I dehur perplas koken ne mur!!

[Shpirt Njeriu]

TIRANE

Pëllumb Mema, një i ndaluar nga policia e Tiranës, ka përplasur kokën pas murit të qelisë gjatë ditë së djeshme, ndërsa ndodhej në paraburgim. Menjëherë pas këtij veprimi ai është dërguar në siptal, ku ka marrë ndihmën e parë për të përfunduar përsëri në qeli. Gjithçka kishte filluar pas një grindjeje mes Memës dhe një qytetari tjetër, të nisur pas përplasjes së makinave të tyre.

Ngjarja
Pëllumb Mema ishte duke udhëtuar me makinën e tij tek kryqëzimi i rrugës "Fortuzi" në Tiranë pasditen e së martës në momentin kur ishte përplasur me një tjetër makinë. Menjëherë ai kishte dalë nga makina, dhe duke i kërkuar llogari shoferit tjetër, e kishte sharë e qëlluar. Pak çaste më pas, e lajmëruar, aty kishte mbërritur policia e qarkullimit rrugor dhe më tej ajo e rendit. Pa mundur të frenojë veten, Mema ka kundërshtuar edhe policët duke përdorur forcën kundër tyre. Pasi ka bërë veprimet e duhura, policia ka thirrur edhe një prokuror në vendngjarje për të bërë ndalimin e Memës nën akuzën e kundërshtimit me dhunë të uniformave blu.

Icidenti


Disa orë pasi e kishin mbyllur në qeli, policët e Komisariatit 3 janë alarmuar pasi kanë mësuar se i sapondaluari kishte përplasur kokën pas murit duke i shkaktuar vetes dëmtime fizike të rënda. Menjëherë policët janë futur në qeli duke e dërguar Memën në spital. Atje ai ka marrë ndihmën e parë dhe përsëri është mbyllur në qeli. Sipas një burimi të policies, ngjarja supozohet të ketë ndodhur pasi Mema kishte ardhur në vete nga pija dhe kishte sjellë në mendje prapsitë që kishte bërë ndërsa kishte qenë në gjendje të pakontrolluar. Ndërsa, po sipas policisë, vetë i ndaluari kishte pretenduar se kishte vepruar jo me ndërgjegje të plotë, pasi kishte qenë i dehur, kshtu që nuk duhet të penalizohej. Ngjarja gjithsesi ka shkaktuar impenjimin e drejtuesve të policisë së Tiranës, të pamësuar me ndodhi të tilla në qeli. Ndërkohë pas një incidenti të para dy ditëve në Krujë, kur tre të rinj kundërshtuan policinë me dhunë, Drejtoria e Përgjithshme e Policisë së Shtetit ka marrë masa që në raste të njëjta personat që do të kundërshtojnë me dhunë policinë në veprimet e saj, të penalizohen me përparësi.