Nano firmos fshehtas 45 miliardë

[StormAngel]

Në 30 korrik qeveria miraton prokurimin pa tender të hapur të 45 mld lekëve, për rikonstruksion rrugësh

Nano firmos fshehtas 45 miliardë

Shkelet ligji “Për Prokurimin Publik”. Miratohen pa tender 10 miliard. Ligji parashikon jo më shumë se 20 milion

Klodian Rado

TIRANE - Të 10 Vendimet e Këshillit të Ministrave të datës 30 korrik, ku pa tender të hapur, më tepër se 40 milionë dollarë amerikanë do të shpenzohen nga xhepat e taksapaguesve shqiptarë - janë në kundërshtim flagrant me ligjin. “Për Prokurimin Publik”. Shkelja e parë e ligjit në fjalë ka të bëjë me mungesën e transparencës nga ana e qeverisë, e cila para një muaji deklaroi se miratoi financimin e disa rrugëve, por jo mënyrën se si prokuroheshin mbi 40 milion $. Ligji “Për Prokurimin Publik…”, përcakton se ka si qëllim të sigurojë ndershmërinë, besimin publik dhe arritjen e transparencës në prokurimin publik.
Nga 10 vendimet që janë marrë nga Këshilli i Ministrave, në 7 prej tyre është vendosur që, “punimet publike” për rikonstruksionin e disa rrrugëve të bëhen me anë të një procedure të veçantë të prokurimit, “kërkesës për kuotim”, kurse 3 të tjera të bëhen me anë të “prokurimit të drejtpërdrejtë”. Procedura e “këkesës për kuotim”, sipas ligjit mund të përdoret vetëm kur plotësohen disa kushte ligjore të tjera. Në nenin 23 të ligjit “Për Prokurimet Publike”, parashikohet se: “Enti prokurues mund të përdorë prokurimin nëpërmjet "Kërkesës për kuotim",… për blerjen e mallrave të gatshme dhe për prokurimin e ndërtimeve e shërbimeve për të cilat ka treg të stabilizuar, por me kusht që vlera e përllogaritur e kontratës të jetë brenda një kufiri monetar, i përcaktuar në rregullat e prokurimit.” Pra ligji, në këtë rast, shprehet qartë se kërkon kushtin që vlera e këtyre shpenzimeve që përdoret për ndërtimet, shërbimet apo mallrat që do të prokurohen, kanë një treg të stabilizuar dhe vlera e kontratës është e vogel, dhe të mos e kalojë kufirin e përcaktuar në rregulloret për prokurimet. Këto limite, që nga Prill i 2003, për “Kërkesën për Kuotime”, kane qënë: 2,000,000 lekë për Ndërtime; 1,000,000 lekë për Mallra dhe 500,000 lekë për Shërbime. Por këto kërkesa të normave juridike nuk janë marrë aspak parasysh nga Këshilli i Ministrave, i cili ka vendosur të shpenzojë 1miliard lekë për sistemimin dhe asfaltimin e rrugës Orikum – Vlorë, jo me tender të hapur por me “kërkesë për kuotim”, dhe rreth 45 milionë dollarë amerikanë, po me të njejtën mënyrë, për të gjitha akset e tjera. Ndërsa normat juridike vendosin kufinj prej 2 milionë lekë si maksimum për çdo shpenzim publik, të bërë me anë të procedurës së prokurimit “kërkesë për koutim”, Këshilli i Ministrave vendos të lejojë që me këtë procedurë të shpenzohen, për çdo kontratë punimesh publike, shuma të tilla si: 1 miliard lekë, 550 milionë lekë, apo 280 milione lëke, shuma të cilat e kalojnë disa qindra herë kufirin juridik të lejuar.
Shmagia e tenderit
Ndërsa ligji “Për Prokurimet Publike” parashikon qartë në nenin 17 të tij se: Enti prokurues,… duhet të përdorë "Tenderin e hapur" si procedurë të preferuar të prokurimit.
Sipas ligjit, enti prokurues, pra organi shtetëror, të cilit i vihen në dispozicion fonde publike për prokurim, mund të përdorë procedura të tjera përveç tenderit të hapur, vetëm në raste të veçanta. Dhe për më tepër, për Këshillin e Ministrave ligji sanksionon se: “Këshilli i Ministrave, në raste të veçanta, emergjente, ose të forcave madhore, mund të lejojë përdorimin e një procedure prokurimi, përveç tenderit të hapur, në situatat e parashikuara në nenet 18, 19, 20, 21 dhe 22”. Pra, ligji nuk lë vend për interpretim, por shpreh në mënyrë të prerë se Këshilli i Ministrave mund të lejojë një procedurë të jashtëzakonshme prokurimi vetëm për një rast të veçantë, për raste emergjente, apo për rastet e forcës madhore, dhe vetëm kur plotësohen kushtet e ligjit. Qëllimi i ligjit është që të nxisë përdorimin ekonomik dhe efektiv të fondeve publike nga entet prokuruese, dhe të sanksionojë në mënyrë urdhëruese se “duhet të përdoret "Tenderi i hapur" si procedurë e preferuar e prokurimit”, ndërsa këto Vendimet e Këshillit të Ministrave kanë përdorur në kundërshtim me ligjin, procedura të jashtëzakonshme për shpenzimet e fondeve publike, në një kohë që nuk jemi para një rasti të veçantë ligjor.
Prokurimi i drejtëpërdrejtë
Per “prokurimin e drejtpërdrejtë” ligji parashikon këto kushte:
“Enti prokurues mund te perdore prokurimin e drejtperdrejte, …ne rast se kjo procedure nuk do te perdoret me qellim qe te shmange konkurrencen e mundshme, ose ne nje menyre e cila do te shkaktonte nje diskriminim ndermjet kandidateve; si dhe
“kur ne mungese te konkurrences per arsye teknike, mallrat ndertimet ose sherbimet sigurohen vetem nga nje kandidat ose kur nje furnizues ose kontraktues ka te drejten ekskluzive per mallrat per ndertimet ose per sherbimet dhe nuk ekziston nje mundesi tjeter zevendesuese”. Pra këto vendime të Keshillit të Ministrave, duhet të arsyetohen vetëm sipas këtyre dispozitave urdhëruese të ligjit, sepse si akte nën-ligjore që jane, duhet të dalin në bazë dhe për zbatim të ligjit. Por pothuaj në asnjërin nga vendimet e Këshillit të Minsitrave, nuk arsyetohet nje gjë e tillë, apo të justifikohet per shkak emergjence, përvec rastit të asfaltimit te rrugës Jergucat-Sarande, ku parashikohet një afat 15 ditor për përfundimin e punimeve.

[StormAngel]

E Marte, 24 Gusht 2004


BRAHO: PROKURORIA TE HETOJE TENDERAT E NANOS

"Kryeministri Fatos Nano, ka shkelur ligjin per prokurimet publike". Ky eshte qendrimi i kryetarit te komisionit parlamentar te Ligjeve, Spartak Braho, lidhur me vendimin qeveritar te dates 30 korrrik te ketij viti. Me ane te ketij vendimi, kryeministri Nano ka firmosur nje fond prej 40 milione dollaresh per t'ua dhene disa kompanive pa tender te hapur. Duke marre shkas nga publikimi i vendimeve te marra nga kryeministri ne daten 30 korrik, socialisti Braho, i kontaktuar me telefon per "KJ", e cilesoi kete veprim te kryeministrit "te paligjshem". "Organi i prokurorise nuk duhet te qendroje indiferent por duhet te monitoroje dhe te filloje procedimin penal, pasi kryeministri Nano ka shkelur ligjin per prokurimet publike pasi mungon transparenca". Madje duke iu referuar menyres se si jane cilesuar keta tendera, kerkese per kuotim, Braho konstatoi dhe disa shkelje te tjera. "Pervec mungeses se transparences, vihet re nje mungese e buxhetit faktik si dhe perzgjedhja e firmave tenderuese sipas preferencave. Keta tendera jane bere jo mbi bazen e kerkesave te percaktuara qarte, por jane zhvilluar si tendera me prokurim te drejtperdrejte, ne kete menyre kane zgjedhur fitues ate qe kane dashur vete", u shpreh Braho lidhur me kete ceshtje. Ne kete menyre, sipas tij, tenderat jane bere ne kundershtim me ligjin, nderkohe qe mekanizmat e tjera kerkojne hetim. Por i gjendur perballe ketyre shkeljeve te kryera nga kreu i kabinetit qeveritar, Braho rikujtoi dhe njehere faktin se kur flitet per kete kabinet te kujtohen vetem shkelje. "Ne nje veprimtari te ekzekutivit ku mungon transparenca, ajo cfare te vjen e para ne mendje jane vjedhjet, korrupsioni dhe shperdorimet", theksoi Braho gjate fjales se tij, duke shprehur ne kete menyre dhe njehere pakenaqesite e tij ndaj qeverisjes aktuale. Megjithate duke u ndalur ne shkeljet me te fundit te kryeministrit Nano, Braho kerkoi nga prokuroria te zbardhe cdo shkelje. "Ndaj edhe organet kompetente te prokurorise duhet te cojne deri ne fund obligimet e tyre per te zbuluar cdo shkelje", perfundoi fjalen e tij kryetari i komisionit te Ligjeve, Spartak Braho.

[krokodili_73]

emo me mire te behen rruget se sa te shofim vizion 2000.

[Albo]

emo me mire te behen rruget se sa te shofim vizion 2000.

Krokodili eshte kafshe qe jeton ne keneta dhe ujra te pista, por kjo nuk do te thote qe te gjithe shqiptaret jane pisanjose si puna tende Krokodil. Fondet e akorduara per rruget nuk i jane akorduar Nanos qe ti ndaj e japi sipas qejfit, i jane dhene Shqiperise dhe shqiptareve qe te kene rruge te shtruara dhe nje infrasktrukture me te mire ne transport.

Te firmosesh kontrata pa tender eshte jo vetem shkelje e ligjit por edhe vjedhje e fondeve publike dhe ky skandal nuk duhet te gjykohet vetem ne media, duhet te hetohet nga prokuroria dhe ata qe kane shkelur ligjin te dalin para ligjit.

Ata shqiptare qe duan te ndertojne nje Shqiperi demokratike respektojne ligjin demokratik. Ata qe nuk u intereson nje Shqiperi demokratike ku sundon ligji demokratik, nuk u behet vone fare as per Shqiperine, as per shqiptaret, as per ligjin dhe as per rruget. Ajo qe u behet vone eshte vetem te vjedhin sa te mundin per aq kohe sa e kane mundesine.

Krokodili ne ujra te pasterta ngordh.

Albo

[Nice_Boy]

Fondet e akorduara per rruget nuk i jane akorduar Nanos qe ti ndaj e japi sipas qejfit, i jane dhene Shqiperise dhe shqiptareve qe te kene rruge te shtruara dhe nje infrasktrukture me te mire ne transport

Nano. veshtir me i bo keto .. per shqiperi dhe me ato lek me rregullu dicka . veshtir. po them..

[StormAngel]

Shqiperia nuk eshte vetem Nano,ajo eshte e identifikuar me miliona njerez brenda dhe jashte kufijve te saj,kshu qe,nese jo Nano,me siguri se ka dikujt qe i dhimbset toka shqiptare,dhe nuk do lejoj te vazhdojne malverzimet dhe abuzimet.
Shqiptare jemi,falim,po kemi edhe kufij se deri ku shkojme me falje.
Tek e fundit,Nano nese me te vertete ka abuzuar parate e popullit,mos mendojme se do kaloj lehte,asnje nuk ka kaluar lehte nga duart e popullit.