Athina Onassis, adoleshentja bilionere

[StormAngel]

Shekulli online

Athina Onassis Roussel u bë 18 vjeç në fund të Janarit, ajo trashëgoi mantelin e njërës prej flotave më të famshme në botë, flotës detare perandorake, të themeluar nga gjyshi i saj Aristotel Onassis. Raportet e shtypit tregojnë se trashëgimia e Athinasë, u mbajt në mirëbesim deri sa mamaja e saj Cristina vdiq në 1988. Pasuria është më shumë se 3 billionë $.

Pasuria përfshinte anijet e Lojërave Olimpike, shtëpitë e luksit në Londër, Paris dhe Rrugën Moritz, si dhe ishullin e famshëm grek të Skorpios, ku Aristoteli takoi Jacqueline Kennedy në 1968.

S. Onassis , i cili ishte themeluar nga Aristotel Onassis në kujtim të djalit të tij, i cili vdiq në një aksident ajror të vitit 1973. Asetet e Arit u ndanë në mënyrë të barabartë midis vajzës Kristina dhe Fondacionit të Onassis. Kristina e cila vdiq në moshën 37-vjeçare gjatë udhëtimit për në Argjentinë, la pasurinë tek i vetmi fëmijë që kishte, Athina, e cila ishte 3 vjeç kur ajo vdiq. Pasuria pas kësaj do të supervizohej nga një bord prej 5 personash që kishin lidhje me ish-bashkëshortin e Kristinës, babain e Athinës, Thierri Roussel dhe nga 4 të besuar të fondacionit të Aristotelit. Roussel dhe eksekutivët u grindën keq midis tyre për administrimin e pasurisë. Në 1999, gjykata la në dorë administrimin e pasurisë së Athinës KPMG-së, një firmë kjo audituese zvicerane, e cila e ruante sekret pasurinë e klientëve të saj.
“Ne nuk mund të japim asnjë deklaratë për klientët tanë”,- tha Alfred Raucheisen, zëdhënës i KPMG-së. Kështu ne nuk mund të konfirmojmë asgjë rreth pasurisë që ajo trashëgon, pasi një pjesë e problemeve me administrimin e pasurisë së saj kanë filluar kur asetet e saj u blenë dhe u shitën nën drejtimin e Roussel dhe ekzekutivit Grek.
Mendohet se Roussel i ka shitur gjysmën e pasurisë të Athinës tek fondacioni në fund të viteve 1980 për rreth 50 milionë dollarë, ndërkohë pasuri dhe biznese të tjera janë shitur me çmime qesharake.
Gregory Maniatis, kryeredaktor i revistës greke Odyssey, e pyeti: “A do të donit që pasuria juaj e trashëguar të manaxhohej nga 4 njerëz që ndihmuan Onassin të bëhej milioner ose do të donit që paratë të administroheshin nga vetëm një person. Biznesi më i njohur i të cilit dilte me humbje për më shumë se 30 milionë dollarë në firma luleshtrydhesh në Portugali?”. Roussel shtoi: “Provojeni këtë që po thoni”
Përvec Roussel, mendohet se edhe administratorët e fondacionit kanë bërë marifete me pasuritë. Nigel Loëry, kryeredaktor i revistës për anijet Lloyd’s List International, kishte shkruar se ata kishin likuiduar disa nga anijet që ishin nën pronësinë e Onassis. Është pothuaj e pamundur për të vlerësuar se çfarë pasurie tjetër mund të jetë blerë dhe shitur pa lënë asnjë gjurmë.
Për më tepër, flota e anijeve nën emrin Onassis, dukej se ishte në rënie edhe para se të vdiste Aristotele Onassis. Në një raport mbi jetën e Onassis thuhej se ai kishte harxhuar më shumë se 20 milionë dollarë gjatë vitit të parë të martesës me Jackie O.
Është mirë të theksohet se Christina Onassis, e cila mori në dorë Olympicun pas vdekjes së babait, është përballur me kritikat për rënien e reputacionit të biznesit të saj, për shkak të shpenzimeve të mëdha për qejf. Ajo filloi të importonte Diet Coke në Greqi me avionin e saj privat dhe shpenzonte për dhurata miliona dollarë. Olympiku i sotëm është një flotë mesatare me rreth 15 anije, ndëkohë që në kohën e Aristotelit ajo ishte një nga flotat më të mëdha në botë. Vlera e tyre është rreth 300 milionë dollarë, e vlerësuar kjo nga ekspertë të industrisë. Kështu nuk është një nga flotat më të mëdha.
Përsa i përket avionëve, Aristoteli kishte në pronësi 23 avione mallrash të quajtur Olympic Airways. Por në fillim të viteve 70 kompania filloi të vuante nga rënia e udhëtimeve dhe rritja e kostove. Përvec kësaj, Athina nuk mundi ta trashëgonte këtë, pasi ai e shiti atë tek qeveria Greke në 1975-ën për 68 milionë dollarë.
Ndoshta një nga asetet më me vlerë që Athina ka trashëguar është Skorpios, streha e refugjatve të Onassis në Aegean. Sot ishulli është pothuajse pa asnjë banor. Vizitorët e kanë të ndaluar të qëndrojnë në ishull, dhe aty duken vetëm rojet të cilët vëzhgojnë bregun se mos kalon ndonjë i panjohur. Ishulli mund të vlejë 200 milionë dollarë, sipas John Greer, presidenti i një prej shtëpive që bëjnë vlerësimin e pasurive.
Ka edhe pasuri të tjera, përfshirë këtu apartamente në Paris. Një shtëpi në Londër. Villa në St.Moritz dhe të tjera të shpërndara nëpër botë. Këto i shtojnë të paktën edhe 50 milionë dollarë pasurisë neto të saj, ndërkohë që pasuria në total vlerësohet të jetë rreth 1 miliard dollarë e gjitha e lënë trashëgim për të.
Athina duket se është e kënaqur me pasuritë e saj. Vlerësimet ndryshojnë, por Roussel thotë se do të marrë rreth 1.5 milionë dollarë çdo vit deri në fund të jetës së saj si pjesë e trashëgimisë së Christinës.
Brenda tre viteve, kur ajo të mbushë 21 vjeç, Athina do të mund të trashëgojë vendin e drejtuesit që është i barabartë sa gjysma e pasurisë së Onassis që fondacioni trashëgoi.
Ka mundësi që në këtë kohë ajo t’i bashkohet listës së miliarderëve.