Gra Mekatare

[SkenderRusi]

GRA MËKATARE

Gra të puthura
jo me burrat tuaj,
Që nxitoni për në kishë
të pastroni shpirtin,
Nga të gjithë mëkatet
që bota ka krijuar,
Ju keni zgjedhur ndoshta,
më të mirin!

Gra që nervozoheni
si asnjëherë tjetër,
Nga vështrimet e paturpshme
që ju hedhin në rrugë,
Nga të gjitha fjalët
që mbrapa ju ndjekin,
Unë e di mirë që ju tmerron
fjala:kurvë!

Gra që burrat tuaj
s’i bëtë dot ‘’të dashur’’,
Por dashurinë e kërkoni
gjer tek e pamundura,
Nga të gjitha marrëzitë
që jeta juaj ka patur,
Unë them që kjo
është më e bukura!

Gra që keni bërë
zgjedhjet tuaja fatale,
Unë s’ju them,mos shkoni në kishë
të luteni!
Por them se është e shëmtuar
të kërkoni falje,
Kur e dini që prapë
do shkoni të putheni…
3 mars 2004

GRATË E POETËVE

Gjithnjë të plagosura
këto gratë e poetëve!
(Në librat e tyre
gjen aq shumë’’ të dashura!’’)
I torturon mendimi
që vazhdon të ketë ende,
Ballo të tilla absurde,
me maska!


Gjithnjë Arkimede
këto gratë e poetëve!
Kërkojnë enigma
nëpër gërma etruske!
I tremb humnera
e ndonjë dashurie të djeshme!
I tmerron rënoja
e ndonjë tradhëtie të mundshme!

Gjithnjë të pagabuara
këto gratë e poetëve!
(Megjithatë,nuk japin dot,
asnjë lloj dënimi!)
‘’Eurekat’’ e tyre
s’ia tregojnë asnjë tjetre,
I vuajnë vetë pasojat
e çdo dimri!

Gjithnjë të dashuruara
këto gratë e poetëve!
Paçka se i sheh aq rrallë
nëpër iniciale!
O…po ato janë
fillimi i çdo vjershe,
Dhe fundi i çdo marëzie
të madhe!
30 mars,2004








MUZG

Dita sot lindi e verbër,
Me dy zgavra bosh në vend të syve.
Brenda saj-një Bethoven funebër
Dhe unë si një murg-brenda tyre!


Duart zgjas në ajër,prek terrin,
Mbështjellë jam i teri me muzgje!
Diogjen,më jep pak fenerin,
Që të shoh,kush më pret,atje tutje!


Unë po mbrrij atje ku fle vdekja,
Dhe ajo mund të zgjohet në çast!
Unë jetoj nëpër ditë të verbra,
Si një diell në një eklips fatal…

19 shkurt 2002



NE FSHATIN E VDEKUR


Shkova në fshat
e m’u ankuan të gjithë,
Për halle,
Sëmundje,
Vdekje,
Për kryeplakun
që kish ikur në Amerikë
Duke marrë edhe vulën me vete!


Shkova në fshat për t’u çmallur,
Po atje kishin mbetur
vetëm pleqtë!
Nëpër rrugë kish
vetëm të çmëndur,
Që s’kishin sy,por puse me brengë!



Shkova në fshat për dallëndyshet,
Por ato ishin kthyer në harabela!
Dhe gjithë pëllumbat
ishin kthyer në qyqe,
Dhe të gjitha pemët
i kishin gjethet të zeza!



Shkova në fshat për ajër,
Por edhe ai
kish emigruar,ndoshta!
Arkivolet,dihet,janë të rëndë,
Por ky i fshatit
tmerrësisht,të lodhka!

4 tetor 2003

NË LULISHTEN ‘’V.MIO’’

Mbasditja
Po fle
Mbi plep.


Harabelat
Dal vivo
Nëpër degë.

Pleqtë
Përtypin gazeta
Nën hije.


Ju kanë shpallur
Plakave
Grevë urie.

8 nëntor, 2003

[macia_blu]

skender, e kisha lexuar kete cikel edhe ne vellimin e fundit "Se ti gjithmone sec ben ca gjera". URIME dhe flm qe i sjell edhe ne forum.
macia_blu!




Vajze me emer lumi


Te rrjedh nje lume
brenda emrit qe ke
Po une ku jam
brenda lumit
apo brenda teje!?

Nese do te mbytem
nje dite atje
kufomen time
vec ti e di
ku mund ta gjeje!



Pa dashje

pa dashje kam plagosur nje grua
(s'e dija qe me desh aq marrezisht!)
ajo ishte nje yll nga qielli larguar
e zbritur ne toke rastesisht!


pa dashje kam fyer nje grua
e putha ne faqe,
. ne nje nate pa drita
pastaj dhe ne balle
. nje puthje te dyte
Ia shtypa pak hunden me gisht edhe ika!


Pa dashje kam vrare nje grua
(eh grate u vrikerkan aq shpejt!)
Ajo iku ne qiell prej nga ish larguar
Te vuante zhgenjimin e vet!


(marre nga "lirika dashurie" S. R)

[Elna Durrësi]

GRA MËKATARE

Gra që burrat tuaj
s’i bëtë dot ‘’të dashur’’,
Por dashurinë e kërkoni
gjer tek e pamundura,
Nga të gjitha marrëzitë
që jeta juaj ka patur,
Unë them që kjo
është më e bukura!

Nga të gjitha marrëzitë
Kjo është më e trishtuara.
Burra
që gratë tuaja kurrë s’i admiruat
Përpos një ditë, një orë, një vit
kur rutinat janë tashmë të instaluara
Takohen zyrtarisht Venus- Afërditë
Hallakaten të dy nëpër orbita
Kërkuar dashurinë a thyer vetminë?!

Elna.