Petersen: "Pa zgjidhjen e statusit të Kosovës nuk mund të ketë stabilitet në Ballkan"

[dodoni]

Petersen: "Pa zgjidhjen e statusit të Kosovës nuk mund të ketë stabilitet në Ballkan"

Prishtinë, 16 gusht - Shefi i ri i UNMIK-ut, Soren Jesen Petersen, deklaroi se pa zgjidhjen e statusit të Kosovës nuk mund të ketë qëndrueshmëri e stabilitet në rajon.
"Unë besoj fuqishëm se nuk do të ketë normalizim dhe qëndrueshmëri në Ballkanin perëndimor, derisa të zgjidhet çështja e statusit të Kosovës. Me qëndrueshmërinë, normalizimin dhe me zgjidhjen e statusit të Kosovës nuk do të përfitojnë vetëm qytetarët e saj, por gjithë rajoni", deklaroi Petersen, me të arritur në Aeroportin e Prishtinës.
Z. Petersen tha se do të bashkëpunojë me të gjitha palët për të çuar përpara çështjen e Kosovës.
"Kam ardhur këtu në një çast shumë të rëndësishëm. Unë pretendoj të punoj shumë me kolegët e mi dhe UNMIK-un, me autoritetet e përkohshme dhe me të gjitha palët në Kosovë e në rajon, me qëllim që ta çoj Kosovën përpara dhe rajonin drejt normalizimit, qëndrueshmërisë dhe të ardhmes", tha Soren Jesen Petersen.
Sot, ditën e parë të punës së tij në Kosovë, Soren Jesen Petersen, do të takohet me Presidentin e Kosovës, Ibrahim Rugovën, dhe me kryeministrin Bajram Rexhepi. Ndërkaq nesër, ai do të vazhdojë serinë e takimeve me liderë të tjerë politikë të Kosovës.


Marrë nga kosova.com

Shumë mirë që tani e kanë kuptuar këtë gjë edhe të huajt.

[StormAngel]

Petersen do takoje Ananin ne Nju Jork: Shqyrtohet raporti i Kai Aide per standardet

Shefi i UNMIK-ut, Soren Jesen -Petersen sot ne Nju Jork do te takohet me sekretarin e pergjithshem te OKB-se, Kofi Anan ne menyre qe ta shqyrtojne bashkarisht raportin e ambasadorit te NATO-s, Kai Aide mbi Kosoven.
Prishtine, 18 Shtator - Shefi i UNMIK-ut, Soren Jesen -Petersen sot ne Nju Jork do te takohet me sekretarin e pergjithshem te OKB-se, Kofi Anan ne menyre qe ta shqyrtojne bashkarisht raportin e ambasadorit te NATO-s, Kai Aide mbi Kosoven. Ne takim ne vecanti do te behet fjale rreth zbatimit te standardeve per Kosoven dhe perpjekjet per decentralizimin e pushtetit ne Kosove, ka paralajmeruar Jesen- Petersen para disa ditesh ne Bruksel. Pas takimit me Anan, me 22 shtator ne Nju Jork ai do te marre pjese ne takimin e ministrave te Jashtem te vendeve te Grupit te Kontaktit per Kosoven.

[dodoni]

Shiling kërkon Referendum për pavarësinë e Kosovës Aktuale

Politikan gjermanë dhe ish arbitër ndërkombëtar për Bosnjën dhe Hercegovinën Kristijan Shvarc Shiling ka kërkuar mbajtjen e referendumit për pavarësinë e Kosovës. Në intervistën që i ka dhënë agjencisë austriake të lajmeve Shiling ka thënë se populli i Kosovës duhet të vendos për statusin e ardhshëm juridik – ndërkombëtar të Kosovës.


“Ne nuk mund të imponojmë asgjë”, ka thënë Kristijan Shvarc Shiling dhe ka shtuar se duhet të revidohet edhe formula e Kombeve të Bashkuara “Standardet para statusit”.

[StormAngel]

Ne intervisten qe i ka dhene agjencise austriake te lajmeve: Shiling kerkon referendum per pavaresine e Kosoves


- Politikan gjermane dhe ish arbiter nderkombetar per Bosnjen dhe Hercegovinen Kristijan Shvarc Shiling ka kerkuar mbajtjen e referendumit per pavaresine e Kosoves.
Ne intervisten qe i ka dhene agjencise austriake te lajmeve Shiling ka thene se populli i Kosoves duhet te vendos per statusin e ardhshem juridik – nderkombetar te Kosoves.
"Ne nuk mund te imponojme asgje", ka thene Kristijan Shvarc Shiling dhe ka shtuar se duhet te revidohet edhe formula e Kombeve te Bashkuara "Standardet para statusit".