Shkupi dëbon Ylber dhe Adelina Lilin

[dodoni]

Shteti maqedon shpall të padëshiruar dy shtetas shqiptarë, që qëndronin prej vitesh në Maqedoni

Shkupi dëbon gazetarin e “Shekulli”

Gazetari i “Shekulllit” Ylber Lili, shpallet ‘non grata’ në Maqedoni

Shekulli

SHKUP – Korrespodenti i gazetës Shekulli, Ylber Lili, është shpallur dje “person i padëshiruar” nga shteti maqedon. Atij dhe bashkëshortes Adelina Lili, e cila punonte shefe kabineti e z.Arbën Xhaferri, u është dhënë ultimatumi nga autoritetet e Shkupit, që të largohet nga Maqedonia si person ‘non grata’. Në bazë të vendimit të autoriteteve policore maqedone, ata nuk kanë të drejtë të shkelin në Maqedoni për 5 vitet e ardhshme.
Gjithçka ka ndodhur të martën, kur Ylber Lili kishte shkuar në policinë e Tetovës për të marë vizë 6 mujore për qëndrim në Maqedoni. Në pasaportën e tij ai kishte një vendim për qëndrim në këtë vend deri në janar të vitit 2005, por autoritetet e kanë shpërfillur këtë gjë. Zyrtarë në MPB në Tetovë nuk kanë dhënë sqarime për arsyet e këtij vendimi, por e kanë rekomanduar çiftin Lili që të respketojnë afatet zyrtare për largim nga Maqedonia, duke i njoftuar madje se ky vendim ka ardhur nga Shkupi. Në një intervistë për mediat në Maqedoni, gazetari i gazetës prestigjioze “Shekulli”, z.Ylber Lili, këtë vendim të MPB-së e quajti absurd dhe qesharak, si dhe një sulm ndaj gazetës në të cilën punon. “Të martën, në policinë e Tetovës më është dhënë një ultimatum, me afat 24 orësh, që të largohem nga Maqedonia së bashku me bashkëshorten time. Mendoj se është një tendencë që ka ngjyrime politike. Nuk jam i shokuar për vendimin e marrë nga MPB-ja, por më shumë jam i tronditur nga xhesti absurd. Thjesht më është komunikuar se ‘urdhëri vjen nga Shkupi, dhe ju për 24 orë duhet të largoheni nga Maqedonia’, duke më thënë se jam person i padëshiruar në Maqedoni, për pesë vite. Ky vendim më është komunikuar edhe në pasapaportë”, - deklaroi për mediat gazetari Ylber Lili. Ai, prej disa vitesh punon në Maqedoni si korrespondent i gazetës “Shekulli”, por edhe si gazetar në disa media në Maqedoni. Vendimin e MPB-së gazetari Lili e shikon si një sulm ndaj mediave dhe fjalës së lirë, duke thënë se një gjë e tillë ndodh vetëm në shtetet totalitare-komuniste.
“Gjithçka mund të prisja. Kam patur sinjale e paralajmërime të ndryshme, por këto i harrova. Dhe tani më vjen një vendim i tillë absurd”. Gazetari nga Shqipëria është i gatshëm të ballafaqohet me autoritetet e Shkupit dhe me përfaqësusit e partisë në pushtet, si dhe të mbrojë tezën se e ka bërë punën e tij me profesionalizëm. “Gjatë gjithë kohës, përmes gazetës ‘Shekulli’ kam pasqyruar një realitet dhe unë nuk pranoj kurrsesi që populli im, kombi im, të dëmtohet apo asimilohet. Unë jam i gatshëm të ballafaqohem me gjithkënd, qoftë me autoritetet e Shkupit, qoftë me të partisë në pushtet, sepse në profesionin tim kam qenë shumë transparent dhe realist. Nëse ata nuk e kuptojnë rolin e gazetarit, dhe faktin që gazetari profesionist ka për detyrë të kritikojë, kjo është çështje tjetër”, - nënvizon z.Ylber Lili. Për gazetarin Lili, shkaqet për një vendim të tillë të MPB-së janë të shumta dhe, sipas tij, kjo është e keqja më e vogël që i ka ndodhur. “Gjatë konfliktit të armatosur më është bombarduar zyra, dhe kam kaluar nëpër peripeci të ndryshme. Nëse këto më pengojnë që unë fizikisht të jem në mesin e shqiptarëve, ata nuk kanë fuqi të më ndalin fjalën e shkruar, nuk mund të ma ndalin të drejtën e fjalës përsa i përket profesionit tim”, - shprehet ai.
Menjeherë pas kumtimit të këtij vendimi për largimin e Ylber Lilit nga Maqedonia, ai thotë se ka patur me qindra telefonata nga kolegë gazetarë dhe nga shtëpi të ndryshme informative, të cilët kanë kërkuar të dijnë më shumë në lidhje me këtë vendim të MPB-së. Gazetari nga Tirana thotë se pas këtij vendimi ndihet si me qenë në bangon e të akuzuarve, por pa e kuptuar se për çfarë akuzohet. Ai shton se nuk do të pranojë asnjë ndryshim të këtij vendimi. “Kisha dëshirë që, kur të largohesha, të largohesha në mënyrë krejt ndryshe, të ishte një largim kuptimplotë dhe jo brutal. Megjithatë, nuk do të pranoj oferta të ndryshme që të ndryshoj opinionin tim, në kompesim të qëndrimit të mëtejshëm në Maqedoni.
Gazetari nga Shqipëria, zYlber Lili, bashkë me bashkëshorten e tij Adelina Lilin ndodhen në Maqedoni që nga viti 1997. Përveç korrespondencës me gazetën më të madhe në Shqipëri “Shekulli”, Lili ka punuar redaktor edhe në të përditshmen “Fakti” në Maqedoni, dhe ka dhënë një kontribut të madh për zhvillimin e gazetarisë në këtë vend, sidomos me nxitjen e gazetarëve të rinj.



26/08/2004

[dodoni]

Kreu i PDSH-së, Arbën Xhaferri, flet për “Shekulli”-n në lidhje me dëbimin nga Maqedonia të çiftit Lili

Xhaferri: Largimi i Lilit, një sulm kundër “Shekulli”-t


Shekulli

“Largimin arbitrar të gazetarit të ‘Shekulli’-t për Maqedoninë, i cili ishte edhe redaktor i faqes së internetit të PDSH-së, z.Ylber Lili, si dhe të shefes së kabinetit tim, zonjës Adelina Lili, e vlerësoj si një atak kundër meje dhe PDSH-së, njëkohësisht edhe si një atak kundër gazetës prestigjioze të këtyre hapësirave “Shekulli”. Me këtë akt absurd synohet të dobësohet cilësia e punëve të kabinetit tim, si dhe informimi i drejtë e transparent i lexuesve të gazetës ‘Shekulli’.
Nuk do shumë mend që, me këtë veprim, në mënyrë drastike shkelen të Drejtat e Njeriut dhe të Drejtat e tjera demokratike, siç është qarkullimi i lirë i njerëzve, ideve dhe vlerave. Gjithsesi, ky vendim është një mesazh drejtuar institucionit të një kryetari partie shqiptare, ashtu siç dërgoheshin në kohërat që pandehnim që janë të tejkaluara. Përmes gazetës ‘Shekulli’, shfrytëzoj rastin të falenderoj zonjën Adelina Lili dhe z.Ylber Lili - për kontributin e dhënë, angazhimin e tyre në Maqedoni. Kontributi i çmueshëm që ata dhanë, ndërlidhet me kontributin e ngjashëm të arsimtarëve shqiptarë, që erdhën në Maqedoni nga Korça, Elbasani, Shkodra, Tirana etj., gjatë Luftës Dytë Botërore, për të zhvilluar arsimin shqiptar në këto degë të trungut shqiptar
Konferenca për shtyp

Arbër Xhaferri :“ËSHTË NJË ATAK KUNDËR KABINETIT TIM DHE GAZETËS ‘SHEKULLI’”


Shekulli

Partia Demokratike Shqiptare në Maqedoni, e kryesuar nga Arbën Xhaferi, PDSH, ka thirrur një konferencë për media të mërkurën, në selinë e saj, kur Ministria ePunëve të Brendshme e Maqedonisë, ka urdhëruar që brenda 24 orëve, gazetarit të gazetës prestigjioze mbarëshqiptare “Shekulli”, Ylber Lili dhe shefes të kabinetit të kryetarit të PDSH-së Arben Xhaferi, Adelina Lili, të largohen nga Maqedonia. Atyre, në të njejtën kohë u ndalohet hyrja në Maqedoni, për pesë vjet. Lajmin për depërtimin nga Maqedonia, gazetarit të “Shekullit “dhe shefes së kabinetit ua ka komunikuar Drejtoria e Punëve të Brendshme në Tetovë, të martën - u shpreh Lideri i PDSH-së Xhaferri.” “Nuk di si ta karakterizoj këtë vendim, pasi ata nuk janë as diplomatë, e as kriminelë, që të deportohen për në Shqipëri. Ky vendim është një sulm kundër kabinetit tim. Me zonjën Lili krijuam një standart të lartë të punës në kabinet “, - tha Xhaferi, duke shtuar se “njëkohësisht është atak edhe për gazetën ‘Shekulli”’. Ai deklaroi se “ne bëmë përpjekje për ta anuluar këtë vendim, por më kot, për shkak se në drejtorinë e Punëve të Brendshme në Tetovë, na thanë se urdhëri ka ardhur nga lart, gjegjësisht nga Shkupi. Kjo mund të karaterizohet vetëm si thyerje e të drejtave elementare të qytetarit për të lëvizur dhe për t'i shprehur idetë e veta lirisht.” “Thuhet se urdhëri ka ardhur nga lart. Dikush thotë se urdhëri ka ardhur nga Faktori Ndërkombëtar, dikush thotë se urdhëri nga kushedi se çfarë sektori, por kjo është një indikator se në këtë shtet nuk kuptohet çështja e barazisë”, - u shpreh lideri Xhaferri, duke komentuar pyetjet rreth arsyeve të dëbimit të çiftit Lili, për të cilin Xhaferi tha se ka patur një bashkëpunim të shkëlqyeshëm. Kontributi i zonjës Adelina Lili, sipas tij, ka qenë shumë i çmueshëm në stabilizimin e një kabineti të një partie politike.
Xhaferi tha se nuk kupton se nga erdhi ajo kërkesë që ajo të largohet nga Maqedonia. Për gazatarin Ylber Lili ai tha se natyrisht që ka shkruar tekste e komente në gazeten “Shekulli”, por në Maqedoni ka shkruar shumëkush tekste shumë më katastrofale për vetë Maqedoninë.“ Unë nuk di si ta kategorizoj këtë: është ekstradim, janë persona non grata, por gjithsesi është një vendim absurd, që flet për mungesën e vlerave demokratike”. “Gazetarët, - tha Xhaferi, - tani nuk i japin përgjegjësi një komiteti, si në sistemin e kaluar, por u japin përgjegjësi shumë komiteteve.



26/08/2004

[dodoni]

Deklaratë e botuesit të “Shekulli”-t, Kokëdhima, lidhur me dëbimin nga Maqedonia të gazetarit Ylber Lili


Shekulli

Më kanë njoftuar se, reporterin tonë për Maqedoninë, e kanë shpallur person ‘non grata’, për shkak se ai nuk ka pranuar t’i nënshtrohet censurës së shovinizmit maqedon dhe ka raportuar në favor të shqiptarëve. E telefonova menjëherë sapo mora vesh këtë vendim të autoriteteve të Shkupit dhe i shpreha Ylberit mbështetjen time, duke e siguruar njëherësh se ne do të vazhdojmë punën tonë të përbashkët për të informuar shqiptarët, kudo ata janë dhe për gjithçka ndodh në viset shqiptare në Ballkan.
Reporteri i Shekullit në Maqedoni, ka raportuar në mënyrë të ndershme e profesionale ngjarjet, por sigurisht, si të gjithë reporterët e tjerë të ‘Shekulli’-t në Ballkan, ai i ka parë ngjarjet me objektivitet, si reporter dhe si shqiptar. Ja që jetojmë në një kohë që është e vështirë të jesh shqiptar, qoftë kjo edhe në një vend si Maqedonia, ku 40 përqind e popoullsisë janë shqiptarë, me të drejta e liri të nëpërkëmbura, si në të shkuarën, edhe sot.
Ne do të bëjmë ç’është e mundur të vazhdojmë të raportojmë të gjitha shkeljet e të drejtave të shqiptarëve në Maqedoni e më gjerë, me shpresën se, një ditë, këto të drejta do të respektohen dhe kështu do t’i jepet mundësi edhe Ylberit dhe familjes së tij të rikthehen në Maqedoni dhe të vazhdojnë punën e tyre të shenjtë. Ne nuk do të krijojmë asnjë boshllëk në pasqyrimet e ngjarjeve nga Maqedonia, për të mos i lënë vetëm shqiptarët e atjeshëm, në luftën e tyre për të fituar të Drejtat dhe Liritë e pamohueshme. Ne do të vazhdojmë të punojmë për të shkurtuar distancat midis Shqipërisë e shqiptarëve në Kosovë, Maqedoni, Mal të Zi, Greqi e gjetkë. Ylber Lili do të jetë edhe pas kësaj një anëtar i ekipeve tona, që luftojnë për këtë progres civil, kombëtar e demokratik, në kuadër të të gjitha proceseve integruese rajonale e më gjerë. Ne besojmë se kush linçohet në emër të së vërtetës, në emër të Lirive dhe të Drejtave të shqiptarëve, do të jetë më i respektuar nga e gjithë bota shqiptare. Shpresoj që kjo të shërbejë si një inkurajim për bashkëpunëtorin tim z.Ylber Lili dhe bashkëshorten e tij zonjën Adelina.
Dëshiroj të shpreh gjithashtu bindjen se në shpalljen e z.Ylber si person non grata, qarqet shoviniste maqedone me siguri kanë mbajtur djallëzisht në konsideratë edhe faktin që znj.Adelina, bashkëshortja e Ylberit, e cila duhet të lëjë gjithashtu Maqedoninë brenda diotës së nesërme, është një person shumë i rëndësishëm në stafin e kryetarit të PDSH, patriotit, personalitetit shqiptar dhe mikut tim të nderuar, Arbën Xhaferri.



26/08/2004

Duhet reaguar ashpër të gjithë shqiptarët e edhe të huajt dhe t'iu bëhet e ditur sllavo-maqedonasve që nëse duan paqe, bashkëjetesë dhe të kenë shtet, duhet të respektojnë të drejtat e shqiptarëve dhe duhet të heqin dorë nga shovinizmat antishqiptare dhe vlerat antidemokratike e primitive.

[Brari]

Xhaferri: Largimi i Lilit, një sulm kundër “Shekulli”-t

Ne fakt sulmi nuk eshte kunder shekullit por eshte arroganc e maqedonve ndaj shqiptareve.

jane mijra shqiptare autoktone te kesaj republike te quajtur maqedoni ose fyrom..qe jane te perzene para lilit.. e nuk ndihen politikanet shqiptare atje.

ne maqedoni u mungon e drejta e votes mijra shqiptareve. kjo eshte big prabllemi..

[Nice_Boy]

He maqedont e keqqqqqqqq kan marr ne dor pse mos me lujt