PS dhe PD, kompromis i vonuar për ndarjen elektorale zonale

[Brari]

albo... a do gjalleri ne kte Forum te Politikes apo do fosilizim..
Hiqi kto "kryetemat" se i asfikson keshtu..
Leri temat te levizin vet sipas interesimit te miletit..
--

Korrieri:


PD-PR: Nje pjese e opozites po bashkepunon me PS
E Enjte, 30 Dhjetor 2004
Berisha deklaroi dje se forca politike qe ai drejton eshte e vendosur te mos lejoje pabarazine e votave midis zgjedhesve shqiptare. Ndersa kreu i PR, Mediu, ka akuzuar nje pjese te partive te opozites se jane ne pazar elektoral me socialistet, pasi deklarojne se nuk kane asnje metim per ndarjen e zonave zgjedhore

Armando META

Drejtuesit me te larte te Partise Demokratike dhe Partise Republikane, jane rreshtuar ne nje llogore, persa i perket debatit per ndarjen e zonave zgjedhore. Ndersa Kryetari i PD, Sali Berisha, deklaroi dje se forca politike qe ai drejton eshte e vendosur qe te mos lejoje pabarazine e votave midis zgjedhesve shqiptare, nga ana tjeter kreu i PR, Fatmir Mediu, ka akuzuar nje pjese te partive te opozites se jane ne pazar elektoral me PS, pasi deklarojne se nuk kane asnje metim per ndarjen e zonave zgjedhore.

Deklarata e kreut demokrat ka ne vemendje politike, debatet qe kane shperthyer midis PS dhe partise qe ai drejton, per ndarjen e zonave elektorale ne vend. Drejtuesit me te larte te PD-se akuzojne socialistet se nepermjet ndarjes se vjeter elektorale qe ata duan te lene ne fuqi, perfitojne afro 6 mandate deputetesh ne menyre te pamerituar ne qarqet e Vlores dhe Gjirokastres. Jo pa nenkuptim, krere te opozites i deklarojne keto dy qarqe si Zona e Pare Operative, duke iu referuar kohes se luftes nacional- clirimtare, por ne rrethanat e sotme kjo emertese me shume ngjason si percmim politik per keto dy qarqe. Sipas krereve te PD, ne keto dy qarqe jane 50 mije zgjedhes me shume se sa jane banore.

Per Kryetarin e PD-se, shqiptaret do te votojne si qytetare te barabarte perpara ligjit. "Pa asnje dyshim, ata te cilet perpiqen te bejne qe forca elektorale e atij qe voton per te, te jete tre here me e madhe se sa vota elektorale e atij qe voton per kundershtarin e tij, jane kleptokrate, jane te shkonfiguruar nga cdo lloj morali dhe parimi njerezor", ka nenvizuar Berisha, duke ju referuar me kete rast drejtuesve me te larte te PS-se. Sipas kreut te PD-se, socialistet po perpiqen te rikthejne praktikat e PPSH-se, por opozita eshte jashtezakonisht e vendosur ne keto zgjedhje.

Ndersa Mediu nuk ka ngurruar te akuzoje nje pjese te opozites, se eshte ne pazar elektoral me PS-ne, kur deklaron se nuk ka asnje metim per ndarjen e zonave zgjedhore. Sipas tij, ndryshimet pozitive te bera ne Kod, per te siguruar standarte per zgjedhje te lira dhe te ndershme, po sabotohen ne menyre te njeanshme nga PS. Per kreun republikan, aresyet e kundershtimit te PS-se per ndarjen zgjedhore burojne nga fakti i thjeshte se me ndarjen e sotme zgjedhore, PS, me pa te drejte, ne kundershtim me ligjin, siguron 5 zona mazhoritare, duke e vendosur keshtu, ne kushte te manipulimit te hapur te gjithe procesin. "Kerkesa per ndryshimin e zonave eshte nje kerkese e qate e BE-se, i cili kerkoi ne rekomandimet e tij te fundit, rindarjen e zonave, bazuar ne kriteret nderkombetare brenda vitit 2004", ka nenvizuar Mediu. Sipas tij, krahas komisionit bipartizan per ndryshimin e Kodit Elektoral, ka funksionuar per 6 muaj edhe komisioni per ndarjen e zonave zgjedhore. Puna e ketij komisioni me shumice socialiste, sqaron Mediu, bazohej mbi Kodin Zgjedhor neni 73, i cili thekson se "Zonat zgjedhore bazohen mbi numerin e votuesve". "Ky kriter i vendosur ne Kod eshte shprehje e Kodit te Venecias, si dhe duke u nisur nga vete zhvillimet zgjedhore. Kujtojme se KQZ ka hequr rreth 150 mije zgjedhes qe nuk figurojne ne regjistrat e Gjendjes Civile. Shume zona kishin shmangie deri ne 40% nga njera tjetra. Kjo dispozite e Kodit e miratuar me konsensus, nuk u kundershtua asnjehere nga PS dhe se ajo ka pasur shumicen dhe drejtimin e ketij komisioni per ndryshimin e zonave. Pretendimi se ky nen eshte antikushtetues eshte vetem nje metim absurd per faktin sepse ligji eshte ne fuqi dhe nuk eshte Kuvendi apo PS qe percakton kushtetuetshmerine apo jo e nje ligji", deklaron Mediu. Sipas tij, PR denoncon cdo tentative per te realizuar konsensus me forca politike qe nuk perfaqesojne opoziten, per te mundesuar votimin ne Kuvend te zonave ashtu sic jane.

SALI BERISHA, Kryetar i PD:

"Pa asnje dyshim, ata te cilet perpiqen te bejne qe forca elektorale e atij qe voton per te, te jete tre here me e madhe se sa vota elektorale e atij qe voton per kundershtarin e tij, jane kleptokrate, jane te shkonfiguruar nga cdo lloj morali dhe parimi njerezor".

FATMIR MEDIU, Kryetar i PR:

"Aresyet e kundershtimit te PS-se per ndarjen zgjedhore burojne nga fakti i thjeshte se me ndarjen e aktuale zgjedhore, PS, me pa te drejte, ne kundershtim me ligjin, siguron 5 zona mazhoritare, duke e vendosur keshtu, ne kushte te manipulimit te hapur te gjithe procesin".




-------------








Di llafe..

... Votoni..thosh Berisha ne 1998 dhe ne 2002 se voten tuej askush nuk guxon ta vjedhi se ne do e mbrojme etj etj..
Tash del se :

SALI BERISHA, Kryetar i PD:

"Pa asnje dyshim, ata te cilet perpiqen te bejne qe forca elektorale e atij qe voton per te, te jete tre here me e madhe se sa vota elektorale e atij qe voton per kundershtarin e tij, jane kleptokrate, jane te shkonfiguruar nga cdo lloj morali dhe parimi njerezor".

Pra PS ja ka fut Berishes gjithmone.. Ne fakt nuk ja ka fut Berishes se ky Benxin e zyren i ka te garantuara si ish president dhe kryetar PD-je.. por populli demokrtikas e ka hanger gjithmone..

Me cduken bathet e b. thet.. prap Celibashet do ja ven vulen dhe votimit te 2005-ses..

cfar fitoj Berisha me pranimin e ktyre lloj kuvendesh te dala nga votime fallco.. asgje..sepse asnji mision Opozita nuk e kreu gjat viteve qe qendroi ne Parlament..
e vetmja qe fitoi ish Ps qe i tha botes..ja ne qeverisim si ju bota..me parlament multi partiak.. pra me shum pale.. dhe vendimet e marrim bashkerisht ..
qashtu

[Albo]

Në ndryshim nga protokolli i 24 dhjetorit, marrëveshja e re kombinon propozimet e dy partive më të mëdha

Ndarja, si u arrit kompromisi PD-PS

Pranohet kërkesa e PD për të marrë për bazë numrin e votuesve faktikë në 2000, 2001 e 2003

Nevila Perndoj

TIRANE-Kur dukej se PD e PS do ta mbyllnin 2004 me një tjetër dështim për zgjedhjet, ndërprerja e detyruar e pushimeve dimërore dhe kthimi në Tiranë i ambasadorit të OSBE, Pavel Vaçek ka bërë të mundur gjetjen e kompromisit për ndarjen e zonave zgjedhore mes PD e PS. Protokoll-marrëveshja e firmosur nga kryetarët e grupeve parlamentare Ruçi e Topi dhe kreu i OSBE-së Vaçek mbi hartën e re elektorale, në ndryshim nga e para ka marrë konsensusin e PD pasi në të përfshihen pothuaj të gjitha propozimet e partisë më të madhe opozitare që lidhen me zgjedhësit faktikë të tre zgjedhjeve të fundit.
Zyrtarë të lartë të dy partive kryesore në vend sqaruan dje për “Shekullin” se në formulën për ndarjen e zonave zgjedhore është përfshirë kërkesa e PD, që si kriter të merret regjistrimi i popullsisë i vitit 2001, pjesëmarrja e votuesve në vitin 2000, 2001 dhe 2003. Në të njëjtin paragraf është përfshirë edhe kërkesa e Partisë Socialiste e cila nuk heq dorë nga kriteri që për ndarjen zgjedhore të përdoren listat e zgjedhësve. Në protokollin e nënshkruar thuhet se listat e zgjedhësve të vitit 2001 dhe 2003 do të jenë pika tjetër ku do të referohet për ndarjen e re të zonave zgjedhore. Burime nga dy partitë e mëdha saktësuan se pjesëmarrja e zgjedhësve në vitin 2000, 2001 dhe 2003 si dhe listat e zgjedhësve të vitit 2001 dhe 2003 do të kombinohen për të nxjerrë numrin sa më të afërt të zgjedhësve në çdo zonë zgjedhore. Qëllimi i këtij kombinimi, sipas përfaqësuesve të dy partive të mëdha, është që diferenca mes numrit të zgjedhësve për çdo zonë zgjedhore të mos jetë 10%. Kjo e fundit është edhe pika që ka bërë që palët të firmosin protokoll-marrëveshjen. Zyrtarët e dy partive thanë dje se në përqasjen e qëndrimeve kanë ndikuar shumë edhe sugjerimet e OSBE dhe grupit të ekspertëve, të cilët arritën të jepnin një formulë që kombinon numrin e zgjedhësve në lista me atë të votuesve faktikë. Me kompromisin e arritur në 10 janar pritet të miratohen ndryshimet në Kodin Zgjedhor, ndërsa ndarja e re do të miratohet në mes të shkurtit.
Ndryshimi
Në datën 24 dhjetor dy partitë e mëdha kishin përpara një protokoll në të cilën thuhej se zonat e reja zgjedhore duhet të përcaktoheshin mbi bazën e një kombinimi të regjistrit të zgjedhësve të vitit 2003 të zgjedhjeve për qeverisjen vendore, të dhënat nga regjistrimi i popullsisë të vitit 2001, dhe sipas rastit, të dhënave nga regjistrimi në vazhdim i popullsisë. Kjo ishte edhe pika kryesore që ndryshoi tërësisht në protokollin e 30 dhjetorit, kur për bazë do të merret lista e zgjedhjeve e vitit 2001, 2003 dhe pjesëmarrja e zgjedhësve të vitit 2000, 2001, 2003 dhe regjistrimi i populllsisë në 2001. Ndërsa pjesa tjetër e protokollit e datës 24 dhjetor nuk ka ndryshuar asnjë presje. Edhe në marrëveshjen e datës 30 dhjetor thuhet se Prezenca e OSBE-së në Tiranë do të mbledhë një grup teknik ekspertësh të kryesuar nga Prezenca e OSBE dhe që përfshin ekspertë ndërkombëtarë për të përgatitur një projektligj për ndarjen e re të zonave zgjedhore 2005, bazuar në kriteret e mësipërme. Ky grup teknik pritet të ngrihet në muajin janar. Grupi teknik i ekspertëve do t’ia dorëzojë këtë projektligj Kuvendit deri nga mesi i muajit shkurt për shqyrtim dhe miratim. Miratimi i projektligjit të ri për zonat zgjedhore do të çojë edhe në shfuqizimin e ligjit aktual “Mbi ndarjen e zonave zgjedhore”


Rëndësia

Në firmosjen e marrëveshjes mes dy partive të mëdha ishte i pranishëm si vëzhgues edhe i ngarkuari me Punë i Delegacionit të Komisionit Europian, Rubert Petit. Në njoftimin zyrtar të OSBE pas takimit të zhvilluar thuhej se prania e përfaqësuesit të Komisionit Europian ishte e nevojshme duke pasur parasysh rëndësinë e çështjeve zgjedhore për marrëdhëniet e Shqipërisë me Komisionin Europian. Edhe Prezenca e OSBE dhe ODIHR e kanë cilësuar mjaft të rëndësishëm miratimin e marrëveshjes për ndarjen e re të zonave zgjedhore. Ambasadori i OSBE, Pavel Vaçek, ndërpreu pushimet e vitit të ri, ndërkohë që pas arritjes së marrëveshjes, ai është shprehur se kjo është e nevojshme për përgatitjen e rregullt të zgjedhjeve të përgjithshme në vend. “Prezenca e OSBE dhe ODIHR-it do të ndjekin nga afër zbatimin e protokollit dhe, në mënyrë të veçantë, shpresojmë për një miratim sa më të shpejtë të ndryshimeve në Kodin Zgjedhor nga Kuvendi i Shqipërisë në janar të vitit 2005”, - është shprehur Vacek pas takimit. I këtij mendimi ka qenë dje edhe lideri i opozitës Sali Berisha, i cili ka bërë publike kërkesën e grupit parlamentar të Partisë Demokratike për zhvillimin e një sesioni të jashtëzakonshëm në Kuvend ditën e hënë për miratimin e Kodit Zgjedhor. “Nuk ka dyshim që Parlamenti do të mblidhet, ose ditën e enjte, ose ditën e hënë për të miratuar ato që u arritën pikë për pikë në protokollin e përbashkët PD-PS në praninë e OSBE për ndarjen e zonave dhe ndryshimet në Kodin Elektoral”,- tha dje Berisha në një konferencë për shtyp.

Çfarë ishte parashikuar në Protokollin 24 dhjetorit:
1. Të shfuqizohet ligji aktual “Mbi ndarjen e zonave zgjedhore”
2. Zonat e reja zgjedhore të përcaktoheshin mbi bazën e e një kombinimi të regjistrit të zgjedhësve të vitit 2003 të zgjedhjeve për qeverisjen vendore, të dhënat nga regjistrimi i popullsisë të vitit 2001, dhe sipas rastit, të dhënave nga regjistrimi në vazhdim i popullsisë.
3.Prezenca e OSBE-së në Tiranë do të mbledhë një grup teknik ekspertësh të kryesuar nga Prezenca e OSBE dhe që përfshin ekspertë ndërkombëtarë për të përgatitur një projektligj për ndarjen e re të zonave zgjedhore 2005, bazuar në kriteret e mësipërme.
4.Grupi teknik i ekspertëve do t’ia dorëzojë këtë projektligj Kuvendit deri nga mesi i muajit shkurt për shqyrtim dhe miratim.

Protokolli i 30 dhjetorit

1. Të shfuqizohet ligji aktual “Mbi ndarjen e zonave zgjedhore”
2. Zonat e reja zgjedhore të përcaktohen mbi bazën e një kombinimi të regjistrimit të popullsisë të vitit 2001(Repoba), listave të zgjedhësve të vitit 2001, 2003 dhe pjesëmarrjes së zgjedhësve në vitin 2000, 2001 dhe 2003.
3. Eshtë parashikuar që diferenca e numrit të zgjedhësve për çdo zonë zgjedhore të jetë jo më shumë se 10%
4. Prezenca e OSBE-së në Tiranë do të mbledhë një grup teknik ekspertësh të kryesuar nga Prezenca e OSBE dhe që përfshin ekspertë ndërkombëtarë për të përgatitur një projektligj për ndarjen e re të zonave zgjedhore 2005, bazuar në kriteret e mësipërme (në muajin janar).
5.Grupi teknik i ekspertëve do t’ia dorëzojë këtë projektligj Kuvendit deri nga mesi i muajit shkurt për shqyrtim dhe miratim.

[Brari]

Korrieri

--

Marreveshjet kane me vlere se vendimet e Kushtetueses

E Shtune, 08 Janar 2005

Kryetari i PD, Sali Berisha, ka akuzuar Gjykaten Kushtetuese si mercenare te Kryeministrit Fatos Nano. Akuza e rende e kreut te PD, eshte bere per faktin se Gjykata Kushtetuese, dje ka shpallur vendimin, lidhur me ankesen e PSD, qe i kerkon kesaj Gjykate qe te shpalle si te papajtueshme me Kushtetuten nje pike ne Kodin Zgjedhor, qe ka te beje me rregullimin e ndarjes se zonave zgjedhore. Berisha deklaron se gjykatesit mercenar mund te marrin cdo lloj vendimi, pasi jane teresisht nen diktatin e Nanos. "Kjo gjykate deri me date 10 janar, e ka patur jashte programit te punes. Ata jane mbledhur si mercenare me shpejtesi te rrufeshme. Por kjo nuk na lekund ne nga marreveshja", tha Berisha. Sipas tij, ka nje marreveshje me OSBE, e cila ka dhene nje kontribut per t'u vleresuar. "Ne kete marreveshje ka ndermjetesuar edhe perfaqesia e Komisionit Europian. Kam bidjen se keto dy institucione i qendrojne marrveshjes", ka deklaruar Berisha.



-----



pra ne kto tete vite o berish e ke cuar popullin demokratikas si cjapi te kasapi..pra nje lekdushas tepeleno -vlore baraz me 8 shkodrano durrsak..

prandaj del parlamenti me nje jozefin shkodre e tete memusha gerxhesh era cjap..

e tani kujtohesh te ndreqesh m.utin qe ke gatuar ..

magar..

[Albo]

Parlamenti shqiptar miraton kodin e ri zgjedhor

Armand Mero
10 janar 2005


Parlamenti shqiptar miratoi sot pasdite ne një seancë të jashtëzakonshme ndryshimet në kodin elektoral i cili menjëherë u dekretua më pas nga presidenti Alfred Moisiu. Miratimi i Kodit u arrit falë votave të partisë socialiste dhe partisë demokratike. Partitë e vogla e kundërshtuan atë duke deklaruar se ai lë mundësi për abuzime dhe manipulime. Kritikat e tye kanë të bëjnë me mospërfshirjen në lista të emigrantëve dhe pamundësinë që ato të ndjekin procesin e numërimit të votave.
Parlamenti shqiptar pati sot një pamje tërësisht të ndryshme nga ajo cka ofron zakonisht. Polemikat mbi kodin zgjedhor nxorrën në skenë dy palë që përplaseshin. Partitë e vogla iu kundërvunë dy forcave kryesore politike, socialistëve dhe demokratëve të bashkuar pas një marrëveshjeje për reformën elektorale të arritur në ditët e fundit të dhjetorit. Lëvizja socialiste për Integrim e ish kryeministrit Ilir Meta dhe Lëvizja për Zhvillim Kombëtar e pretendentit të fronit mbretëror Leka Zogu, dy grupimet me një numër të konsiderueshëm deputetësh por edhe partitë e tjera të voga të të dy krahëve janë të pakënaqura me përmirësimet që i janë bërë kodit elektoral. Thelbi i kundërshtive të tyre ka të bëjë kryesisht me procesin e transferimit të kutive të votimit në komisionet zonale dhe me procesin e numërimit. Këto parti deklarojnë se janë përjashtuar nga mundësia për të kontrolluar dhe ruajtur votat e tyre. Ish kryeministri Ilir Meta duke iu drejtuar dy partive më të mëdha u shpreh se ndryshimet janë bërë vetëm për interesat e tre të ngushta elektorale: " Do t’ju ftoj ta merrni në konsideratë faktin se po shkatërroni procesin zgjedhor në Shqipëri. Që këtë lloj kodi askush nuk mund ta pranojë si një hap përpara për zgjedhje të lira e të ndershme në Shqipëri. Që po tensiononi dhe do tesniononi klimën politike në vend, kur i kemi të gjitha mundësitë për të organizuar zgjedhje të lira dhe të ndershme".

Kritika të ashpra dhe nga e djathta. Kryetari i partisë demokratike të rinovuar Dashamir Shehi kërkoi me ngulm përfaqësimin në komisionet zgjedhore: " Nëse ju këtë e quani kod elektroral unë po ju them që kjo është principi i vjedhjeve që në fillim. Prandaj e vetmja gjë që mund të bëhet sot në këto kod kështu sic e kanë bërë është që tu shtohen partive parlamentare apo atyre që kandiodojnë në 70-80 zona mundësia e komisionerit. Aka gjë më të tjeshtë më elementare, më të moralshme se sa kjo? Të kërkoj një njeri të ruaj e të numëroj votën time"


Kodi u miratua falë votave të partisë socialiste dhe partisë demokratike ndërkohë që 15 deputetë të partive të vogla, të majta dhe të djathta votuan kundër ose abstenuan. Në mënyrë që legjislacioni i ri elektoral të nisë zbatimin sa më shpejt, ai u dekretua menjëherë edhe nga presidenti Alfred Mosiu.


Kodi i ri zgjedhor u hartua pas një periudhe të gjatë të karkaterizuar nga mosmarrëveshje të shumta mes partisë socialiste dhe asaj demokratike, nën ndërmjetësimin e shpeshtë të Osbe-së. Dy forcat kryesore janë angazhuar tashmë të hartojnë dhe miratojnë brenda mesit të muajit shkurt edhe ndarjen e re të zonave, e cila gjithashtu do të ketë asistencën e ekspertëve ndërkombëtar. Socialistët dhe demokratët arritën në fund të muajit të shkuar marrëveshjen mbi kriteret në të cilat do të bazohet harta e re elektorale.

[Albo]

Lista e plote e ndryshimeve ne Kod:

E Marte, 11 Janar 2005
Mbledhjet dhe vendimmarrja e KQZ-se

1. Ne fillim te cdo mbledhjeje, cdo subjekt zgjedhor i regjistruar per te marre pjese ne zgjedhje ose persona te tjere te interesuar, vetem nje here dhe per nje kohe jo me te gjate se 10 minuta kane te drejte te flasin per ceshtje qe nuk jane perfshire ne rendin e dites. Kerkesa per te folur per ceshtje qe nuk jane ne rendin e dites, duhet te paraqitet me shkrim dhe te pakten 12 ore nga koha e caktuar per zhvillimin e mbledhjes.

2. Shpallja e rezultatit te votimit per listat shumeemerore per Kuvendin, vendimet lidhur me ankimet kunder vendimeve te KZZ-se ose KZQV-se per rezultatin e zgjedhjeve, si dhe vendimet lidhur me kerkesat per deklarimin e pavlefshem te zgjedhjeve miratohen kur votojne "pro" jo me pak se 5 anetare te KQZ-se. vendimet e tjera merren me shumicen e votave te te gjithe anetareve te KQZ-se.

Ngritja e grupeve te Numerimit

1. Per numerimin e votave ne rang njesie zgjedhore, me vendim te KZZ-se ose KZQV-se, duke filluar nga ora e mbylljes se votimit sipas nenit 8 te ketij kodi, por jo me vone se 2 ore pas saj, percaktohen deri ne 5 Grupe Numerimi me shtate anetare dhe nje sekretar secili. Cdo Grup Numerimi numeron votat e te pakten 3 qendrave votimi.

Shoqerimi i kutive te votimit dhe materialeve te votimit ne vendin e numerimit te votave

1. Me perfundimin e veprimeve te parashikuara ne nenin 109 te ketij kodi, kutite e votimit me fletet e votimit dhe Kutia me Materialet e Votimit dergohen ne vendin e numerimit te votave, te caktuar sipas nenit 95 te ketij Kodi. Materialet e tjera te perdorura gjate procesit te votimit i dorezohen KZZ-se ose KZQV-se brenda afateve dhe ne menyren e percaktuar nga KQZ-ja.

2. Kutite e votimit me fletet e votimit dhe Kutia me Materialet e Votimit dorezohen ne vendin e numerimit te votave, brenda 5 oreve nga mbyllja e votimit ne qendren e votimit. Dergimi i tyre behet me automjet ne te cilin ndodhen anetaret e KQV-se, Sekretari i KQV-se dhe nje punonjes policie, i cili ka detyre te garantoje shoqerimin dhe mosprekjen e kutive te votimit me fletet e votimit dhe Kutise se Materialeve te Votimit. KQZ-ja autorizon KZZ-ne ose KZQV-ne duke i dhene edhe fondet e nevojshme financiare, per te siguruar transportimin me automjet te kutive te votimit me fletet e votimit dhe Kutine me Materialet e Votimit.

3. Punonjesi i policise, sipas pikes 2 te ketij neni, eshte efektiv i perhershem i policise se rendit ose policise se ruajtjes se objekteve, i ngarkuar me detyren e shoqerimit nga KQZ-ja me propozim te Drejtorit te Pergjithshem te Policise se Shtetit. Polici i shoqerimit duhet ne cdo moment te mbaje uniformen e Policise se Shtetit dhe te kete ne nje vend te dukshem numrin rendor te caktuar nga KQZ-ja dhe mbiemrin e tij me permasa te dukshme.

Nxjerrja e rezultatit te zgjedhjeve nga KZZ-ja ose KZQV-ja

1. Rezultati i Zgjedhjeve per njesine perkatese zgjehdore nxirret nga KZZ-ja ose KZQV-ja jo me vone se 12 ore nga fillimi i numerimit te votave sipas nenit 109/3 te ketij Kodi.

[gabriel]

Si per cudi, kur vjen puna te ndarja e pjates, PD-ja bie dakort me PS-ne duke i anashkaluar batutat tradicionale te saj...

Madje edhe koha e zgjedhur per te prezantuar te ashtuquajturit shoqerine civile te PD-se eshte pikerisht ne momentin kur u miratua ky ligj,a thua donte te hiqte vemendjen nga marrveshja ne fjale ?!
Qe ketej e tutje, PD-se nuk i lind me e drejta te shaje e peshtyje lart e poshte njerez qe bashkpunojne me PS-ne, sepse ajo ket pune e ben diten me diell.

Pse PD-ja, kjo flamurtare e demokracise shqiptare nuk u kujdes qe perpara ligjit te ishin te gjithe te barabarte?
Si ka mundesi qe votat e LZHK-se, te kene te drejte ti numerojne vetem kundershtaret e saj, PS-PD ?!
Ku eshte kjo demokraci, vlerat e se ciles ka vite qe thote se i "mbron" PD-ja ?

Se fundi, jam i bindur se do jete po PD-ja qe qe do te pendohet ashtu si u pendua dhe kerkoje falje per zgjedhjen e z.Moisiu president. Jam i bindur se ne rast humbjeje do jete PD qe nuk do njohi rrezultatin, por at'here do jete, si gjithmone, teper vone...

[Brari]

shekulli..


Kush do ta caktojë fituesin e zgjedhjeve të ardhshme ?


Ermal Hasimja

Natyrisht, nëse nuk do të jenë manipulimet, fituesin e ardhshëm do ta caktojnë votuesit. Por cilët? Në një situatë normale elektorati shqiptar do të mund të ndahej në tre kategori kryesore: votuesit tradicionalë të secilës forcë politike, zgjedhësit e lëkundur (elektorati fluid) dhe së fundmi, abstenuesit kronikë. Së pari votuesit tradicionalë të secilës parti. Le t’i thjeshtojmë në forcat kryesore. Tradicionalët e PD-së janë ata të cilët kanë votuar gjithmonë për të dhe që tani shpresojnë në një ndryshim radikal të gjendjes. E njëjta gjë edhe për republikanët, LZHK-në dhe të afërmit e tyre. Tradicionalistët e së majtës janë aktualisht kategoria më e rrudhur e elektoratit. Madje janë rrudhur deri në atë pikë sa ta detyrojnë të majtën të bëjë akrobacira të tilla ideologjike si riciklimi i figurës së Enver Hoxhës për të fituar votat e të fundmëve të komunistëve. Duket qartë se sot askush nuk beson më tek e majta e arnuar në versionin 2004-2005. Aq më pak të zotët e shtëpisë rozë, që lëshojnë pe gradualisht, por duket se nuk janë plotësisht të gatshëm të pranojnë një proces të paparagjykuar vote duke lëvizur të gjithë gurët e mundshëm edhe përtej miratimit të Kodit Elektoral në Kuvend.
Pjesa më besnike e elektoratit të PS-së ka kryesisht (por jo ekskluzivisht) karakterin e elektoratit klientelist. Mjafton të shikosh gjeografinë elektorale të Parlamentit aktual gjatë viteve të fundit për të patur një ide. Bëhet fjalë për një elektorat që është i lidhur në një mënyrë a një tjetër me qeverisjen apo administratën e majtë në pushtet dhe me të gjitha përfitimet normale apo gjynahet që sjell ajo. Ky është edhe ndryshimi kryesor mes dy llojeve të tradicionalistëve. Tradicionalistët e PD-së votojnë (edhe këtu, kryesisht, por jo ekskluzivisht) sepse janë të bindur për votën e tyre, ndërsa tek ata të PS-së pritet të kombinohen (së fundmi) zelli i ithtarëve të komandantit, me interesin e të punësuarit në administratë dhe me bindjen e votuesit ideologjik që fajin për mjerimin e tij është më i gatshëm t’ia lerë luftës në Irak apo tsunamit në Azi sesa dështimit të qeverisjes për të cilën ka votuar familjarisht dhe historikisht.
Pjesa tjetër e elektoratit janë zgjedhësit që nuk kanë vendosur ende, ose nuk do të vendosin kurrë deri në abstenim. Të mos harrojmë se përqindja e abstenuesve është rritur dramatikisht në zgjedhjet e viteve të fundit. Votuesit shqiptarë janë zhgënjyer nga politika në 10 vjet, aq sa votuesit evropianë apo amerikanë janë zhgënjyer për 200 vjet histori votimi të përgjithshëm.
Dhe janë pikërisht këto dy kategori të elektoratit që do t’i venë kurorën fituesit: të lëkundurit dhe abstenuesit që mund të vendosin të votojnë. Natyrisht, kështu ndodh në çdo sistem normal perëndimor, por dallimi i kësaj radhe është se përmasat e animit nga opozita mund të tejkalojnë kuotat e zakonshme. Nëse parregullsitë e zgjedhjeve të fundit kanë ndikuar në mënyrë vendimtare në rezultatin final, atëherë mund të thuhej se të majtët humbën në ato zgjedhje edhe rastin për t’u larguar nga pushteti me një dallim të pranueshëm.
Abstenimi u intereson vetëm humbësve potencialë, ndërsa pjesëmarrja masive vetëm fituesve. Kjo duket të jetë edhe baza racionale e përpjekjes së majtë për të vënë shenjën e barazimit negativ mes të gjithëve: një përpjekje që paradoksalisht në dukje, nis nga vetë qeverisja aktuale. Mesazhi i së majtës është thjeshtuar në vetëmohim: ne dhe e djathta jemi e njëjta gjë, prandaj as mos u lodhni të votoni. Madje barazimi vihet mes dy figurave kryesore nga vetë njëra prej tyre.
Përfitimi nga abstenimi për të majtën do të dyfishohej nëse konsiderojmë si të mundshëm ndonjë aventurë manipulimi para, gjatë dhe pas zgjedhjeve. Sa më shumë votues, aq më i theksuar do të ishte dallimi në përqindje dhe aq më e vështirë mundësia e manipulimit. Dhe manipulimi mund të vijë zakonisht nga ai që ka pushtetin. Megjithë përmirësimin e kodit të zgjedhjeve, mundësia e manipulimit është e paneglishueshme dhe opozita do të duhet të përballet kësaj radhe me një rrezik relativisht ndoshta jo të ri, banal dhe real: blerjen e komisionerëve të saj nga manipuluesit eventualë.
Tani të kthehemi tek elektorati i lëkundur, pra tek ata votues që do të marrin pjesë në zgjedhje, mirëpo ende nuk kanë vendosur çfarë ngjyre t’i japin votës. Dhe këta janë shumë. Madje shumë më tepër se cilido vend evropiano-perëndimor nëse statistikat janë të sakta. Zakonisht ky lloj elektorati shpërndahet mes dy kampeve kryesore pothuajse në mënyrë të barabartë. Them “pothuajse” sepse ai dallim i vogël bën rezultatin e zgjedhjeve. Por në rastin e Shqipërisë së vitit 2005, kjo shpërndarje nuk mund të pritet të jetë e barabartë, madje mund të mendohet se do të jetë shumë e pabarabartë. Dështimet e qeverisjes së majtë (pranuar dhe nga vetë e majta në kuadër të luftës së brendshme), aborti LSI dhe bjerrja e legjitimitetit të huazuar nga organizmat ndërkombëtarë nuk lënë shumë arsye për të pritur dhe aq shumë vota për PS-në (light version) nisur nga një zgjedhje e arsyeshme. Përkundrazi, pritet që ajo votë për të majtën të dhurohet emocionalisht dhe klientelisht pothuajse vetëm nga tradicionalistët, edhe ata në nivelet më të ulëta historike.
Pyetja kryesore e zgjedhjeve të ardhshme do të jetë a do të mundet PD-ja të nxjerrë në votime pjesën më të madhe të elektoratit të lëkundur pa e lënë të gremiset drejt abstenimit ku e shtyn suksesi i munguar i politikës dhe kryesisht (e pse jo dhe qëllimisht) e majta. Aq më tepër që tani edhe për vetë PD-në nuk është e mjaftueshme një shumicë e ngritur mbi një ndonjë mozaik dietetik aleatësh. Dobësinë e partitokracisë shqiptare e ka provuar tashmë me “sukses” të plotë komedia qeveritare e parlamentare e drejtuar nga PS-ja. Kjo partitokraci rrënon çdo lloj programi partiak dhe mbështetet plotësisht në pazarin dhe lojën e vazhdueshme për ndarjen e portofoleve ministrore. Partitë e vogla e kanë vërtetuar veten si të paafta në përgjithësi për të përfaqësuar grupe interesi apo thjesht elektorati. Përkundrazi kanë vërtetuar fatkeqësisht se “stabiliteti i qeverisjes” dhe “elektoratet e copëzuara” janë binome që nuk mund të rrinë gramatikisht rehat në të njëjtën fjali. Të mos harrojmë se në Shqipëri, ndryshe nga gjithë Evropa, mund të ndodhë që partitë të fluturojnë jashtë spektrit të tyre deklarativ në luftën për ndarjen e posteve qeveritare. Aq më tepër kur politikat e qeverisjes së majtë gjatë 7 viteve të fundit kanë shkaktuar një inflacion të tmerrshëm në aksin tradicional ku përvijohet e majta dhe e djathta. Deri në atë pikë sa e majta dhe e djathta shqiptare gjatë këtyre viteve janë rikthyer në zanafillën e tyre etimologjike, kur në Parlamentin frëng përfaqësonin thjesht vendosjen e dy grupeve kundërshtare në sallë.
Lëvizja e fundit e Partisë Demokratike për afrimin e shoqërisë civile në qeverisjen e ardhshme ka mbi të gjithë vlerën e ripërcaktimit të një boshti të së djathtës. Për votuesin e lëkundur kjo lëvizje do të sillte mbi të gjitha një alternativë liberale dhe antimonopoliste të politikave qeverisëse. Por PD-ja rrezikon të mbetet një parti e djathtë pa një kundërshtar të majtë. Socialistët nuk sollën asgjë tradicionalisht, ideologjikisht apo politikisht të majtë në vitet e qeverisjes së tyre dhe kjo është një nga arsyet kryesore të dezertimit të elektoratit të saj të cilin u detyrua ta “materializojë” me shkop magjik në zgjedhjet e kaluara. Nga ana tjetër, aleanca me shoqërinë civile i ka dhënë PD-së mundësinë të zëvendësojë aleatët e mundshëm në rast të një fitoreje të thellë. Por kjo aleancë mbi të gjitha e ka nxjerrë PD-në në rolin e një bashkuesi dhe kondensuesi të përpjekjeve të shoqërisë shqiptare në përgjithësi për të rrëzuar një qeverisje të kalbur nga korrupsioni dhe paaftësia. Ky rol i ri ka aspektin pozitiv dhe unifikues që sjell çdo bashkim, por do të duhej të nxiste njëkohësisht PD-në të përkufizonte sa më shpejt e më qartë një pozicionim të hapur liberal që do të duhej të ishte i saji. Komiteti i Politikave Orientuese mund të konsiderohet si pjesë integrale e përpjekjeve të PD-së, por edhe si aleat që mund të japë potencialisht po aq legjitimitet dhe vota sa ndonjë parti e djathtë që mund të ishte e nevojshme për plotësimin e shumicës qeverisëse në rast fitore në zgjedhjet e ardhshme. Këtë zgjedhje e ka në dorë vetë PD-ja. Dhe kombinimi i të dyjave nuk është i përjashtuar.
Por le të rikthehemi te elektorati. Faktorët që përcaktojnë sjelljen zgjedhore të shqiptarëve janë krejt të ndryshëm nga votuesi i rëndomtë evropian. Votuesi tipik shqiptar nuk është i aftë të bëjë dallimin minimal programor mes të majtës e të djathtës. Aq më tepër kur ky dallim nuk ekziston. Që të ekzistojë dallimi duhet të ekzistojnë të dy polet, gjë nuk mund të thuhet në rastin e Shqipërisë, për aq sa niveli i jetës dhe mbështetja sociale për shqiptarët ka arritur në kufinj qesharakë gjatë qeverisjes së majtë dhe vazhdon të tejkalojë veten me “sukses” të pandalshëm çdo ditë. Gjithashtu votuesi shqiptar nuk mund të votojë as mbi bazën e dallimeve në vlera si votuesit amerikanë apo evropianë. Për aq sa ekzistojnë publikisht, këto vlera janë të njëjtat për të gjithë shqiptarët dhe të zhvlerësuara nga sloganizimi i tyre në komunikimin politik. Ndërkohë, mungesa e ndërgjegjes për ndarje në shtresa sociale si dhe mobiliteti i lartë i shoqërisë (sidomos me kah për nga poshtë), nuk lejojnë ndonjë radhitje të qëndrueshme pas një vije politike që mund të përfaqësonte qartë dhe fort interesat e tyre. Sidomos, kur ofertat politike i ngjajnë ofertave të një supermarketi që ofron gjithçka për të gjithë, natyrisht me joshjen dhe reklamimin e ofertës më të mirë.
Për këto arsye, modalitetet që do të nxjerrin shqiptarët të votojnë do të jenë të thjeshta: votuesi tipik do të votojë në mesditë, pasi ka shijuar gjatë mëngjesit ndërprerjet e rrymës dhe ujit, pasi i ka bërë vetes pyetjet e përditshme mbi paratë që i kanë mbetur në xhep deri në fund të muajit dhe pasi ka përcjellë për në autobuzin e linjës Tiranë-Athinë ndonjë emigrant pak më fatlum prej familjes. Ndikimi i afërsisë reale ideologjike me partitë pritet të jetë i vogël. Mbetet zhgënjimi ndaj këtyre viteve qeverisjeje ose mos-qeverisjeje…
Lufta e opozitës (kryesisht e PD-së) për të nxjerrë njerëzit në votim është e paragjykuar nga kjo shprishje në tërësi e politikës. Duket qartë se qeverisja e majtë i ka humbur me kohë zgjedhjet. Ajo që nuk dihet është a do të mundet opozita t’i fitojë ato? Ose më saktë t’i fitojë me përmasat e duhura për të ngritur një qeverisje të aftë për ndryshimet që presin të gjithë.



18/01/2005

[Traboini]

JO MITROVICES SE SHQIPERISE

Nga Gjergj Buxhuku

Sic duket, politika shqiptare pa perjashtim e ka mbledhur perfundimisht mendjen, qe as nuk mund te rrije dhe as nuk mund te vije ne pushtet, perderisa nuk eshte marre miratimi nga Athina. Frustrimi dhe frika nga fqinji grek ka arritur permasa qe te trembin. Loja e tanishme me zonat zgjedhore tregon se e keqja ka arritur shume, shume thelle.

Sic duket, Gejxhi edhe kesaj radhe nuk ardhur me kot ne Shqiperi. Me sakte ne jugun e vendit, qe ai ka aq deshire ta quaje Vorio-Epir nga te ashtuquajturit greke. Nuk kane qene vetem interesat thjesht personale per perfitime financiare miliona dollareshe, qe sic thone ai ben me kompanite e ilaceve ne Shqiperi, ose per te mbledhur haracin, qe japin parate perseri shqptare nga celularet, nafta, etj., por paska patur edhe nje qellim tjeter te zbuluar se fundmi. Ai, sic duket, paska edhe misionin dhe aftesine e hartografit shovinist ne toka shqiptare. Pasi kane vjedhur emrin e grekeve te lashte me te cilet nuk kane asnje lidhje gjaku, te ashtuquajturit greke te sotem, duan te vjedhin me letra edhe toka te te tjereve ne vazhdimesi.

Kur kane kaluar vetem disa jave nga vizita e ketij njeriu te kobshem na del qe shqiptaret pervec telasheve te tjera na duhet te merren edhe me hartat gejxhiane te vizatuara ne token e tyre. As me pak e as me shume gejxhianet e Shqiperise kane vizatuar ne formen, qe vetem ata mund ta bejne, nje territor ne te cilen na mblidhen per te votuar greket e Shqiperise, ku jane dhe ku nuk jane. Greke te mbledhur shtepi me shtepi dhe fshat me fshat duke kaluar dhe kapercyer male dhe kodra pa dallim. Nje zone, qe ne formen e vizatuar, merr ngjyrat e nje rajoni me ngjyra te pastra kombetare. Nese nje vizatim i tille ligjerohet, atehere del, qe perpara syve te bashkesise nderkombetare do te figuroje edhe zyrtarisht kesaj radhe pjesa e tokes, qe mund te rivendikohet neser lirshem. Si per te falenderuar edhe njehere ligjvenesit shqiptare, qe token shqiptare te jugut ua moren bashkekombasve te tyre dhe ua dhane argateve "greke", qe nuk kishin asnje meter katror!

Ne fakt fqinjet tane te jugut per momentin nuk kane ndonje qejf te madh per te perlare zyrtarisht ndonje cope toke, jo vetem se nuk ju duhet dhe jane te kushtezuar nderkombetarisht, por sepse kane me mijera here me shume leverdi te krijojne gozhden e Nastradinit dhe ta mbajne si nje peng me shume ne qafen e shqiptareve. Aq te shqiptareve pa perjashtim ne Shqiperi, Kosove dhe Maqedoni. Jo me kot tashme, qe po afron gjithmone e me shume diskutimi i ceshtjes se Kosoves ne harten e shtetit te vetem te shqiptareve mbijne ashtu pa u ndjere cibane te huaj, qe fare mire neser mund te ngrihen te njevlershem me kerkesat e serbeve per Mitrovicen dhe enklavat e tjera serbe, per te rritur haracin e zgjidhjes se ceshtjes. Jo me kot perputhen ne kohe vizitat e Tadicit ne enklavat serbe me vizitat e Gejxhit dhe kerkesat e gejxhianeve te Shqiperise.

Cibane te tille etnike kane vlere te drejtperdrejte kur vjen fjala per presion ndaj shtetit shqiptar. Nje pengese me shume per cdo tentative te mundshme nga ana e shqiptareve per te hequr qafe kolonizimin ekonomik nga ana e Athines. Kolonizim, qe po paguhet me qindra e qindra milione euro dhe dollare cdo vit te djerses dhe gjakut shqiptar ne formen e nje haraci modern, qe ne thelb nuk e dallon asgje nga kohet e mesjetes. Cdo levizje e shqiptareve per te kerkuar te clirohen nga vargonjte moderne, do te mund te ndeshen pervec mercenareve te shumte politike, mediatike dhe paraushtarake te brendshem, me kamxhike, qe mund te vijne drejtpedrejt nga Athina ne shume forma te njohura tashme, por edhe me akuzat e Brukselit dhe institucioneve nderkombetare per shkelje te te drejtes se minoritareve greke, qe ne territore te sajuar mund te kerkojne cka te duan. Deri ne autonomi per te shpetuar nga shqiptaret e paditur dhe primitive, sic kane deshire t'i shfaqin ata ne Bruksel.

Shume i rende eshte fakti se politika shqiptare eshte futur ne nje gare per pushtet ne te cilen cka ka r-ndesi me pak jane interesat kombetare. Pushtetaret aktuale kane shitur licenca, celulare, nafte, koncesione dhe cka kane mundur, per te marre mbrojtjen e Athines per ardhjen dhe qendrimin e tyre ne pushtet. Nga ana tjeter, ne nje shfaqje te dhimbshme dhe tragjike njekohesisht, opozita e sotme per te fituar miratimin grek per ardhjen ne pushtet ne pamundesi sic duket per te bere te njejten gje sot, nuk e ka problem te dhuroje dhe zonat zgjedhore etnike te territorit te vendit te saj. Jo vetem kaq, por edhe te ftoje ne qeverisje hartografet gejxhiane! Shume te veshtire e kane shqiptaret te zgjedhin ndermjet nje politike te tille. Vete opozita zhvleftesohet shume para qendrimeve te tilla.

Padyshim, qe greket si kushdo kolonizator tjeter nuk e kane per gje qe te flakin tej limonet e shtrydhur, qe u kane sherbyer deri me tash, ne favor te sherbetoreve te rinj te devotshem. Kjo gje duket qarte ne nderhyrjen e paster, qe ata bene ne Bruksel ku arriten t'i kerkojne qeverise shqiptare zyrtarisht ndermjet te tjerash te mbroje te drejtat e minoriteteve (kuptohet greke) dhe te kryeje reformen zgjedhore sipas standardeve! E thene ne kete cast kjo perkthehet ne presion te hapur ne favor te vizatuesve te enklavave te paqena. Puna eshte se qeveritaret shqiptare aq shume e kane mbushur kupen me ceshtje te tjera thelbesore, qe percaktojne procesin e integrimit, sa nuk kane me as besueshmeri dhe as fytyre te mbrohen ndaj nje padrejtesie te tille. Padrejtesia eshte e tille, qe ne fakt ajo u ben dem edhe vete grekeve te cilet historikisht kane jetuar paqesisht dhe te padiferencuar as gjeografikisht dhe as psikologjikisht me shqiptaret, kudo ku kane banuar. Kuptohet edhe BE-ja nuk ka asnje leverdi nga sa me siper. Perfitime kane te gjithe ata perfaqesues te tyre dhe qarqet antishqiptare, qe bejne pazar ne emer te qytetareve shqiptare me kombesi greke.

Ceshtja eshte se kush institucion pjese e shtetit dhe politikes shqiptare do te kete vullnetin dhe do te marre iniciativen per t'ja shpjeguar Brukselit sa me siper. Deri me sot jane shume te paket perfaqesuesit e shtetit shqiptar, qe kane marre guximin te kundershtojne Athinen. Kete e provoi fare mire vizita e Simitisit ne Tirane para pak kohe, ku edhe ndonje ze i vetmuar institucioni te larte u braktis nga politika pa perjashtim.

Ne fakt, ngjarje te tilla kane edhe nje te mire. Duke te shkuar thika ne kocke deri ne fund dhe sidomos para zgjedhjeve, shqiptaret do te kene shansin te dine te zgjedhin me drejt per voten e tyre. Pjesa e politikes qe do te dije te mbroje interesat e kombit ka shansin e madh te shfaqet tashme. Ajo do te marre edhe bekimin e shqiptareve, qe nuk mund te pranojne krijimin e problemit te nje Mitrovice te re tashme ne jugun e atdheut te tyre.

-------------------------------------------------------------------------------------------------------

[Albo]

Pas bisedimeve në OSBE arrihet kompromisi i pjesshëm, por dalin probleme të reja për kufijtë

Zonat, PS e PD gjysmë hapi para

PS: S’ka më zonë minoritare, dy zonat e jugut shkojnë në Tiranë dhe Shkodër. PD: Ka probleme me kufijtë në përgjithësi

Nevila Perndoj

TIRANE-Harta e re elektorale do të vijojë të mbajë të mbërthyer në negociata, edhe sot e ndoshta edhe në ditët në vijim, ekspertët e OSBE dhe Partisë Socialiste. Edhe pse dje ekipi socialist i përbërë nga Ylli Bufi dhe Elmaz Sherifi njoftoi për një progres të rëndësishëm, duke thënë se nga 12 qarqe për 9 prej tyre është arritur konsensus, demokratët thanë se arritja e konsensusit të plotë është ende larg, pasi tani ka probleme me kufijtë e zonave në përgjithësi në të gjithë vendin. Kjo ka bërë që bisedimet e djeshme të rihapen sërish sot paradite në selinë e OSBE.
PS
Sipas socialistëve sot me ekspertët e OSBE-së do të diskutohet për tre qarqet e fundit, Tirana, Dibra dhe Korça. Ndërkohë, dje socialistët kanë vazhduar negociatat gjatë gjithë ditës. Pas përfundimit të takimeve, eksperti i selisë rozë, Elmaz Sherifi deklaroi për “Shekullin” se mjaft prej pretendimeve, që ata kishin parashtruar me kohë, ishin pranuar nga OSBE. Kështu është hequr përfundimisht zona minoritare. Partia e të Drejtave të Njeriut është tërhequr nga propozimi i saj dhe kjo sipas tyre është pranuar nga OSBE dhe Partia Demokratike. Nga qarku i Vlorës gjithashtu nuk do të hiqen dy zona, por vetëm një zonë. “Është rënë dakord bashkë me demokratët që të hiqen dy zona në jug një në Vlorë dhe tjetra në Berat. Një zonë do të shtohet në Tiranë ndërsa tjetra në Shkodër. Dua të theksoj gjithashtu se PBDNJ është tërhequr nga varianti i saj për krijimin e një zone etnikisht të pastër sepse nuk mund të ndërtohet një zonë Vlorë-Gjirokastër. Në këto kushte mund të them se ne kemi pasur shumë të drejtë me pretendimet tona”, - tha Sherifi. Ndërsa eksperti tjetër i Partisë Socialiste, Ylli Bufi, sqaroi dje për “Shekullin” se nga 12 qarqe është arritur konsensusi për 9 qarqe. Bufi shtoi se sot ata do të diskutojnë për tre qarqet e mbetura Tiranë, Dibër dhe Korçë. Gjatë gjithë kësaj kohe kanë qenë socialistët, ata të cilët kanë zhvilluar negociata të vazhdueshme me ekspertët e OSBE, për sa kohë që demokratët kishin hequr dorë nga pretendimet e tyre. Ata kanë mbështetur plotësisht variantin e OSBE, duke theksuar në të njëjtën kohë se do të pranonin çdo konsensus, që mund të arrihet mes këtij organizmi dhe PS. Një muaj më parë, përfaqësuesit e dy partive kryesore në vend i ndërprenë negociatat për shkak të mosmarrëveshjeve, që lindën si rezultat i propozimit të PBDNJ për krijimin e një zone minoritare. Ky propozim u mbështet nga OSBE dhe Partia Demokratike, por u cilësua e papranueshme nga socialistët. Këta të fundit u shprehën se një kërkesë e tillë ishte antiligjore dhe e pazbatueshme. Kjo bëri që OSBE të hiqte dorë nga negociatat duke u shprehur publikisht se mes dy partive kryesore ishte arritur konsensusi për 28 zona nga 100 gjithsej. Por reagimet e përfaqësuesve të lartë të Bashkimit Europian gjatë takimit që kryeministri Fatos Nano zhvilloi në Bruksel, bëri që socialistët të pranonin sërish të rinegocionin edhe pse kohët e fundit ata kishin lëshuar kritika të forta ndaj punës së ekspertëve të OSBE dhe mandatit që ajo përfaqësonte.

Varianti i parë:
Të hiqet një zonë në qarkun e Vlorës dhe një në Berat. Dy zonat e hequra t’i shtohen një qarkut të Tiranës dhe një Shkodrës.

Varianti i dytë:
1.Të hiqen dy zona nga qarku i Vlorës dhe një zonë nga qarku i Beratit. Dy zona t’i shtohen qarkut të Tiranës dhe një zonë qarkut të Dibrës
2. Të krijohet nje zonë e pastër minoritare me bashkimin e qarqeve Vlorë Gjirokastër

Varianti i djeshëm
1.Të hiqet një zonë në qarkun e Vlorës dhe një zonë në qarkun e Beratit. Një zonë t’i shtohet qarkut të Tiranës dhe një zonë qarkut të Shkodrës.
2. Të hiqet propozimi i PBDNJ-se për një zonë të pastër minoritare

Konsensusi është arritur për 9 qarqe nga 12 gjithsej
Sot negociohet për qarkun e Tiranës, Dibrës dhe Korçës.

[BlueBaron]

Dështojnë negociatat. Akuzat e Priebes për zonat zgjedhore.


I prerë, i qartë dhe direkt ka qenë dje Priebe në Tiranë. "Turp! Nuk realizoni dot zgjedhje të rregullta", kështu i ka thënë ai grupit të negociatorëve shqiptarë, por përfaqësuesi i BE-së këto fjalë të tij i kishte edhe për të gjithë politikën shqiptare. Në këtë mënyrë janë hapur negociatat e raundit të djeshëm mes Shqipërisë dhe Bashkimit Europian. Ndërsa ministrja e Integrimit Ermelinda Meksi deklaroi angazhimin shumë të madh të qeverisë shqiptare për procesin e negociatave me BE-në dhe në realizimin e të gjitha standardeve të kërkuara. Shqipëria nisi negociatat 2 vjet më parë dhe ende nuk po i mbyll dot, ndërsa Maqedonia i mbylli më shpejt dhe tani ka paraqitur në BE edhe kërkesën zyrtare për anëtarësim të saj. Në qendër të bisedimeve ishin përgatitjet e zgjedhjeve dhe Komisioni Europian tregoi se ishte pak optimist dhe i dëshpëruar për mosarritjen e asnjë marrëveshjeje për përgatitjen e zgjedhjeve, hartën zgjedhore dhe që procesi është shumë pas me përgatitjen e listave të zgjedhësve. Priebe përmendi edhe dhënien e një fondi prej 800 mijë USD Shqipërisë për këtë proces, por që rezultatet nuk po duken. Grupi negociator shqiptar kryesohej nga ministrja e Integrimit Ermelinda Meksi, dhe në përbërje të tij kishte ekspertë të shumë dikastereve, të cilët iu përgjigjën me radhë të 47 pyetjeve të bëra nga ana e Komisionit Europian për raundin e radhës të negociatave për marrëveshjen e asocim-stabilizimit.

Priebe.
Kryenegociatori ka pritur që nga salla e hotel "Tiranës", ku po mbaheshin negociatat, të dilnin gazetarët, ka ndërprerë fjalimin e tij dhe i është drejtuar direkt palës shqiptare në anën tjetër të tavolinës. "Turp! Nuk realizoni dot zgjedhje", ka thënë ai, duke renditur faktet se Shqipëria është i vetmi vend në rajon që nuk po e arrin këtë. Maqedonia, madje edhe Kosova, kanë realizuar procese zgjedhore shumë më të mira se në Shqipëri. Priebe bëri me përgjegjësi gjithë politikën shqiptare.

Zgjedhjet.
Mosarritja e një marrëveshjeje për ndarjen zonale është një nga defektet e vërejtura nga Priebe. Ai tha se ndarja zonale duhet të jetë thjesht një proces teknik matematikor, por partitë politike po e kthejnë në një betejë për ndarjen në bazë të bastioneve të tyre. "Unë jam i dëshpëruar dhe më duhet të vë re me dëshpërim se vendimet për ndarjen e zonave elektorale nuk janë marrë ende", tha Priebe. Më tej ai shtoi se "koha po kalon për këtë çështje dhe unë mund vetëm t'ju bëj thirrje, siç i kanë bërë thirje qeverisë shqiptare të gjitha vendet e BE-së. Mundet vetëm t'i bëj thirrje qeverisë dhe parlamentit të marrin hapat e duhura dhe vendime sa më të shpejt që të jetë e mundur. Procedurat për përgatitjen e zgjedhjeve dhe vetë zgjedhjet duhet të organizohen në bazë të parimit që politika duhet të jetë jashtë rregullimit të zgjedhjeve". Duket që kërkesa e BE-së është shumë larg asaj që po ndodh realisht në Shqipëri. Partitë politike ndërhyjnë në çdo hap, sado teknik, në përgatitjen e zgjedhjeve të ardhshme.

Listat.
"Arritja e Shqipërisë në këtë fushë duhet të përmirësohet. Në fazën tradicionale është bërë progres relativ krahasuar me zgjedhjet e shkuara, por kjo është e pamjaftueshme, sepse në realitet kjo do të thotë se mbeten akoma pa u zgjidhur gabime të konsiderueshme", tha Priebe. Kryenegociatori përmendi si problem të pazgjidhur hartën elektorale, por edhe listat e zgjedhësve. Ai rikujtoi se është dhënë një shumë prej 800 mijë USD për hartimin e listave dhe ato ende nuk po realizohen. "Verën e ardhshme ne presim të shohim diçka krejt ndryshe. Ne presim të shohim demonstrimin e faktit se Shqipëria është në gjendje të kryejë zgjedhje konform standardeve ndërkombëtare dhe se partitë politike që nuk kanë qenë të suksesshme, të jenë në gjendje të njohin rezultatet dhe fituesit. Ne presim një qeveri të re plotësisht të legjitimuar dhe që kjo qeveri e re të jetë në gjendje të përqendrohet në çështjet e shumta që duhet të zgjidhen". Kjo është deklarata që fjalë për fjalë Priebe u tha përfaqësuesve shqiptarë në këtë takim. Drejtori për Ballkanin Perëndimor në Komisionin Europian Reinhrad Priebe nuk ka qenë asnjëherë kaq i ashpër dhe i prerë në konstatimet e tij. Si një nga njohësit më të mirë të realitetit shqiptar, ai i rikujtoi palës shqiptare se një dështim në mbajtjen e zgjedhjeve sipas standardeve do të thotë hapa pas në integrimin e Shqipërisë.

Paralajmërimi.
"Ne e shohim çështjen e zgjedhjeve si sfidën reale", tha Priebe. Ai shtoi se "ne shohim përparim në përgatitjen e zgjedhjeve, po jemi të ndërgjegjshëm se ky përparim është i brishtë. Ne vazhdojmë të jemi të shqetësuar, ngaqë e kuptojmë se përgatitjet tuaja janë tejet të politizuara, se mosbesimi mes partive mbetet i lartë dhe se ka nevojë për ndërhyrje konstante të komunitetit ndërkombëtar". Priebe nënvizoi faktin se BE-ja mbështet plotësisht punën e OSBE-së dhe se Shqipëria duhet të ndjekë rekomandimet e dhëna nga kjo organizatë për përgatitjen e procesit. Pas nisjes tepër të ashpër të fjalimit të tij në këto negociata, Priebe më pas ka zbutur disi tonin, duke dhënë këshillat e radhës, në mënyrë që përgatitjet për zgjedhjet të jenë pozitive dhe produktive. "Ne vazhdojmë të shpresojmë të shohim shumë kohë përpara zgjedhjeve një ndryshim radikal, që demonstron vullnetin e vërtetë të të gjitha forcave politike për të kryer zgjedhjet në përputhje me standardet ndërkombëtare", tha Priebe dje.