Mesazh Diellor

[Agim Doçi]

MESAZH DIELLOR

Unë ju dua fort pafundësisht të gjithëve
Edhe sikur fatkeqsisht i verbër të isha
Do u dallonja midis miliarda yjeve
Dhe emër për emër sejcilin do e thërrisja!

Sikur të dy veshët të m'i shurdhonin
Dhe me tel të m'i shponin timpanat
Unë zërat tuaja sa herë do më kërkonin
Do i ndjeja më të forta se të gjitha këmbanat!

E përse ahere ju merr malli për mua!?
Unë jam tek sejcili në shpirt e në zemër.
T'u them një sekret: - Unë kaq fort ju dua
sa herë pas here ju vij dhe në endërr.

Një herë ju vij në formën e babagjyshit
Herën tjetër, ju vij si një kal i bardhë
Ka raste që ndonjerit nën lëkurën e shpirtit
I rri si një plagë, që pikon vetëm mallë...

ndaj diellin e mëngjezit unë e shoh i pari!
Se netët i kaloj duke menduar për ju.
Dhe rrezet e atij lëmshit që digjet si zjarri
Ua çoj si mesazh: "Ej, ngrohuni këtu!!!".

[Brari]

Te lumt pena mjeshter !

[shigjeta]

Nje mesazh i bukur njerezor!

[StormAngel]

Vetem te shpreh perkrahjen time dhe respektin per poezite tuaja z.Agim.Vazhdoni me punen tuaj.Ju lumte pena per shkrimet.
Zoti ju bekofte

[Agim Doçi]

Ju faleminderit miq dhe shokë! Shigjetën e përqafoj fort, ndërsa Brarin dhe ty StormAngel i Gostivarit ju uroj me gjithë zemër : QOFSHI PËRHERË TË LUMTUR PRANË NJERZVE QË I DONI DHE JU DUAN!
AGIM