Dashuria Nuk Ka Fund!...

[Agim Doçi]

DASHURIJA NUK KA FUND

Përse më thoni: - si nuk u lodhe?
Nuk e kuptoj gjithë kët’ shqetsim.
Përse më quani si “jashtë kohe”?
Se shkruaj vetëm për Dashurinë…

Po dashurija kurr s’do më shterret.
Se dhe unë vetë jam frut i saj!
Pa dashuri një zemër bjerret
Me lot trishtimi do zërë të qaj.

Aha, dikush s’e ka të lehtë
Tî vërë dy buzët, tek ai burim
Të shuaj etjen se në kët’ jetë
Çdo dashuri ka një kuptim!

Ja foshnja mbetur pa dashuri
E ka trishtimin në sy dhe ballë
Kjo ndjenjë e shenjtë tek çdo njeri
Të mbush me shpresë e të mban gjalle.

Unë dashuroj me forcë të shpirtit
Edhe një lule përmbi dëborë
Edhe fëmijën e një jevgjiti
E dua shumë ta mbaj në dorë!

Mos u habitni se Dashurija
Është oqean bile më shumë !
Sa mirë do bëhet Shqipëria
Kur ta marr vesht që nuk ka fund !

Që nuk ka fund dhe kurr nuk fiket
Një dashuri që të bën mirë!
Me Dashuri dhe Kombi rritet
Kur dashuron bëhet i Lirë!







AGIMI

[Ard]

Nuk ka i dashur Agim fund dashuria,nuk ka,e si mund te rroje njeriu pa te,a mund te kezistoje?
Lum ai qe eshte kengetar i dashurise.
Dashurija eshte e vetmja ndjenje qe na kompleton si njerez,na ben te njohim vetveten.
Bota na duket e bukur ne syte tane,kjo bote e varfer!
Urime per vargjet,urime dhe vazhdo e shkruaj per dashurine,e cfare tjeter mund te te frymezoje me shume se kjo?
Respekte.

[Agim Doçi]

Dridhem si purtekë e shelgut
kur mbi të një zog ndalon...
buza tharë në pisk të zhegut
kur një puthje i mungon...

Kur të iki larg nga bota
bëni mirë të më kujtoni
se kët' mall ma ndezi toka
ku mëngjezet ju i zgjoni.

Le të shkojnë në kohra vitet
le të thinjet kalendari!
dashurija lind e rritet
dashurisë s'i gjëndet...varri!

Se nuk vdes në jetë të jetëve.
Vetëm merr e jep çdo ditë.
Dashuria lind mes njerëzve
E bekuan Perënditë.