Vdesin njerezit nga rrufete- Shqiperia vuan per disa shufra hekuri:

[Kryeplaku]

Rrufeja vret kalimtarin në mes të Tiranës

Vdes Maksim Spaho dhe plagosen dy kalimtarë të tjerë, tashmë nën kujdesin e mjekëve

A. Qoraj

TIRANË - Rrufeja i merr jetën një të riu në qendër të kryeqytetit, ndërkohë që kalimtarët e shumtë që kanë qenë të pranishëm aty kanë mbetur të shokuar nga ngjarja. Maksim Spaho është goditur nga një rrufe rreth orës 17:20 të ditës së djeshme, thanë për gazetën burime nga vendngjarja, të cilat konfirmohen dhe nga policia. Ngjarja tragjike ka ndodhur pranë stacionit të autobuzëve të Kamzës. Ndërkohë që mësohet se janë plagosur edhe dy kalimtarë të tjerë që kalonin në sheshin “Skënderbej”. Lajmin ë bënë të ditur burime të policisë së Tiranës. Disa makina policie dhe ambulancat i janë drejtuar sheshit kryesor të Tiranës, menjëherë sapo kanë marrë lajmin se dikush ishte goditur për vdekje nga rrufeja. Megjithëse të dëmtuarit i është dhënë ndihma e shpejtë, shkarkesa elektrike i ka marrë jetën të riut nga Tirana. Burime të policisë thanë se janë plagosur edhe dy kalimtarë që janë dërguar me urgjencë në spitalin e djegieve në qendrën spitalore të Tiranës. Burime nga spitali thanë se gjendja e dy të plagosurve paraqitet e rëndë dhe se ata po mjekohen nga një grup mjekësh. Lidhur me këtë ngjarje tragjike të ndodhur në mes të Tiranës është ngritur dhe një grup hetimor, i cili ka mbledhur dëshmitë e kalimtarëve që kanë qenë në vendngjarje. Ata janë shprehur të tronditur nga skena që kanë parë në qëndër të Tiranës. Mësohet se Spaho ka qënë duke ecur në rrugë në momentin që është goditur nga rrufeja, ndërkohë që në ato momente binte një shi pa pushim. Të plagosurit kanë pësuar djegie të rënda të pjesë të ndryshme të trupit, dhe shumë nga kalimtarët janë shokuar dhe e kanë marrë veten vetëm pas disa minutave. Burime të policisë thanë se ngjarja është aksidentale. Trupi i viktimës është përcjellë për në morg ku do të kryhen procedurat mjeko-ligjore. Gjithsesi mungesa e rrufepritëseve është një problem në Shqipëri. Si pasojë e mungesës së tyre janë regjistruar mjaft viktima. Gjatë këtij viti, numri më i madh i viktimave të shkaktuara nga rrufeja regjistrohet në qarkun e Durrësit. Viktimat janë kryesisht nga fshatrat. Ngjarja e ndodhur në pasditen e djeshme, në qendër të Tiranës, mund të cilësohet e rrallë në llojin e saj.




06/09/2004 Shekulli



Pyetje: kaq e veshtire eshte te gjehen disa shufra hekuri te gjata per tu vene mbi ndertesa te larta ? (ah me falni, harrova qe kur shpiku Belinceli rrufepritesen Shqiperia nuk ekzistonte si shtet)

[R2T]

Kesaj i thone, te bjeri rrufeja ne hale