Botërori - "Gjermania 2006"

[Davius]

Nakata: E meritojmë botërorin

Mesfushori i Japonisë, Hidetoshi Nakata, tha se kampionët e Azisë janë të bindur se do të marrin pjesë në botërorin gjerman pas fitores 1-0, të arritur të premten në Bahrein. Futbollisti më i famshëm japonez nuk do të luajë të mërkurën ndaj Republikës së Koresë, për shkak të kartonit të verdhë që mori në takimin e luajtur në Manama. Gjithsesi, Nakata është i bindur se shokët e tij do të fitojnë në Bangkok, duke iu afruar pjesëmarrjes së tretë radhazi të Japonisë në Kupën e Botës. "Jemi një skuadër e bashkuar që luan në grup dhe nuk e bazoin lojën tek individë të veçantë, - tha mesfushori që luan në kampionatin italian me Fiorentinën. - Tani na duhet një fitore në Kore, për t'ia dalë mbanë." Japonia, pasi fitoi në Bahrein e kaloi edhe në renditje skuadrën aziatike. Fatet e ndeshjes i vendosi goli i mesfushorit Mituso Ogasavara në minutën e 34-t.

Tani Japonia mban vendin e dytë në grup, me nëntë pikë, pas tri ndeshjesh. Grupi kryesohet nga Irani me dhjetë pikë, pas fitores që këta të fundit arritën ndaj Republikës së Koresë në Teheran. Dy vendet e para të grupit sigurojnë pjesëmarrjen në botërorin gjerman. Japonia doli kështu nga kriza që e kishte mposhtur kohët e fundit dhe që po ushtronte presion ndaj trajnerit Ziko. "Ky ndaj Bahreinit ishte një tripikësh jetik për ecurinë tonë, - tha Nakata, - Por tani duhet ta mundin edhe Korenë në mënyrë që të sigurojmë pjesëmarrjen në botëror. Jemi një skuadër e fortë dhe meritojmë të luajmë në atë veprimtari."


Arabia, të mërkurën në botëror!?
Arabia është vetëm një hap larg pjesëmarrjes së katërt radhazi në një kampionat botëror, pas fitores 3-0 të arritur ndaj Kuvajtit. Al Shalhub shënoi dy gola për skuadrën aziatike në një ndeshje që i pa arabët ta mbyllnin takim me dhjetë futbollistë. Të mërkurën Arabia Saudite do të luajë ndaj Uzbekistanit në fushën e saj. Në rast fitoreje, skuadra arabe do të bëhej skuadra e dytë pas Gjermanisë që siguron pjesëmarrjen në Kupën e Botës.

[Davius]

Çekia "shkatërron" 8-1 Andorën

Ekipi i Çekisë ka arritur një fitore të thellë 8-1 ndaj ekipit modest të Andorës. Vratislav Lokvenc shënoi dy gola për ekipin e tij. Trajneri çek Karel Brukner hodhi në fushë tre sulmues, duke kërkuar medoemos fitoren ndaj Andorës. Golat e tjerë të takimit u shënuan nga Jan Koler, Vladimir Smicer, Tomas Galashek, Milan Baros, Tomas Rozicki dhe Jan Polak. Pas ndeshjes sulmuesi i Liverpulit, Milan Barosh, deklaroi:

"Arritëm një fitore të bukur para publikut tonë. Jam shumë i kënaqur që arrita të shënoj, pasi goli me kombëtaren më mungonte që nga Europiani i Portugalisë. Jemi të parët në grup dhe shpresojmë ta ruajmë këtë vend." Goli i vetëm për Andorën u shënua nga Gabriel Riera, i cili në minutën e 35-të të takimit arriti ta mposhte portierin e Çelsit, Petr Çeh. Çekia kryeson grupin 1 me 18 pikë të koleksionuara në shatë takime. Holanda e vendit të dytë do të presë sot ekipin e Rumanisë.

[Davius]

Afrikë, rikthimi i gjigantëve...

Maroku dhe Afrika e Jugut bënë një hap përpara drejt kualifikimit për në Botërorin e 2006-s, ndërsa Kameruni arriti një fitore shumë të rëndësishme jashtë fushe. Maroku është katër pikë para rivalëve të Tunizisë në grupin 5 dhe tashmë është më pranë kualifikimit për në Gjermani. Afrika e Jugut fitoi 2-1 ndaj ekipit të Ishujve të Kepit të Gjelbër dhe tashmë ndodhet e vetme në krye të grupit 3. Kameruni fitoi 1-4 në fushën e Beninit, duke e shkurtuar diferencën me rivalët e Bregut të Fildishtë.

Në fitoren 4-1 të Marokut ndaj Malauit, sulmuesi i Bastias, Josef Haxhi, shënoi dy herë, duke arritur në kuotën e nëntë golave të shënuar gjatë këtyre eliminatoreve. Tunizia arriti të përmbyste disavantazhin e një goli, duke fituar 3-1 ndaj ekipit të Botsavanës. Trajneri i Tunizisë, Rozher Lemer, deklaroi se goli i pësuar në minutën e 13-të i kishte shërbyer ekipit të tij: "Ishte e nevojshme të zgjoheshim dhe të rifillonim lojën përsëri."

[inter_forever]

Ndeshja me e rendesishme te merkuren eshte GREQI- UKRAINE ....

E forte do jete edhe ESTONI - PORTUGALI....

Spain - Bosnia-Herzegovina 22:00
Greece - Ukraine 21:30
Kazakhstan - Turkey 21:00
Belarus - Scotland 21:00
Finland - Netherlands 21:00
Romania - Armenia 20:30
Estonia - Portugal 20:15
Denmark - Albania 20:00
Luxembourg - Slovakia 20:00
Faroe Islands - Ireland Republic 19:30
Latvia - Liechtenstein 18:30
Iceland - Malta 18:05
Czech Republic - Macedonia FYR 17:00

[Davius]

Brazili, për fitore ndaj Argjentinës

Trajneri i kombëtares braziliane, Karlos Alberto Parreira, ka premtuar se do të hedhë në fushë një skuadër sulmuese për ndeshjen ndaj Argjentinës, të vlefshme për eliminatoret e kampionatit botëror, Gjermania 2006. Në një deklaratë për shtyp, të lëshuar të hënën, Parreira tha se kampionët e botës do të përdornin të njëjtën strategji loje me atë që i dha fitoren 4-1 ndaj Paraguait, por me dy ndryshime në mbrojtje. I pari është i detyruar, Huani do të luajë në vend të Lusios, të skualifikuar, dhe e treta është një zgjedhje taktike me Kafunë, në vend të Beletit. Dida, Rroke Zhunior dhe Roberto Karlos do të jenë sërish titullarë. Po ashtu, Emersoni dhe Ze Roberto do të jenë dy mesfushorët e tërhequr, pas shpinës së Kakasë dhe Ronaldinjos. Ndërsa dyshja e sulmit do të jetë edhe një herë Adriano-Robinjo.

Pra, me pak fjalë, një "Selesao" sulmuese, e cila synon fitoren në Argjentinë, që do t'i jepte kreun e grupit eliminator të Amerikës së Jugut dhe sigurinë matematike për pjesëmarrjen në botërorin gjerman. "Si mund ta ndaloni një skuadër si kjo të sulmojë?" - pyeti Parreira gazetarët e pranishëm në konferencën për shtyp. Më pas, trajneri që ka fituar Kupën e Botës në vitin 1994 nën drejtimin e Brazilit, tha: "Ka shumë vjet që futbolli sulmues është karakteristikë e skuadrës braziliane dhe asnjë trajner nuk mund ta ndryshojë. Sigurisht, kemi marrë masa edhe të mos pësojmë gol, por ta fillosh ndeshjen në mbrojtje me emra të tillë në skuadër, do të ishte një vetëvrasje. Unë kam në skuadër futbollistë që mund të shënojnë në çdo moment të ndeshjes, për këtë do të luajmë në sulm." Edhe në këtë ndeshje, Brazili nuk do të ketë shërbimet e sulmuesit të Realit, Ronaldos.

Sulmuesi brazilian i ka kërkuar Parreiras leje për të pushuar dhe nuk do të jetë me skuadrën as në Kupën e Konfederatave, që fillon në javën e ardhshme. Argjentina kryeson grupin eliminator me dhjetë skuadra në Amerikën e Jugut, me 28 pikë pas 14 ndeshjesh, një pikë më shumë se Brazili. Të dyja skuadrat janë virtualisht të kualifikuara në botërorin gjerman, por ajo që do të fitojë në Buenos Aires, do të sigurojë matematikisht pjesëmarrjen në finalet e Kupës së Botës. Ndeshja do të luhet në stadiumin ku i luan takimet skuadra argjentinase, "River Plejt".

[Davius]

Azia, në pritje të festës së madhe

Katër skuadrat aziatike që do të marrin pjesë në kampionatin e ardhshëm botëror, mund të përcaktohen pas ndeshjeve të sotme dhe të nesërme, në rast se fitojnë skuadrat kryesuese në të dyja grupet. Irani dhe Arabia Saudite, së bashku me Korenë e Jugut dhe Japoninë, rast se fitojnë në ndeshjet e parafundit, mund të festojnë pjesëmarrjen në finalet e Kupës së Botës. Për Arabinë Saudie duket se do të jetë një lojë fëmijësh fitorja në fushën e saj ndaj Uzbekistanit pa pretendime, ndërkohë që kryesuesit të grupi 2, Iranit, do t'i duhet të mposhtë Bahreinin.

Trajneri i kombëtares së Iranit, kroati Branko Ivankoviç, tha: "Në Bahrein na pret një ndeshje e vështirë. Barazimi na bën punë, por duhet të kemi kujdes dhe të mos festojmë përpara kohe. Bahreini është një skuadër e fortë." Po në këtë grup, Japonisë së Zikos i duhet të fitojë në Bangkog ndaj Republikës së Koresë. Ndeshja do të luhet në fushë asnjanëse, sepse fusha koreane është skualifikuar nga FIFA. Ziko tha: "Me apo pa tifozë duhet të fitojmë me çdo kusht. Koreanët shpresojnë ende në vendin e tretë në grup, por e ndiej se në rast se luajmë ashtu siç dimë, mund të festojmë kalimin në botëror."

Ndeshja më delikate do të jetë ajo ndërmjet Koresë së Jugut dhe Kuvajtit. Vendësve u duhet me çdo kusht fitorja, ndërsa miqtë synojnë surprizën e dytë, pasi eliminuan Kinën në fillim të vitit. Korea e Jugut ka marrë pjesë në pesë kampionatet e fundit botërore, por rrezikoi ndjeshëm pozitat e saj pas barazimit 1-1 në Uzbekistan. Trajneri i kësaj skuadre, Xho Bonfrere, tha: "Ne e dimë se si mund të fitojmë ndaj Kuvajtit. Kam besim te skuadra. Të gjithë jemi të vetëdijshëm që tri pikët do të na jepnin kualifikimin dhe do të bëjmë të pamundurën për t'i marrë."

[Davius]

Meksika dhe SHBA-ja, për Gjermaninë


Meksika dhe Shtetet e Bashkuara të Amerikës do të synojnë të sigurojnë pjesëmarrjen në finalet e Kupës së Botës, me një fitore në ndeshjet e radhës eliminatore në zonën e Amerikës Veriore. Amerikanët, pas fitores 3-0 ndaj Kosta Rikës, do të udhëtojnë për në Panama, ndërsa Meksika, e cila nuk ka humbur ende asnjë takim në këto eliminatore, do të presë Trinidad Tabagon. Guatemala do të ndeshet me Kosta Rikën në një ndeshje përcaktuese për fatet e skuadrës së tretë që do të kualifikohet direkt për në botërorin gjerman, nga zona e Amerikës së Veriut. Vendi i katërt i këtij grupi do të luajë në "play off" me të pestën e zonës së Azisë.

Në prag të ndeshjeve të këtij turni, trajneri i SHBA-së, Brus Arena, tha: "Në rast se Meksika dhe SHBA-ja fitojnë ndeshjet e ardhshme, duhet të fillojnë të mendojnë për Kupën e Botës. Ka ende kohë, por duam ta sigurojmë sa më parë kualifikimin dhe do të shkojmë për fitore në Panama."

[Davius]

Czech Republic [6 - 1] Rep. of Macedonia

14' [0 - 1] G. Pandev
42' [1 - 1] J. Koller
45' [2 - 1] M. Baros
49' [3 - 1] J. Koller
53' [4 - 1] J. Koller
74' [5 - 1] T. Rosicky (pen.)
88' [6 - 1] M. Baros

Papapapapa....shume forte jemi duke luajtur ne te Maqedonise...

Sa per informacion ne fanellen e kombetares se Maqedonise ka dy shqiptare: Ismail Ismajli dhe Artim Pollozhani qe luajne ne radhet e Shkedijes'79 - Tetove por me lojerat e tyre kane merituar te jene pjese e skuadres kombetare dhe jane por si duket debutimet e tyre ishin me se katastrof...nejse fat herave tjera...

[inter_forever]

Spanje - Bosnje 1 - 1...
Gafe e Spanjes....
Mezi barazon me Bosnjen ne minuten e fundit...shanc qe Bosnjes i kishin dale 2 lojtare me te kuqe...
Me kete rezultat Spanja rrezikon vendin e pare ...Sepse serbet kane 1 ndeshje me pak dhe jane 1 pike poshte ne renditje...

Greqi - Ukraine 0 - 1...
Surpriza tjeter i...Ukraina shkoi per 1 pike , e mori 3...
Me kete fitore Ukraina eshte shume afer boterorit...ka 7 pike larg nga vendi dyte ...
Greqia rrezikon edhe vendin e dyte...sepse turqit jane 1 pike me shume...
Megjithese ne ete grup do kete lufte per vendin e dyte deri ne ndeshjen e fundit....

[inter_forever]

Ne daten 9 qershor 2006 fillon Kampionati Boteror i Futbollit ne Gjermani ....

Gjermanet jane vendi organizator dhe pranohen direkt ne finalet e ketij boterori .

Nderkohe ekipet e tjera vazhdojne ndeshjet kualifikuese.

Ne kete teme komente per gjithe ekipet qe marrin pjese ne keto eleminatore .