Vrsesit e Votes dhe breshka te Nallbani..

[Brari]

Ne Rd lexojme:

-------

Vrasësi që kthehet në vendin e krimit


Astrit PATOZI


Kryetari i Komisionit Qendror të Zgjedhjeve, Ilirian Celibashi, u shfaq dje papritur në publik, si për të na kujtuar në këtë vapë se Fatos Nano ka ndërmend që ta mbajë të pandryshuar jo vetëm mekanizmin kriminal të manipulimit, por edhe xhelatët e zgjedhjeve të kaluara.

Deklaratat e tij kundër Partisë Demokratike, që e pasurojnë më tej biografinë e tij antiopozitare, vijnë në një kohë që kryeministri dhe kryetari i Partisë Socialiste, Fatos Nano, ka bllokuar çdo hap para të reformës, duke vënë pikëpyetje të mëdha për mënyrën se si do të zhvillohen zgjedhjet e afërta parlamentare në vend. Por nëse është normale të dëgjosh përditë broçkullat në dialekt të rëndë të Elmaz Sherifit, i cili përveçse transformon brutalisht vërejtjet e ndërkombëtarëve, përfaqëson tek e fundit pikëpamjet e partisë që e ka mandatuar, është e padurueshme të shikosh se e përfaqëson vullnetin politik të Fatos Nanos një zyrtar, i cili, të paktën formalisht e ka të ndaluar të jetë palë.

Nëse Sherifi i Nanos tashmë e ka kthyer në refren paprekshmërinë e Komisionit Qendror të Zgjedhjeve, që do të thotë kthim në identitet tek zgjedhjet e Dushkut, Ilirian Celibashi me një gjakftohtësi olimpike avancoi më tej duke mashtruar pa iu dridhur fare qerpiku, kur tha se OSBE/ODIHR-i jo vetëm nuk kanë pasur ndonjë vërejtje për institucionin e tij, por përkundrazi ka artikuluar vetëm vlerësime për të.

A thua se po fliste për njerëz të një planeti tjetër dhe jo për publikun, që e ka provuar në kurriz se ç'do të thotë KQZ kamikazësh, në të gjitha zgjedhjet ku Celibashi ka qenë kryetar, ky hanxhar përsëritës i vjedhjes së votës në Shqipëri i kapërceu edhe deklarimet kurdoherë skërmitëse të Gramoz Ruçit, i cili të paktën ODIHR-in nuk e përzien fare kur flet për zgjedhjet.

Ilirian Celibashi edhe mund të mos shfaqej në televizione, dhe kjo mund të mos e pengonte Fatos Nanon që të ruante statukuonë e Komisionit Qendror të Zgjedhjeve, që voton gjithmonë 5 me 2 në favor të Partisë Socialiste. Ai mund të priste i qetë dështimin e komisionit bipartizan dhe të reformës zgjedhore, dhe pastaj të riniste nga e para misionin e vet të shkatërrimit të zgjedhjeve. Por ai nuk duroi dot dhe e nxori kokën, sa nga zelli i vet prej partizani, aq edhe se nuk e ka veten në dorë, si çdo ushtar në kohën e shërbimit.

Sigurisht që në kohën kur komisioni bipartizan gjendet i bllokuar dhe po shuhen shpresat për ndryshime pozitive në klimën e besimit para zgjedhjeve të ardhshme, jo deklaratat irrituese, por qoftë edhe dalja në ekran e Ilirian Celibashit është acaruese për publikun. Sepse mbi të gjitha ai ngjason me vrasësin që kthehet në vendin e krimit, kur aty ndodhen të afërmit e viktimës. E vetmja vlerë që kanë deklaratat e tij, është fakti se ato i kujtojnë opozitës, por edhe ndërkombëtarëve, se nuk mund të bëhet asnjë hap përpara drejt zgjedhjeve të lira pa ndryshuar më parë formatin dhe imazhin prej përbindëshi të KQZ-së, institucioni që ende sot ka fytyrën e Ilirian Celibashit.


---------



hm.. sa te lezetshem matufet ose te pabeset e Pd-se..




mir celibash vrasesi kthehet dy here..po breshka Pd cdo trehere te Nallbani?

apo mban ky popull dhe njehere ne kurriz mafien staliniste nanoiste celibashiste..dhe 50 vjet tjera..

e po nuku i iken as zyra me kondicioner e as Benzi berishes me shok..prandaj tallen duke i thene njerzve..shkoni ne votim se Vota do mbrohet..

tash del se Voten e paska pas ne dore jo populli po Celibashi i Nanos..qe vishet me luks se Princi uilliams i Anglise e ka zyre me luks se vet Bushi..

e more ne qaf popullin o Pd e legenave..

[Brari]

E Marte, 24 Gusht 2004


SE KA EDHE CELIBASH!!

Azgan Haklaj, deputet

Mendova te lajmeroj qe ne titull objektin e shkrimit tim duke parasqaruar, se as tek une dhe as tek ndonje demokrat dhe opozitar i vertete shqiptar shenjestra paresore e luftes sone parimore, politike e krejtesisht kombetare eshte kunder gangrenes se kombit, Fatos Nano. Por Nano ka leshuar tentakulat te cilat rivegjetojne majtas dhe djathtas, ne institucione dhe OJQ te deklaruara te pavarura, ne gjykata e prokurori, ne ushtri, sherbim sekret dhe polici. Keshtu kumbari i rrezikshem, shefi i krimit te organizuar shteteror, mendon se mund te fleje i qete ne jahte e carter, ne "Sheraton" e kazino duke leshuar te lehin zagaret "e pavaruar" ku nje vend te vecante ze Ilirian Celibashi.

Celibashi, drejtues i padrejte i institucionit te votes

Drejtuesi i padrejte, i padenje i nje institucioni qe ka merre persiper ruajtjen e votes se lire ne kete vend me sheshtesi e labirinthe demokratike. Pas plagosjes se votes se shqiptareve nga Nano-KQZ, duhej nje tjeter misionar mundesisht dhender apo kumbar ne kampin opozitar qe t'i jepte doren e fundit deri ne percjellje mortore votes se lire. Dhe si gjithmone ne arshivat e sigurimsave te padrinos si prej "kutise se Pandores" u nxor Celibashi. Jo rralle opozita, miq nderkombetare, diplomate e institucione nga me relevantet e konstatuan dhe denoncuan goditjen deri ne deformim total qe ky kumbar i vogel u beri zgjedhjeve. U denoncuan nenshkrimet e tij qe grabiten mandatet opozitare duke ndryshuar destinacion nga djathtas-majtas te qindra mijera votave deri edhe canta me para qe i jepeshin si kompensim diku ne restorantet bregdetare te mafias shqiptare, por prape ky Celibash qendron ne kullen e tij. Ky paradoks eshte tejet i rende e me pasoja tek mendon se qendrimi akoma i tij vec te tjerash rikrijon imazhin se vota e lire ne tere qenesine e saj jo vetem s'ndihet e sigurte por prape pret dhunim radhe "ala- Celibash".

Sot fenomeni me i rrezikshem

Ne kete aspekt, Celibashi eshte sot fenomeni me i rrezikshem qendrimi i te cilit qofte edhe nje dite ne krye te Komisionit Qendror te Zgjedhjeve na largon nje vit nga integrimi yne ne familjen komunitare europiane te ciles do t'i pekasim. Vemendja e opozites natyrshem gjate kohes eshte perqendruar ne denoncimin e korrupsionit te keqqeverisjes, ne argumentimin publik te tyre por shpesh eshte lene ne harrese tumori qe kancerizoi voten e lire, themelin pa te cilin nje demokraci i ngjan kioskave te llamarines. Aferat korruptive kriminale te Fatos Nanos, Gramoz Rucit, Arben Malajt, Bashkim Finos, Ilir Metes, Spartak Brahos, Monika Kryemadhit etj vertet jane te renda dhe kane tejkompromentuar shtetin dhe vendin tone, por fenomeni "Celibash" eshte po aq deri dhe me i rrezikshem dhe i pasuperueshem me tutje. Jo vetem kaq por ai duhet te kaloje sa me shpejt ne organet e drejtesise ndryshe edhe pas tij te tjere kumbare apo dhendure do te sajoj-_no per te grabitur votat e shqiptareve. Demokracia dhe shpirti i saj, vota e lire nuk jane as prona dhe as ekskluzivitete te individeve dhe as partive cilatdo qofshin. Perkundrazi, ato duhet te jene misionare per t'i ruajtur me shenjteri ato. Asnje krushqi nuk mund ta lejoje kryedhunuesin e zgjedhjeve te lira, Ilirian Celibashi, te qendroje ne krye te KQZ-se.

Shpura e Celibashit te largohet menjehere

Nese ne deshirojme te kemi ndonjehere zgjedhje te lira te kerkuara nga shqiptaret dhe nderkombetaret. Celibashi dhe shpura e tij duhet jo vetem te largohen me emergjence, por paralelisht te japin edhe llogari. Ndryshe jo sot, me 2005 por as ne 2050-n nuk mund te shpresohet per zgjedhje te lira. Nano dhe PS-ja e dine mire se me Celibashin do te kete serish zgjedhje te kontestuara dhe vota te dhunuara. Por eshte fisheku i fundit qe i mban ne pushtet dhe me tutje pikerisht kjo lloj kusarie votash. Opozita shqiptare ne axhenden e saj te protestave qe do te rifillojne kete vjeshte patjeter do te perfshijne edhe atentatorin e votes se lire, Ilirian Celibashin. Asnje komision apo sterkomision deshtak nuk mund ta mbroje me as Celibashin dhe as fenomenet regres qe ai prodhon.