Kur prehem ne varg

[whisper]

Natën vonë, një të shtunë
zbraza valixhen e kujtimeve në valët e detit.
Në mëngjes, ditën e diel....
kujtimet derdheshin përsëri në breg.
Të shpërndara, mbuluar me shkumbë.
Ishte kaq e rëndë valixh' e kujtimeve,
sa s'kishte det që t'i marrë e t'i fshehë thellë.

Bukur,MEL!

[Agim Doçi]

Melankonia!
Përse e lexon varfërisht katërvargun tem? Unë ka vënë shënim LOL. Megjithatë pa u prekur as ti dhe as unë sepse ti e di që ty dhe vargun tënd ju respektoj shumë, të përgjigjem rëndomtë me "armën" time:

UNË DHE “POETËT”

Ama "poetë" ishim ahere,
kur thurnin hymne për Partinë!
Tani liria është prapa dere,
“poetët” shajnë veç Shqipërinë!

Ua ktheva shpinën e më s'durova
duke e lënë at' stan të lik!
"poetëve" vendin ua lëshova
Përplasa derën, e thashë: - Po ik!

Kalova udhë, kalova dete
Më ngjante vendi si një greminë!
E morra vargun, dhe vrava vehten,
rrëzuar jam sot mbi vetminë!…..

Unë jam pra ky, që nuk ka hile!
Dhe jam ai që nuk ka frikë!
Unë poezinë s'e shes me kile!!
Si poetucët me....... politikë!

Kur e marr vargun, ia shkul dy veshët
Po të mos dalë varg i qëlluar!
“Ata” dhe poezinë e xhveshën
E bënë kushtrim për të mashtruar!

Pra lermë Meli... të mbretëroj!
se herë jam mbret dhe herë jam skllav!
Unë letrën vetë e zhvirgjëroj!
Dhe jam në varg - rrebel i madh!.....

[Ard]

Pra lermë Meli... të mbretëroj!
se herë jam mbret dhe herë jam skllav!
Unë letrën vetë e zhvirgjëroj!
Dhe jam në varg - rrebel i madh!.....

Me kenaqe Agim ,vecova keto vargje se je vertet rebel i madh (ne varg) !
Flm per respektin,eshte reciprok.
Miqesisht Mel.

[Ard]

Nene, u martuan miqte ,dikush u nda ,dikush dhe vuan
Me iken dhe ata me te afertit kane kohe qe me jane larguar
Ne fund te cdo letre te panisur puthjet tashme jane vjeteruar
Plogeshti mbart kjo dite e ftohte dritherimash, vec dora me shkruan

Nene,do te vij atehere kur aroma e beharit te trokas
E ti shkriji me mua lotet qe me ngrine dikur ne prag
Ne me pafsh te dobesuar a fytyren disi te hequr
Mos me thuaj se e di qe vetem shpirti me ka mbetur

[Agim Doçi]

Meli të përgjigjem për respekt me një poezi timen

MËRGIMTAR

Eh ç’më vdiqën baballarët jashtë truallit të gjithë!
Ku t’ua gjej varret, eshtrat ku ju prehen baballarëve?
Fusha e lënë djerr, magja pa brumë, hambari pa drithë.
Kokën nën sqetull..ky paska qenë fati i shqipëtarëve...

Ndarë dhe coptuar në shekuj nën 5 flamurë
Kombi më i lashtë i kontinentit më plak.
Pse bre Shqipëri s’u bëre Zonjë kurrë?
Ah ç’më plasi shpirti, pa i hyrë askujt në hak!…

Tërë jetën brez pas brezi u këndova trimërive
Me iso labërishte, majë krahu dhe me sharki.
Po vallë kush na mallkoi, ne Princat e ndasive…
S’u bëmë një herë të mbarë për nënën Shqipëri.

Rrethuar me vet vehten, më tej Bjeshkët e Mallkuara
Përball një det të frikshëm që natën të kafshon.
Më fise të shpërndara dhe troje të harruara
Kalà plot me legjenda, Rozafa që pikon!…

Në mes kalà e trishtë ku motra qan vëllanë
« Se Berat, se Berat…vajton Mara që me natë »
Më tej Pasha Limani, besëprera me aq namë
Kalà e Argjirosë që nxin të gjithë kalatë…

“Janinës ç’i panë sytë, Janino…Ku e kam Ali Pashanë?
Trupin në Evropë, kokën në Azi
Të pabesët bënë hatanë …Ah ç’të vranë!
E vunë kokën e shqiptarit dhe e kripën në sini!..”

E kujt t’ia them emrin më parë, ata u helmuan larg atdheut
Ku u vra Hasan Pristina dhe Luigji i Gurakuqëve?
Ku u vra Mid’hat Bej Frashëri apo Petro Nini i Shën Ndreut?
Kush m’i helmoi burrat në sulltan dollmatë e turqëve?!..

Heshtje! Heshtje varri ashtu siç hesht vetë Historija.
Histori i thënçin llangosur me dënglat e fitimtarëve
Histori me “puçe”, armiq e “komplote” që i zbulonte Partija
Histori e zgjebes komuniste e ardhur prej sllavëve!



Ma jepni historinë e Historisë së vërtetë!
Dhe mjaft na mbroçkullisët me bëmat e Fitimtarit!
Të kthehem në truallin tim, se mbeta gurë i lehtë
Pa varr, pa kulm, pa shpresë, me status mërgimtarit!

Dhe mjaft ti kurva e vjetër ti kontinent i plakur!
Mos fyej Gjergj Shën Arbërin që mbrojti Krishtërimin!
Lavdinë s’e mbaj për vehte, në pleh atë kam flakur
Ti kurva e zgjebosur s’më tremb jo me mërgimin!

Nga buzë e plasur ika, ma di veç shpirti im
Atje i kam të gjitha dhe tokën e përgjakur
Atje më presin shokët, me pret Atdheu im!
Vend lindja e Nënë Terezës e Shenjtes së përflakur !

Përqark i kam rënë globit dhe hasa plot shqiptarë
Që ecin të menduar, pronarë psherëtimash…
Ah..i njoh për besë nga sytë, nga rrudhat përmbi ballë
Tek enden metropoleve ku nderi struket vrimash !

Ke gjetur midis tyre, Evropë, putanë e vjetër
hajdutë dhe kriminelë, tregtarë të mishit të bardhë
Po hiqmu larg prej meje, se jam nga sërë tjetër
Jam sërë e principatës së Lekës sonë të Parë!

Ti kurr nuk ke dëgjuar për Princ Lek Dukagjinin!
Për Balshajt, për Muzakajt, Komnenët dhe Topinë
S’e njeh ti Aranitin, Uranin dhe Bue Shpat Gjinin
I kam të thella rrënjët, të thellë e kam tradhtinë…

[Ard]

Eh shqiptaret e shkrete.....po kush di se c'jemi ne o Agim,aman a te keqen!
Urime per vargjet.
Mel.

[Anisela]

Agim!!!!!!Ky emer shume domethenes,qe behet shkak per termetet e shpirtrave tona qe jetojme jashte Atdheut!!!Pse???Megjithese se jemi ne dijeni te dhimbjes qe na sjell krijimi yt,hyme perseri ketu te te lexojme!Se imagjinoj dot si do ish ketu pa prezencen tende????Je Shpirti i Gjithe Shqipetareve Qe Ndodhen Ketu!Ndrico e na jep jete!!!!!!!!

[Agim Doçi]

Anisela
Më ke emocionuar shumë, por të lutem më kupto, JEMI SHQIPTAR dhe padyshim që sa mirë që jemi shqiptarë!
Të përqafon xhaxhi Gimi dhe të lutem përqafoji gjithë ata që të duan e don, familjen tande. Lejomë Anisela të të dhuroj disa vargje për TY dhe për të gjitha vajzat e rracës time që meritojnë respekt, respekt dhe vetëm respekt.
E kush t’a fali atë bukuri!’
Vajza shqiptare qerpiku i shkruar
Tej e m’atanë në Shqipëri
Perri si ty nuk kam takuar!

Ty të ka bërë nëna me dorë
Moj bukuri e rracës time.
Vajzat shqiptare – faqen si mollë
I çmendën djemt e Tokës sime…

Ju meskëputurat shtat si selvija
Ju bukuroshet e tokës mëmë
Kurr mos ju prishtë, moj bukurija!
Se jeni diell dhe jeni hënë!

Agim Doçi

[Anisela]

Flm!!!Jeni i mrekullueshem!!!!Respekti te takon ty dhe gjithe djemve Shqipetare!!Vetem tek ne ekziston kthjelltesia sinqeriteti dhe pastertia e shpirtit!!I vetmi virtyt qe i ben domethenese ditet e jetes sone!!!!Virtyt qe nuk ekziston ne asnje kend te botes!!!Respekti im nuk do shuhet asnjehere!!!!!!!!

[maratonomak]

Flm!!!Jeni i mrekullueshem!!!!Respekti te takon ty dhe gjithe djemve Shqipetare!!Vetem tek ne ekziston kthjelltesia sinqeriteti dhe pastertia e shpirtit!!I vetmi virtyt qe i ben domethenese ditet e jetes sone!!!!Virtyt qe nuk ekziston ne asnje kend te botes!!!Respekti im nuk do shuhet asnjehere!!!!!!!!

nuk u permbajta dhe me theu tundimi per te te shkruar dhe miratuar fjalet qe ke ketu siper ; te betphem per keto duar qe po te shkruajne qe je me te vertete ajo qe shkruan ketu ; e sinqerte e paster dhe e kthjellet ne shpirt ; virtyte qe kane ndertuar vete fatin e jetes tende ; me ngazellen fakti qe nuk je egoiste dhe e larget nga realiteti shpirteror por je e perulur dhe modeste ne te ndjere folur dhe menduar ; do doja shume te te njhija personalisht ;