Lajme nga Anglia

[bunny]

hey londonez te shqiperise!!!!

Amnestia e dyte ka hyre ne fuqi tashme. E di kete nga nje shembull, qe dajes tim me gjithe familje i kane ardhe format dhe nje jave mbrapa letrat (dje). Ai nuk i permbushte kushtet e amnestis se pare sepse kalamai i tij kishte lindur mbrapa tetorit te 2000(nese e mbaj men mire vitin), por ne amnestine e dyte i ploteson kriteret sepse kalamai ka lindur para tetorit te 2003.

Keshtu qe mos i humbni shpresat shqipetare, se aty kur mendon se s'ka me rrugezgjidhje, sjell zoti dicka. Ishalla dhe nje amnesti per beqaret. Bye

Shijaksi_london ja ku e ke 1 shembull konkret me lart.Ai artikulli i gazetes ka konfuz shum lexues shqipetare,shresoj qe jo edhe aq shum probleme andej nga zyra!

Sh.Hasanaj kjo amnesty eshte vetem per familjet,pasi keshtu i leverdis Anglise,numri i njerezve eshte me i madh ne 1 familje sesa 1 beqar!

[[xeni]]

bunny, falem nderit per sqarimin...
shkrimet e mesiperme ishin shume rremuje, nuk merrej vesh asgje...

[Shijaksi-London]

Ermal Sinani dhe Florian Metalla u akuzuan për masakrën e lagjes "Palmers Green"

Atentati që terrorizoi Londrën
Çullhai dhe dy të tjerë u qëlluan për pazare droge


Nga Londra Muhamed Veliu

Skena e vrasjes së Edmond Çullhait më 14 janar 2002 është parë dhe përjetuar me tmerr nga banorët e lagjes "Palmers Green" në veri të Londrës, njësoj sikur të ishte një përleshje me armë midis gangsterëve në lagjen "Bronx" të Nju Jorkut. Ekzekutimi mafioz i durrsakut ndodhi shumë pranë rrugës kryesore "Green Lanes" ku gjendet "Fox Pub" shumë i frekuentuar nga grupet keqbërëse shqiptare të zonës. Është mësuar më pas se dy miqtë e plagosur, që gjendeshin nën shoqërinë e Çullhait, ishin edhe ata objekt i sulmit për ti vrarë, sipas policisë londineze "pas prishjes së një pazari droge".

Ngjarja

Sipas policisë londineze, vrasja është cilësuar e tipit mafioz, ndërsa personat e përfshirë në të janë identifikuar si azilantë shqiptarë me banim në Londër. Ngjarja ka ndodhur në 14 janar 2002, rreth ores 21:35. Si shkak kryesor për vrasjen ka qënë mospagimi nga klani i elbasanllinjve të një shume prej mijëra paundësh, pas blerjes së 150 kilogramëve kanabis të presuar. Viktima e këtij krimi Edmond Çullhaj, ka qënë duke dalë nga "Fox Pub" që gjendet në veri të Londrës në lagjen "Palmers Green", së bashku me katër persona të tjerë. Ai ka arritur të bëjë vetëm disa hapa jashtë pub-it, kur një djalë me pistoletë ka hapur zjarr duke e goditur tre herë në kokë. Çullhaj, një djalë me trup të madh, i cili punonte si oficer sigurie në një klub nate, ka vdekur menjëherë. Nga sulmi më pas kanë mbetur të plagour dy miqtë e tij Izet Fejzullahu dhe Ilir Krasniqi, njëri nga Vlora me plumba në stomak, dhe tjetri nga Elbasani, me një plumb në shpatull dhe një në gojë. Ky i fundit mendohet të jetë koka e një klani shqiptarësh të përfshirë në shitblerjen e drogës, me njohje të vjetra me Florian Metallën, një prej të akuzuarve të policisë si autor i ngjarjes.

Mekanizmi

Vrasësi ka hapur zjarr nga një makinë tip "Renault 19" me targa M368UAU, e cila pas krimit është gjetur e braktisur. Sipas dëshmitarëve okularë, të cilët kanë dëshmuar për policinë londineze, mësohet se në makinë kanë qënë edhe disa persona të tjerë. Më pas gjithçka ka qënë e veshur me mister, pasi policia, që ka rrethuar vendgjarjen, ka arritur të mbledhë si prova materiale, vetëm gëzhojat e mbetura. Nga hetimet e mëvonshme, nën drejtimin e DCI (inspektor hetimi) Tevor Albut dhe dëshmisë së dy të mbijetuarve, është arritur në konkluzionin, se autori i vrasjes ka qënë një anëtar i një tjetr klani shqiptarësh, i cili disa ditë më pas është larguar nga Anglia. Policisë angleze nuk i ka mbetur gjë tjetër përveç mbylljes së hetimeve duke shpallur si të dyshuarin kryesor Florian Metallën si dhe një tjetër person, të dhënat për të cilin nuk ishin gjetur menjëherë nga policia shqiptare. Vetëm pas më shumë se dy vitesh policia shqiptare do të mund të identifikonte të dytin e këtij atentati, i cili quhet Ermal Sinani. Dosja me të dhënat e tyre i është dërguar Interpolit, nga ku ata janë skeduar në listën e të kërkuarëve. Vrasja e Edmond Çullhait është e vetmja gjatë shtatë viteve të fundit në komunitetin shqiptar në Angli, ku është përdorur armë zjarri, dhe që autorët e vrasjes nuk janë prangosur nga Scotland Yard.

Motivi

Burime të besueshme pranë komunitetit shqiptar në Londër u shprehën për "Gazetën" se vrasja ka patur motive hakmarrje dhe është ndërrmarrë nga klani i një grupi djemsh nga Tirana, të cilët gjatë periudhës para vrasjes jetonin në veri të Londrës. Tani pjesa e mbetur e tyre është zhvendosur në perëndim të Londrës, në lagjen "Honsloë" ku vazhdojnë aktivitetin kriminal. Zbardhja e vrasjes në Londër ndodhur dy vjet më parë do të dilte në skenë vetëm disa javë më parë pas arrestimit të njërit nga pesë pengëmarrësit e Fatjon Demirlikës, njohur ndyshe si pengu 100 mijë euro. Arrestimi i Florian Metallës në banesën e tij në Sukth, si një nga të përfshirët në pengmarrje, përveç akuzave të reja për pengmarrje nuk i ka shpëtuar edhe hetimit për vrasjen e Londrës, të cilës i është vënë autorësia e tij.



Ermal Sinani, akuzohet si bashkpunëtor me Flroian Metallën në ekzekutimin e Edmond Çullhait

Masakra e Londrës, pranga në Tiranë
Specialët arrestojnë 27-vjeçarin për krimin e janarit 2002



TIRANE
Policia shqiptare ka arritur të vërë në pranga edhe të dyshuarin e dytë si autor të vrasjes së Edmond Çullhait dhe plagosjes edhe të dy shqiptarëve të tjerë, ngjarje kjo e ndodhur në Angli më 14 janar të vitit 2002. Në bazë të të dhënave të ardhura nga autoritetet e policisë dhe prokurorisë së Londrës, policia shqiptare ka arritur të vërë në pranga Ermal Sinanin, 27 vjeç, me banim në zonën e Laprakës në Tiranë. Sinani, së bashku me Florian Metallën (tashmë i arrestuar për gjobëvënien ndaj Fation Demirlikës), dyshohet se në bashkëpunim me njëri-tjetrin janë autorë të vrasjes, së cilësuar tipike mafioze, pasi viktima Çullhai kishte marrë 5 plumba në kokë.

Operacioni

Arrestimi i Ermal Sinanit regjistroi një tjetër rast të suksesshëm të bashkëpunimit midis institucioneve të drejtësisë angleze dhe atyre shqiptare. Pas marrjes së informacionit nga autoritetet angleze, në operacionin për identifikimin dhe kapjen e Sinanit kanë bashkëpunuar Prokuroria e Përgjithshme, zyra e Interpol Tiranës dhe forcat speciale të policisë. Sipas burimeve nga kjo e fundit, Ermal Sinani njihej në Angli me emër tjetër dhe kjo ka vonuar edhe arrestimin e tij në një kohë më të shpejtë. Gjithnjë sipas burimeve, Sinani kishte filluar t'i trembej arrestimit të mundshëm, pasi u identifikua shoku i tij i ngushtë, Florian Metalla, si një prej autorëve të vrasjes në Angli. Që nga ky moment, Sinani, i cili punonte si menaxher i një lokali në afërsi të stadiumit "Selman Stërmasi", vendosi të ndërrojë shtëpi dhe nga Tirana e Re shkon me banim në periferi të zonës së Laprakës, pranë autostradës Tiranë-Durrës. Por, me gjithë lëvizjet për të humbur gjurmët, prokuroria në bashkëpunim me Interpolin dhe policinë arritën ta identifikonin dhe të lokalizonin banesën e tij. Burimet policore janë shprehur për Gazetën se 48 orë para arrestimit Sinani është mbajtur nën vëzhgim të plotë nga agjentët e policisë. Pasi janë siguruar mbi vendndodhjen e saktë dhe identitetin, forcat speciale të policisë kanë ndërhyrë në befasi, duke arrestuar të shpallurin në kërkim nga drejtësia angleze.

Hetimi

Hetimet paraprake dhe provat që fajësojnë 27-vjeçarin Ermal Sinani dhe Florian Metallën në vrasjen e Edmond Çullhait dhe plagosjen e dy shqiptarëve të tjerë, janë kryer nga Prokuroria e Përgjithshme angleze. Sipas materialit hetimor të ardhur në Prokurorinë e Përgjithshme shqiptare, Sinani dhe Metalla dyshohet të ishin pjesë e një trafiku droge në Angli. I njëjti dyshim është edhe për viktimën, Edmond Çullhain, i cili mendohet se bënte pjesë në një rrjet tjetër të trafikut të drogës po në Angli. Prekja e interesave në këtë trafik dhe konfliktet e nisura për të zaptuar sa më shumë treg shitjeje, dyshohet se janë edhe motivi i vrasjes së ndodhur në një pab të Londrës. Pas arrestimit të Sinanit, pritet që autoritetet angleze të sjellin të plotë dosjen dhe hetimet e kryera për këtë ngjarje, të cilat do të plotësohen më tej me hetimet që do të kryhen nga Prokuroria e Krimeve të Rënda. Në bazë të marrëveshjeve të nënshkruara dhe Konventës Europiane për Ndihmë të Ndërsjelltë Juridike, gjykimi ndaj Ermal Sinanit dhe Florian Metallës do të bëhet në Tiranë, në Gjykatën e Krimeve të Rënda, në bazë të provave dhe hetimeve të kryera nga pala angleze.

INTERPOL-Tirana: Më 2004 kemi shpallur kërkimin për 400 vetë

Drejtuesi i zyrës qendrore të Interpol-Tiranës, Komisar Artan Bajraktari, ka bërë publike gjatë ditës së djeshme në një seminar për shkëmbimin e informacionit policor ndërkombëtar, shifra optimiste. Komisar Bajraktari, në takimin ku merrte pjesë edhe ministri i Rendit Igli Toska si dhe drejtori i Përgjithshëm i Policisë, Bajram Ibraj, ka pohuar se gjatë vitit 2004, në sajë të përkushtimit por të ndihmuar edhe nga modernizimi i mjeteve të komunikimit, zyra e vogël e Interpol-Tiranës ka arritur të plotësojë skedat për kërkim ndërkombëtar të rreth 400 shqiptarëve të penalizuar dhe t'i fusë këto të dhëna në rrjet. "Sot, në sajë të përpjekjeve tona të përbashkëta është bërë e mundur që dora e drejtësisë shqiptare të arrijë në pothuajse të gjithe kontinentet. Vetëm në këtë vit janë arrestuar me qëllim ekstradimi mbi 87 persona në kërkim ndërkombëtar, janë ekstraduar 36 të kërkuar (brenda dhe jashtë vendit), jane kryer verifikime për mbi 3000 mjete, është dyfishuar volumi i punës krahasuar me një vit më parë..." ishte një pjesë nga fjala e Bajraktarit.

Identifikimi i vështirë për shkak të ndryshimit të emrit

Policia dhe prokuroria shqiptare pohojnë se e kanë patur shumë të vështirë të identifikojnë Ermal Sinanin në Tiranë. Kishin muaj që kishin ndër duar të dhënat e policisë angleze, por vrasësi i Edmond Çullhait, njihej në Londër me të paktën dy emra të ndryshëm. Nuk dihet se si hetimi ka rënë në gjurmë të tij, porse dihet që është dashur një kohë e gjatë dhe kërkime të vazhdueshme. Duket në gjurmë të Sinanit hetimi ka rënë në të njëjtën kohë me arrestimin e mikut të tij të implikuar në një gjobëvënie, Florian Metalla. Vetë Sinani ishte paraqitur ato ditë në prokurori duke u munduar të ngrinte një alibi për mikun e vet, Florianin. Ai kishte pretenduar para përfaqësuesve të akuës se Metalla, përgjatë kohës që akuzohej të kishte marrë pjesë në pengmarrje, ishte në shoqërinë e tij dhe të disa miqëve të tjerë të përbashkët, në të tjera ambiente.

Ermal Sinani kërkohet edhe nga Interpol-Roma

Burime të policisë së Tiranës pohuan dje për Gazetën se i sapoarrestuari për llogari të drejtësisë angleze Ermal Sinani kërkohet edhe nga policia italiane. Teksa e kërkonin në Tiranë për vrasjen e një shqiptari dhe plagosjen e dy të tjerëve, në adresë të Interpol-Tiranës kishin mbërritur të dhëna për veprimtarinë e tij në Itali. Sipas këtyre të dhënave ishte interceptuar implikimi i Sinanit në rrjetë të trafikut dhe të shpërndarjes së drogës si dhe në një rast trafiku për qëllim prostitucioni. Nuk dihet nëse drejtësia italiane, pasi të mësojë për arrestimin e tij, do të dërgojë në Tiranë dosjen e saj për gjykim.

[BlueBaron]

... ej, o shijakso, po nai lajm ekskluziv per ne te forumit nuk ke ???

[StormAngel]

Me miratimin e ligjit të ri mbi imigracionin do të riatdhesohen edhe minorenët, shumica e të cilëve janë shqiptarë

Britania, fushatë për kthimin e shqiptarëve më 2005


Lavdrim Terziu, Londër

Endrra e shumë shqiptarëve për një amnisti të plotë dhe mundësi qëndrimi në Britani të Madhe duket se do të mbetet vetëm e tillë. Që tani paralajmërohet një vit i ri, jo shumë i këndshëm për ata shqiptarë që janë refuzuar të qëndrojnë në këtë vend. Këtu përfshihen edhe ata që janë regjistruar si minorenë dhe që janë pajisur me leje të përkohshme qëndrimi mbi baza “mëshire”. Me qindra minorenë shqiptarë që mbahen nëpër shtëpitë e shërbimeve sociale pritet të kthehen njëherë e mirë pranë prindërve të tyre.
Një zëdhënëse e Ministrisë së Punëve të Brendshme (Home Office) ka konfirmuar për gazetën “The Guardian” planin e qeverisë laburiste për deportimin e të miturve. “Ne mendojmë se është me vend të deportohet një fëmijë. Eshtë për të mirën e fëmijëve që të kthehen në gjirin e familjeve të tyre”,- thotë ajo. Ajo pohon gjithashtu se shumica e kësaj kategorie i përket kombësisë shqiptare. Tashmë, me miratimin e ligjit mbi imigracionin, Britania e Madhe nuk ka asnjë detyrim të mbajë fëmijë azilantë nën moshës 18 -vjeçare.
Ky plan pritet të kundërshtohet nga shoqatat dhe organizmat në mbrojtje të të drejtave të njeriut, por ekziston mundësia që armët të drejtohen nga ish-sekretari i Punëve të Brendshme, David Blanket që sapo ka dhënë dorëheqjen dhe Charles Clarke t’u shmanget përgjegjësive. Për më tepër, opinioni publik mund dhe të mos jetë shumë entuziast në përkrahje të minorenëve shqiptarë, pasi këta të fundit janë përfolur shumë shpesh nëpër media për dhunën dhe sjelljen e tyre të keqe. Shumë punonjës socialë janë të ndërgjegjshëm gjithashtu edhe mbi rastet e abuzimit me moshën. Ka shumë të rinj që i kanë kaluar të njëzetat dhe janë deklaruar si minorenë. Në këtë rast, ligji anglez ndalon përdorimin e analizave mjekësore për verifikim.
Neni për deportimin e shqiptarëve pritet të jetë si shtojcë e një drafti të ri më të plotë mbi politikat e imigracionit. Ministria britanike e Punëve të Brendshme (Home Office), pritet ta bëjë publik këtë draft me fillimin e vitit të ri. Sipas burimeve në “Home Office”, legjislacioni i ri mbështetet në legjislacionin australian ku e drejta e qëndrimit në këtë vend fitohet me pikë në bazë të moshës, profesionit, nivelit të anglishtes, gatishmërisë për të punuar në zona më të prapambetuara dhe pak të populluara të Britanisë, etj.
Qeveria e laburistëve po përpiqet të mbulojë kështu një nga pikat më të dobëta të saj, emigracionin. Në prag të zgjedhjeve që po afrohen, konservatorët po bëhen gjithnjë e më agresivë në akuzat e tyre ndaj qeverisë së Tony Blair. Kjo e shtyu sekretarin e ri të Punëve të Brendshme, Charles Clarke që ta konsideronte prioritet të prioriteteve çështjen e imigracionit dhe të zotohej për masa më të rrepta ndaj azilkërkuesve.
Marrë nga www.albanianmail.co.uk (gazeta më e madhe online në Britani)

[ZEMEReZJARRTE]

Mua bashke me familjen na erdhen format para disa javesh, hala asnje fjale nuk na ka ardhe, por mesa di une shumica po merr indefinite leave to remain pas kater javesh.
Vec per nje problem desha te qartesohesha, e di se duhet certificate kosovare per travel document ( problematike per ne te shqiperise), por a duhet certificate ose pasaporte kosovare per te aplikuar per british pas 1 viti? Disa thone jo, e disa thone se duhet. A din kush gje?

[bunny]

Mua bashke me familjen na erdhen format para disa javesh, hala asnje fjale nuk na ka ardhe, por mesa di une shumica po merr indefinite leave to remain pas kater javesh.
Vec per nje problem desha te qartesohesha, e di se duhet certificate kosovare per travel document ( problematike per ne te shqiperise), por a duhet certificate ose pasaporte kosovare per te aplikuar per british pas 1 viti? Disa thone jo, e disa thone se duhet. A din kush gje?

Ne radhe te pare ti gezosh letrat (fakti qe te kan ardhur format i ke te marme)
Persa i perket marjes se 'pashaportes/travel doc etj ' Ti mund te aplikoshe per ato mbas 1 viti (duke llogaritur me daten kur pergjigja positive te ka ardhur nga Home Office)Dmth si sot 1 vit..ti duhet te procedosh aplikimin per travel document.
Ky eshte rregulli qe vjen me amnestin, por nqfse ti i don me heret Home office e aprovon kerkesen tende,duke te kerkuar ty certifikate e polot dukumenta te tjera,si edhe pashaporte per ato kosovare qe e kane (ose shqiptare,varet sesi je ketu).
Nqfse don te harxhoshe parat kot apliko per pashaporte edhe neser...por asnje deri tani nuk ka mare pergjigje positive.Shpresoj te jesh paksa i sqaruar.
Edhe njehere ti gezosh letrat,me te vertete lajm per tu mare per vit te ri eshte!
Gezuar!

[ZEMEReZJARRTE]

Flm per pergjigjen, por po behem paksi e bezdishme e te pyes per nje sqarim me tej. Me sa di une, mund te aplikohet per *travel document* sapo te vine letrat, jo te presesh 1 vit.Por me ligjin e ri, duhet prove indentifikimi, dmth nje certifikate ose pasaporte kosovare she atehere mund te marresh te drejten e udhetimit. Problemi eshte se ata shqiptare te paraqitur si kosovare nuk kane ku ti marrin keto certificata, keshtu qe mbetem pa travel.
Gjithe shpresa tani eshte ne *British Passport*. E di se mund te aplikohet pas 1 viti me Indefinite Leave to Remain, dhe nese ke 5 vjet ketu.
Une doja te dija, nese kerkohen certificata kosovare per British Passport, ashtu sic kerkohen per Travel Document?

Ishalla nuk dojne certifikata kosovare, se po i deshen, tan ata shqiptare qe jane paraqitur si kosovare dhe u perfshine ne amnesti mbeten pa udhetuar dhe pa pasaporta.

[bunny]

Flm per pergjigjen, por po behem paksi e bezdishme e te pyes per nje sqarim me tej. Me sa di une, mund te aplikohet per *travel document* sapo te vine letrat, jo te presesh 1 vit.Por me ligjin e ri, duhet prove indentifikimi, dmth nje certifikate ose pasaporte kosovare she atehere mund te marresh te drejten e udhetimit. Problemi eshte se ata shqiptare te paraqitur si kosovare nuk kane ku ti marrin keto certificata, keshtu qe mbetem pa travel.
Gjithe shpresa tani eshte ne *British Passport*. E di se mund te aplikohet pas 1 viti me Indefinite Leave to Remain, dhe nese ke 5 vjet ketu.
Une doja te dija, nese kerkohen certificata kosovare per British Passport, ashtu sic kerkohen per Travel Document?

Ishalla nuk dojne certifikata kosovare, se po i deshen, tan ata shqiptare qe jane paraqitur si kosovare dhe u perfshine ne amnesti mbeten pa udhetuar dhe pa pasaporta.

Edhe po te mendosh logjikisht eshte absurde nqfse kjo eshte e vertete, pasi asnje nuk do munde te mare ate certifikate (duke menduar qe % me e madhe eshte shqiptare)Azilant kerkues/refugjat jane ato njerez qe (ne shum pak raste)udhetojne me letra te rregullta (arsyje te ndryshme).Edhe refugjatet nga vendet Afrikane,Algjiriane nuk kane pashaporta te sakta pasi nga sistemi qe eshte atje.
Une kam punuar gjith veres ne 1 zyre avokatesh, ku ishte perjudha ku format po vinin cdo dite,asnje avokat aty nuk ju ka thene klienteve te tyre qe duhet te aplikojne, edhe duhet te gjejne certifikate etj etj,por thjeshte ju kan keshilluar qe ' ti ke te drejte te aplikoshe per british pas... mbas 1 viti' Sipas rregullit te kesaj amnistie.
Tani une te thashe aq sa dija,por mendoj qe 1 vizite tek avokati jot do jete 1 vendim me i mire.Pasi ai din me shum per ceshjten tende,edhe si avokat mund te te keshilloj me mire.Nqfse nuk mendon qe avokati jot te jep pergjigje te sakte (duke ditur sesi jane disa avokatet sot)mund te maresh Home Office'n ne telefon (po deshe mos i thuaj gje se kush je)por thjeshte pyet ato pyetje qe pyete me lart.Nqfse ben kete mundoju te gjeshe numrin e tl te duhur. Home Office ka 1 grup punetoresh qe meren vecanerisht me ket amnesti,kshq gjej departamentin e duhur,pasi ato jane me me eksperience edhe din me shum sesa 1 punojs tjeter ne Home Office.

ps.se cfare ka ndryshuar ligji i ri, kam folur ne disa poste pak me lart...

[Shpirt Njeriu]

Faqja 11 - AKTUALITET Dhjetor30, 2004


Vrasja në sallën e koncertit të organizuar me këngëtarë shqiptarë. Kamerat fokusuan ngjarjen

Një shkodran përgjaku Krishtlindjen
Policia angleze dërgon në gjyq Robert Linadin


--------------------------------------------------------------------------------

Nga Londra Muhamed Veliu


Një 21 vjeçar nga Bajza, i lënë i lirë nga gjykata e krimeve në Londër një vit më parë, është vrasësi i Xhevahair Demajt, emigrantit shqiptar, që u vra natën e Krishtlindjeve në Londër. Robert Linadi, i arrestuar të nesërmen e vrasjes duke tentuar lënien e Anglisë, është përballur dje në gjykatën e "Greenwich Crown Court" me akuzën për vrasjen e 31 vjecarit nga Grizha e Shkodrës, gjatë një koncerti me yjet e muzikës shkodrane në lagjen Wood Green.

Akuzat
Robert Linadi banues në adresën "Windmill Lane, Stratford" në lindje të Londrës i shoqëruar nga katër gardianë ka mbërritur në gjykatën e Greenwich Crown Court në orën 11:00 të ditës djeshme. Gjatë seancës gjyqëosore, që ka zgjatur 20 minuta, atij fillimisht i është lexuar akuza për vrasjen e emigrantit Xhevahir Demaj. Linadi, emri i të cilit figuron në listat e policisë londineze me një të kaluar të errët, nuk e ka pranuar akuzën, pamvarësisht se hetuesit e çështjes kanë në dorë një arsenal të tërë provash. Një nga detektivët e skudrës speciale të krimeve i ka treguar gjykatës disa nga provat e deritanishme, të cilat i japin autorësinë e krimit Linadit. Ai fillimisht ka treguar detajet e një sherri, nga ku mbeti i goditur me thikë në gjoks një i ri shqiptar. Por, për policinë e Londrës prova më e fortë, e cila duket se do të fundosë drejt burgimit të përjetshëm autorin e vrasjes, është pikërisht kaseta filmike e sistetim të brendshëm të sigurimit.

Arrestimet
Robert Linadin kësaj radhe se ka ndihmuar fati, njësoj si një vit më pare, kur ai fitoi lirinë pas një vendimi të cilësuar nga mediat si "budallallëk" i kryer nga një gjykatës anglez. Filmimet e sistemit CCTV ka qënë fatale për vrasëin nga Shkodra, i cili menjëherë pas kryerjes së krimit është zhdukur nëpër rrugët e lagjes Wood Green. Sipas burimeve policore Linadi, që natën kur ndodhi vrasja ishte shpallur person në kërkim për vrasje. Ndërkohë që emri i tij për Scotland Yard ka tingëlluar i dëgjuar dhe emri i tij është gjetur i regjistruar në dosjet e krimit shqiptar ku "militonte" për një kohë të gjatë. Mëngjesin e 26 Dhjetorit rreth orës 08:45, pika kufitare e portit të Doverit në Kent ka arritur që të identifikojë të kërkuarin Linadi. I shoqëruar nga një tjetër shqiptar, ata janë parë duke prerë bileta në mënyrë, që të arrinin të largoheshim me target për në Belgjikë apo Francë.

Vrasja
Kur dukej se gjithçka shkonte mirë, dhe emigrantët shqiptarë në veri të Londër ishin në kulmin e argëtimit një ngatërresë mes disa të rinjve shqiptarë ka prishur gjithçka. Ngatërresa midis tyre nuk është pëlqyer nga Xhevahir Demaj, i cili është angazhuar në qetësimin e gjaqeve, pa e ditur se një ndërhyrje e tillë disa minuta më vonë do t'i kushtonte jetën. Nga dëshmitarë okularë, të cilët tashmë kanë dëshmuar për policinë londineze është mësuar se njëri nga djemtë e përfshirë në sherr, tashmë i identifikuar si Robert Linadi, ka lënë tavolinën për të dalë nga salla e koncertit. Ai i është drejtuar makinës që e kishte parkuar aty pranë, nga ku marrë një thikë. Me të t'ju afruar Demajt, ai është parë që t'i hedhi dorën në qafë Demajt dhe më pas me dorën tjetër e ka goditur pa mëshirë në gjoks, shumë afër zemrës. Viktima ka mundur të vërë dorën në gjoks për të bllokuar gjakun, dhe të ndjekë Linadin deri sa i janë këputur gjunjtë në të dalë të sallës. Ai ka mundur që të jetojë vetëm 20 minuta që nga momenti i goditjes. Plaga e marrë që ka shkaktuar hemoragji, ka bërë që ai të ndërrojë jetë në një spital lokal në veri të Londrës.


Kamerat në sallë filmuan vrasjen

I gjithë sherri dhe më pas goditja me thikë e Xhevahir Demajt është e regjistruar në kasetë. Nuk bëhet fjalë për ndonjë kamera amatore, të cilat kanë qënë me shumicë atë natë, duke filmuar koncertin, por për disa kamera survejimi që kanë qënë të instaluara në sallën e koncertit "The Decorium". Sistemi i quajtur CCTV me një kualitet të lartë cilësie ka filluar të regjistrojë minut pas minute hyrjen e njerëzve në koncert, madje operatori i sallës së kontrollit ka mundur të fiksojë momentin e nguljes së thikës në gjoksin e viktimës nga një djalë rreth të 20-tave në momentet e sherrit. Një kasetë e tillë në dorën e policisë ka bërë të mundur në një kohë të shkurtër, identifikimin e vrasësit dërgimin e fotove në pikat e kalimit të kufirit.


Linadi u arrestua për pengmarrje më 2003

Pa kaluar ende një vit nga fitimi i lirisë të paparashikuar as nga vetë ai, shkodrani Robert Linadi kryen krimin e rradhës. E nëse një vit më parë ai u përfshi në pëngmarrjen e një vajze nga Gjirokastra, natën e Krishtlindjeve, ai nuk do të nguronte t'i ngulte thikën një bashkëpatrioti të tij nga Shkodra. Alex dhe Anton Gjekaj janë dy miqtë e tij po nga Malësia e Madhe, të cilët janë identifikuar nga policia si një grup, apo bandë keqbërësish. Vitin e shkuar Linadi së bashku Nexhmedin Ramadanin, Besnik Brecaj, Aleks Gjekaj morën peng shtetasen shqiptare A.M. në lagjen "Acton", ku ajo punonte si prostitutë. Ata i kërkuan tutorit të saj 30 mijë paund në këmbim të lirisë. Linadi së bashku me Gjekajn e marrin atë peng duke e futur me dhunë në makinë në mes të ditës. Rrëmbimi është parë nga banorët lokalë, të cilët kanë dëshmuar për policinë. Grupi i rrëmbyesve do të përfundonte në pranga disa muaj më pas me akuzat për rrëmbim përsoni, pengmarrje, dhe përdhunim. Fundi i Qershorit 2003, do t'i gjente të arresturit përballë gjykatësit Martin Zedman. Por gjykatësi në fjalë, pas një gjyqi maratonë prej disa muajësh, me kosto rreth një milion paund, e quajti dëshminë e viktimës si "jo të besueshme" duke pushuar çështjen e lënë të lirë ta akuzuarit.