Shpëtojnë nga mbytja 18 shqiptarë

[Shpirt Njeriu]

Fati i ka shpëtuar 18 klandestinë shqiptarë, gomonia e të cilëve natën e së enjtes ishte fikur nga dallgët e mëdha në afërsi të Brindizit. Të shpëtuar nga policia italiane ata kanë pohuar se janë kryesisht nga Fieri. Një grua shtatzanë është shtruar urgjent në spital, ndërkohë që skafisti nuk është arrestuar, pasi klandestinët nuk kanë treguar se cili prej tyre është.



Shqiptarët nuk i ndjek më fati nëse ndërmarrin udhëtim me gomone për të arritur brigjet italiane. Pas tragjedisë së 9 janarit, dita e djeshme për pak nuk ka sjellë një të dytë. Pas një periudhe frike prej disa muajësh, shoqëruar me presion të fortë të policisë, një gomone me klandestinë e nisur dje nga brigjet shqiptare për pak sa nuk ka patur një fund tragjik të ngjashëm me atë të 9 janarit në afërsi të qytetit italian të Brindizit. Sipas agjencisë italiane të lajmeve ANSA, dje është raportuar emergjenca e një gomoneje me klandestinë të mbetur në mëshirë të dallgëve rreth 26 milje në juglindje të Brindizit. Menjëherë në drejtim të gomones janë nisur forca të rojes bregdetare italiane, që pasi kanë mundur të gjejnë lehtësisht gomonen e bllokuar pas fikjes së motorrave, kanë bërë të mundur shpëtimin e 18 njerëzve në bordin e saj. Si për të treguar fatin e keq që i priste, menjëherë pas evakuimit, gomonia e dëmtuar është fundosur.

Ngjarja
Sipas dëshmivë të klandestinëve të gomones, të marra nga policia, ata janë nisur natën e së enjtes me det të mirë nga brigjet shqiptare, por kur kanë kaluar ujërat ndërkombëtare dhe janë futur në ato italiane, deti kishte qenë i trazuar. Pikërisht dallgët e detit kishin dëmtuar motorrat e vegjël vetëm prej 70 kuaj fuqi të gomones 5.5 metra të gjatë. Sipas dëshmive, 18 klandestinët, mes të cilëve një grua shtatzanë, kishin qendruar në det të hapur për gati 10 orë. Gomonia kishte filluar të mbushej me ujë dhe njerëzit kishin filluar të përfshihehsin nga paniku. Pikërisht në këtë kohë, rreth orës 09.30, ata ishin vënë re nga një jaht turistik që kishte lajmëruar policinë. Pasi ishin strehuar në një qendër pritjeje, gruaja shtatzanë dhe një burrë, ishin shtruar në spital për të marrë ndihmën e parë, pasi kishin patur probleme me shëndetin.

Hetimi
Policia italiane menjëherë ka filluar hetimin për ngjarjen. Agjentët janë përpjekur të veçojnë nga 18 klandestinët skafistin, por ata nuk e kanë treguar se cili prej tyre është duket me dëshirën për ta ruajtur nga prangosja. Të marrët në pyetje kanë pohuar se janë kryesisht nga zona e Fierit. Ata kanë pohuar gjithashtu se kanë udhëtuar me makina të ndyshme në drejtim të Vlorës dhe janë nisur mbrëmjen e së enjtes në grykëderdhjen e lumit Vjosë. Nga ana tjetër edhe Ministria shqiptare e Rendit ka deklaruar se është duke e ndjekur ngjarjen. Bëhet e ditur se Ministri i Rendit ka urdhëruar strukturat e Shërbimit të Kontrollit të Brendshëm të bëjnë hetime.

9 janari, tragjedia që shënoi 11 të vdekur dhe 7 të zhdukur


Më 9 janar të këtij viti, në afërsi të Karaburunit, një gomone që ishte nisur në drejtim të Italisë është mbytur dhe për pasojë humbën jetën 21 persona dhe 7 të tjerë u zhdukën. Pjesa më e madhe e personave që tentuan brigjet italiane ishin nga veriu i vendit, kryesisht nga Shkodra. Ngjarja e rëndë ndodhi për pasojë të detit të keq dhe për shkak se gomonia nuk arriti të përballonte udhëtimin. Klandestinët kishin paguar plot 1500 euro për udhëtimin e vdekjes. Mes tyre kishte gra e fëmijë. Sekserët dhe skafistët u kishin premtuar atyre se udhëtimi ishte i siguruar, pasi ishte rënë dakord me forcat e Guardia di Finanza që do t'i shoqëronte deri në brigjet italiane. Për këtë ngjarje të rëndë u arrestuan 11 persona, mes tyre edhe ish-shefi i postës së policisë së Dhërmiut, Vladimir Kordhishta, i cili u la në gjendje të lirë më 2 korrik. Seancat gjyqësore në ngarkim të të pandehurve nisën më 4 maj, dhe janë dëgjuar pjesa më e madhe të dëshmitarëve. Vendimi për të pandehurit e kësaj çështjeje është shtyrë për t'u dhënë më 10 shtator. Pas tragjedisë së 9 janarit, policia shqiptare nisi një luftë për të eleminuar trafikun klandestin dhe që prej asaj kohe nga brigjet shqiptare nuk është nisur asnjë gomone që të tentonte Italinë. Gomonia e kapur dje ka shënuar ringjalljen e këtij trafiku.

[Shpirt Njeriu]

Ministri i Rendit Publik, Igli Toska urdheroi dje pasdite ngritjen e nje grupi pune me oficere te Sherbimit te Kontrollit te Brendshem, me atributet e Policise Gjyqesore per te hetuar mbi nisjen e nje gomoneje me klandestine nga brigjet shqiptare ne drejtim te Italise. Zedhenesi i ministrise se rendit, Florion Serjani, i deklaroi dje "Korrieri"-t, se ky grup pune do te hetoje dhe verifikoje te gjitha implikimet e mundshme te punonjesve te Policise se Shtetit te cilet me veprimet apo mosveprimet e tyre kane lejuar nisjen e gomones. "Ne bashkepunim me Prokurorine e Rrethit do te kryhen te gjitha veprimet proceduriale per te zbardhur plotesisht kete ngjarje si dhe per te identifikuar dhe vene perpara drejtesise autoret e saj", perfundoi deklaraten e mbremshme per shtyp, zedhenesi i ministrise se Rendit, Florion Serjani

[Shpirt Njeriu]

Rreth 26 milje larg brigjeve te Brindizit ne Itali, mjeti lundrues 6 metra i gjate ngeci mes dallgesh te fuqishme duke rrezikuar jeten e 18 klandestineve shqiptare, mes tyre, 2 gra. Deshmia e te rrezikuarve: "Minutat e tmerrit ne mes te detit te trazuar deri ne afrimin e nje jahti luksoz, qe solli rojet bregdetare". Ministria e Rendit: "Hetim ikjes se dyshimte, te gomones drejt Italise". Policia e Vlores: Dyshohet te jete nisur nga brigjet tona". Hetime dhe ne Fier

Edison KURANI

Nje gomone me 18 qytetare shqiptare e cila dyshohet te jete nisur nga brigjet e Vjoses prane Vlores, u rrezikua nga mbytja dje ne mesdite ne ujerat italiane prane Brindizit. Lajmin e konfirmoi zyrtarisht karabinieria rajonale e cituar nga agjensia shteterore e lajmeve Ansa. Sipas saj, nje grup prej 18 klandestinesh me kombesi shqiptare, qe gjendeshin ne bordin e nje gomoneje ne brigjet e Brindizit, u ndihmua nga Roja Bregdetare. Gomonia u pikas nga nje jaht privat, afro 26 milje larg ne juglindje te Brindizit, perballe Konteshes, nje lokalitet prane qendres qytetese. Pronaret e jahtit njoftuan autoritetet italiane, te cilat ofruan ndihmen e menjehershme duke u shpetuar jeten te gjithe klandestineve. Ata, jane ne gjendje te mire shendetesore. Mesohet se klandestinet e tjere jane ne gjendje te mire shendetesore dhe po kryhen procedurat per identifikimin e plote te tyre dhe skafisteve qe organizuan nisjen. Prej kohesh, ne Adriatikun e Poshtem nuk pikaseshin klandestine te drejtuar drejt brigjeve pulieze.

Si u pikas gomonia

Ne oren 13.00 te dites se djeshme, ne afersi te "Konteshes", 26 milje larg qytetit te Brindizit ne Itali, nje gomone rreth gjashte metra e gjate, po endej mes dallgesh ne perpjekje per te dale ne brigjet ranore vendase. Gomonia kishte ne bordin e saj te pakten 18 persona, qe te gjithe mendohet se jane shqiptare, tha nje zyrtar i policise rajonale ne krye te grupit hetimor ne vendngjarje. Sipas te njejtit burim, gomonia u pikas pasi motorret e saj ishin fikur dhe ne perballje me dallget e forta te nisura paraditen e djeshme, po rrezikonte permbysjen dhe mbytjen e pasagjereve. "Nje jaht privat i cili po pershkonte ujerat, 26 milje larg ne juglindje te Brindizit, zbuloi i pari gomonen ne rrezik duke pare se ne brendesi te saj ndodheshin edhe gra e femije", sqaroi policia italiane, pas hetimeve te pasdites se djeshme.

Nderhyrja policore

Pa vonese, ne drejtim te vendngjarjes u nisen rojet bregdetare te Brindizit. "Motovedetat u perballen me nje furi dallgesh te fuqishme te cilat praktikisht benin te pamundur rivenien ne pune te dy motorreve te gomones madje veshtiresonte edhe afrimin e anijeve patrulluese drejt klandestineve te rrezikuar". Burimet italiane te vendngjarjes shtojne se pasi dy motovedetat u afruan te gomonia, u be i mundur operacioni i zbarkimit te emigranteve dhe drejtuesve te gomones ne permbysje e siper.

Deshmite e te rrezikuarve

"Ne kemi hipur rreth 18-20 vete ne gomone dhe jemi nisur nga Vjosa mes Vlores dhe Fierit". Pohimi eshte bere per mediat italiane dje pasdite nga nje emigrant shqiptar i rrezikuar i cili nuk u citua me emer. "nuk duhej shume qe gomonia te dilte ne brigjet e Brindizit pasi rruga me e madhe kishte kaluar. Por krejt papritur, dy motorret qe duhet te ishin nga 70 kuaj fuqi, pushuan se punuari. Megjithe perpjekjet e dy skafisteve, motorret nuk u ndezen me, ndersa dallget vetem sa fryheshin dhe shpeshtoheshin". I rrezikuari tha se "ne gomone veç ne djemve dhe burrave, ndodheshin edhe dy gra. Madje njera prej tyre, ishte shtazene ne muajt e fundit".

"U vume nen panik"

Te mbijetuarit treguan se minutat e endjes ne mes te detit, jo larg brigjeve te Brindizit, por ne pamundesi te plote per afrim me not, ishin te tmerrshme. "U vume ne panik te plote. Rreth 35 kilometra larg brigjeve dhe asnje mjet lundrimi nuk dukej edhe pse mesi i dites. Vetem nje jaht privat qe na pa, ishte shpetimi yne".

Prej kohesh, ne Adriatikun e Poshtem nuk pikaseshin klandestine te drejtuar drejt brigjeve pulieze. Me 9 janar, nje gomone me qytetare nga veriu, kryeissht te Shkodres, u nis drejt brigjeve te Vlores dhe mbeti e bllokuar ne Karaburun pasi motorret e saj dolen jashte pune. Si pasoje bllokimit gjithe naten ne det, te pakten 20 persona gjeten vdekje, tete te tjere rezultojne te zhdukur, ndersa 11 arriten te mbijetojne.

[Shpirt Njeriu]

Gomonia e zbuluar dy ditë më parë në afërsi të brigjeve të Brindizit, teksa po rrezikohej nga mbytja, është nisur nga Kavaja. Këtë fakt e kanë bërë të ditur dje ata që përjetuan një tmerr të vërtetë, duke mbetur të izoluar për 10 orë në mes të detit. Pas mbërritjes së tyre në Vlorë, në këtë qytet ka shkuar për t'u interesuar për ngjarjen edhe ambasadori i Italisë në Shqipëri, Massimo Iannuci. Ndërsa nga Italia ka mbërritur lajmi se janë arrestuar dy pilotët (skafistët) e gomones 5.5 metër të gjatë. Njëri prej tyre është Shkëlzen Lushaku, 23 vjeç me origjinë nga Fieri dhe banues në Kavajë. Ndërkaq, në këtë qytet kanë nisur hetimet intensive nga një grup i Drejtorisë së Policisë Kriminale, sipas të cilit dyshohet se edhe pronarët e gomones janë nga ky rreth.

Gomonia
Mëngjesin e djeshëm 14 nga 18 personat që u gjetën në gomonen pranë brigjeve të Brindizit janë riatdhesuar për në Shqipëri. Ata kanë mbërritur me një nga tragetet e linjës së Brindizit në qytetin e Vlorës, duke bërë të mundur zbardhjen e ngjarjes së dy ditëve më parë, atë të rishfaqjes së gomoneve, të cilat nuk ishin parë më që nga tragjedia e 9 janarit, ku humbën jetën 21 persona, ndërsa shtatë të tjerë u zhdukën. Policia i ka shoqëruar ata në ambientet e komisariatit, ku dhe ka filluar marrja në pyetje e tyre. Këtë nuk e ka bërë policia e Vlorës, por një grup i nisur direkt nga Drejtoria e Policisë Kriminale. Pas verifikimeve të para, sipas burimeve policore, gomonia është nisur nga brigjet e Kavajës. Gjithashtu, edhe njerëzit që ndodheshin në të janë nga zona e Qerretit të Kavajës, fare pranë bregut të detit, nga ku është nisur edhe gomonia. Për orë të tëra ata janë pyetur në Vlorë dhe në mbrëmje, të shoqëruar nga grupi i Policisë Kriminale, janë dërguar në Kavajë, ku janë marrë sërish në pyetje nga grupi tjetër i Kriminales, i cili gjatë ditës ka marrë dëshmitë e familjarëve të klandestinëve, si dhe ka hetuar për organizatorët e këtij trafiku dhe për pronarët e gomones.

Skafistët
Pas riatdhesimit të 14 prej personave që ndodheshin në gomone, në Itali janë mbajtur katër të tjerë. Siç kanë treguar të riatdhesuarit, por edhe siç është bënë e ditur nga agjencia italiane ANSA, në Itali janë mbajtur dy skafistët (emri i njërit Shkëlzen Lushaku), si dhe gruaja shtatzënë që ndodhej në gomones, gjendja shëndetësore e së cilës është përmirësuar pas dërgimit në spital. Me të, në Itali, ka qëndruar edhe bashkëshorti i saj, të cilët pritet të riatdhesohen në ditët në vazhdim. Ndërkohë, në Kavajë janë identifikuar pronarët e gomones, si dhe sekserët që janë marrë me grumbullimin e njerëzve. Burime policore kanë bërë të ditur se trafikantët kanë kuptuar se diçka i kishte ndodhur gomones së tyre, kur ajo nuk është kthyer nga udhëtimi në orët e para të mëngjesit, siç ishte planifikuar. Të fshehur, ata janë informuar edhe nga mediat për këtë ngjarje. Gjithsesi, policia i ka identifikuar dhe i ka shpallur në kërkim.

Ngjarja
Sipas dëshmive të klandestinëve të gomones, të marra nga policia italiane, ata janë nisur natën e së enjtes me det të mirë nga brigjet shqiptare, por kur kanë kaluar ujërat ndërkombëtare dhe janë futur në ato italiane deti kishte qenë i trazuar. Pikërisht dallgët e detit kishin dëmtuar motorët e vegjël vetëm prej 70 kuaj fuqi të gomones 5.5 metra të gjatë. Sipas dëshmive, 18 njerëzit, mes të cilëve një grua shtatzënë, kishin qëndruar në det të hapur për 10 orë. Gomonia kishte filluar të mbushej me ujë dhe njerëzit kishin filluar të përfshiheshin nga paniku. Pikërisht në këtë kohë, rreth orës 09.30, ata ishin vënë re nga një jaht turistik, i cili ka lajmëruar dhe rojet kufitare italiane.


"Si mbetëm në mes të detit pas tri orësh

urdhëtim me gomone. Paguam nga 200 mijë lekë"Policinë Kriminale e kanë ndihmuar mjaft dëshmitë e 14 të riatdhesuarve, si dhe të të afërmve të tyre, të pyetur në Kavajë. "Jemi organizuar prej disa ditësh dhe po pritej nisja. Skafistët na thanë se udhëtimi do të ishte i sigurt deri në Brindizi, ndërsa atje do na prisnin bashkëpunëtorët e tyre". Kështu kanë treguar në polici klandestinët e riatdhesuar. Ata u kanë treguar uniformave blu se do të paguanin, nëse mbërrinin mirë në Itali, 200 mijë deri në 220 mijë lekë për udhëtimin. "Ditën që u nisëm, u takuam dhe lamë orarin. Rreth orës 22.00 u nisëm, dikush më këmbë e dikush me makina dhe ne (16 klandestinë) u mblodhëm në breg të detit, në pyllim me pisha. Gomonia u bë gati dhe menjëherë hipëm në të dhe u nisëm", kanë thënë para policëve emigrantët, duke treguar edhe momentet e tmerrit në det. "Udhëtuam për më shumë se 3 orë dhe njëri prej motorëve na thanë se u fik. Gomonia po ecte më avash, pasi kishte det. Pak më tutje u fik dhe motori tjetër. Mbetëm në det. Njerëzit po bërtisnin fillimisht, por më pas u qetësuan, pasi nuk kishin çfarë bënin. Pasi u gdhi, doli dhe dielli, një anije e vogël (jaht) u duk në det. Më pas erdhi 'Guardia di Financa', e cila na shpëtoi", kanë sqaruar emigrantët. Ata dhe të afërmit e tyre, të gjithë nga zona e Qerretit të Kavajës, i kanë treguar policisë edhe pronarët e gomones dhe organizatorët, të cilët janë shpallur në kërkim.