Pesha E DashurisË...

[Agim Doçi]

Edhe Sizifi e kish të lehtë
të mbante gurin përmbi shpinë
ma ka zili atlasi vetë
që mbaj në shpirt veç dashurinë

kjo dashuri sa gjithësija
ka dimension prej galaktike
ajo rëndon sa poezija
sa të gjith vargjet homerike

se brenda mban trojën e djegur
që u shkrumbos nga dashurija
unë mbretëreshën vetë e kam gjetur
ku e merr cakun vetë perëndija!

ngrijeni kokën vështroni qiellin!
a nuk e shihni ju yllin tim!?
ajo në shpirt më ka sjellë diellin
ajo në varg më sjell frymzim!

shikoni pak lulet që çelin!
dëgjoni pak si qesh fëmija!
dëgjoni zogun që çel mëngjesin!
nuk është magji!...është dashurija!

ajo të flet me zë ngrohtë
ajo e ngre njerin nga varri
ajo mban gjallë, njerzit në botë
ajo është froni prej sundimtari.

merrni me vehte ngado që shkoni!
prushin e mallit të dashurisë
si me magji do fluturoni
në krahë engjëjsh të perëndisë.

kur jeni larg dhe dashuroni
i mbyllni sytë dhe frymën ndalni !
tek ylli yt, ju mos dyshoni
mos mbaj mëri por vetëm falni...

se jeta vjen vetëm një herë
ashtu siç vjen vetë dashurija
troket në shpirt dhe hap një derë
që e bekon vetë perëndija!

[RremujeTR]

nje mrekulli poezia qe keni shkruat Zoti Doçi. me preku vertet shume

[Brari]

e bukur fantastike..


agim.. kur do na tregosh dicka per Eurovizion 2004 ne stamboll?

Si e perjetuat ju Grupi shqiptar suksesin etj..

Ne pritje..

[sweet_babe]

wooow...nice fare!!! vazhdo kshu yvo