Helikopteri i policisë plagos nje grua ne Lazarat

[karaburuni]

shqiperia po behet kolumbi, ku qeveria mafioze kerkon te pastroje fytyren duke ndeshkuar popullin mafioz, me police e helikoptere te huaj.

dhe te gjithe i madh e i vogel, per gjendjen e krijuar shajne enverin qe ka vdek ketu e 20 vjet me pare (ne fakt 35 vjet me pare), pede dhe çun i bimbashit, ngaqe i varferoi. haha!

apokaliptik.

Problemi me i madh i shqiptareve qe i ka penguar ne zhvillimin e tyre qe nga 90-ta e ketej eshte mentaliteti i tyre i trasheguar nga diktatura komuniste. Vertet Enver Hoxha vdiq me 1985, por la mbrapa nje popull te çoroditur ne mendime dhe ide, ajo qe quhej "njeriu i ri" dhe kjo ishte veper e padiskutueshme e tija.
"Njeriu i ri" mendonte se partia dhe Enveri i dinin te gjitha dhe i benin te gjitha. Ai mendonte se Shqiperia ishte qendra e botes. Ai mendonte se Shqiperia jetonte ne lluks e pasuri atehere kur bota vuante per buken e gojes.
"Njeriu i ri" e bazonte suksesin ne jeten e tij tek qejfberja partise, tek kritika ndaj shokut e mikut, tek kallezimi dhe denoncimi i mikut, tek lufta ndaj armikut te klases, gjera te cilat do t'i jepnin atij mundesine te perfitonte ndonje post apo pergjegjesi dhe ne kete menyre do te jetonte me mire se gjitoni.
"Njeriu i ri" nuk e kishte idene e prones private, cdo gje ishte e shtetit dhe e partise.
Njeriu i ri nuk kishte shpirt iniciative sepse iniciativa e lire mbytej qe ne djep. Njeriu i ri ishte i padale ne bote dhe injorant.
Njeriu i riu e njihte boten vetem nepermjet Mao Ce Dunit, Brezhnjevit dhe Zhoao Amazonasit.
Njeriu i ri nuk e donte punen por vetem perfitimin nepermjet "nderhyrjes miqesore", nderhyrjes se partise dhe intrigave te uleta.

Ja ky ishte njeriu i ri ne vitin 1990.

Atehere, cfare shteti mund te ndertoj ky njeri i ri me kete mendje te deformuar qe kishte? Dhe mendoni qe ky njeri i ri sot eshte ne pushtet.


Per mendimin tim punet ne Shqiperi do te rregullohen vetem kur ata qe jane sot 20 vjec te arrijne ne moshen e pushtetit.

[pagan]

karaburuni lal, po flet gabim. "njeriu i ri" i enverit ishte FRANCEZI qe kur i thone çdo dite ne TV qe bulevardi champs elyzees eshte me i bukri ne bote, E BESON! dhe rron e frymezohet nga kjo prapagande shteterore dylekshe.

enveri nuk mundi ta bente "njeriun e ri" ne shqiperi, megjithese tentoi, ngaqe as nje çilimi nuk e rrejti dot prapaganda komuniste me "kala e pamposhtur buze adriatikut" etj, etj. ngaqe s'kishte te bente me naivet franceze por me paranojaket shqiptare.

sipas Mustafarjt ne nje bisede me televizionin francez pas nje takimi te tyre ne nje tren europian me intelektuale nga dy ish-blloqet, ky ishte dhe hendeku qe ndante shkrimtaret lindore nga ta perendimore

dmth, ne vend qe te ishin te INDOKTRINUAR shkrimtaret lindore, jane me shume ata perendimore. dhe ky eshte nje konstatim i drejte.

si dhe lal, fshataret ne jug dhe ne shqiperi te mesme NUK KISHIN PRONA te tyre, tokat i posedonin vetem disa familje te medha e te fuqishme. kushteqe i gjithe ai cirku jot ne lidhje me pronen e respektin ndaj saj, bie pertoke. fshatari shqiptar nuk e njihte respektin e prones ngaqe nuk e posedonte ate. partia pikerisht kerkoi ta bente me prone, pasi krijoi ate TE PERBASHKET, e vuri fshatarin shef te saj. dhe ai e q.....................ate.

shqiperia ishte vend BUJKROB pa klase te mesme, kishte vetem DISA te pasur dhe mijera te varfer. po ashtu si po behet sot.

prandaj dhe komunizmi nuk eci ne nje vend te tille, plot me FSHATARE dhe pa PROLETARE. siç ishte gjithe europa e lindjes me rusine ne krye.

keshtu mik shifi dhe nje here ato librat (apo gazetat) ku mbeshtetesh.

reflekto!

[Albo]

Lajmi nga Lazarati nuk eshte qellimi me arme mbi nje helikopter qe u ul ne Tirane pa e patur idene se ishte qelluar me plumba, por lajmi ishte qe nje grua 50 vjecare u plagos ne kembe kur mbi koken e saj kaloi nje helikopter i policise.

Une nuk jam shprehur fare ne "mbrojtje te Lazaratit" dhe as per politike. Krimi ndeshkohet me ligj dhe une nuk shoh ndonje dallim midis krimeneleve te Lazaratit, Gjirokastres, Tepelenes apo Permetit. Perpara ligjit te gjithe ata qe thyejne ligjin e kane emrin Kriminele, dhe pak rendesi ka se ku jetojne, cfare bindjesh politike kane apo cfare moshe e feje kane.

Te me falesh mua qe kam me shume besim tek fjalet e nje gruaje 50 vjecare qe punon ne aren e saj se sa ndaj versionit te policise shqiptare.

Albo

[R2T]

Lajmi fillimisht ishte per rritjen e hashashit ne Lazarat, ku me pas sipas zakonit Forumi Shqiptar ju ndrua tema sipas nevojave personale tuajat (besoj si gjithmone pa i marre as leje personit qe hapi temen). Ju vendos dhe nej titull domethenes "helikopteri plagos nje grua" qe e beri fakt te kryer se ishte faji i Helikopterit.

Pjesa e meposhteme eshte marre nga gazeta Korrieri e dites se sotme:

Burime nga organi i Prokurorise bejne te ditur se dje eshte marre ne pyetje edhe 55 vjecarja e plagosur Medime Kazmaj, e cila gjendet e shtruar ne spital jashte rrezikut per jeten. Por deklarimet e saj jane kontradiktore. Mesohet se tek ekspertet e prokurorise ajo ka deklaruar se "nuk e di nga me erdhi plumbi", nderkohe qe ne stacione televizive ka pohuar se eshte qelluar nga bashkefshataret e saj.

Besoj se me kete informacion do falesh veten per nxitimin ne gjykim.

[krokodili_73]

HA HA ha
ja dhe qamushet e politikes shqiptare.
marre nga koha jone

PD: LAZARATI, NGJARJE E PLANIFIKUAR

"Ngjarja e Lazaratit eshte nje ngjarje e planifikuar dhe kishte si qellim nje gjakderdhje te madhe". Keshtu pohoi dje ne nje konference per shtyp, deputeti Sokol Olldashi, ku sipas te cilit kjo ngjarje ishte e porositur nga Fatos Nano dhe u ekzekutua me perkushtim kriminal nga Igli Toska dhe nga grupi i Sigurimit te Shtetit ne ministrine e Rendit. Po ne kete konference, nenkryetari demokrat, Bamir Topi, shtoi se detajet qe jane transmetuar nepermjet kanaleve telefonike dhe verbale ne PD, tani konfirmohen edhe nepermjet te dhenave filmike. "Ne falenderojme operatorin amator i cili ka qene aq i gatshem dhe i vemendshem per te filmuar pikerisht ato manovra te helikopterit te MRP qe ndryshe nga c'thuhet ne deklaraten e zedhenesit te ministrise se Rendit nuk ka qene thjesht nje helikopter transportues, por sic shihet dhe ne pamjet filmike ka mitraluar mbi shtepine e kryetarit te komunes". Olldashi deklaroi se "PD kerkon nxjerrjen para pergjegjesise te autoreve te ketij akti qe mund te kishte pasoja katastrofike per vendin dhe qe perfaqeson nje perpjekje te rrezikshme te Nanos per te montuar strategjine e dhunes dhe tensionit ne vend".

[Tirana]

Fluturon nje helikopter Italian per te vertetuar se ka apo nuk ka hashash te mbjell ne fshat , kur gjith policia e Gjirokastres e di shume mire qe ka , pa qene nevoja e helikopterit per te fotografuar . Pse? Nuk eshte e zonja qeveria Shqiptare te zgjidh problemet e veta , me popullin ?!. Pse u dashka te nderhyj policia Italiane pa qene e nevojshme . Kjo eshte pra politika qe spekullon dhe nuk eshte e zonja te zgjidhi problemet e veta .

[StormAngel]

Toska: Diplomatët mbështesin veprimet e policisë që kanë të bëjnë me luftën kundër kultivimit dhe trafikut të drogës

Lazarati, hetime edhe në Romë


Artur Qoraj

TIRANË- Incidenti i ndodhur në Lazarat ka detyruar ministrin e Rendit Publik, Igli Toska, të informojë shtatë përfaqësi diplomatike të huaja, të atashuara në vendin tonë. Kaseta filmike, fotografitë e bëra dhe shenjat e plumbave në helikopterin me të cilën udhëtonin përfaqësues të misionit Interforcë në vendin tonë, u janë servirur diplomatëve gjatë takimit të djeshëm, të zhvilluar në mjediset e Ministrisë së Rendit Publik. Ministri Toska, i shoqëruar edhe nga zv.ministri i Jashtëm, Luan Hajdaraga, ka takuar përfaqësuesit e ambasadave të Bashkimit Europian, Gjermanisë, Italisë, SHBA, Greqisë, Britanisë së Madhe dhe Hollandës. Ky takim është kërkuar nga vetë kreu i dikasterit blu, i cili ka pasur si qëllim informimin e përfaqësive të huaja diplomatike, në lidhje me incidentin e ndodhur në Lazarat. Përfaqësuesit e ambasadave të huaja kanë parë kasetën filmike, që tregonte për parcela të tëra, të mbjella me kanabis sativa në fshatin e Lazaratit dhe kanë mbështetur ministrin Toska në luftën kundër trafikut të drogës.
Takimi
Rreth orës 12.00 të ditës së djeshme, shtatë makina me targa CD janë shfaqur para Ministrisë së Rendit Publik. Përfaqësuesit e ambasadave të shtatë vendeve janë njohur me provat që zotëron Ministria e Rendit, në lidhje me incidentin e ndodhur në Lazarat, i shumëpërfolur gjatë ditëve të fundit. Sipas zëdhënësit të Ministrisë së Rendit Publik, Florion Serjani, mësohet se reagimi i diplomatëve të huaj ka qenë unanim. “Ne mbështesim çdo veprim të qeverisë shqiptare dhe të policisë që është i mbështetur në konventën e OKB-së e që ka të bëjë me luftën kundër kultivimit dhe trafikimit të bimëve narkotike”,-mësohet të jenë shprehur ata. Nga ana e tij, Toska ka kërkuar mbështetjen e përfaqësive të huaja diplomatike, në këtë luftë të përbashkët për të goditur krimin e organizuar.”Lufta kundër krimit të organizuar, trafiqeve, drogës apo kontrabandës, nuk mund të ketë ngjyrime politike”,-mësohet të jetë shprehur gjatë takimit, ministri i Rendit Publik, Igli Toska.
Reagimi
Gjatë takimit të djeshëm, ministri Igli Toska ka marrë mbështetjen e përfaqësuesve të huaj për veprimet ligjore që do ndërmerrte për të luftuar kultivimin e drogës sipas konventave të OKB-së. “Reagimi i policisë së shtetit dhe institucioneve të tjera do të jetë konform ligjeve dhe profesional”, -është shprehur Toska gjatë takimit me diplomatët, ku ka shpjeguar me detaje gjithë dinamikën e ngjarjes. “Ministri i Rendit Publik e ka cilësuar këtë ngjarje si akt kriminal dhe ka theksuar se policia e shtetit, në bashkëpunim edhe me prokurorinë, është tërësisht e angazhuar për zbardhjen e saj dhe për gjetjen dhe vënien para drejtësisë të autorëve”,-thotë zëdhënësi Serjani. Takimi i Toskës me përfaqësuesit e shtatë ambasadave të huaja, të atashuara në vendin tonë ka ardhur fill pas reagimeve të përfaqësuesve të pushtetit vendor, por edhe të Partisë Demokratike, në lidhje me ngjarjen e Lazaratit.Ndërkohë që Ministria e Rendit Publik pohon se zona e Lazaratit ka qënë dhe mbetet problematike, përsa i përket kultivimit të kanabisit. Gjatë këtij viti, agjentët e Antidrogës, në bashkëpunim edhe forcat e ndërhyrjes së shpejtë të Dragotit kanë realizuar 4 aksione për asgjesimin e bimëve narkotike në afërsi të Lazaratit, por asnjë aksion për asgjesimin e parcelave me kanabis nuk është realizuar në këtë fshat.

[krokodili_73]

Ibraj: Do të veprojmë për drogën e mbjellë në Lazarat

A. Bogdani

TIRANË - “Policia do të veprojë konform ligjit, për të siguruar rendin dhe qetësinë, por edhe për të luftuar kultivimin dhe trafikimin e lëndëve narkotike në Lazarat”. Drejtori i Përgjithshëm i Policisë së Shtetit, Bajram Ibraj, ka qënë tepër i rezervuar, përsa i përket “fatit” të parcelave me kanabis, të mbjella në Lazarat, por ka pohuar për “Shekullin” se ka një plan masash për këtë çështje. Kreu i Policisë së Shtetit ka udhëtuar dje, në drejtim të Gjirokastrës, për të ndjekur nga afër situatën e krijuar, por edhe për të gjetur një mënyrë zgjidhjeje të konfliktit. Mëngjesin e djeshëm ai ka takuar krerët e policisë lokale, ku çështja e Lazaratit ka qenë më e diskutuara. Ibraj shton se është përgatitur një plan masash, por nuk ka pranuar të japë detaje, për mënyrën sesi do të asgjësohen parcelat me kanabis në fshatin e Lazaratit. Ndërkaq, burime nga Ministria e Rendit Publik pohojnë se një zgjidhje mendohet të jetë negociimi me pushtetin lokal. Nga ana tjetër, është parashikuar që elementët e inkriminuar të këtij fshati të izolohen, për të mos trafikuar bimën narkotike, të mbjellë në çdo cep të Lazaratit.
Hetimet
Prokuroria e Gjirokastrës, por edhe ajo e Krimeve të Rënda, kanë filluar tashmë hetimet për zbardhjen e incidentit të ndodhur në Lazarat, ku një helikopter i Interforce u qëllua me tre plumba nga persona të paidentifikuar. Nga ana tjetër, pritet që prokurorja e Romës, Olga Kapasao, të shkelë në tokën shqiptare javën e ardhshme. Ajo ka marrë në dorë çështjen e Lazaratit, e cila po hetohet paralelisht edhe në kryeqytetin italian. Përfshirja e tre oficerëve të misionit të Ndërlidhjes italiane Interforce në incident, ka bërë që hetimet për këtë çështje të fillojnë edhe nga prokuroria italiane. Kapasao pritet të vijë në Tiranë për të shqyrtuar provat, por edhe për të mbledhur dëshmitë e oficerëve italianë, jeta e të cilëve u rrezikua pas plumbave që goditën helikopterin me të cilin ata po udhëtonin.
Operacioni antidrogë
Megjithëse plani i masave është mbajtur sekret, burime nga dikasteri blu bënë të ditur se policisë së Gjirokastrës i është dhënë urdhër që të ndalojë çdo lazaratas të shpallur në kërkim, që qarkullon lirshëm në qytet. Burimet pohojnë se nuk do të ndërmerret ndonjë ndërhyrje që mund të dëmtojë popullatën dhe punonjës të policisë, por do të ketë shërbime policore rreth zonës së Lazaratit, për të mos lejuar trafikimin e kanabisit. Ndërkaq, mësohet se nga patrullimi i helikopterit të Interforce, janë identifikuar parcela me kanabis sativa jo vetëm në Lazarat por edhe në fshatrat periferikë të Vlorës. Oficerët italianë kanë filmuar edhe këto parcela në zonat periferike të Vlorës, ku pritet të ndërhyhet në ditët në vazhdim. Fotografitë dhe sekuencat filmike i janë paraqitur krerëve të Ministrisë së Rendit Publik dhe u janë bërë të ditura prokurorisë. Bëhet fjalë për zonën e bregdetit jugor ku janë vënë re parcela të vogla të mbjella me canabis sativa që tani është në fazën e pjekjes. Në dy ditët e fundit, policia e Vlorës nisi operacionin në zonat malore të rrethit, duke asgjësuar rreth një mijë rrënjë kanabis dhe arrestuar dy persona e ndaluar katër të tjerë. Operacioni Antidrogë në Vlorë do të kryhet mbi bazën e kasetës filmike që është xhiruar nga helikopteri i Interforce. Burime të Ministrisë së Rendit Publik pohojnë se fillimisht do të goditet zona e identifikuar nga helikopteri i Interforce në bregdetin e Vlorës, zonë kjo e planifikuar për t’u “pastruar” brenda javës së ardhshme.

[Shpirt Njeriu]

TIRANE

Prokurorët e Krimeve të Rënda në bashkëpunim me kolegët e tyre të Prokurorisë së Gjirokastrës dhe strukturave të specializuara të policisë kanë nisur një hetim të përbashkët për ngjarjen e 18 gushtit në fshatin Lazarat. Ndonëse e pranojnë që për momentin hetimi i kësaj ngjarjeje është i vështirë, prej pamundësisë për t'iu afruar vendit të ngjarjes, burime pranë organit të akuzës shprehen për Gazetën se hetuesit kanë filluar hetimin me ato prova që tashmë kanë në duar. Burime të Gazetës janë shprehur se hetimi për ngjarjen e Lazaratit ka nisur me kasetën filmike të marrë nga MInistria e Rendit.

Hetimi i kasetës
Burime nga organi i akuzës janë shprehur për Gazetën se hetimi për zbardhjen e ngjarjes ka filluar me shqyrtimin dhe analizimin e pamjeve filmike të xhiruara nga ekuipazhi i helikopterit të policisë italiane, që është qëlluar nga banorët e Lazaratit. Hapi i parë, që synojnë hetuesit e çështjes, është përcaktimi i rrethit të personave të dyshuar si autorë të mundshëm të sulmit me armë ndaj helikopterit. Për këtë qëllim po përcaktohen momentet kur është qëlluar, dhe pozicioni që ka pasur helikopteri. Në këtë proces parashikohet edhe ndihma e ekspertëve të ushtrisë, të cilët janë në gjendje të përcaktojnë drejtimin e plumbave që kanë goditur helikopterin. Në bazë të përllogaritjeve, hetuesit shpresojnë që së shpejti të përcaktojnë zonat e fshatit Lazarat nga ku është qëlluar. Me përcaktimin e zonave, burimet shprehen se më pas do të fillojë procesi i verifikimit të godinave dhe personave që banojnë aty pranë.

Elementët e dyshuar
Sipas të dhënave të prokurorisë dhe referimeve të ardhura nga policia, dyshohet se personat që kanë qëlluar mbi helikopterin e policisë italiane mund të jenë edhe pronarët e sipërfaqeve më të mëdha të mbjella me kanabis në fshatin Lazarat. Por në të njëjtën kohë nuk bien poshtë as dyshimet që autorë të sulmit mund të kenë qenë edhe persona të inkriminuar, të cilët i fshihen ndjekjes së policisë. Do të jetë kjo e fundit, e cila, pas hetimeve të prokurorisë, duhet të studiojë mënyrat se si të ekzekutojë veprimet që do të përcaktohen nga hetuesit apo ekze-kutimin e urdhër arresteve.


PS: Prokuroria të zbardhë ngjarjen dhe të ndëshkojë fajtorët

Partia Socialiste me anë të një deklarate për shtyp i ka kërkuar dje prokurorisë zbardhjen sa më pare të ngjarjes kriminale të ndodhur në komunën Lazarat dhe nxjerrjen përpara përgjegjësisë ligjore të personave që kryen këtë krim. Gjithashtu, PS-ja ka mbështetur dhe inkurajuar Ministrinë e Rendit Publik dhe forcat e policisë në angazhimin e tyre në luftën kundër trafiqeve, krimit të organizuar, trafikimit dhe kultivimit të drogës dhe çdo dukurie tjetër antiligjore. Ndërkaq, në deklaratën për shtyp Partia Socialiste i ka bërë thirrje popullit të ndershëm të Lazaratit që të distancohet nga veprimet e paligjshme dhe aktet kriminale të disa kultivuesve dhe trafikantëve të drogës, të cilët, sipas deklaratës, janë të lidhur edhe me qarqe të caktuara politike.


Gjendja në komunën e Lazaratit normale dhe e qetë

Ndonëse komuna jugore e Lazaratit është kthyer ditët e fundit në qendër të vëmendjes së opinionit publik dhe deklaratave politike, jeta e përditshme në këtë zonë paraqitet krejt normale dhe në qetësi të plotë. Burime të Gazetës shprehen se po të vizitosh fshatin e Lazaratit, zor se e beson se në atë vend përpara pesë ditësh ka ndodhur një nga ngjarjet më të rënda kriminale. Banorë të Lazaratit, teksa dëgjojnë deklaratat dhe lajmet për ngjarjen në fshatin e tyre, me habi pyesin se kush mund të ketë qenë. Pavarësisht ngjarjes së rëndë, duket se qetësia në këtë komunë do të vazhdojë përsa kohë shteti do të jetë i pafuqishëm të zbatojë ligjet e tij. Në këto kushte nuk mund të përcaktosh nëse Lazarati është vërtet i qetë apo është është jashtë ndikimit të ligjit

[krokodili_73]

Ja dhe deklaratat e 'barba roses' dhene gazetes koha jone.

mmm mua per vete me vjen ne mend napalmi,se di per ju.
ja dhe artikulli

"NE DO TE VETEMBROHEMI NGA TERRORI POLICOR"

Flet pas ngjarjes kryetari i Komunes Lazarat

Ne Lazarat duket se situata do kohe te normalizohet. Aq me teper, kur nga kreu i komunes thuhet se fshataret do te vetembrohen nese policia do te ndermarre ndonje mesymje. Ai eshte kunder trafikanteve te droges por nuk eshte dakord qe kjo te kthehet ne ndeshkim. Sipas tij, shteti duhet te negocioje per te hyre ne komune dhe kjo pasi te jete dhene nje garanci qe nuk do te kete terror policor

Si eshte situata tashme pas ketyre diteve ne komunen e Lazaratit dhe a ka ndodhur ashtu sic keni deklaruar me pare?

Rreth ores 17.30, helikopteri shkeli territorin e fshatit dhe ne xhiron e pare e te dyte pa incidente. Kur u kthye ishte shume ulet. U degjuan te shtena armesh. Dola ne ballkon, helikopteri erdhi drejt e ne shtepine time. Une ndodhesha 10 metra ne distance dhe dallova dy persona ne te me kamera dhe dy me pistolete. Nje moment njeri prej thyre nxori armen dhe e ngriti lart por nuk munda te dalloj se kush gjuajti i pari; helikopteri apo bashkefshataret e mi. Por kam pare se nga tyta e armes se personit qe ndodhej ne mjetin fluturues doli zjarr. Ne kete moment kam terhequr time shoqe, femijet dhe i kam futur ne shtepi. Ne fshat u mblodhen burrat 50 a 60 persona, te cilet dolen per vetembrojtje.

Shteti duhet te zbardhe ngjarjen dhe te vendose para ligjit pergjegjesit. Kurse ministri i Rendit Publik, Igli Toska, te pergenjeshtroje ate cka ai ka thene ne shtyp lidhur me helikopterin dhe me fshatin.

Thuhet se helikopteri po vezhgonte per fushat e mbjella me droge?

Nese ka njerez qe kane mbjelle droge, te cohen para ligjit e te mos kete ndeshkim fshatce.

Ministri i Rendit, Igli Toska, u takua edhe me ambasadoret per ngjarjen ne Lazarat, ju si mendoni?

Eshte fatkeqesi qe ministri Toska mbledh ambasadoret per te hyre ne fshatin tone. Lazarati eshte territor shqiptar

Keto kohe si ka qene situata ne fshatin tuaj?

Me largimin e drejtorit Bega gjendja ishte e qete. Policia u pa se ketu vjen me qellime te paragjykuara politike. Ata kane marre burrat e fshatit ne vitin 2003, i kane grumbulluar tek bilardoja dhe i kane rrahur.

Nje kamera amatore filmoi helikopterin, ju jeni ne dijeni?

Kamera amatore ka qene 50 metra larg nga helikopteri qe kalonte permbi fshat. Kamera ka fiksuar gjithcka ndodhi ate dite.

Ne xhiron e trete helikopteri beri te njejtin veprim, me ate te xhiros se dyte, gje te cilen ua kam shpjeguar dhe me pare. Pati agresivitet te madh dhe u krijua panik. Antenat e shtepise sime ishin ne lartesine e helikopterit. Te njejtat gjera beri edhe me shtepite e tjera. Shenjat e plumbave jane edhe te Teqeja. Ka shenja mbi shtepite e fshatit. Ka bageti te ngordhura nga plumbat, femije e pleq te shokuar. Tani mndohemi te qetesojme njerezit dhe situaten ne krejt fshatin. Ne bejme thirrje qe ngjarje te tilla te mos perseriten dhe pergjegjesit te dalin para ligjit.

C'mendoni per rolin e policise dhe a duhet ajo te marre situaten ne kontroll?

Ne qofte se policia do te futet ne fshat ne menyre demonstrative, sikur do te cliroje nje zone, atehere do te perballet me qendresen e fshatareve. Nese do te bejme negociata me pushtetin lokal, shteti eshte i mirepritur. Por nese eshte mendja per nje mesymje, fshataret do te vetembrohen.

Thuhet se ne Lazarat kultivohet droge?

Une jam kunder kultivimit te droges dhe atyre qe bejne krime, por nuk mendoj se shteti duhet te perdore force qe te frikesoje popullsine.