Grupet - Champions League 2004/05

[StormAngel]

Ja nje foto per ju:

[Nice_Boy]

Si Mbas Mua

Grupi A
Deportivo
Liverpool
Mónaco
Olympiakos
As per ktu skam cka te them sdi.

Grupi B
Real Madrid
Roma B.

Grupi C
Bayern Múnich
Juventus
Ajax
Ktu smund ta dije sepse te 3 jan Te forta.
Grupi D
Manchester
Fenerbahçe

Grupi E
Arsenal
Panathinaikos

Grupi F
Barcelona
Milán

Grupi G
Valencia
Inter

Grupi H
Porto
Chelsea

[StormAngel]

Dje është hedhur shorti për turin me grupe të Ligës së Kampioneve. Ja reagimet 27-08-2004

Kupa e Kampioneve - Shorti kënaq të mëdhenjtë

Juxhin MILLONA


Porto, kampione e Evropës, do të përballet me ish-trajnerin e saj, Hoze Mourinjon, në turin me grupe të Ligës së Kampioneve të këtij viti, pasi u shortua në të njëjtin grup me Çelsin. Reali i Madridit, që synon të fitojë titullin e dhjetë të Kupës së Evropës, do të përballet me Romën, Bajer Leverkusenin, klubin që mundi në finalen e vitit 2002, dhe Dinamon e Kievit në Grupin B. Mançester Junajtid, që kërkon të fitojë Kupën e tretë të Evropës, do të përballet me Lionin, Spartën e Pragës dhe Fenerbahçen në Grupin D. Arsenali, triumfues në Angli, por pa shkëlqim në Evropë në vitet e fundit, do të luajë me Panathinaikosin, PSV Eindhovenin dhe Rozenborgun në Grupin E. Milani, gjashtë herë kampion i Evropës, do të përballet me dy ish-kampionë, Sëlltikun dhe Barcelonën, si dhe Shahtjor Donjeckun në Grupin F, ndërsa grupi më i vështirë, ai C, përmban Bajernin e Mynihut, Juventusin, Ajaksin dhe Makabin e Tel Avivit. Çelsi do të përballet gjithashtu me CSKA-në e Moskës, që sponsorizohet nga "Sibneft"-i, një kompani nafte, ku ka aksione edhe pronari i klubit britanik, Roman Abramoviç. UEFA ka filluar të kontrollojë nëse mund të ketë konflikte interesash midis dy klubeve. "Ndoshta nuk ka, por ne do t'i analizojmë të gjitha faktet," - tha një zyrtar i UEFA-s. Sipas kreut ekzekutiv të Çelsit, Piter Kenion, Mourinjo do të mbështetet tek eksperienca për të drejtuar Çelsin drejt fitores, kur skuadra londineze të përballet me Porton. "Kështu është futbolli. Eshtë njësoj sikur ta fillonim Premier Ligën ndaj Mançester Junajtid, - tha Kenion. - Ndeshjes me Porton do t'i jepet shumë rëndësi, por nuk duhet të harrojmë edhe skuadrat e tjera. Eshtë një grup i vështirë, por në përgjithëse jemi në kënaqur. Sezonin e shkuar jemi paraqitur mirë. Tani kemi më shumë eksperiencë dhe kemi trajnerin që triumfoi vitin e shkuar." Tri grupe përfshijnë përballje italo?spanjolle, pasi Reali i Madridit është në të njëjtin grup me Romën, Barcelona me Milanin dhe Valencia me Interin. Trajneri i Realit, Hoze Antonio Kamaço, tha: "Gjithmonë ndihemi favoritë, por e dimë që nuk do të ketë ndeshje të lehta. Me Bajer Leverkusenin jemi përballur në finalen e Kupës së Evropës. Dy skuadrat e tjera janë të forta dhe meritojnë respekt." Trajneri i Milanit, Karlo Ançeloti, tha se shorti mund të ishte treguar më i butë me kampionët e Italisë, që do të përballen me Sëlltikun, Shahtjorin dhe Barçën. "Nuk është short i mirë, por është stimulues, - tha Ançeloti, skuadra e të cilit humbi 2?1 ndaj Barçës në një miqësore të luajtur të mërkurën. - E njohëm Barcelonën në miqësoren që luajtëm të mërkurën. Vitet e fundit kemi parë që Sëlltiku mund të arrijë objektiva të rëndësishme. Duhet të tregohemi të kujdesshëm, sepse kundërshtarët do të mundohen të bien në sy, veçanërisht kur bëhet fjalë për përballje me Milanin." Shorti sheh gjithashtu kthimin te Sëlltiku të sulmuesit të Barcelonës, Henrik Larson. "Kthimi i Henrikut do të jetë një moment shumë emocionues, - tha kreu i Sëlltikut, Brajan Kuin. - Nuk do të çuditesha nëse do të shihja shumë tifozë të Sëlltikut me fanellën e Barcelonës. Ai është shumë i rëndësishëm për tifozët tanë." Interi do të përballet me tre kampionë të kampionateve të tyre, pasi është në të njëjtin grup me Valencian, Verder Bremenin dhe Anderlehtin. "Eshtë një grup shumë i komplikuar, - tha presidenti i Valencias, Haime Orti. - Ndeshja me Interin është një klasike dhe shpresojmë që kësaj here të fitojmë ne." Trajneri i Interit, Roberto Mançini, ishte i qetë. "Eshtë një grup i vështirë, por nuk e prisja ndryshe, - tha ai. - Si gjithmonë, jam optimist. Interi ka dëshirën dhe fuqinë për të fituar kudo." Trajneri i Mançester Junajtid, Aleks Ferguson, ishte i kënaqur me shortin. "Do të bëjmë udhëtime të gjata, por mund të kishte shkuar më keq, - tha ai. - Jam i kënaqur me shortin tonë." Drejtori i Arsenalit, Daniel Fiszman, ishte shumë i qetë, pasi kampionët e Anglisë ranë në grup me Panathinaikosin, PSV-në dhe Rozenborgun. "Katër nga tetë skuadrat në vazo ishin italiane, por ne arritëm të qëndronim larg tyre dhe jam i lumtur për këtë, - tha ai. - Ky është i vetmi trofe i madh që nuk kemi arritur ta fitojmë. Për të lënë shenjë në botën e futbollit duhet të fitojmë Ligën e Kampioneve." Liverpuli, që drejtohet nga spanjolli Rafael Benitez, do të përballet me gjysmëfinalistën dhe finalisten e sezonit të shkuar, Deportivo La Korunjën e Monakon, dhe Olimpiakosin. "Kemi mënjanuar disa udhëtime të gjata dhe kjo është gjithmonë një epërsi. Benitezi e njeh mirë Deportivon," - tha kreu ekzekutiv i Liverpulit, Rik Perri. Presidenti i Deportivos, Augusto Sezar Lendoiro, tha: "Do të përballemi me tri skuadra të mëdha. Liverpuli është njëra prej skuadrave të mëdha evropiane, me të cilën nuk jemi përballur asnjëherë."

[StormAngel]

Shorti prodhon duelin e hekurt italo-spanjoll: Tre më të mëdhenjtë e Serisë A përballë tre gjigantëve të Primera Division

Champions League, grupe ferri për gjigantët

Hidhet shorti për fazën e parë që do të startojë në mesin e muajit të shtatorit (në datat 14-15)

Altin Manallari

Shorti i Champions league i hedhur dje në Montekarlo ka bërë një shpërndarje të gjigantëve, duke krijuar shumë grupe të forta me disa pretendentë për të arritur kualifikimin për në Champions League, ndërkohë që duhet të përmendim këtë dhe përballjen italo-spanjolle, ku tre skuadrat më të mira të Serisë A do të duhet të përballen me tre ekipet më të mira të Primera Division.
Juventus-Bayern München
Juvendus do të luajë në Grupin C në fazën e parë të Champions League me Bayern München, Ajaks e Maccabi Tel Aviv. Një grup sigurisht jo i lehtë, edhe pse skuadra e Fabio Kapelos ka potencialitetin e duhur për të kaluar turnin. Ndërkohë që si një skuadër tjetër favorite duket ajo Bayer München. Ndërkohë që këto dy skuadra do të shikojnë oponencën e hollandezëve të Ajaksit të Amsterdamit. Juvenstusi përballet për herë të parë me skuadrën gjermane në kupat e Europës, ndërsa me hollandezët janë plot pesë sfida, përfshi këtu dhe atë të fitores finale të 95/96 në Romë. Sfidë e lehtë për të tre skuadrat do të jetë përballja me izraelitët. Përsa i përket përballjeve të Juventusit me skuadrat gjermane shikohen 6 fitore juventine, 3 barazime dhe 4 humbje. Bardhezinjtë kanë luajtur dy finale me një skuadër gjermane: 92/93 fitore në Kupën UEFA me Borusia Dortmund (3-1, 3-0). Në 96/97 humbje në Champions League sërish kundër Borusias (3-1). Ndërkohë që Juve kundër Ajaksit është ndeshur 8 herë: 3 fitore të italianëve, 3 barazime dhe 2 fitore të hollandezëve.
Barcelona-Milan
Ndërkohë që hedhja e shortit në Montekarlo i dhuron Milanit një sfidë shumë sugjestionuese. Kuqezinjtë do të duhet të ndeshen me Barcelonën, që trajnohet nga i paharrueshmi Frank Rijkaard. Skuadra e Ançelotit duhet të përballet edhe me skocezët e Celtic Glasgou dhe Shaktar Dontesk. Për skuadrën ukrainase ekziston një kuriozitet i madh, pasi ky klub ka mundur të ndërtojë në të vërtetë një skuadër shumë të mirë. Milani është përballuar me Barcelonën 9 herë dhe bilanci është në barazim: 3 fitore 3 barazime dhe 3 humbje. E paharrueshme ka qenë finalja e 93/94 kur skuadra e Kapelos mund spanjollët 4-0 dhe ngre trofeun. Në `88/89 Milani fiton edhe në ndeshjen e Superkupës europiane: duke barazuar në Nou Kamp dhe duke fituar 1-0 në San Siro. Vetëm dy përballje të Milanit me Skocezët: në Kupën e Kampioneve ‘68/69 kuqezinjtë eliminojnë Celticun në gjysmëfinale: Barazim 0-0 në Skoci dhe fitore 1-0 në Milano.
Real Madrid-Roma
Shorti i Champions League i hedhur dje në Montekarlo ka rikthyer sërish çiftin pak kohëve më parë Roma-Real Madrid në Grupin B, ku këto dy skuadra mendohet të jenë dhe favoritët për të arritur kualifikimin për në turin tjetër. Por skuadra e Prandelit dhe ajo e Kamachos duhet të tregojnë një gjë të tillë në fushën e lojës, pasi një skuadër ambicioze si Bayer Leverkusen do të kërkojë të lërë jashtë kualifikimit njërën prej tyre. Ndërkohë që nuk përjashtohet ideja që ukrainasit e Dinamos së Kievit të jenë pengesë për skuadrat e mësipërme. Real Madrid-Roma, bëhet fjalë për sfidën e tretë mes tyre në harkun e pak sezoneve, gjithnjë në Champions League, ndërsa e pesta në përgjithësi. Katër takimet e zhvilluara në të kaluarën: në 2001/2002 Real fitonte në “Olimpico” 2-1 dhe më pas bllokohej në “Bernabeu” në një barazim 1-1. Një vit më vonë, kemi një fitore të madrilenëve 3-0 në Roma dhe një replikë të verdhekuqve në Spanja me rezultatin 1-0 (gol i Totit). Të të dy rastet, të dy skuadrat kanë mundur të sigurojnë kualifikimin. Ndërkohë që mes Romës e Dinamos së Kievit ky është takimi i parë.
Valencia-Inter
Një short jo shumë me fat për Interin, i cili në fazën e parë të Champions League, ka rënë në grupin G, së bashku me Valencian e trajnerit italian Ranieri, skuadër me të cilën është përballur shpesh në kohët e fundit. Formacioni i drejtuar nga mançinido të ketë kundërshtarë, përveç kampionëve të Spanjës , edhe belgët e Anderlechtit të Besnik Hasit dhe gjermanët e Verder Bremen, skuadrës që ka fituar edicionin e fundit të Bundesligës. Kampionët e Spanjës janë përballuar në tre raste me Interin në kupat europiane dhe bilanci mes tyre është i barabartë: në sezonin e largët ‘61-62 është zhvilluar dhe përballja e parë në Kupën e Fiere, ku është shënuar një sukses i klubit iberik. Në vitet e fundit janë luajtur dhe ndeshjet e tjera: në Kupën UEFA, sezoni 2001/2002, me kualifikimin e Interit përmes një fitoreje në Spanjë dhe një barazimi në “San Siro”. Në sezonin pasues në Champions League kemi pasur një zikaltër në Milano dhe një humbje 2-1 në “Mestalla”.
Porto-Çelsi
Kampionët në fuqi të kompeticionit më të rëndësishëm të kontinetit të vjetër, Champions League, të cilët do të jenë të impenjuar në grupin H, do të kenë një rivalitet të fortë me skuadrën që tashmë drejtohet nga ish-trajneri i tyre Mourinho. Bëhet fjalë për anglezët e Çelsit. Përveç këtyre dy skuadrave, në këtë grup do të tentojnë të realizojnë objektivat e tyre dhe Paris Saint German e Lorik Canës dhe CSKA e Moskës. Grupi E, një grup më lehtë për Arsenalin, i cili do të përballet me Panathinajkosin, Psv Einthovenin dhe Rosenborgun. Ndërkohë, përsa i përket përballjes me emra të mëdhenj, mund të thuhet se grupi më i lehtë është ai i Manchester United (Grupi D), që do të ketë përballë në fazën e parë të Champions League francezët e Lionit, çekët e Spartës së Pragës dhe turqit e Fenerbahçesë. Po ashtu i njëjti diskutim vlen edhe për Deportivo La Corunën, që do të përballet me Monakon, Liverpulin dhe Olimpiakosin. Sezoni i Champions league 2004-05 do të nisë me 14-15 shtator.


Champions League
Shorti

Grupi A
Deportivo La Koruna (Spa)
Liverpul (Ang)
Monako (Fra)
Olympiakos (Gre)

Grupi B
Real Madrid (Spa)
Roma (Ita)
Bayer Leverkusen (Gjer)
Dinamo Kiev (Ukr)

Grupi C
Bayern München (Gjer)
Juventus (Ita)
Ajax (Ola)
Maccabi Tel Aviv (Izr)

Grupi D
Manchester Utd (Ang)
Lione (Fra)
Sparta Praga (Çek)
Fenerbahçe (Tur)

Grupi E
Arsenal (Ang)
Panathinaikos (Gre)
Psv Eindhoven (Hol)
Rosenborg (Nor)

Grupi F
Barcelona (Spa)
Milan (Ita)
Celtic Glasgou (Sko)
Shaktar Donetsk (Ukr)

Grupi G
Valencia (Spa)
Inter (Ita)
Anderlecht (Bel)
Verder Bremen (Gjer)

Gruppo H
Porto (Por)
Çelsi (Ang)
Paris SG (Fra)
CSKA Moska (Rus)

Faza e parë ngre siparin më 14-15 shtator për ndeshjet e para në grupe