Dorëzohen kufomat e 40 shqiptarëve

[StormAngel]

Autoritetetet serbe i kanë dorëzuar të enjten zyrtarëve të misionit të OKB-së në Kosovë (UNMIK), 40 kufoma të shqiptarëve të vrarë gjatë konfliktit.
Trupat e pajetë të 40 shqiptarëve, janë nxjerrë nga një varrezë massive në afërsi të Beogradit vitin e kaluar.

Deri tani, Zyrës për të Zhdukurit pranë UNMIK-ut, u jane dorëzuar afro 300 kufoma të shqiptarëve, nga mbi 800 kufoma sa mendohet se gjenden në disa varreza massive në Serbi.

Para përfundimit të konfliktit në Kosovë, në qershor të vitit 1999, autoritetet e atëhershme serbe, bartën një numër kufomash të shqiptarëve të vrare nga Kosova, ne brendi të Serbisë.

Zyrtaret në Kosovë flasin për rreth 3500 qytetarë të Kosovës të zhdukur që nga përfundimi i luftës.

Familjaret e të zhdukurve dhe të të vrarëve, kanë kërkuar sërish që autoritetet serbe t'i dorëzojnë menjëherë të gjitha kufomat e gjetura në varrezat massive në Serbi.

[StormAngel]

Ndersa Shekulli shkruan kete:

Mbërrijnë në Kosovë një pjesë të trupave që ndodhen në varrin masiv të Batajnicës në Serbi

Serbia dorëzon 38 kufoma të luftës në Kosovë

Kosovarët kërkojnë kthimin e menjëhershëm edhe të 500 trupave të tjerë të vrarë luftës

Shekulli

MERDARE - Autoritetetet serbe i kanë dorëzuar, të enjten, zyrtarëve të misionit të OKB-së në Kosovë (UNMIK), 38 kufoma të shqiptarëve të vrarë gjatë konfliktit. Trupat e pajetë të 38 shqiptarëve, janë nxjerrë nga një varrezë masive në afërsi të Beogradit, vitin e kaluar. Të afërmit e viktimave nga Theranda, kishin dalë për të dhjetën herë me radhë në Merdare, për të pritur kthimin e kufomave të shqiptarëve të vrarë gjatë luftës. Njëri prej tyre, Halit Berisha, i cituar nga “Zëri i Amerikës”, shpreson se mbetjet e të vëllait, i zhdukur si 40 të afërmit e tjerë, mund të jenë në qeset e bardha të plastikës, të sjella me një kamion nga Serbia. “Ky është një krim, një poshtërsi e Komunitetit Ndërkombëtar, që na lejon neve të presim për të dhjetën herë. Ndaj kërkojmë, nga Komuniteti Ndërkombëtar, një trysni shumë të madhe në autoritetet serbe që, menjëherë, pa kurrfarë kushtëzimi, t’i kthejnë të gjithë eshtrat e shqiptarëve të vrarë”, - thotë Halit Berisha.
Autoritetet serbe u dorëzuan, në Merdare, 38 kufoma të shqiptarëve të vrarë, përfaqësuesve të UNMIK-ut. Kufomat janë zhvarrosur nga varreza masive në Batajnicë. Supozohet se viktimat mund t’i përkasin masakrës së Mejës, por identifikimi i tyre final do të bëhet në Morgun e Rahovecit. Ndërkohë, derisa zyrtarët e UNMIK-ut nuk janë deklaruar për mediat, përfaqësuesi i shoqatave të Pengjeve të Zhdukura dhe Viktimave të Luftës, Sheremet Ademi, thotë se “tërë zvarritja e kthimit të kufomave nga Serbia, është një lojë politike.”
“Vërtet jemi shumë të zhgënjyer dhe presim një reagim edhe më të fuqishëm, presim që, të paktën, të ketë një korrektësi dhe t’i jepet fund kësaj loje me ndjenjat tona”, - thotë Ademi.
Kryetari i Komisionit për Personat e Zhdukur në Qeverinë e Kosovës Habit Hajredini, thotë se si institucionet po kërkojnë vazhdimisht nga pushteti serb që të kthejë dhe identifikojë kufomat e gjetura në varrezat masive në Serbi.
“Kjo është një kërkesë e vazhdueshme dhe do të këmbëngulim që të bëhet një riatdhesim në Kosovë dhe identifikim sa më i shpejtë. Të kthehen të gjitha kufomat në Kosovë dhe të mos përsëritet kjo që po ndodh, që një ditë të kthehen 30, ditën tjetër 15”, - tha Hajredini.
Në varrezat masive të Batajnicës dhe Petrovo Selos, janë gjetur rreth 900 kufoma të shqiptarëve të vrarë gjatë luftës. Përfaqësuseit kosovarë, si dhe zyrtarë të Zyrës për Personat e Zhdukur të UNMIK-ut, vazhdimisht kanë kërkuar nga pushteti serb shpejtimin e procesit të kthimit të të gjitha kufomave. Megjithatë, ende nuk dihet se kur do të kthehen mbi 500 kufomat e tjera të zhvarrosura nga varret masive në Serbi.
Deri tani, Zyrës për të Zhdukurit pranë UNMIK-ut, u janë dorëzuar afro 300 kufoma të shqiptarëve, nga mbi 800 kufoma, që mendohet se gjenden në disa varreza masive në Serbi. Para përfundimit të konfliktit në Kosovë, në qershor të vitit 1999, autoritetet e atëhershme serbe bartën një numër kufomash të shqiptarëve të vrare nga Kosova, në brendi të Serbisë. Zyrtaret në Kosovë flasin për rreth 3500 qytetarë të Kosovës, të zhdukur që nga përfundimi i luftës. Familjaret e të zhdukurve dhe të të vrarëve, kanë kërkuar sërish që autoritetet serbe t'i dorëzojnë menjëherë të gjitha kufomat e gjetura në varrezat masive në Serbi. (Evropa e Lirë)

[AsgjëSikurDielli]

Vetem nje gje ketyre kalemxhinjve te Shekulli etj: nuk ishte "konflikt" ajo qe ndodhi, po ishte lufte. Konflikti mund te jete sa personal, aq edhe fetaro-emocional. E aty as s'po kapeshin qyrravecet e mehalles, e as grate e klubit te amviseve. Aty po luftonin dy vende, prandaj ajo eshte Lufte e jo "konflikt".


ju qofte dheu i lete.

p.s. c'na tha Pavlle per kete mer? Nuk ju degju zani hic dicka. Ndoshta ka pi vere me shume se c'duhej dje...

[Brari]

jo "aS" nuk ish lufte..

Ajo ish Masaker e nje ushtrie te armatosur mbi nje popull te pambrojtur.

per fat te keq ketij popull gjithnje te pa-armatosur (shqiptareve te Kosoves) kete radhe ju a rrasen nje loder ne dore ne form pushke.. qe u quajt UCk.. dhe kjo u be me dinakeri e profesionalizem e kjo pushke druni ne duar te ketij populli te carmatosur ju desh serbise per te justifikuar se ben lufte..
E rezultati dihet...

Nje masaker totale e Ushtrise serbe mbi cdo gjallese Shqiptare pa i hy ferr ne kembe..

vetem serbise i sherben glorifikimi i uck-es..

Uck-a deshtoj sepse ashtu deshtojne lojrat e dirigjuara nga megalomanet e mashtruesit.. e sidomos te llojit enverist..
sikurse Shqiperia e Enverit perfundoj ne EKSOD ..nje popull ne det.. ashtu perfundoj dhe Kosova qe dhunshem u manipulua nga xhavit Thaqo qose Demaco gangsteret..

Sot serbia na i bjen kufomat sikur te na binte kumblla ..

E uck-ashet dijne vetem nje gja dhe sot..te vrasin mbas shpine ata qe nuk duan genjeshtrat..

.

Rrofte e perseris per te mijten here NATO se sot sdo kish kosov me shqiptar por nji kujtim.. na ish njiher nje kosov..ku jetonin shqipetaret..

[ment]

o ti far brari po ti ishe i pa shpirt hiq more burr po ty ne qoft se nuk te pelqen nje person nuk kie mundsi me i shtie te gjith me nje thes se te vret zoti o burrec se ti nuk je burr se vet me at presidentin tan nuk jav ka majten by,,, ma kapen pushken kunder shkaut e po shet mend jo andej jo kendejn po qfar presidenti kie ti ku nuk qe ne gjendje me e perkrahen ushtrien e vet gjat kohes ma te veshtir ne luft hej o njeri sigurisht ju kujtohet lufta ne bosne ku shkiet e arrestuen alia izetbeg,, kur ju tha ushtarve te vet per jet timen mos e leshoni frontin kurse ky presid,, yte nuk qe ne gjendje me e ba kete se nuk ka pasen fytyr per shkak se ne drenic luftohej me shkie e ai organizojke kishe zgjedhje ne anen tjeter laq pata une o ti far brari i rug,,,,,,

[mani]

Ishalla eshjte ashtu si po thuani ju por lexoni e mos besoni.
Pra ......??????????????????????

Rexhepi në Pejë deklaron se serbët do të ndryshojnë qëndrimin Kosovë

Kryeministri i Kosovës Bajram Rexhepi e ka shfaqur shpresën që serbët e Kosovës do ta ndryshojnë qëndrimin e tyre rreth pjesëmarrjes në zgjedhjet parlamentare të 23 tetorit. Sipas tij, në rast të mospjesëmarrjes së mundshme, komuniteti serb vihet në pozicion të rrezikshëm, por njëkohësisht humb edhe kredibiliteti i faktorit ndërkombëtar.


Rexhepi i bëri këto komente gjatë një vizite në Pejë, ku bashkë me kreun e UNMIK-ut Soren Jesen Petersen, qëndruan për t'u takuar me autoritetet e Kuvendit Komunal. Rexhepi dhe Petersen e vizituan edhe fshatin Bellopojë, ku tashmë janë kthyer disa pjesëtarë të komunitetit serb, të zhvendosur që nga përfundimi i luftës në Kosovë.