Agjensia e Prokurimit Publik prane Keshillit te Ministrave. Ne fillim firmoste Artan Tabaku si drejtor, me pastaj vune nje Behar Zeneli, i cili merrte udhezimet nga sekretari i Pergjithshem i kryeministrise Ksenofon Krisafi. Saktesojme se Kristafi ka ardhur nga ambasador direkt e ne kete post me urdher te Majkos ne shkurt te ketij viti.

Ky, Krisafi, nje ambasador i uritur per para e me projekte per tu bere biznesmen urdheron AKP per te gjitha tenderat qe behen ne Republike ne menyre qe te perfitoj pjesen e tij. Edhe gazeta e PS-se ne pushtet "ZP" para disa ditesh kritikonte bllokimin e investimeve ne Kucove nga drejtori i AKP-se Behar Zeneli. Natyrisht qe AKP eshte e ndertuar me ligj qe kontrollon te gjithe tenderimet dhe jep viston perfundimtare nese ato jane ne rregull. Parimisht keshtu duhet te funksionoj, porse ne realitet AKP eshte kthyer ne nje tra qe u vihet tregtareve te firmave firmave fituese per t'iu kerkuar rryshfete me argumentin se "perderisa i ke kaluar te gjitha shkallet e kontrollit jep dicka tek ne, nese do t'i kaloj parate...". Keshtu eshte kthyer AKP qe punon prane kryeministrit e per stafin perreth kryeministrit Majko, i cili ose ben sikur nuk kupton ose eshte nje finok i madh qe mbush xhepat me duart e shoqeruesit te tij. Pra, fondi i rruges se varrezave ne Lezhe kaloi ne disa etapa (sic mund te lexoni edhe dokumentat e botuar) nga Bashkia ne ministrine e Turizmit dhe Rregullimit te Territorit, ku ka firmosur ministri Fatmir Xhafaj per korrektesine e veprimeve te kryetarit te bashkise se Lezhes zotit Gjok Jaku. Me pas AKP ka urdheruar bllokimin e procedurave te prokurimit, pasi nje firme tjeter private e cila kishte konkuruar ne Lezhe e qe kishte paguar nje shume te madhe rryshfeti ne zyrat e kryeministrise, donte shpagimin, pra bllokimin e fondit derisa ta merrte vete pjesen per te cilen kishte paguar. Ndersa vazhdonin ecejaket e pazareve ne Tirane e ne kryeministri per parate e rrugesse varrezave ne Lezhe, ajo shkaterrohej cdo dite aqsa tani eshte bere si mos me keq dhe sic duket ceshtja do te shkoje ne gjyq e gjyqi do te vonoje parate per lezhjanet, te cilet duan rrugen e premtuar. Pas ankeses se kryebashkiakut Jaku per lojerat e kryeministrise e te stafit te Majkos deputeti i Lezhes Nikolle Lesi takohet me drejtorin e AKP-se,i cili e drejtoi per tek sekretari i Pergjithshem i kryeministrise Ksenofon Krisafi. Ky i fundit me nje ton mosperfilles dhe intrigues ia kalon pergjegjsine kryeministrit Majko, ndonese ishte ai qe urdheronte bllokimin e fondeve te Lezhes per interesa perfituese private. Deputeti Lesi merr kontakt edhe me kryeministrin duke i kerkuar qe dikush duhej te mbante pergjegjsi per keto sorollatje nga nje zyre ne tjetren te fondeve per rrugen e Lezhes. Kryeministri ben sikur iu bertet vartesve per ankesen e deputetit Lesi dhe premton se ceshtja do te shtrohet ne Keshillin e Ministrave ne njeren prej dy mbledhjeve te fundit. Nderkohe firma qe kishte paguar rryshfetin ne kryeministri ose tek sekretari I Pergjithshem Krisafi ose tek drejtori i AKP-se Behar Zeneli shprehet ne publik se ate tender do ta marr une, pasi kam paguar ne kryeministri. Meqenese tallja me fondet e rruges kryesore te qytetit po kalonte caqet, atehere deputeti Nikolle Lesi me date 17 korrik 2002 i beri nje leter Prokurorit te Pergjithshem te Republikes zotit Theodhori Sollaku ku i kerkoi hetimin e procedurave te ketij tenderimi dhe te vihen para pergjegjesise penale cilido prej emrave qe ishte perzier: Gjok Jaku ose Fatmir Xhafa, Ksenofon Krisafi ose Behar Zeneli (shiko faksimilen e letres). Si per te mos mjaftuar gjithe keto pazare parash sekretari i Pergjithshem i kryeministrise dhe shefja e kabinetit te Majkos Ardiana Berberi thone se "ka ardhur nje leter sekrete e drejtorit te SHIK-ut te Lezhes kolonel Mark Frroku ku shkruhet se jane bere pazare ne tender ne Lezhe". Se cka shkruar kolonel Mark Frroku eshte pune e linjes se tij, pasi, sipas kryetarit te bashkise se Lezhes zotit Gjok Jaku ai, pra kolonel Frroku i ka kerkuar kryebashkiakut qe t'ia jap tenderin dikujt tjeter dhe te ndajne 7 milione leke te reja bashkerisht, gje e cila eshte kundershtuar nga kryebashkiaku. Megjithate pas insistimit te deputetit per kete zhbllokim fondi per Lezhen zoti Ksenofon Krisafi bashke me bodigardin e Majkos kane thirrur drejtorin e AKP-se Behar Zeneli dhe i kane kerkuar qe te firmose nje shkrese tjeter, ku edhe Keshilli i Ministrave te mos i jap te drejte kryebashkiakut te Lezhes. Pra, AKP, per here te pare ne veprimtarine e saj urdheron Qeverine e zotit Majko. Me sakte roja dhe sekretari i Majkos donin te mbushnin xhepat, meqenese shefi i tyre nuk e pati jeten e gjate ne krye te Ezkekutivit pasi mberriti urugani Nano.

Nisur nga ky fakt i pakundershtueshem me dokumenta zyrtare te firmosura nga shume zyrtare te larte del nje konkluzion, te cilin, fatmiresisht e kishte nxjerre para disa diteve edhe ZP, ku AKP eshte kthyer ne bllokuese e investimeve ne baze, duke patur si qellim vetem mbushjen e xhepave per vete dhe shefat e tyre apo edhe perreth kryeministrit. Ne kete rast, ku dosja eshte dorezuar nga deputeti Lesi ne Prokurorine e Pergjithshme per hetime dhe venien para pergjegjsise te zyrtareve te perzier ne kete afere korruptive, Prokurori i Pergjithshem nese bindet nga faktet e servirura apo te hetuara ben mire qe te bej arrestimin me te bujshem te ketij viti, pra ose kryebashkiaku i Lezhes Gjok Jaku ose ministri Fatmir Xhafaj ose drejtori i AKP-se ehar Zeneli ose sekretari i Pergjithshem i Keshillit te Ministrave Ksenofon Krisafi te arrestohen dhe te behet shembulli i pare i forces se Ligjit. I pyetur mbreme nga "KJ" kryebashkiaku Jaku u shpreh se "kam respektuar pike per pike ligjet dhe nese une nuk kam respektuar ligjet ne fuqi shkoj vete ne dyert e burgut, por jane te tjere ata qe e kane bllokuar kete investim per Lezhen per te fituar rryshfete qe nga kryeministria. Neser do te flas me qarte per median dhe do te kerkoj qe Prokuroria te hetoje mbi keshilltaret dhe sekretaret e zotit Majko. Kam kerkuar takim me kryeministrin per kete problem prej nje muaji dhe nuk me ka pritur". Kurse ministri i Rregullimit te Territorit dhe Turizmit Fatmir Xhafaj tha se cdo gje eshte konform ligjit nga bashkia e Lezhes, duke nenkuptuar se pazaret jane ne kryeministri. Kurse sekretari i Pergjithshem i kryeministrise Ksenofon Krisafi, pas mbledhjes se qeverise, ishte me tregtarin qe kishte paguar parate per tenderin dhe nuk pati kohe per t'iu pergjigjur gazetes.

Tani pritet gjyqi nga bashkia ndaj AKP-se , kurse Prokuroria e Pergjithshme te arrestoje te korruptuarit. Ndersa qytetaret e Lezhes prape do te udhetojne per ne rrugen e varrezave duke percjelle ne banesen e fundit te dashurit e tyre mes udhes plot gropa, aqsa thuhet me shaka se "ne kete rruge vdesin edhe ata qe percjellin te vdekurit"!

[Vinny_T]

"Ky Krristafi njeri i uritur per para dhe me projekte per tu bere biznesmen" !!!
Ketu Gazeta fillon gjykon nje njeri ashper dhe nuk sjell asnje lloj fakti!! Nuk e njof fare kete person po te thuash njeri i uritur per para mund ta thuash per çdo njeri sot ne Shqiperi...

Me pas APK ka urdheruar bllokimin e procedurave te prokurimit, pasi nje firme tjeter private qe ka konkuruar ne Lezhe e qe kishte paguar nje shume te madhe rryshfeti ne zyrat e kryeministrise...
Gazeta flet sikur zedhenesi i kryeministrit apo ku di une ka dhene nje koference per shtyp dhe ka thene te gjitha keto....
Si mund te shkruaj nje gazetar nje gje te tille kur dihet qe ne Shqiperi eshte pothuajse e pamundur te provosh nje gje te tille !!!Si mund te thote gazeta qe te kryeministri jane marre para vetem se dikush paska thene qe do ta fitoj une tenderin?!! nejse po vazhdoj me poshte..
"Me sakte roja dhe sekretari i Majkos donin te mbushnin xhepat"... Para dy rrjeshtat thuhet se i kane mbushur e eshte fakt i pakundershtueshem!! e tani shkruhet qe donin ti mbushnin!!.. po vazhdoj me poshte me theniet e gzetarit kopetent

"Ne kete rast, ku dosja eshte dorezuar nga deputeti Lesi ne Prokurorine e Pergjitheshme per hetimedhe venien para pergjegjesisete perzier ne kete afere koruptive, Prokurori i Pergjithshem nese bindet nga faktet e servirura apo te hetuara" deri pak perpara gazetari i talentuar e kishte te sigurte dhe shkruante qe faktet ishin te pakundershtueshme dmth bente dhe rolin e gjykataesit dhe pse nuk ka njohurite e duhura dhe aq me shume aspak kopetencen te beje diçka te tille.. dhe me pas vazhdon gazetari....
"nqs bindet nga faktet e servirura apo te hetuara BEN MIRE QE TE BEJE ARRESTIMIN ME TE BUJSHEM TE KETIJ VITI, PRA OSE KRYEBASHKIAKU I Lezhes Gjok Jaku ose ministri Fatmir Xhafaj ose drejtori i APK-se ose....TE ARRESTOHEN E TE BEHEN SHEMBULLI I PARE I FORCES SE LIGJIT"....
Me te vertete ky afar mund te jete i turpshem ( smund te flas me kompetence se nuk e njoh e skam elemente) por qe te lexoja nje artikull te tille si ne kohen e komunizmit ku gazetari te bente fleterrufe ne Zerin e Popullit dhe behej dhe gjykates, dhe avokat, dhe prokuror e me rradhenuk kisha pare!! Si mundet qe nje gazetar ti thote Prokurorit te pergjithshem çfare duhet te beje, kur duhet ta beje dhe si duhet ta beje?!! Gazeta e para e punes akuzon njerez qe akoma nuk jane perpara akuzes ne gjykate, i denon ata perpara se te behet proçesi, dhe biles drejton dhe prokurorin e nje shteti dhe i jep urdhera se çfare duhet te beje!!

Mjaft me gazetare debila, me gazetare injorante qe nuk njohin te drejtat dhe kopetencat e profesionit te tyre, u be e 10-ta here qe e shkruaj dhe ketu mjaft me keto absurditete pasi i sherbeni injorances se vendit tone dhe jo zhvillimit te tij.
Trajtoni nje çeshtje si eshte per tu trajtuar se nqs trajtohen ne menyre te tille dhe vete gjykata ska te drejte ti gjykoje pasi te akuzuarit kane te drejten e tyre si çdo shtetas dhe deri sa jane te pa denuar nga organet kompetente jane shtetas qe gezojne te gjitha te drejtat, kjo eshte baza e demokracise.
Pershendetje

[Anton]

Dosja e abuzimeve të KESH-it, për periudhën 2000-2001

4 milion USD në xhepat e qeveritarëve shqiptarë vetëm për një vit!

Dëmi ekonomik i shkaktuar nga korrupsioni në KESH, ndaj shtetit shqiptar vetëm për periudhën tetor-dhjetor 2000 dhe vitin 2001 është 3. 968. 960 USD.Sipas hetimeve dhe fakteve që përmban procedura penale e hapur ndaj ish-drejtorit të përgjithshëm të Kesh-it, e mbështetur në nenin 248 të Kodit Penal, provohet se “horrat” e këtij institucioni në lidhje vertikale kanë “ngrënë” rreth 4 milion dollarë vetëm në harkun kohor të një viti(fund 2000-2001)Kërkesa e Prokurorisë së përgjithshme dërguar parlamentit shqiptar për heqjen e imunitetit të ish-drejtoroit të Përgjithshëm të Kesh-it, Dritan Prifti, përmban të dhëna interesante në lidhje me korrupsionin e zhvilluar në këtë insitucion me anë të tenderave të drejtpërdrejtë të urdhëruara nga funksionarët më të lartë të shtetit dhe të firmosura nga ‘administratorë të papërgjegjshëm”. Kështu për tremujorin e fundit të vitit 2000, nga ana e Kesh-it është inicuar nxjerrja e disa Vendime të Këshillit të Ministrave, të cilat mbulonin të njëjtën periudhë kohore me fonde të njëpasnjëshme dhe kjo, për shkak të mosrealizimit në sasi të kontratave nga subjektet e paraqitura nga KESH-i, Këshillit të Ministrave dhe për më tepër çmime të ndryshme nga të njëjtat subjekte.Si përfundim, dëmi financiar ndaj shtetit si rezultat i parregullsive për tremujorin e fundit të 2000 është në shumën e 520 860 USD. Në lidhje me vitin 2001, shkeljet fillojnë që në janar (4 janar 2001) merr fondin prej 2. 645. 360. 000 lekë. Për t’u përmendur është fakti se nga dokumentacioni i verifikuar del se nuk janë marrë në konsideratë oferta të subjekteve të cilat kanë tentuar të japin energji me çmim më të ulët, por janë preferuar oferta të subjekteve ndërmjetës të energjisë dhe jo të prodhuesve të saj që do të thotë se energjia është blerë jo nga “burimi i saj por nga të tretë për qëllime të qarta të përfitimit.” Në datën 19. 09. 2000 prokurim i drejtpërdrejtë në shumën e 1. 575 000 000 lekë me procedurën “Kërkesë për kuotim”

Për realizimin e këtij prokurimi nga ana e KESH-it iu është drejtuar ftesë për ofertë 9 subjekteve dhe u paraqitën vetëm 2 firma:

“EPCG” Mal i Zi me çmim 29USD/MWh sasia 150 000 MWh

“E>G>L” Zvicër me çmimin 30/USD MWh, sasia 77 000MWh.

Kontrata u lidh me firmën “EGL” Zvicër dhe u realizua vetëm në masën 83, 3 % (6. 10. 2000.) Interesante është se pas shpalljes fituese të firmës nuk rezultojnë asgjëkundi faturat e paguara nga ana e KESH dhe nuk rezulton të jetë bërë furnizim me energji në këtë periudhë pa u sqaruar me dokumente apo praktikë dokumentimi. Në datën 31. 10 2000 një tender i drejtpërdrejtë për blerjen e energjisë elektrike për periudhën nga 28. 10. 2000 - 15. 11. 2000 me fond prej 210. 250. 000 lekë me subjektin EPCG Mal i Zi. Në mbështetje të vendimit të mësipërm është nxjerrë urdhri i prokurimit i datës 31. 10. 2000. Në dosjen e tenderit ekziston një draft kontrate e datës 15. 10. 2000 për sasinë 13,540MWh me çmim 34 USD/MWh për mbulimin e nevojave me energji elektrike për periudhën nga 28. 10. 2000-11. 11. 2000, pra duke mos mbuluar të tërë periudhën kohore të përcaktuar në V. K. M. Ky subjekt kishte nënshkruar më parë kontratën nr. 10661 datë 06.10.2000 me çmimin 29/USDMWh. Dëmi financiar mund të eleminohej nëse do të ishte bërë lidhje e kontratës me çmimin 29 USD/MWh dhe nga ana e KESH-it nuk lidhej kontrata e dytë me çmim 34USD/MWH dhe si rezultat i diferencës së çmimit, shtetit i është shkaktuar një dëm me vlerë 68. 580 USD. Po në 31. 10. 2000 është lejuar prokurimi për blerjen e energjisë elektrike për periudhën 03. 11. 2000-12. 11. 2000 me fond 115. 800. 000 në sasinë e 15. 000 MWh. Kjo kontratë nuk ka pasur parasysh faktin se një firmë tjetër kishte ofruar energji me 30USD/MWH dhe subjekti që u lidh kontrata e shiti energjinë në KESH me 31,2 USD/MWH. Dëmi financiar është 14. 400 USD. Kontrata mban firmën e Dritan Priftit. Po në datën 31. 10. 2000 është lejuar prokurimi për periudhën 31. 10. 2000 deri në 03. 11. 2000 me vlerë 159. 515. 200 lekë. Abuzimi është në vlerën e 557 550 USD

Abuzimet në vitin 2001

Për vitin 2001 kemi 7 tendera nga të cilat 4 me prokurim të drejtpërdrejtë dhe 3 me procedurë. Fondi i lejuar ka qenë 12. 647. 810. 000 lekë për blerjen e energjisë në sasinë 1. 985. 000 MWh ndërsa sasia faktike e kontratuar është 1. 895. 000 ose 90 000 më pak se në vendimet e Këshillit të Ministrave.

Me VKM në datë 04. 01. 2001 është lejuar prokurimi për blerjen e energjisë elektrike për periudhëm janar 2001 deri në mars 2001 në sasinë 34000 MWH me fond në shumën 2. 645. 360. 000. Subjekti përkatës ka qenë “Energy Financing Team” E. F. T-Londër. Kontrata është lidhur në 04. 01. 2001 e ndarë sipas muajve janar 104 000 MWh, shkurt 94 000 MWh dhe mars 110. 000 MWh, pra gjithsej 310 000 MWH nga 340 000 të përcaktuar në V. K. M. me çmimin 36 USD? MWh ose 2,5 USD/MWh më tepër. Çmimi i ofruar nga subjekti është 33,5 USD. Si rezultat është shkaktuar dëmi prej 89. 605 USD. Edhe kjo kontratë mban firmën e Priftit.

Në 26. 01. 2001 një tjetër kontratë me fond limit të shumës 2. 645. 360. 000 lekë. Nga ana e Kesh, janë lidhur dy kontrata:

Kontrata nr 08/1-01 datë 27. 02. 2001 për sasinë 23000 MWH për periudhën 01. 02. 2001-28 02-2001 me pmimin 35 USD

Kontrata nr 09/1-01 datë 27. 02. 2001 çpr sasinë në 60 000 MWh me çmimin 34,8 USD

Nënshkrimi i kryre kontratave është bërë pa nxjerrë urdhrin e prokurimit për tenderimin e sasive të përcaktuar në V. K. M dhe lidhja e tyre është bërë pa një ofertë paraprake për ndryshimin e ofertës nga subjekti i cili ofroi çmimin e 33,5 USD/MWh. Si pasojë e veprimeve abuzive të nësipërme është shkaktuar dëm financiar 79,878. 5 USD

Me VKM nr 141 datë 22. 03. 2001 është lejuar prokurimi për blerjen e energjisë për periudhën Prill Qershor 2001 në sasinë 450. 000 MWh me fond limit në shumën e 3. 217. 500. 000 lekë. Sipas procesverbalit të komisionit të datës 03. 04. 2001 kanë marrë pjesë 4 subjekte nga ku fitues ka dalë E. F. T pasi ka ofruar çmimin 27,6 USD. Me subjektin në fjalë është lidhur kontrata nr 17/1 01 datë 12. 04. 2001, pa sasinë 378. 066 MWh ndërkohë që procedura e prokurimit është miratuar me shkresën nr 2135/1 Prot. Datë 18. 04. 2001 nga A. P. P. Kjo kontratë është realizuar ë fakt në masën 84,01 %. Si rezultat i moszbatimit të pikës 6 të VKM nr 335 datë 23. 06. 2000 për sigurimin e kontratës në masën 10% është shkaktuar një dëm financiar në shumën 1. 242. 000 USD.

Por nga materiali hetimor rezulton se nga ana e KESH është blerë energji elektrike për periudhën 20 qershor-2 korrik 2001 nga K. E. K Kosovë. Për sasinë 15. 130 MWh. Për këtë është përpiluar kontrata më datë 17. 07. 2001. Pra pasi ëshyë blerë me parë energji elektrike, veprim ky në kundërshtim të hapur me Ligjin për prokurim publik të datës 26. 07. 1995.

Blerja e kësaj energjie para nënshkrimit të kontratës vërtetohet me faturën nr 87/01 datë 03. 07. 2001 të K. E. K Kosovë për furnizimet e kryera:

8. 380 MWh për periudhën 20-25 qershor me çmim 21 USD/MWh

4. 970 MWh për periudhën 25-30 qershor me çmim 17 USD

780MWh për periudhën 01-02 Korrik me çmim 17 USD. Kontrata mban firmën e ish-drejtoruit të përgjithshëm.

Me Vendim të Këshillit të Ministrave nr 450 datë 17. 06. 2001 është lejuar prokurimi për blerjen e energjisë elektrike për periudhën Korrik-Shtator 2001 në sasinë 300 000 MWh me fond 1. 422. 900. 000 lekë dhe ftesë për 19 subjekte. Sipas procesverbalit marrin pjesë vetëm tre firma nga ku fitues del subjekti E. F. T. pasi ka ofruar çmimin me 30,4 USD

Me VKM nr 464 datë 17. 07. 2001 është lejuar prokurimi për blerjen e energjisë për periudhën korrik-shtator 2001 në sasinë 145. 000 MWh me fond në shumën 835. 000. 000 lekë për prokurim të drejtpërdrejtë me subjektin N. E. K. –Bullgari. Në zbatim të këtij vendimi është lidhur kontrata nr 21/200 datë 18. 07. 2001 për sasi të papërcaktuar, me çmim 28,5 USD. Në dosjen e prokurimit mungojnë urdhri për prokurimin dhe sidomos mungon tërësisht praktika e negocimit si dhe oferta konkrete e subjektit ku të përcaktohej çmimi i ofruar. Nga ky subjekt, është blerë sasia prej 120 000 MWh. Kjo kontratë është realizuar në fakt në sasinë 82,76%. Si rezultat i moszbatimit të pikës 6 të V. K. M nr 335 datë 23. 06 2000 është shkaktuar dëm financiar në shumën e 413 250 USD.

Me V. K. M nr 496 datë 14. 08. 2001 është lejuar prokurimi për blerjen e energjisë elektrike për perudhën Tetor-Dhjetor 2001 në sasinë 550 milion MWh për prokurim me procedurën “Kërkesë për kuotim” duke iu dërguar ftesë oferte 14 subjekteve dhe sipas procesverbalit të komisionit kanë shpallur fituese dy kompani. Këto subjekte kanë qenë:

Subjekti “Montmontacana” P/C Kroaci me çmimin 33,9 USD/MWh.

Subjekti “E. F. T” Londër me çmimin 35 USD/MWh

Me subjektin e parë është lidhur kontrata datë 30. 10. 2001 ku është përcaktuar vetëm çmimi për njësi 33,9 USD/MWh dhe nuk është përcaktuar sasia e furnizimit. Sipas dokumenteve nga ky subjekt është blerë sasia prej 1543. 630MWh

Me subjektin e dytë “E. F. T. “ Londër, është lidhur kontrata nr 34/1 datë 02. 11. 2001, për periudhën tetor-dhjetor 2001, me çmim për njësi 35 USD/MWh për sasinë e furnizimit 400. 000MWh. Sipas dokumentave, ky subjekt ka furnizuar sasinë prej 343. 310MWh, ose 80% të kontratës. Si rezultat i moszbatimit të pikës 6 të VKM, për sigurimin në masë 10% është shkaktuar një dëm financiar në shumën 1. 400. 000 USD

Nga të dhënat, konstatohet se të gjitha kontratat e vitit 2001 janë nënshkruar pa përcaktuar si kusht kontraktual sigurimin e kontratës në masën 10%, kriter ky i parashikuar dhe i detyrueshëm nga Ligji nr 7971 datë 26. 07. 1995, për “Prokurim Publik” dhe pika 6 e VKM nr 335 datë 23. 06. 2000 për “Rregullat e prokurimit Publik”. Kontratat janë nënshkruar po nga ish-drejtori i përgjithshëm i KESH-it.

Nga kontrolli i të gjithë dokumentacionit që ndodhet në dosjen hetimore konstatohen shkelje të rënda duke sjellë për pasojë një dëm financiar për periudhën tetor-dhjetor 2000 dhe vitin 2001 në shumën rreth 4 milion USD. Vlen të theksohet se për vitin 2001 nga tre subjekte të kontaktuara, vetëm N. E. C Bullgari është subjekt prodhues i energjisë elektrike, ndërsa E. F. T. Londër dhe “Montmontacana” Kroaci janë subjekte komisionere, dhe çmimet e shitjes bë USD i kanë pasur më të larta se prodhueset. Për të gjitha këto, duke u mbështetur në nenin 288 të Kodit të Procedurës Penale dhe nenin 73 të Kushtetutës së Republikës së Shqipërisë, Prokuroria ka kërkuar për të proceduar penalisht kundër ish-drejtorit të përgjithshëm të KESH-it, për veprën penale të shpërdorimit të detyrës, parashikuar nga neni 248 i Kodit Penal. Pas kërkesës së Priftit për t’u kuruar jashtë shtetit, Parlamenti shqiptar vendosi që t’i japë kohë Dritan Priftit të kurohet dhe më pas të vijë e të sqarojë pozicionin e tij në lidhje me akuzat e ngrituar nga Prokuroria. Gjithashtu, në pritje të vendimit të Parlamentit për heqjen e imunitetit të ish-drejtorit përgjithshëm, edhe gjykata kohët e fundit ka pezulluar procedurat ligjore ndaj Dritan Priftit.

Po kjo si te duket?

[Anton]

"Gazeta e para e punes akuzon njerez qe akoma nuk jane perpara akuzes ne gjykate, i denon ata perpara se te behet proçesi, dhe biles drejton dhe prokurorin e nje shteti dhe i jep urdhera se çfare duhet te beje!!

Mjaft me gazetare debila, me gazetare injorante qe nuk njohin te drejtat dhe kopetencat e profesionit te tyre, u be e 10-ta here qe e shkruaj dhe ketu mjaft me keto absurditete pasi i sherbeni injorances se vendit tone dhe jo zhvillimit te tij."

Ashtu eshte, por me fal a nuk te duket e tepruar ti quash gazetaret debila?

Te jete per prokuroret shume krime nuk do te zbuloheshin.

Anton

[Vinny_T]

Per artikujt qe flas nuk me duket aspak e tepert qe te trajtoje gazetaret si debila (flas per ata gazetare qe shkruajne keto artikuj dhe jo per çdo gazetar ne shqiperi). Perderisa gazetari me menyren si trajton nje problem shume me rendesi per shoqerine shqiptare, ofendon intelektin e lexuesit, dhe shkel me te dyja kembet etiken e gazetarit, me vjen po eshte vet gazertari qe shkruan keto lloj artikujsh dhe ne kete menyre, ai qe bie ne rolin e debilit dhe te injorantit.
Pershendetje

[Anton]

170 milionë lekë të vjedhura nga ndriçuesit dekorativë pedonalë

Humbja që i është shkaktuar shtetit vetëm në diferencat e preventivëve mes firmës gjermane dhe asaj shqiptare kap shifrën e 10 068 400 lekëve të reja. Po t’i shtohet kësaj shifre edhe shuma që është vjedhur nga mosrespektimi i kontratës duke mos vendosur 14 ndriçues dekorativë pedonalë, atëhere shuma në total e humbjes së parave të taksapaguesve shqiptarë kap shifrën e 16 961 500 lekëve të reja

Grabitja e fondeve të buxhetit të shtetit është realizuar nga firma e përzgjedhur prej Ramës jo vetëm përmes tarifave jashtëzakonisht të larta dhe të pajustifikuara, por edhe duke mashtruar për vendosjen e numrit të përcaktuar në kontratë të objekteve të ndryshme.

Firma gjermane Deutchland TBU ka paraqitur në preventiv vendosjen e 32 ndriçuesve dekorativë. Këto ndriçues janë të vendosur në buzë të trotuareve dhe është shumë e lehtë që ato të dallohen dhe të numërohen nga kushdo. Por numri i saktë i ndriçuesve dekorativë pedonalë nuk është real. Nga verifikimi i numrit të plotë të këtyre ndriçuesve mund të kuptohet se numri i tyre nuk është më i madh se 14. Këtu bëhet fjalë vetëm për ndriçuesit dekorativë të vendosur nga firma gjermane Deutschland TBU, e cila ka bërë rikonstruksionin e vetëm tre ministrive.

Numri i ndriçuesve që mungojnë kap shifrën 18. Në pamje të parë shifra duket jo shumë e madhe, por po të kihet parasysh se vlera e paraqitur në preventiv vetëm për njërin prej këtyre ndriçuesve, konstatohet se grabitja kap shifra jashtëzakonisht të mëdha.

Kështu vetëm njëri prej ndriçuesve dekorativë pedonalë, sipas preventivit të paraqitur nga firma gjermane e zgjedhur me prokurim të drejtpërdrejtë nga Rama-Meta kap shifrën e 382.950 lekëve të reja. Duke bërë një përllogaritje të thjeshtë të 18 ndriçuesve dekorativë që mungojnë atëhere shuma që i është vjedhur buxhetit të shtetit nga firma e Ramës kap shifrën e 6 893 100 lekëve të reja.

Për këtë humbje askush deri tani nuk është ndjerë, ndërsa është mjaft e lehtë të verifikohet se në tre ministritë e rikonstruktuara nga firma e Ramës mungojnë 18 ndriçues dekorativë pedonalë me shumën e sipërpëmendur. Ndërkohë nga buxheti i shtetit është dhënë shuma e kërkuar nga firma gjermane për jo 14 copë që janë të instaluara, por për plot 32 të tilla.

Është mjaft e qartë se buxhetit të shtetit vetëm në këtë rast i janë vjedhur 6 893 100 lekë të reja. Se ku kanë shkuar ato këtë e di mjaft mirë Edi Rama, i cili ka qenë dhe mbikqyrësi i të gjithë këtyre grabitjeve që nuk mund të jenë kryer kurrësesi pa dijeni dhe interesin e tij në mes.



Sa është vjedhja në total

e buxhetit të shtetit



Kjo është vetëm njëra anë e kësaa grabitjeje që kap shifra të larta. Vjedhja tjetër ka të bëjë me faktin se firma shqiptare për të njëjtin ndriçues dekorativ pedonalë paraqet shifra krejt të ndryshme dhe me një vlerë shumë herë më të ulët se preventivi që ka paraqitur firma gjermane. Bëhet fjalë për firmën shqiptare, e cila mori përsipër rikonstruksionin e ministrisë së punëve publike. Në preventivin e kësaj firme është e pasqyruar se vendosja e ndriçuesve dekorativë pedonalë, vetëm për një të tillë kap shifrën e 68 000 mijë lekëve të reja. Shifra e dhënë nga firma shqiptare është të paktën katër herë më e ulët se preventivi i paraqitur nga firma e Ramës. Nëse firma shqiptare do të kishte marrë përsipër të kryente të njëtën punë

sikurse dhe firma gjermane atëhere është e qartë se shuma që do derdhej nga buxheti i shtetit për këtë projekt do të ishte shumë herë më e ulët. Kështu nëse firma shqiptare do të kishte mundësi që të vendoste 32 ndriçues dekorativë petdonalë, atëherë ajo do të arinte vlerën e 2176000 lekëve të reja. Ndërsa firma gjermane e Ramës përveç mosvendosjes fare të 18 ndriçuesve dekorativë pedonalë ka marrë nga buxheti i shtetit shumën e 12.254.400 lekëve të reja. Është e qartë për këdo se humbjet që Edi Rama i ka kushtuar buxhetit të taksapaguesve shqiptarë përmes vjedhjes kapin shifra mjaft të larta.

Humbja që i është shkaktuar shtetit vetëm në diferencat e preventivëve mes firmës gjermane dhe asaj shqiptare kap shifrën e 10068400 lekëve të reja.

Po t’i shtohet kësaj shifre edhe shuma që është vjedhur nga mosrespektimi i kontratës duke mos vendosur 14 ndriçues dekorativë pedonalë atëhere shuma në total e humbjes së parave të taksapaguesve shqiptarë kap shifrën e 16.961.500 lekëve të reja.



Ku kanë shkuar paratë dhe kush përgjigjet për to



Ajo që është e zbardhur nga ky fakt tjetër i dosjes së korrupsionit të Edi Ramës është vlera totale që i është vjedhur parave të taksapaguesve shqiptarë, ndërsa ajo që mbetet për t’u zbardhur nga prokuroria është fakti se ku kanë shkuar këto para dhe se a do të guxojë prokuroria të ngrihet mbi politikën dhe të vërë para përgjegjësisë për këtë abuzim skandaloz me pushtetin ish-ministrin e Kulturës Rinisë dhe Sporteve , Edi Rama. Gazeta do të sarojë në numrat e ardhshëm se shumat që rezultojnë të zhdukura nga preventivat e firmave që morën përsipër rikonstruksionin e ministrtrive janë akoma dhe më shumë të mësdha.

Prokuroria vazhdon të heshtë lidhur me këto grabitje që i janë bërë parave të taksapaguesve shqiptarë megjithëse dosja e korrupsionit të Edi Ramës fle prej disa muajsh në sirtarët e prokurorisë.

Prokuroria duhet të vërtetojë nëse ka vullnetin e duhur dhe të detyruar ligjor për të luftuar korrupsionin. Prokuroria duhet t’i japë përgjigje një sërë pyetjesh që ngrihen tani ndaj prokurorisë. Përse prokuroria duhet të presë që denoncimin duhet ta bëjë media ndërkohë që ajo është në dijeni dhe në brendësi të kësaj dosje, e cila sikurse e ka pranuar prokurori Sollaku vazhdon të hetohet. Përse prokuroria vazhdon të mbajë të mbyllur këtë dosje dhe disa herë është tentuar që ajo të arshivohet, përse prokuroria nuk prononcohet lidhur me këto akte.

A është në gjendje prokuroria të veprojë në bazë të ligjit dhe jashtë presioneve politike, a mund të vihet në lëvizje institucioni i prokurorisë nga abuzimi me pushtetin dhe faktet skandaloze të korrupsionit?

Këto janë pyetje që presin përgjigje nga prokuroria. Gazeta do të botojë në numrat e ardhshëm dhe kohën se kur ajo është vënë në dijeni të shkeljeve flagrante të ligjit nga Ministri i Kulturës Rinisë dhe Sporteve, Edi Rama lidhur me korrupsionin në restaurimin e kompleksit të ministrive dhe Mobilit urban të trotuarave.

RD

[Anton]

Ndjekje penale për ministrin e Arsimit

Shtypshkronjat për shtypjen e librave janë përzgjedhur pa tender nga ministri aktual i Arsimit, i cili do të vazhdojë jetë në krye të kësaj ministrie edhe në qeverinë e Nanos, si dhe drejtori i Ndërmarrjes së Librit

TIRANË - Pas publikimit nga gazeta "RD" të korrupsionit të Ministrisë së Arsimit nëpërmjet tenderave të zhvilluar për shtypjen e librit shkollor, Prokuroria e Tiranës ka filluar menjëherë hetimet. Burime nga Prokuroria e Rrethit Tiranë bënë të ditur dje, se hetimet ndaj Ministrisë së Arsimit kanë filluar pas padisë së Shtëpisë Botuese "Ilar" për shkeljet flagrante dhe abuzimet nëpërmjet tenderave për shtypjen e librit shkollor. Shtypshkronjat për shtypjen e librave janë përzgjedhur pa tender nga ministri aktual i Arsimit, i cili do të vazhdojë jetë në krye të kësaj ministrie edhe në qeverinë e Nanos, dhe drejtori i Ndërmarrjes së Librit me të cilin ndajnë fitimet.

Lajmi u konfirmua edhe nga zëdhënësi i Prokurorisë së Përgjithshme, i cili tha se hetimet kanë filluar para kërkesës së Kryeministrit, i cili më datë 25 korrik i ka kërkuar Prokurorisë së Përgjithshme fillimin e hetimeve ndaj objektit të lartpërmendur.

Zëdhënësi i Prokurorisë së Përgjithshme tha se, kërkesa e Kryeministrit është paraqitur në Prokurorinë e Përgjithshme, pasi Prokuroria e Tiranës ka filluar proçedimin dhe nuk shoqërohet me asnjë material tjetër kontrolli.

"Do ta konsideronim me interes kërkesën e Kryeministrit për ecurinë e hetimit, që para se t’i drejtohet Prokurorisë për fillimin e proçedimit penal, me strukturat e specializuara që ka në vartësi, të ushtronte kontroll për ligjshmërinë e zhvillimit të dy tenderave ku të evidentoheshin shkeljet e personave përgjegjës, qofshin këta edhe funksionarë të lartë të shtetit. Mbas kryerjes të një kontrolli të specializuar, nëqoftëse konstatoheshin shkelje ligjore duhej të kërkohej nga Kryeministri ose dikasteret që varen prej tij, fillimi i proçedimit penal", bëri të ditur dje zëdhënësi i Prokurorisë së Përgjithshme.

Akuzat janë hedhur fillimisht nga disa shtypshkronja për abuzime të hapura me tenderin që, sipas tyre, nuk zhvillohet fare sepse firmat fituese vijnë nga Ministria e Arsimit dhe Shtëpia Botuese e Librit. Tenderi për të përzgjedhur shtypshkronjat që do të shtypin librat shkollorë, rezultojnë të jenë një mashtrim i madh ku fitues dalin ata që më parë kanë bërë pazarin me Drejtorin e Ndërmarrjes së Librit Shkollor dhe ministrin e Arsimit, Luan Memushi.

Faktet e skandalit të shtypjes së librit shkollor u publikuan në një nga numrat e gazetës tonë, por zëdhënësi i Memushit u mundua të përgënjeshtrojë lajmin me një gjuhë rrugaçërie dhe një fjalor që nuk i shkon për shtat kësaj ministrie. Gjithësesi, përgjigja më e mirë ndaj memushëve është fillimi i hetimeve nga Prokuroria.

RD

[ornament]

Ça do me thene "pedonale", pastaj tjeter, pavaresisht nga faturat lajmet e fundit (nga vizitoret) thone qe Tirana po zbukurohet dhe per mendimin tim kjo ka rendesi me shume se 170 milionet leke te vjedhura.
Gjithashtu "leket" nuk i vidhen popullit, as shtetit totalisht te financuar nga bota. Ne duhet te jemi realiste, nga "leket" qe vijne nuk duhet te shohim ngjyren, as eren, por efektin qe ato lene.
Ju te djathtet, ne te cilet ben pjese dhe ti Anton, duhet ta shplani koken nga mentaliteti kolektivist, kooperativist, komunist, qe per hir te se vertetes duhet thene nuk ishte Enverian, sepse nuk perputhet me psikologjine e shqiptarit. (ketu jam i sigurte qe nuk do me kuptosh)
Per ju 'te djathtet', e rendesishme duhet te jete formimi i kapitalit, i kapitalisteve. Pa ata nuk do te kete shoqeri kapitaliste shqiptare, sepse nuk do te kete kaste kapitaliste, sepse do te mungoje kapitali kapitalist qe e ushqen kete.
Nje kaste e tille duhet te krijohet dhe konsolidohet, sa me shpejt aq me mire. Kur Berluskoni s'e ka vene me "djersen e ballit" (sipas fjaleve), si ka mundesi qe ta vene me ndershmeri kapitalistet e rinj shqiptare. Kjo do ti kushtonte atyre mjaft kohe, per te mos thene qe eshte e pamundur dhe bashke me ta do ta kishte dhe shqiperia te pamundur zhvillimin kapitalist aq te enderruar nga ne shqiptaret.
Prandaj shoke te djathte, me sa kam vene re ju s'e dini çfare doni, kapitalizem apo socializem. Ne kapitalizem shefi eshte hajdut, ndersa ne socializem hajduti shef. Zgjidhni e merrni.