PS dhe PD, kompromis i vonuar për ndarjen elektorale zonale

[Albo]

PS-PD, debat në 23 dhjetor për ndarjen e zonave zgjedhore

A. Rama

TIRANE - Pas shqyrtimit të buxhetit në seancë plenare në fillim të javës, Parlamenti në një seancë më vete do të diskutojë në 23 dhjetor, raportin për ndarjen e re të zonave zgjedhore. Harta e re elektorale e paraqitur nga Komisioni i Kufijve të Zonave Zgjedhore u miratua dy javë më parë nga Komisioni Qendror i Zgjedhjeve, duke iu përcjellë Kuvendit për miratim. PS dhe PD, janë shfaqur me qëndrime të kundërta për këtë raport, pasi rishikimi i kufijve zonalë të 62 zonave ku është ndërhyrë, është bazuar tek numri i votuesve që kanë marrë pjesë tek zgjedhjet e fundit të vitit të kaluar dhe jo mbi bazën e numrit të banorëve me të drejtë vote. Aktualisht Kodi Zgjedhor parashikon që përcaktimi i kufijve të këtyre zonave të bëhet sipas numrit mesatar të zgjedhësve që kanë marrë pjesë në zgjedhjet e fundit lokale. Por për përfaqësuesit e PS-së, ndarja e re zonale përbën shkelje të hapur të Kushtetutës, pasi i mohon të drejtën e votës një numri shumë të madh votuesish. Ndërkohë opozita, në ndryshim nga maxhoranca e mbështet ndarjen e re elektorale. Ndërsa deputeti i PD-së, Fatos Beja tha se “kjo ndarje është e domosdoshme, pasi rregullon pasaktësitë e konstatuara në zgjedhjet e fundit për shkak të pabarazisë së votuesve në zonat zgjedhore”. Nga përllogaritjet e bëra nga KKZZ rezulton se numri i zgjedhësve në listat e 12 tetorit 2003 ishte rreth 2,7 milionë banorë, ndërsa numri i votuesve që morën pjesë në votime ishte 1 milion e 250 mijë vetë.

[Albo]

Komisioni i Ligjeve nuk shqyrton ndarjen e re të zonave zgjedhore. Opozita braktis mbledhjen

Kuvendi rrëzon ndarjen e re zgjedhore

Sherifi: Ky projektligj nuk është në përputhje me Kushtetutën. Beja: Po dënoni me vdekje zgjedhjet e ardhshme

Nevila Perndoj

TIRANE- Projektligji “Për ndarjen e re të zonave zgjedhore”, që u miratua pak kohë më parë nga Komisioni Qendror i Zgjedhjeve nuk do të shqyrtohet fare nga Kuvendi pasi socialistët e quajnë atë si antikushtetues. Komisioni parlamentar i Ligjeve nuk arriti dje të lërë në fuqi variantin e parashikuar në Kodin Zgjedhor për ndarjen e zonave zgjedhore, apo të miratojë projektin e ri të miratuar nga Komisioni Zonal i Zonave Zgjedhore. Varianti i miratuar nga KQZ dhe nga opozita nuk mori dje pëlqimin e socialistëve në komision. Për këtë arsye, anëtari i këtij komisioni, Arjan Starova propozoi që të shtyhej vendimi, në të kundërt do të largoheshin nga mbledhja. Dhe ndodhi kjo e fundit. Socialistët nuk e morën parasysh propozimin dhe të gjithë anëtarët e opozitës braktisën mbledhjen. “Ju do të mbani përgjegjësi për këtë që ju po bëni”,- tha dje Fatos Beja teksa po largohej nga salla e mbledhjes. Ndërsa anëtari i PS, Bardhyl Agasi e mori me buzëqeshje largimin e kolegëve të tij duke shtuar se mungesa e tyre do të cilësohej si votë abstenuese
Argumenti
Pak kohë më parë në komisionin zonal të zonave zgjedhore, të gjithë anëtarët e maxhorancës miratuan projektin e ri për ndarjen e zonave zgjedhore, përfshi këtu edhe anëtarin e PS në këtë komision, Elmaz Sherifin. Ky i fundit sqaroi dje në komisionin e Ligjeve se pse ai kishte votuar pro këtij projekti, dhe vetëm pak ditë më vonë ai e kundërshtoi. “Projekti i ndarjes së zonave zgjedhore, ishte në përputhje me nenin 73 të Kodit Zgjedhor, dhe vendosëm pro për të respektuar kërkesën e ligjit, por më pas rezultoi se ky nen ishte në kundërshtim me Kushtetutën dhe me nenin 2 dhe 5 të po këtij kodi. Ndaj dhe ne do t’i paraqesim Kuvendit duke i dhënë argumente ligjore se pse ky projektligj nuk është në përputhje me Kushtetutën”,- tha Sherifi, i cili shtoi se kjo deklaratë do të depozitohej nesër edhe në seancën plenare, si qëndrim i komisionit të Ligjeve.
Debati
Anëtari i PD në këtë komision, Fatos Beja, përpara largimit nga salla, deklaroi se, “në pranverë ne do të kemi lista të reja. Në qoftë se këto lista na bien diferenca në zonat zgjedhore, që Kushtetuta thotë se duhet të jenë të përafërta atëherë çfarë bëhet? E kuptoni që dënohen me vdekje zgjedhjet e ardhshme që në muajin maj”, - tha Beja. Ai e mbështeti argumentin e tij në nenin 64 të Kushtetutës ku në pikën e parë thuhet se 100 deputetët zgjidhen drejtpërdrejt nga lista njëemërore me një numër të përafërt zgjedhësish. Kjo pikë, sipas Bejës, nuk është respektuar në ndarjen e zonave zgjedhore të parashikuar në kodin aktual pasi diferenca është 37%. Beja mori edhe një shembull. Duke iu referuar kolegut që kishte në krah, deputetit të PD, Sali Shehu, Beja tha se ai kishte fituar në Dibër me 17.000 zgjedhës ndërkohë që sipas tij në zonat e jugut kanë fituar deputetë edhe me 6000 zgjedhës (duke iu referuar deputetit socialist, Gramoz Ruçi). Por argumenti i Bejës u hodh poshtë nga anëtari tjetër socialist, Taulant Dedja. “Kjo diferencë që thoni ju vjen për faktin sepse në shumë zona veriore një njeri voton për gjithë familjen apo fshatin”, - tha ai. Më pas Dedja ka replikuar edhe me anëtarin tjetër të PD, Luan Skuqi. Ky i fundit mbështeti qëndrimin e kolegut të tij, Pal Dajçi, sipas të cilit edhe në zonën e ku kishte fituar Dedja ishin vjedhur votat. “Ti shih kryetarin e partisë tënde, që është sot deputet i cili ka fituar vetëm me 2000 vota”,- iu drejtua Dedja, anëtarit të PD, Skuqi. Ndërsa anëtari tjetër i opozitës në këtë komision, Nard Ndoka, ka kërkuar që kjo çështje të zgjidhej përmes një kompromisi mes PD dhe PS, gjë që pak gjasa ka që të ndodhë nisur nga mbledhja e djeshme e komisionit.

[Albo]

Reforma zgjedhore, miratohet paketa e OSBE-së


N.Perndoj

TIRANE- Përfundon puna e grupit të ekspertëve teknikë për reformën zgjedhore. Prezenca e OSBE-së në Tiranë ka njoftuar dje përmes një deklarate për shtyp se grupi i ekspertëve teknikë përfundoi detyrën e tij për të hartuar sugjerime për përmirësimin e sistemit zgjedhor shqiptar. Grupit të Ekspertëve Teknikë për Reformën Zgjedhore (GET), të përbërë nga tetë ekspertë të pavarur ose të emëruar nga partitë, i ishte ngarkuar detyra të hartonte projektamendamente për Kodin Zgjedhor shqiptar dhe t’ia paraqiste ato komisionit të posaçëm parlamentar për reformën zgjedhore. Nga ana tjetër ky komision ra dakord me rekomandimet duke ia dërguar për diskutim komisionit të Ligjeve. Dy ditë më parë, në darkë vonë anëtarët e komisionit të Ligjeve e kaluan të gjithë paketën ligjore të përbërë prej 119 nenesh pa asnjë kundërshtim. Paketa e GET-it trajton pjesën më të madhe të rekomandimeve të përbashkëta të OSBE/ODIHR-it dhe të Komisionit të Venecias të Këshillit të Evropës për zgjedhjet parlamentare të vitit 2005. Gjatë katër muajve punë, GET-i hartoi amendamente për Kodin Zgjedhor aktual lidhur me çështje si organizimi dhe funksionimi i Komisionit Qendror të Zgjedhjeve (KQZ) dhe komisioneve të nivelit të mesëm e të ulët; listat e zgjedhësve dhe ligji për verifikimin, identifikimin dhe regjistrimin e zgjedhësve nga njësitë e qeverisjes vendore; ankimimet dhe apelimet, si dhe financimi i fushatës zgjedhore.

[Brari]

RD


......


Nano shkelmon rekomandimet e BE. PS kërkon të ruajë hartën skandaloze

Vlora, 50 mijë votues më shumë se banorë

Qarku i Vlorës ka 192982 banorë të regjistruar nga INSTAT, çertifikuar nga shteti, pranuar zyrtarisht, shpërndarë publikisht gjithandej. Por në listat e votimit të 2003-it, Vlora, nga 192 mij ë banorë, rezulton në listat e votuesve me 242700 persona=50 mijë vetë më shumë sesa popullsia. I takon që edhe ata që sapo kanë lindur në maternitet ta kenë emrin në listat e votimit dhe megjithatë duhen prapë edhe 50 mijë të tjerë. Lista e votuesve e 2001-it e Vlorës është përsëri jo 192 mijë sa ka popullsinë, por 206 mijë

Deputetët e Partisë Socialiste këmbëngulën në seancën e djeshme plenare të Kuvendit të ruajnë hartën e deformuar elektorale të vitit 2001, me të cilën ia dolën të manipulonin votën e zgjedhësve shqiptarë. Pas pesë muaj pune në një komision të ndarjes së kufijve zgjedhorë (pranë KQZ) të dominuar nga të majtët, deputetët e PS-së, sikurse kishin paralajmëruar në mbledhjen e para tre ditëve të Grupit të tyre parlamentar, u përpoqën në seancën e djeshme plenare të Kuvendit që ta rrëzojnë edhe atë projekt që kanë hartuar ekspertët e tyre. Krerët e kësaj mazhorance tërësisht të diskretituar, Gramoz Ruçi, Namik Dokle, Elmaz Sherifi dhe ministrat Blushi e Majko, bënë dje të gjitha përpjekjet për të bllokuar reformën e ndarjes së re të zonave zgjedhore si dhe atë të ndryshimeve në Kodin Elektoral.

Në këto kushte, kryetari i Partisë Demokratike, Sali Berisha, foli për kriteret e përcaktuara nga Komisioni i Venecias. Duke iu referuar kriterit mbi të cilin është hartuar projekti i ndarjes së re të zonave zgjedhore që ka sjellë për miratim në Kuvend Komisioni Qendror i Zgjedhjeve, Berisha iu bëri thirrje deputetëve të PS të heqin dorë nga spekullimet në interpretimin e kritereve, pasi sipas tij, qoftë edhe me kriterin e numrit të votuesve diferencat janë 30, 40 dhe 100% në numër, dhe kjo është evidente.

"Barazia e forcës elektorale do të thotë që zgjedhjet të zhvillohen në zona të organizuara në mënyrë të atillë, që përfaqësuesit e popullit të jenë të shpërndarë në mënyrë të barabartë", tha Berisha. Sipas tij, "kriteret e forcës elektorale janë tre: Numri i banorëve të zonës elektorale, numri i zgjedhësve të regjistruar dhe numri i votuesve. Tek ne është marrë për bazë kriteri i tretë, pasi qoftë numri i zgjedhësve, qoftë ai i banorëve janë të pasaktë, përderisa kemi lista të kontestuara ndërkombëtarisht dhe po kështu edhe numri i popullsisë".

Përballë këmbënguljes së deputetëve socialistë për të ruajtur si kriter bazë atë listave të zgjedhësve, Berisha i paralajmëroi ata që të mos veprojnë në këtë mënyrë, sepse me listat e tyre aktuale dalin 58 zona në kundërshtim me ligjin.

"Në fund të fundit, ky është një projekt që e keni bërë ju, nuk e kemi bërë ne. Neni 73 i Kodit Elektoral në fuqi, që përcakton si kriter për ndarjen e zonave numrin e votuesve në zgjedhjet e fundit, është nen i një ligji që e keni miratuar ju, nuk e kemi miratuar ne. Ne nuk kemi vota për të imponuar ligje, ne nuk kemi patur tagër për të miratuar lista, ato janë miratuar në KQZ, prandaj dhe po ju themi të mos e lidhni këtë proces me to, sepse i varrosni të dyja", tha Berisha.

Më pas, edhe kryetari i Grupit parlamentar të PD-së, Bamir Topi, sqaroi të gjitha marrëveshjet e nënshkruara me socialistët në praninë e ish-ambasadorit të Prezencës së OSBE, Osmo Lipponen, që përcaktojnë ndarjen e re të zonave zgjedhore duke u mbështetur në kriterin e numrit të votuesve në zgjedhjet e fundit. Topi tha se PD ka qenë në sintoni të plotë me përfaqësuesin e OSBE dhe në sintoni të plotë me faktorin ndërkombëtar, por kanë qenë deputetët e PS që ndryshuan pozicionin për të nënshkruar prapë marrëveshjen, për të korrigjuar kompozimin e KQZ-së.

"Ne kemi qenë jashtëzakonisht konsekuentë të asaj që kemi nënshkruar. Kështu që pozicioni i Grupit parlamentar të PD është mjaft i qartë: Nuk do të bëhet Kodi Zgjedhor, pa marrë në konsideratë zonat zgjedhore.

Ne jemi plotësisht të qartë në këtë poizicion", u shpreh Topi.

Këtë qëndrim e shprehu edhe sekretari i Përgjithshëm i PD-së, Ridvan Bode, i cili bëri të ditur edhe përcaktimin e projektrekomandimeve të përbashkëta Shqipëri-BE të nënshkruara më 26 nëntor në Bruksel, sipas të cilit "Zonat aktuale zgjedhore duhet të rishikohen deri në fund të 2004, në përputhje me standartet ndërkombëtare, për të siguruar përfaqësim të drejtë dhe të barabartë të qytetarëve në parlament". Pas argumenteve bindëse të deputetëve të PD-së, socialistët u detyruan ta shtyjnë për sot debatin për ndarjen e re të zonave dhe për ndryshimet në Kod, ndërkohë që priten negociata mes përfaqësuesve të të dyja palëve në prani të përfaqësuesit të Prezencës së OSBE në Tiranë.


--------------------------------------------------------------------------------

Hipokrizia e Metës për zgjedhjet

Ish-kryeministri Meta, tashmë kryetar i LSI, u shpreh në seancën e djeshme plenare të Kuvendit se debatet e shumta për ndarjen e re të zonave si dhe ndryshimet në Kodin Zgjedhor reflektojnë krizën e thellë të besimit tek zgjedhjet e lira, që ka sjellë filozofia e ndjekur nga qeveritarët aktualë.

Meta pranoi se ne kemi shumë probleme të akumuluara që nga listat, zonat, etj., që sipas tij riciklohen në mënyrë kronike. Por ndërsa u përpoq që për këto të anashkalojë përgjegjësinë e tij si ish-kryeministër dhe të shkojë emërues të njëjtë për PS e PD, kryetari i Grupit parlamentar të PD-së, Bamir Topi, i kujtoi atij përgjegjësinë direkte që mban për manipulimin e zgjedhjeve në 2000 e 2001.

"Ju, zoti Meta, nuk mund të bëni asnjë lloj ekuivalence midis PD e PS. PD është në opozitë për gati 7 vjet. Keni qenë ju si ish-kryeministër i PS në vitet 2000 e 2001 që keni administruar zgjedhjet e pushtetit qendror dhe të pushtetit vendor. Keni qenë kryeministër dhe keni devijuar një pjesë të fondeve, bile dhe të fondit rezervë të Këshillit të Ministrave", tha Topi. Kreu i Grupit parlamentar të PD-së i kujtoi kryetarit të LSI se është pjesë e të njëjtës kllapë, pavarësisht nga lëvizja e re politike në të cilën është i defaktorizuar ndoshta nga PS, pas ndarjes prej saj.


--------------------------------------------------------------------------------

Qeveria mbron në parlament hartën elektorale të diskriminimit të votuesve

Blushi, përpjekje për manipulimin e listave

Ministri i Pushtetit Vendor dhe Decentralizimit, Ben Blushi, këmbënguli dje në parlament që harta e re elektorale të miratohet pas përfundimit të procesit të regjistrimit të popullsisë që, sipas tij, po ecën me ritmet e duhura në të gjitha bashkitë dhe komunat e vendit. Por nisur nga disa njoftime sipas të cilave, Blushi ka marrë përsipër deformimin e këtyre listave në të gjitha njësitë e pushtetit vendor që drejtohen nga socialistët, me qëllim që të ruhet ndarja zonale aktuale, kryetari i PD-së, Berisha, e paralajmëroi atë që të heqë dorë nga përpjekje të tilla që po minojnë këtë proces kaq të rëndësishëm.

"Zoti Blushi merr përsipër përgjegjësinë personale të varrmihësit të zgjedhjeve. Që prej javësh qarkullon kjo ide që nxore sot në Kuvend sipas së cilës, ti ke marrë përsipër të bësh listat në përputhje me oreksin e ndarjes të zonave të Grupit tënd parlamentar. Nuk ke bërë deklaratë më fatale se sa këtë që bëre sot në parlament", tha Berisha. Kryetari i PD-së e këshilloi ministrin Blushi që të dalë nga ky spiral dhe të ushtrojë të gjithë autoritetin si ministër, për të përmbushur Ligjin "Për regjistrimin e popullsisë". Në të kundërt, sipas kryetarit të PD-së, Blushi do të marrë gjithë përgjegjësinë e deformimit të listave dhe zonave zgjedhore.


Vlora, 50 mijë zgjedhës më shumë se numri i popullsisë

Bashkëkryetari demokrat i Komisionit "Bipartizan", Jemin Gjana, solli dje në Kuvend shifra skandaloze të deformimit të zonave zgjedhore, si rrjedhojë e manipulimeve me listat dhe me regjistrimin e popullsisë. Sipas tij, "janë 13 zona elektorale të 2001 dhe konkretisht 13, 26, 31, 33 (diku ka fituar PD dhe diku PS) 34, 40, 51, 61, 65, 79, 80, 84 dhe 89, të cilat në mesataren e tyre kanë nga 28 mijë deri 32 mijë votues në listë ose në mesatare kanë 29900 votues, ndërkohë që janë 14 zona të tjera që në mesatare kanë nga 19 mijë deri 22 mijë votues dhe mesatarja e tyre është 21405 votues. Pra, janë gjithsej 27 zona elektorale, 1/3 e zonave të Shqipërisë, të cilat ndryshojnë njëra nga tjetra jo me 10%, por ndryshojnë nga 21 në 29, me 40%. Kjo është një ndarje e papranueshme". Gjana i ftoi deputetët socialistë se po të duan, mund të kalohet edhe tek kriteri i numrit të popullsisë dhe të ndajnë zonat, por sipas tij kjo mund të bëhet vetëm pas regjistrimit të saktë, pasi me regjistrimin e fundit të INSTAT dalin shifra absurde, sipas të cilave i bie të ketë deformime skandaloze. "Më konkretisht i bie që Qarku i Kukësit, me 111 mijë banorë, të ketë 71 mijë votues ose 64% e popullsisë me të drejtë vote; Qarku i Durrësit, nga 189 mijë që ka popullsinë, 128 mijë i ka votues ose 68% e popullsisë me të drejtë vote; Qarku i Elbasanit, nga 362 mijë që ka popullsinë, 274 mijë i ka votues ose 75% të popullsisë me të drejtë vote.

Vlora e ka popullsinë 112831 banorë dhe ka 112109 votues si Qark në listat e votuesve të 2003-it. Si Qark, Gjirokastra në listat e 2001 ka 100505 votues ose 95% të popullsisë me të drejtë vote".

Gjana tha se "në listat e votimit të 2003-it Vlora, nga 192 mijë që ka popullsinë, rezulton në listat e votuesve me 242700 veta=50 mijë vetë më shumë sesa popullsia. I takon që edhe ata që sapo kanë lindur në maternitet ta kenë emrin në listat e votimit, dhe megjithatë duhen dhe 50 mijë të tjerë.

Lista e votuesve e 2001-it e Vlorës është përsëri jo 192 mijë sa ka popullsinë, por 206 mijë. Sipas kësaj aritmetike i bie që në pesë rrethe të vendit (Vlorë, Sarandë, Gjirokastër, Përmet, Tepelenë dhe Delvinë), ndodh që nga 305 mijë vetë që është popullsia e botuar, e çertifikuar, e regjistruar, ka në listat e votuesve 354 mijë vetë. Pra, pesë rrethe të Jugut të vendit kanë 54 mijë persona në listat e votimit më shumë se sa kanë popullsinë".

Bashkëkryetari demokrat Gjana tha se "kryetari i Grupit parlamentar të PS-së duhet ta dijë dhe pranojë se është votuar në një zonë që ka nxjerrë në votim vetëm 7400 votues, dhe kryetari i grupit tuaj është deputet i këtij parlamenti me 2741 vota, në një kohë që Gjovalin Bzheta, deputet i Malësisë së Madhe, ka marrë 10100 vota, pra ka marrë 5 herë më shumë. Por një votë në Malësi të Madhe kurrsesi nuk mund të jetë 5 herë më e vogël se një votë në Sarandë".

"Ky disproporcion i jashtëzakonshëm ka qenë arsyeja që ne kemi marrë si kriter bazë regjistrin e votuesve faktikë", tha Gjana. Sipas tij, të gjitha studimet dhe analizat që burojnë nga INSTSAT japin të dhënën se absolutisht është e mohuar e drejta e disa rretheve për të patur më shumë deputetë ose më shumë zona zgjedhore, dhe disa të tjera duhet të kenë më pak.

"Ndryshimi që është bërë me projektin e ri, është ndryshimi minimal. Ndryshimi i plotë do të bënte që qarqet e Kukësit, të Dibrës, Tiranës, Elbasanit të kenë edhe nga një zonë më shumë secili, ndërsa Qarku i Beratit të ketë një zonë më pak, Qarku i Vlorës të ketë dhe tre zona më pak. Kjo do të ishte zgjidhja përfundimtare më e mira. Projekti që keni sjellë nuk e bën këtë, bën një korrigjim të pjesshëm. Ne po pranojmë këtë korrigjim të pjesshëm, por një ndarje me lista votuesish që janë më të mëdha se popullsia banuese e asaj zone, është e papranueshme", tha Gjana. Me gjuhën e shifrave krahasuese, për çdo zonë ku bie në sy disproporcioni i madh i numrit të zgjedhëve dhe ai i votuesve nga njëra zonë në tjetrën, foli edhe sekretari për Burimet Njerëzore të PD-së, Fatos Beja.

Përgatitialil RAMA


--------------------------------------------------------------------------------







...

bravo jemin matematikani.. ju deshen 8 vjet me kuptu nji nga hilet..
Presim 6 vjet tjera me nanon sheik te zbulojm hile tjeter e keshtu me radhe..

[Brari]

RD


......


Nano shkelmon rekomandimet e BE. PS kërkon të ruajë hartën skandaloze

Vlora, 50 mijë votues më shumë se banorë

Qarku i Vlorës ka 192982 banorë të regjistruar nga INSTAT, çertifikuar nga shteti, pranuar zyrtarisht, shpërndarë publikisht gjithandej. Por në listat e votimit të 2003-it, Vlora, nga 192 mij ë banorë, rezulton në listat e votuesve me 242700 persona=50 mijë vetë më shumë sesa popullsia. I takon që edhe ata që sapo kanë lindur në maternitet ta kenë emrin në listat e votimit dhe megjithatë duhen prapë edhe 50 mijë të tjerë. Lista e votuesve e 2001-it e Vlorës është përsëri jo 192 mijë sa ka popullsinë, por 206 mijë

Deputetët e Partisë Socialiste këmbëngulën në seancën e djeshme plenare të Kuvendit të ruajnë hartën e deformuar elektorale të vitit 2001, me të cilën ia dolën të manipulonin votën e zgjedhësve shqiptarë. Pas pesë muaj pune në një komision të ndarjes së kufijve zgjedhorë (pranë KQZ) të dominuar nga të majtët, deputetët e PS-së, sikurse kishin paralajmëruar në mbledhjen e para tre ditëve të Grupit të tyre parlamentar, u përpoqën në seancën e djeshme plenare të Kuvendit që ta rrëzojnë edhe atë projekt që kanë hartuar ekspertët e tyre. Krerët e kësaj mazhorance tërësisht të diskretituar, Gramoz Ruçi, Namik Dokle, Elmaz Sherifi dhe ministrat Blushi e Majko, bënë dje të gjitha përpjekjet për të bllokuar reformën e ndarjes së re të zonave zgjedhore si dhe atë të ndryshimeve në Kodin Elektoral.

Në këto kushte, kryetari i Partisë Demokratike, Sali Berisha, foli për kriteret e përcaktuara nga Komisioni i Venecias. Duke iu referuar kriterit mbi të cilin është hartuar projekti i ndarjes së re të zonave zgjedhore që ka sjellë për miratim në Kuvend Komisioni Qendror i Zgjedhjeve, Berisha iu bëri thirrje deputetëve të PS të heqin dorë nga spekullimet në interpretimin e kritereve, pasi sipas tij, qoftë edhe me kriterin e numrit të votuesve diferencat janë 30, 40 dhe 100% në numër, dhe kjo është evidente.

"Barazia e forcës elektorale do të thotë që zgjedhjet të zhvillohen në zona të organizuara në mënyrë të atillë, që përfaqësuesit e popullit të jenë të shpërndarë në mënyrë të barabartë", tha Berisha. Sipas tij, "kriteret e forcës elektorale janë tre: Numri i banorëve të zonës elektorale, numri i zgjedhësve të regjistruar dhe numri i votuesve. Tek ne është marrë për bazë kriteri i tretë, pasi qoftë numri i zgjedhësve, qoftë ai i banorëve janë të pasaktë, përderisa kemi lista të kontestuara ndërkombëtarisht dhe po kështu edhe numri i popullsisë".

Përballë këmbënguljes së deputetëve socialistë për të ruajtur si kriter bazë atë listave të zgjedhësve, Berisha i paralajmëroi ata që të mos veprojnë në këtë mënyrë, sepse me listat e tyre aktuale dalin 58 zona në kundërshtim me ligjin.

"Në fund të fundit, ky është një projekt që e keni bërë ju, nuk e kemi bërë ne. Neni 73 i Kodit Elektoral në fuqi, që përcakton si kriter për ndarjen e zonave numrin e votuesve në zgjedhjet e fundit, është nen i një ligji që e keni miratuar ju, nuk e kemi miratuar ne. Ne nuk kemi vota për të imponuar ligje, ne nuk kemi patur tagër për të miratuar lista, ato janë miratuar në KQZ, prandaj dhe po ju themi të mos e lidhni këtë proces me to, sepse i varrosni të dyja", tha Berisha.

Më pas, edhe kryetari i Grupit parlamentar të PD-së, Bamir Topi, sqaroi të gjitha marrëveshjet e nënshkruara me socialistët në praninë e ish-ambasadorit të Prezencës së OSBE, Osmo Lipponen, që përcaktojnë ndarjen e re të zonave zgjedhore duke u mbështetur në kriterin e numrit të votuesve në zgjedhjet e fundit. Topi tha se PD ka qenë në sintoni të plotë me përfaqësuesin e OSBE dhe në sintoni të plotë me faktorin ndërkombëtar, por kanë qenë deputetët e PS që ndryshuan pozicionin për të nënshkruar prapë marrëveshjen, për të korrigjuar kompozimin e KQZ-së.

"Ne kemi qenë jashtëzakonisht konsekuentë të asaj që kemi nënshkruar. Kështu që pozicioni i Grupit parlamentar të PD është mjaft i qartë: Nuk do të bëhet Kodi Zgjedhor, pa marrë në konsideratë zonat zgjedhore.

Ne jemi plotësisht të qartë në këtë poizicion", u shpreh Topi.

Këtë qëndrim e shprehu edhe sekretari i Përgjithshëm i PD-së, Ridvan Bode, i cili bëri të ditur edhe përcaktimin e projektrekomandimeve të përbashkëta Shqipëri-BE të nënshkruara më 26 nëntor në Bruksel, sipas të cilit "Zonat aktuale zgjedhore duhet të rishikohen deri në fund të 2004, në përputhje me standartet ndërkombëtare, për të siguruar përfaqësim të drejtë dhe të barabartë të qytetarëve në parlament". Pas argumenteve bindëse të deputetëve të PD-së, socialistët u detyruan ta shtyjnë për sot debatin për ndarjen e re të zonave dhe për ndryshimet në Kod, ndërkohë që priten negociata mes përfaqësuesve të të dyja palëve në prani të përfaqësuesit të Prezencës së OSBE në Tiranë.


--------------------------------------------------------------------------------

Hipokrizia e Metës për zgjedhjet

Ish-kryeministri Meta, tashmë kryetar i LSI, u shpreh në seancën e djeshme plenare të Kuvendit se debatet e shumta për ndarjen e re të zonave si dhe ndryshimet në Kodin Zgjedhor reflektojnë krizën e thellë të besimit tek zgjedhjet e lira, që ka sjellë filozofia e ndjekur nga qeveritarët aktualë.

Meta pranoi se ne kemi shumë probleme të akumuluara që nga listat, zonat, etj., që sipas tij riciklohen në mënyrë kronike. Por ndërsa u përpoq që për këto të anashkalojë përgjegjësinë e tij si ish-kryeministër dhe të shkojë emërues të njëjtë për PS e PD, kryetari i Grupit parlamentar të PD-së, Bamir Topi, i kujtoi atij përgjegjësinë direkte që mban për manipulimin e zgjedhjeve në 2000 e 2001.

"Ju, zoti Meta, nuk mund të bëni asnjë lloj ekuivalence midis PD e PS. PD është në opozitë për gati 7 vjet. Keni qenë ju si ish-kryeministër i PS në vitet 2000 e 2001 që keni administruar zgjedhjet e pushtetit qendror dhe të pushtetit vendor. Keni qenë kryeministër dhe keni devijuar një pjesë të fondeve, bile dhe të fondit rezervë të Këshillit të Ministrave", tha Topi. Kreu i Grupit parlamentar të PD-së i kujtoi kryetarit të LSI se është pjesë e të njëjtës kllapë, pavarësisht nga lëvizja e re politike në të cilën është i defaktorizuar ndoshta nga PS, pas ndarjes prej saj.


--------------------------------------------------------------------------------

Qeveria mbron në parlament hartën elektorale të diskriminimit të votuesve

Blushi, përpjekje për manipulimin e listave

Ministri i Pushtetit Vendor dhe Decentralizimit, Ben Blushi, këmbënguli dje në parlament që harta e re elektorale të miratohet pas përfundimit të procesit të regjistrimit të popullsisë që, sipas tij, po ecën me ritmet e duhura në të gjitha bashkitë dhe komunat e vendit. Por nisur nga disa njoftime sipas të cilave, Blushi ka marrë përsipër deformimin e këtyre listave në të gjitha njësitë e pushtetit vendor që drejtohen nga socialistët, me qëllim që të ruhet ndarja zonale aktuale, kryetari i PD-së, Berisha, e paralajmëroi atë që të heqë dorë nga përpjekje të tilla që po minojnë këtë proces kaq të rëndësishëm.

"Zoti Blushi merr përsipër përgjegjësinë personale të varrmihësit të zgjedhjeve. Që prej javësh qarkullon kjo ide që nxore sot në Kuvend sipas së cilës, ti ke marrë përsipër të bësh listat në përputhje me oreksin e ndarjes të zonave të Grupit tënd parlamentar. Nuk ke bërë deklaratë më fatale se sa këtë që bëre sot në parlament", tha Berisha. Kryetari i PD-së e këshilloi ministrin Blushi që të dalë nga ky spiral dhe të ushtrojë të gjithë autoritetin si ministër, për të përmbushur Ligjin "Për regjistrimin e popullsisë". Në të kundërt, sipas kryetarit të PD-së, Blushi do të marrë gjithë përgjegjësinë e deformimit të listave dhe zonave zgjedhore.


Vlora, 50 mijë zgjedhës më shumë se numri i popullsisë

Bashkëkryetari demokrat i Komisionit "Bipartizan", Jemin Gjana, solli dje në Kuvend shifra skandaloze të deformimit të zonave zgjedhore, si rrjedhojë e manipulimeve me listat dhe me regjistrimin e popullsisë. Sipas tij, "janë 13 zona elektorale të 2001 dhe konkretisht 13, 26, 31, 33 (diku ka fituar PD dhe diku PS) 34, 40, 51, 61, 65, 79, 80, 84 dhe 89, të cilat në mesataren e tyre kanë nga 28 mijë deri 32 mijë votues në listë ose në mesatare kanë 29900 votues, ndërkohë që janë 14 zona të tjera që në mesatare kanë nga 19 mijë deri 22 mijë votues dhe mesatarja e tyre është 21405 votues. Pra, janë gjithsej 27 zona elektorale, 1/3 e zonave të Shqipërisë, të cilat ndryshojnë njëra nga tjetra jo me 10%, por ndryshojnë nga 21 në 29, me 40%. Kjo është një ndarje e papranueshme". Gjana i ftoi deputetët socialistë se po të duan, mund të kalohet edhe tek kriteri i numrit të popullsisë dhe të ndajnë zonat, por sipas tij kjo mund të bëhet vetëm pas regjistrimit të saktë, pasi me regjistrimin e fundit të INSTAT dalin shifra absurde, sipas të cilave i bie të ketë deformime skandaloze. "Më konkretisht i bie që Qarku i Kukësit, me 111 mijë banorë, të ketë 71 mijë votues ose 64% e popullsisë me të drejtë vote; Qarku i Durrësit, nga 189 mijë që ka popullsinë, 128 mijë i ka votues ose 68% e popullsisë me të drejtë vote; Qarku i Elbasanit, nga 362 mijë që ka popullsinë, 274 mijë i ka votues ose 75% të popullsisë me të drejtë vote.

Vlora e ka popullsinë 112831 banorë dhe ka 112109 votues si Qark në listat e votuesve të 2003-it. Si Qark, Gjirokastra në listat e 2001 ka 100505 votues ose 95% të popullsisë me të drejtë vote".

Gjana tha se "në listat e votimit të 2003-it Vlora, nga 192 mijë që ka popullsinë, rezulton në listat e votuesve me 242700 veta=50 mijë vetë më shumë sesa popullsia. I takon që edhe ata që sapo kanë lindur në maternitet ta kenë emrin në listat e votimit, dhe megjithatë duhen dhe 50 mijë të tjerë.

Lista e votuesve e 2001-it e Vlorës është përsëri jo 192 mijë sa ka popullsinë, por 206 mijë. Sipas kësaj aritmetike i bie që në pesë rrethe të vendit (Vlorë, Sarandë, Gjirokastër, Përmet, Tepelenë dhe Delvinë), ndodh që nga 305 mijë vetë që është popullsia e botuar, e çertifikuar, e regjistruar, ka në listat e votuesve 354 mijë vetë. Pra, pesë rrethe të Jugut të vendit kanë 54 mijë persona në listat e votimit më shumë se sa kanë popullsinë".

Bashkëkryetari demokrat Gjana tha se "kryetari i Grupit parlamentar të PS-së duhet ta dijë dhe pranojë se është votuar në një zonë që ka nxjerrë në votim vetëm 7400 votues, dhe kryetari i grupit tuaj është deputet i këtij parlamenti me 2741 vota, në një kohë që Gjovalin Bzheta, deputet i Malësisë së Madhe, ka marrë 10100 vota, pra ka marrë 5 herë më shumë. Por një votë në Malësi të Madhe kurrsesi nuk mund të jetë 5 herë më e vogël se një votë në Sarandë".

"Ky disproporcion i jashtëzakonshëm ka qenë arsyeja që ne kemi marrë si kriter bazë regjistrin e votuesve faktikë", tha Gjana. Sipas tij, të gjitha studimet dhe analizat që burojnë nga INSTSAT japin të dhënën se absolutisht është e mohuar e drejta e disa rretheve për të patur më shumë deputetë ose më shumë zona zgjedhore, dhe disa të tjera duhet të kenë më pak.

"Ndryshimi që është bërë me projektin e ri, është ndryshimi minimal. Ndryshimi i plotë do të bënte që qarqet e Kukësit, të Dibrës, Tiranës, Elbasanit të kenë edhe nga një zonë më shumë secili, ndërsa Qarku i Beratit të ketë një zonë më pak, Qarku i Vlorës të ketë dhe tre zona më pak. Kjo do të ishte zgjidhja përfundimtare më e mira. Projekti që keni sjellë nuk e bën këtë, bën një korrigjim të pjesshëm. Ne po pranojmë këtë korrigjim të pjesshëm, por një ndarje me lista votuesish që janë më të mëdha se popullsia banuese e asaj zone, është e papranueshme", tha Gjana. Me gjuhën e shifrave krahasuese, për çdo zonë ku bie në sy disproporcioni i madh i numrit të zgjedhëve dhe ai i votuesve nga njëra zonë në tjetrën, foli edhe sekretari për Burimet Njerëzore të PD-së, Fatos Beja.

Përgatitialil RAMA


--------------------------------------------------------------------------------







...

bravo jemin matematikani.. ju deshen 8 vjet me kuptu nji nga hilet..
Presim 8 vjet tjera me nanon sheik te zbulojm hile tjeter e keshtu me radhe..

[Albo]

Dështon miratimi i reformës zgjedhore. PS e PD nuk arrijnë kompromisin për hartën e re elektorale

PS- PD dështuan, zgjedhjet në rrezik

Topi: Nuk shkojmë në zgjedhje me këtë ndarje zgjedhore. Ruçi: PD nuk është për zgjedhje të lira

Anila Rama

TIRANE- Dështimi i negociatave mes PS-së dhe PD-së për rindarjen e zonave elektorale, rrezikon seriozisht zhvillimin në kohë të zgjedhjeve parlamentare të vitit 2005. Seanca plenare, ku ishte parashikuar të diskutohej dhe miratohej paketa e amendimeve të Kodit Zgjedhor, ka zgjatur vetëm disa minuta, ku secila nga palët, ka deklaruar qëndrimin e pandryshuar edhe pas bisedimeve të zhvilluara në prani të përfaqësuesve të OSBE-së. Vazhdimi i bisedimeve të nisura dje në selinë e OSBE-së, në mjediset e Parlamentit, nuk ka sjellë asnjë rezultat konkret, pasi grupet negociatore respektive, nuk kanë hequr dorë nga koncepti i ndryshëm për parimin se ku duhet bazuar rindarja e zonave zgjedhore. PS ka kërkuar që të mbetet e pandryshuar ndarja aktuale, ndërsa PD ka kërkuar të miratohet ndarja e re e përcaktuar nga Komisioni i Kufijve të Zonave Zgjedhore, duke e pasur këtë edhe si kusht për të votuar Kodin Zgjedhor. Në këtë mënyrë është mbyllur me dështim sesioni parlamentar, pasi mosmiratimi i paketës zgjedhore dhe kufijve të rinj për zonat zgjedhore, do të ndikojë në shtyrjen e afatit të zgjedhjeve. Kjo bazohet në kodin aktual, ku është përcaktuar që amendimet zgjedhore mund të përfshihen në të, 6 muaj para datës së zhvillimit të zgjedhjeve. Në bazë të kësaj logjike ligjore, edhe në rast se kodi miratohet në sesionin tjetër, brenda janarit, zgjedhjet me përafërsi duhet të zhvillohen javën e fundit të korrikut 2005, kohë kjo që të paktën nga opozita nuk është pranuar. Realizimi i reformës zgjedhore dhe rindarja e kufijve zonalë, do të shkaktojë mjaft probleme për palën shqiptare në raport me Bashkimin Europian, pasi ky i fundit kishte kërkuar që të dyja çështjet të mbylleshin brenda vitit 2004. Kryetari i Kuvendit Servet Pëllumbi, duke deklaruar mbylljen e sesionit, pohoi se negociatat, kishin përfunduar pa ndonjë rezultat konkret, por sipas tij mundësitë për të gjetur rrugëzgjidhje në të ardhmen nuk janë mbyllur. Ndërkohë të dy krerët e grupeve parlamentare të PS-së dhe PD-së, Gramoz Ruçi dhe Bamir Topi, ia kanë kaluar përgjegjësinë, njëri- tjetrit për dështimin e negociatave dhe mosmiratimin e amendimeve të kodit dhe zonave zgjedhore në kohë. Ruçi tha se me qëndrimin e mbajtur PD, kishte treguar se ishte kundër zgjedhjeve të lira, kundër reformës zgjedhore dhe kundër kërkesave të ndërkombëtarëve. Por ai pohoi se PS nuk do të lejojë që krizën që ka përfshirë partinë më të madhe të opozitës dhe këtë të fundit në përgjithësi t’ia kalojnë vendit. Nga ana tjetër Topi, tha se PD nuk mund të pranojë që të shkojë në zgjedhje me ndarjen aktuale të zonave elektorale, pasi numri i zgjedhësve nga njëra zonë në tjetrën është në disproporcion të madh. Sipas tij PD kërkon që kjo paketë të jetë integrale në zbatim të nenit përkatës të Kodit Zgjedhor. Miratimi i Kodit Zgjedhor, kërkon shumicë të cilësuar votash, përkatësisht 84 vota, të cilat PS nuk mund t’i arrijë dot as edhe në rast se arrin të bindë ndonjë grup parlamentar të opozitës që të votojë pro. Kjo edhe për faktin se për miratimin e amendimeve të Kodit Zgjedhor, është kërkuar konsensusi i palëve nga BE-ja.

[Albo]

Deklarata e presidentit të Republikës pas dështimit të miratimit të reformës zgjedhore

Moisiu: Dështimi, fajin e ka PS


Shekulli

TIRANË – Presidenti i Republikës Alfred Moisiu ka deklaruar dje, gjatë një emisioni televiziv për “Nesër TV” se përgjegjësia për dështimin e miratimit të Kodit Zgjedhor bie mbi maxhorancën, e cila kishte 8 muaj kohë për të përgatitur çdo gjë dhe për të arritur në një konsensus me opozitën. Presidenti Moisiu, i cili ka ndjekur gjatë gjithë ditës zhvillimet politike përsa i përket bisedimeve mes dy partive politike PS-së dhe PD-së për Kodin Zgjedhor dhe ndarjen e zonave zgjedhore, ka shpresuar në gjetjen e një mirëkuptimi politik. Por duket se situata është acaruar më tepër, pasi opozita ka deklaruar se nuk do të marrë pjesë në zgjedhje për sa kohë që ekzistojnë zonat e pabarabarta zgjedhore. Ndërsa PS-ja ka deklaruar se ky është një veprim kokëfortë i PD-së, duke i thënë kështu “Jo” zgjedhjeve të lira. Tashmë dështimi për miratimin e reformës zgjedhore është i konfirmuar nga të dy krahët e politikës. Ndërsa presidenti nga ana e tij, pret që të konsultohet me partitë politike për të caktuar datën e zgjedhjeve.

[Albo]

Përfaqësia e OSBE-së deklaroi dje se vonesat në miratimin e reformës zgjedhore rrezikojnë përgatitjet për zgjedhjet

OSBE: Zgjedhjet në rrezik

Darina Tanushi

TIRANË – Përfaqësia e OSBE-së në Shqipëri dhe zyra e OSBE-së për Institucione Demokratike dhe të Drejtat e Njeriut (ODIHR) deklaruan dje, se vonesat në miratimin e ndryshimeve për reformën zgjedhore rrezikojnë përgatitjet për zhvillimin e zgjedhjeve të ardhshme parlamentare. Deklarata e misionit të OSBE-ODIHR-it ka ardhur pas bisedimeve të njëpasnjëshme që drejtuesit e tyre kanë zhvilluar me përfaqësues të dy partive politike kryesore, PS-së dhe PD-së. Në këtë deklaratë ata shprehën shqetësimin e tyre për dështimin nga ana e Kuvendit shqiptar dhe partive politike në vend për miratimin e ndryshimeve në ligjin zgjedhor. Ky dështim, thuhet në deklaratë, erdhi si rezultat i mosmarrëveshjeve nga partitë politike lidhur me ndarjen e re të zonave zgjedhore për zgjedhjet parlamentare të vitit 2005. Dy ditët e bisedimeve për zonat zgjedhore midis Partisë Socialiste në pushtet dhe Partisë Demokratike të opozitës, të ndërmjetësuara nga Prezenca e OSBE-së në Shqipëri, nuk çuan në një marrëveshje përfundimtare, thuhet nga drejtuesit e OSBE-së që ndoqën bisedimet. Megjithatë, shtuan ata, pati përparim lidhur me arritjen e konsensusit mbi disa çështje. Sipas tyre, vonesa në miratimin e ndryshimeve, të pranuara më parë me konsensus nga komisioni parlamentar “ad- hoc” për reformën zgjedhore, mund të rrezikojë përgatitjet për zhvillimin e zgjedhjeve të ardhshme në përputhje me standardet ndërkombëtare. Kjo është një deklaratë e rëndë sidomos pas raporteve të shumta të Bashkimit Evropian dhe institucioneve të tjera ndërkombëtare, të cilat i cilësojnë zgjedhjet e vitit që vjen si një provë për anëtarësimin e Shqipërisë në BE. Sipas këtyre raporteve shpeshherë kritike përsa i përket situatës politike në vendin tonë, zhvillimi i zgjedhjeve sipas standardeve ndërkombëtare është tepër i rëndësishëm për të vërtetuar që Shqipëria ka institucione të forta dhe demokratike. OSBE-ja dhe ODIHR-i u bëjnë thirrje partive politike të marrin përsipër përgjegjësitë e tyre, të tregojnë gatishmëri për marrëveshje e të gjejnë zgjidhje të dobishme për çështjen e rëndësishme të zonave zgjedhore, dhe që Kuvendi të mund t’i miratojë ndryshimet në Kodin Zgjedhor me fillimin e sesionit të ri legjislativ. Prezenca e OSBE-së dhe ODIHR-i mbeten të gatshme për të ofruar ekspertizë, si dhe do të vazhdojnë ta ndjekë procesin nga afër.

[Albo]

PD: Ja tre variantet që ofruam ne në takimin me OSBE-në

A. Rama

TIRANE- Bashkëkryetari i opozitës në komisionin bipartizan për reformën zgjedhore, Jemin Gjana, tha dje se gjatë bisedimeve të zhvilluara me OSBE-në, PD kishte ofruar 3 variante për të zhbllokuar situatën. Gjana, një nga negociatorët e selisë blu, tha se PD nuk hiqte dorë nga argumenti që për ndarjen e zonave të merrej për bazë numri i votuesve faktikë, duke respektuar në këtë mënyrë edhe Kodin Zgjedhor. Sipas tij për arritjen e kompromisit, në variantin e parë që kishte ofruar PD, propozohej që të merreshin për bazë votuesit faktikë të tre zgjedhjeve të fundit të zhvilluara në vend. Ndërsa në variantin e dytë është kërkuar që përcaktimi i kufijve të zonave zgjedhore të bazohej në regjistrimin e popullsisë i realizuar në vitin 2001. “Varianti i tretë që ne ofruam gjatë bisedimeve, ishte për t’i alternuar të dhënat mbi votuesit faktikë të 3 zgjedhjeve të fundit me regjistrimin e popullsisë. Por ata nuk pranuan asnjë prej këtyre propozimeve, ku janë të përfshira dy nga 3 parimet bazë të Kodit të Venecias”, -tha Gjana. Sipas tij edhe pse nuk u miratua ndarja e re zgjedhore, nuk ka pse të ndryshojë koha e zhvillimit të zgjedhjeve, apo afati i ndërhyrjes në kod. Gjana pohon se duhet të ndryshojë vullneti politik i PS-së për të miratuar ndarjen e zonave zgjedhore. “Duhet të japë llogari qeveria që nuk u miratua kodi. Ishin të detyruar sipas rekomandimeve të BE-së që kodi dhe ndarja e zonave zgjedhore të miratoheshin brenda 2004”, -vijoi Gjana. Ai sqaroi se propozimi i OSBE-së kishte konsistuar në alternimin e listave zgjedhore të vitit 2003 dhe regjistrimit të popullsisë në vazhdim. Gjana pohon se listat e zgjedhësve të vitit 2003 janë të papranueshme dhe jashtë standardeve.

[Albo]

Komisioni Qendror i Zgjedhjeve, apel PD e PS që të gjejnë mënyra për të miratuar ndryshimet e Kodit Elektoral

KQZ: Zgjedhjet mund të dështojnë

“Mosmiratimi në kohë i kodit vë në rrezik përmbushjen e standardeve të kërkuara nga BE”

A. Rama

TIRANE - Komisioni Qendror i Zgjedhjeve deklaron se mosmiratimi në kohë i Kodit Elektoral, vë në rrezik serioz përmbushjen e standardeve ndërkombëtare për zgjedhjet e përgjithshme të vitit të ardhshëm dhe zhvillimin në kohë të këtij procesi. KQZ me qëndrimin e shprehur dje nëpërmjet zëdhënësit Erton Sinani, pohon se vonesa në miratimin e ndryshimeve të Kodit Zgjedhor, do të shoqërohet me vonesa në përmbushjen e rekomandimeve dhe angazhimeve ndaj Bashkimit Europian, apo të procedurave të tjera që shoqërojnë fazën parazgjedhore. Sipas Sinanit, mosmiratimi i amendamenteve të Kodit Zgjedhor, ka shtyrë procesin e reformës zgjedhore në një afat tjetër, edhe pse BE kishte kërkuar që ky proces të përfundonte brenda vitit 2004. “Procesi i përgatitjes së zgjedhjeve është një proces ligjor dhe si i tillë sjell një sërë detyrimesh për të gjitha hallkat pjesëmarrëse. Vonesa në miratimin e ndryshimeve të Kodit Zgjedhor do të sjellë një varg vonesash të tjera në përmbushjen e rekomandimeve apo angazhimeve ndaj BE-së, që përfshijnë miratimin e rregullores së re të KQZ-së, miratimin e planit të veprimit për zgjedhjet e ardhshme, përgatitjen dhe zhvillimin e programeve të trajnimit të komisionerëve”, -tha Sinani. KQZ u kujton dy forcave kryesore politike PS e PD, se procesi i përgatitjes së zgjedhjeve parlamentare të vitit 2005 duhet të kishte filluar tashmë. Institucioni zgjedhor, kërkon nga partitë politike të përfshira në reformën zgjedhore që të reflektojnë përgjegjësitë ligjore dhe të gjejnë mënyra për të miratuar ndryshimet në kod sa më shpejt që të jetë e mundur. KQZ kishte parashikuar që në janar me akordimin e buxhetit për zhvillimin e zgjedhjeve, të fillonte trajnimet e përgjithshme, kryesisht me komisionerët, për ndryshimet që ka pësuar kodi. Në strukturën shtesë që do të merret me përgatitjen e zgjedhjeve, është edhe ngritja e 12 zyrave rajonale në 12 qarqe të vendit. Paketa ligjore me ndryshimet e Kodit Elektoral nuk u miratua nga Kuvendi në seancën e fundit plenare të sesionit parlamentar të mbyllur, si pasojë e mosmarrëveshjeve mes dy partive kryesore për hartën e re të kufijve zonalë. PS kundërshtoi ndarjen e re zgjedhore të hartuar nga Komisioni i Kufijve të Zonave Zgjedhore, duke e konsideruar antikushtetues kriterin bazë, atë të votuesve pjesëmarrës në zgjedhjet e vitit 2003 dhe jo numrin e banorëve me të drejtë vote. Negociatat e zhvilluara me ndërmjetësinë e OSBE-së, nuk arritën të ndryshonin qëndrimin e palëve dhe gjithçka ka mbetur pezull për vitin tjetër. Vonesa në miratimin e Kodit Zgjedhor dhe e ndarjes elektorale do të ndikojë në shtyrjen e mëtejshme të datës së zhvillimit të zgjedhjeve.