Albana Mëlyshi Lifschin

[Administrator1]

Goditja e të kaluarës

..papritur mu mblodh
nje gjë e rëndë në gjoks,
një dhimbje e madhe
që më kërrusi poshtë,
rashë përmbys në shtrat,
s'e shtypa dot,
ç'peshë e rëndë në zemër,
lotët jastekut shkisnin,
në ekran kisha parë sërish
"te harruarin" emër..

B.T.

[Administrator1]

Që ti nuk pergjigjesh..

..nuk e di ç'mendon për mua
por në mendofsh keq,
s'është çudi
se njihnim aq mirë njeri tjetrin
sa të bëja aq shumë për ty.
Çfarë ndodhi mes nesh,
më s'ndreqet
të lutem në të tëra kishat,
të falesh në të tëra teqet!

B.T.

[Administrator1]

Puthja

Dy herë hyra sot ne dush
dy herë dola..e tharë
Puthjen që më le në gushë
Nuk desha uji të ma marrë

B.T.

[Administrator1]

Letrat

Letrat që më ngacmon
ndër sirtare,
nuk janë dashuri për një tjetër
dashuria ime për ty janë
e lënduara, e plasaritura
dashuri e vjetër..

B.T.

[Administrator1]

Poezia

Kam kaq gjëra për të bërë
Përveç se të shkruaj poezi
Por ajo më ndjek nga pas
kudo që jam, ngado që vete
më ngacmon, s'më le të qetë
më bën të lë çdo gjë tjetër
me sy kthehem e kërkoj
nje laps e një copë letër..

B.T.

[Administrator1]

Gjethja

Nje gjethe vjeshte
Si pellembe e hapur,
ne ajer fluturoi
duke u luhatur,
mbi gjoksin tend
ra te pushoje
I mrekulluar
Me mbeten syte
ne ate gjethe vjeshte
Si kishte mundur
te bente aq lehtesisht
ate qe une studenti
kisha enderuar ne vjete?

B.T.

[Administrator1]

Efekt tingujsh perseri

Si munden tingujt te derdhen
keshtu ne damaret e mi
e ata-perrrenj lumturie
vershojne drejt zemres,
ne marramendje si balone
ngopet zemra,
te dehur lart me ngre,
valsin e lumturise te marr mbi re
e gjithe bota e trishtuar ka mbetur
poshte nen kembet e mia,
sa poshte , sa larg.. atje.

B.T.

[Administrator1]

Pleqëria

Të shoh
ulur në një kolltuk të vjetër
me qenin besnik pranë,
në prehër hapur gazetën,
në xhep ilaçet e tua mban,
mbledhur me nje copë letër.

B.T.

[Administrator1]

Divorc

Thanë "u thye buka"
(për një bukë që s'qe zënë kurrë)
Thanë "I ndane rruget ate mëngjes"
Por s'thanë:
"U nda edhe një fëmijë në mes"

B.T.

[Administrator1]

Perralla ne internet

Ne s'njihemi , ne s'shihemi
Permbys mbi kompjuter
mberthyer nga një magji
ti pret per mua, une pres per ty
Nje pelhure te padukshme
endim me endje
qe fashitet mengjezeve
e merr vrull çdo mbremje
Dhe çuditerisht
sikur ndjejme dhe mall
edhe pse eshte genjeshter
edhe pse eshte peralle
me padurim, si femijet
e presim çdo nate
pa peralla s'na ze gjumi
symbyllur peshperism: dua prape..

B.T.