Berisha: Komision parlamentar hetimi per pasurine e Nano

[ALBA]

TIRANE (26 Maj) - News 24 disponon deklarimet e pasurivë të krerëve më të lartë të shtetit, të vëna në dispozicion me kërkesën tonë nga Inspektoriati i larttë i shtetit. Sic i shihni edhe në ekran, ne kemi siguruar kopjet e deklaratave të lëshuara nga presidenti i republikës, Alfred Moisiu kryeministri Fatos Nano, bashkeshortja e tij Xhoana Nano, kryetari i PD Sali Berisha, ministri i ekonomisë Anastas Angjeli, i Financave Arben Malaj dhe disa ministra te tjerë, në të cilat behet pasqyra e pasurivë dhe pagave të tyre. Kështu pasuria e presidentit Alfred Moisiu është një apartament 90 metra katror, një depozitë në banken amerikane prej 10 000 dollarësh, ndërsa paga e tij është 2,9 milionë lekë. Kryeministri Fatos Nano, ka një autoveturë tip benz, që i është bërë dhuratë. Ai disponon 2 letra me vlerë të shpërndara nga shteti me vlerë 0.06 milionë lekë, llogari rrjedhëse ne bankë prej 3139.07 milionësh, të cilat në deklaratën e kryeministrit Nano, nuk sqarohen nëse janë lekë apo valutë. Paga e kryeministrit është është 2.635 milione leke. Bashkëshortja e kryeministrit e vendit zoteron nje apartament 260 m me vleren 35 000 Dollarë i cili është blërë me të ardhurat nga demshperblimi per denim te padrejte te bashkeshortit. Xhoana nano ka deklaruar dy shoqeri udhtimi joi travel dhe albacopter te cilat kane nje kapital njera prej 21 milione e 654 mije e 593 lekë dhe tjetra 1 milione e 186 mije lekë. Kreu i PD Sali Berisha ka deklaruar se zotëron një apartament 69 metra katror të përfituar nga privatizimi, dhe 0.5 milionë lekë kesh, ndërkohë që 2.1 milionë ia ka dhënë vajzës më të drejtë kthimi. Paga e kreut demokrat është 1.682 milione leke. Ministri i financave arben malaj ka deklaruar dy apartamente banimi njeri me vleren 6 dhe tjetri me vleren 2.7 milione. Depozitat e tij jane në dy banka dhe kapin shifren 69 119 dollare. Ministri i ekonomise Anastas Angjerli zotëron një shtëpi banimi me vlere 11.5 milionë lekë, 2 siperfaqe toke të blera me vlerën 0.9 milionë lekë në vitet 2001 dhe 2003. Paga e Angjelit eshte 2 milonë lekë. Deputetja Monika Kryemadhi ka ne pronesi tre apartamente banimi, njeri dhurate nga vellai, nje te perfituar nga privatizimi dhe nje te blere me hua nga banka italo shiptare. Paga e saj kap vleren e 1 milion e 717 mije leke. Edhe deputete e ministra te tjere kane deklkaruar apasurite e tyre, qe konsistojne ne pagat shteterore dhe ne ndonje llogari modeste bankare. . bm/bm (BalkanWeb)

[ALBA]

Arkiv
TIRANE (27 Maj) - Shtëpi, troje, llogari bankare dhe firma. Këto bien në sy në 15 deklarimet e pasurive që Gazeta mundi të gjëjë. Një pjesë sipas deklaratave janë të mbushura me shënime ku tregohen pronat. Ndërsa ka deklarime të tjera që kanë vetëm shtëpi dhe rrogën, asnjë lek të vënë mënjanë apo pronësi tjetër. Ministri i Transporteve Spartak Poçi, rezulton që të jetë pronar i mijra metra katror toke në Durrës dhe Sarandë. Sipas deklaratës së tij, ku janë shënuar edhe disa shtëpi banimi, thuhet se gjithë kjo sipërfaqe toke është si trashëgimi familjare. Ministri Angjeli pa shumë më pak sipërfaqe toke në Sarandë, të blerë dhe shtëpi, ndërsa ministri i Financave Arben Malaj shkruan që ka 49 përqind të një firme në Tiranë. Bashkëshortja e ish-kryeministrit Ilir Meta, deputetja e PS Monika Kryemadhi ka treguar se ka tokë në Mëzez të dhuruar nga i vëllai i saj, tokë e përfituar në bazë të ligjit si dhe është duke vazhduar të paguajë kredinë e marrë nga banka italo-shqiptare për një shtëpi në plazh në një prej fshatrave turistikë të Kavajës. Padyshim më i pasuri është Ministri i Bujqësisë dhe Ushqimit Agron Duka. Në deklarimin e tij bie në sy fakti se është pronar i 50 për qind të AIBA sha Company në Durrës me kapital 303 milionë lekë. Ndërkohë deklaron shtëpinë dhe tre makina me vlerën përkatëse. Edhe kryeministri Nano deklaron një makinë dhënë si dhuratë promocionale. Ai nuk ka deklaruar shtëpi në pronësi, por bashkëshortja e tij Xhoana Nano në deklarimin e pasurisë së saj tregon se është pronare e vetme e një apartamenti 260 metra katrorë në Tiranë të blerë me paratë e dëmshpërblimit të kohës së burgimit të padrejtë sipas vendim të gjykatës. Ndërkohë ajo deklarohet pronare dhe bashkëpronare në dy firma Joy Travel dhe Albacopter. Në firmën e dytë ajo është pronare e 50 për qind të aksioneve. Nuk ngelen pas për pasuri edhe të tjerë. Në vitin 2003 ajo rezultoi në Tatime se kontriubonte me 8 milionë lekë të reja taksa. Ministri i Rendit Igli Toska është pronar i një pjesë të vogël të apartamentit ku jeton dhe ka deklaruar si të ardhur rrogën. Krahasuar me deklarimet e tjera që mundëm të sigurojmë ai është më i varfëri. Pas tij vijnë Kryetari i PD Berisha, kryetari i Kuvendit Servet Pëllumbi dhe Presidenti i Republikës Alfred Moisiu, i cili ka deklaruar shtëpinë si pronën më të madhe si dhe një llogari bankare prej 10.000 USD në Bankën Amerikane. Në deklaratë thuhet se ai i ka bërë shtëpisë së tij një shtesë pas vitit 1990. Pas tyre vjen ministri i Mbrojtjes Pandeli Majko por edhe të tjerë. Pothuajse shumica deklarojnë se shtëpitë e tyre i kanë blerë me kredi bankare dhe vazhdojnë që të shlyejnë këto kredi në bankat përkatëse. Edhe ata që kanë disa apartamente banimi deklarojnë se kanë marrë kredi për strehim, mbase për hapësirat e papërshtatshme të shtëpive të vjetra. Presidenti Moisiu duket se e ka zgjidhur çështjen e strehimit të tij para se të bëhej president duke bërë një shtesë apartamentit të tij 4+1 të cilin e ka së bashku me vajzën, Mirelën. Inspektoriati i deklarimit të pasurive është duke përpunuar deklaratat e tjera dhe në bazë të ligjit për informimin së shpejti do publikojmë pasuritë e politikanëve të tjerë. ro/ro (GazetaShqiptare/BalkanWeb

[MtrX]

ai shrimi ku deklaroheshin pasurite kur e lexova pardje me ka bere ye qesh aq shume sa nuk e keni idene

[manoklla]

O none car mashtrusash o zot. Me kto qe kan deklaru kto plerat edhe une jam me i pasur. A kta dun te gjith nga i plumb mu ne ball mor vlla. Rrac e poshter.

[ALBA]

Në seancat gjyqësore të divorcit me Rexhinën është thënë se Nano ia kalon të gjithë pasurinë ish-bashkëshortes

Nano, mashtrim me lekët e burgut

Xhoana në pasurinë e saj thotë se apartamentin e ka blerë me paratë e burgut që fitoi Nano

Shekulli

TIRANE- Bashkëshortja e kryeministrit, Xhoana Nano ka pasuri të paluajtshme dhe ka të drejta reale mbi to vetëm në një apartament banimi që ndodhet në rrugën “Reshit Çollaku”. Në formularin e deklarimit të pasurisë, apartamenti me një sipërfaqe 260 metra katrorë është blerë 35000 dollarë, para këto që çifti kryeministror i ka përfituar nga shteti shqiptar në formë dëmshpërblimi për vitet e burgut të kreut të PS-së. “Apartamenti është blerë me të ardhurat nga dëmshpërblimi për vuajtje të dënimit të padrejtë që iu njoh bashkëshortit tim nga gjykata e rrethit Tiranë, me nr. vendimi 4170. dt 7. 12 2001”- thuhet në formularin që Xhoana Nano ka plotësuar në deklarimin e pasurisë së saj. Deri këtu nuk ka asnjë të keqe nëse nuk do t’i referoheshim deklaratave që vetë kryeministri ka bërë publike në lidhje me fatin e këtyre parave. Kushdo e mban mend një premtim të kryeministrit Fatos Nano të bërë pas shpalljes publikisht të dashurisë së tij të fshehtë, (deri në atë ditë për publikun) Xhoanën. Nano tha se e gjithë pasuria e tij e deriatëhershme i kalonte ish -bashkëshortes së tij, Rexhina Nanos. Në seancat gjyqësore të vjeshtës së vitit 2001 u diskutua edhe ndarja e pasurive të përbashkëta të ish -çiftit Fatos dhe Rexhina Nano, që sipas ligjit, duhet të vendoste gjykata për ndarjen e tyre. Porse kryetari i Partisë Socialiste disa kohë më parë se të zhvillohej seanca përfundimtare e ndarjes, deklaroi se e gjithë pasuria e përbashkët, do t’i kalonte ish –bashkëshortes dhe se ai nuk do të merrte asgjë me vete nga shtëpia. Gjithashtu në një nga këto seanca Fatos Nano pat kërkuar që të merrte përsipër të gjitha shpenzimet e studimeve të larta të vajzës në Francë. Kërkesë kjo që u kundërshtua nga ish -bashkëshortja e tij, e cila i kërkoi kryetares së trupit gjykues, Pranvera Strakosha, që shpenzimet e shkollës së vajzës së tyre të ndaheshin në mënyrë të barabartë ndërmjet të dy prindërve.
Ndërkohë që Xhoana në deklaratat e saj ka bërë me dije se apartamenti i saj është blerë me paratë e burgut që bashkëshorti i saj vuajti në mënyrë të padrejtë. Avokati i Rexhina Nanos thotë se në ditët e seancave gjyqësore të ndarjes së çiftit është diskutuar për këto çështje, por që sipas tij, gjithçka i është lënë në mirëbesim palëve. Meçe thotë se kryeministri ka marrë përsipër shlyerjen e kredisë së apartamentit që jeton aktualisht ish -bashkëshortja e tij. Meçe saktëson se këtë detyrim e mori përsipër Fatos Nano ndërkohë që nuk përjashton mundësinë që kjo kredi e marrë nga shteti për blerjen e apartamentit të mund të jetë shlyer me paratë që ai përfitoi si dëmshpërblim nga burgu. Megjithatë avokati i Rexhina Nanos thotë se palët nuk kanë patur asnjë konflikt për ndarjen e pasurisë dhe pas ditës së përfundimit të gjyqit ai nuk ka komunikuar më me ish -bashkëshorten e kryeministrit, Rexhina Nano.
Apartamenti
Xhoana Nano në deklaratën e saj thotë se jeton në një apartament në një sipërfaqe prej 260 metra katror, i cili i ka kushtuar çiftit kryeministror 35000 $. Ndërkohë që pas vendosjes së tyre në zemër të kryeqytetit, në shtypin e përditshëm u tha e kundërtën e asaj që ka deklaruar First Lady, shkrime këto që nuk u përgënjeshtruan asaj kohe nga çifti i vitit 2001. Ndërtesa në fjalë ndodhet mu në zemër të Tiranës, pak metra larg Drejtorisë së Përgjithshme të ALBTELEKOM-it. Në atë zonë, ndër më të preferuarat e kryeqytetit, çmimet e apartamenteve të reja në vitin 2001 varionin nga 650 deri në 800 $ për metër katror. Prej këtej mund të nxirret menjëherë konkluzioni se sa kushton në të vërtetë apartamenti i Xhoana Nanos.
Në të dhënat që ajo ka deklaruar del se është pronare e një apartamenti prej 260 m2, i cili është tërësisht në pronësi të saj dhe që ka kushtuar 35 000 $ dhe nga një llogaritje e thjeshtë del se e gjithë kjo sipërfaqe është blerë me një çmim 135$/m2 dhe pikërisht në qendër të Tiranës. Sipas deklarimit të saj, apartamenti është blerë me të ardhurat nga dëmshpërblimi për vuajtje të dënimit të padrejtë që iu njoh bashkëshortit të saj nga gjykata e rrethit të Tiranës. Gjithashtu ajo ka deklaruar se është pronare e vetme e shoqërisë “Joy Travel” me një kapital prej 21654593 milionë lekë, e themeluar nga ajo dhe që është e regjistruar në gjykatën e Tiranës qysh në dt.6/10/1999. Dhe fitimi vjetor nga kjo shoqëri në milionë lekë është 25 654 012. Po kështu ajo deklaron se zotëron 50% të shoqërisë “Albacopter sh.p.k” me një kapital 1.186.000 lekë. Ajo shpjegon se kjo shoqëri është themeluar nga 2 ortakë, “Joy Travel sh.p.k” dhe AEROSERVICES SH.A, subjekt grek i themeluar qysh në vitin 1993. Sipas saj, helikopteri ZA-AER EC 120B COLIBRI është pronë e shoqërisë AEROSERVICES SH.A. Gjithashtu Xhoana Nano ka deklaruar se nga ky biznes ka humbje në vit, në milionë lekë 917.331 lekë. Ndërsa kryeministri Fatos Nano është pronar i një autoveture të dhuruar nga “ASA-AUTO STAR ALBANIA”, përfaqësues i “Mercedes Benzit” në Shqipëri. Gjithashtu ka rreth 60 mijë lekë të reja letra me vlerë, të shpërndara nga shteti, të cilat i mban në shtëpi. Kryeministri Nano ka të hapura katër llogari bankare, në dy prej të cilave nuk ka më asnjë depozitë. Ndërkaq ka në formën e Master Card/Euro Card 3139.07 euro në Bankën e Kursimeve dhe që i ka të gjitha nga kursimet vetjake si dhe në një tjetër llogari 23.64 euro edhe kjo në Bankën e Kursimeve. Shuma që kryeministri merr nga rroga si kryetar i qeverisë shkon në 2 635 000 lekë.
Nuk duhet të harrojmë se ish-kryeministrja e Anglisë, Margaret Thecer, ka banuar në një apartament prej 120 metrash katror në kohën që ushtronte funksionin e saj, ndërkohë që ish-presidenti francez, Fransua Miteran, në vetëm 250 metra katrorë. Ndërkohë që Rexhina jeton në ish-shtëpinë bashkëshortore së bashku me djalin Sokolin dhe me të atin e Fatosit, Thanas Nanon. I ati i kryetarit të Partisë Socialiste është shprehur publikisht se nuk e aprovon vendimin e të birit. Ai ka thënë se nuk miraton veprimin e të birit dhe se \"nuk ka nuse për të ndarë\". Rexhina aktualisht punon si ekonomiste në në një firmë kredish. Ndërsa djali i ish-çiftit Nano, Sokoli, punon në kompaninë e celularëve \"Vodafone\" dhe ka vendosur që të qëndrojë me të ëmën. Ndërkohë që vajza e çiftit Nano, Edlira studion për matematikë në Universitetin e Sorbonës në Francë.

Seancat e divorcit
Procesi gjyqësor për zgjidhjen e martesës së çiftit Fatos dhe Rexhina Nano ka filluar ditët e para të muajit tetor. Në të ka qenë e pranishme vetëm Evelina Qiriako, avokatja mbrojtëse e Fatos Nanos e cila ka paraqitur
aktpadinë e klientit të saj për t’u ndarë nga e shoqja. Ndërsa Rexhina nuk ka qenë prezente në atë seancë. Ajo u justifikua duke thënë se akoma nuk kishte gjetur avokatin mbrojtës.
Në seancën e dytë të procesit, e cila si paraardhësja u zhvillua në fshehtësinë më të madhe, Fatos Nano, refuzoi të pajtohej. Ai gjithshtu me anë të avokates Evelina Qiriako, refuzoi të tërhiqte aktpadinë, që do të sillte ndarjen bashkëshortore midis çiftit Fatos dhe Rexhina Nano. Pala e paditur, Rexhina Nano, as këtë herë nuk
ishte e pranishme në sallë. Ajo paraqiti një raport mjekësor ku thuhej se ishte e sëmurë.
Seanca e tretë e procesit u zhvillua më datë 27 tetor. Në këtë seancë ishte e pranishme Rexhina e shoqëruar nga djali Sokoli dhe avokati Vladimir Meçe. Duke qenë se pala e akuzuar merrte pjesë për herë të parë në proces asaj iu komunikua padia për divorc. Sipas Kodit të Procedurës Civile, në seancën e parë, gjithmonë synohet që të bëhet pajtimi i palëve. Gjykata i dha asaj mundësinë për t’u pajtuar me bashkëshortin. Rexhina e refuzoi këtë mundësi. Seanca e katërt dhe e fundit përpara vendimit të divorcit, u zhvilluan më datë 2 nëntor. Në këtë seancë të dyja palët lexuan nga një deklaratë. Rexhina në deklaratën e saj i kërkonte trupit gjykues që në vendimin përfundimtar të divorcit të specifikohej i kujt është faji për ndarjen. Kjo kërkesë u pranua nga gjyqtarja Evelina Qiriako. Gjithashtu u vendos që shpenzimet e shkollës së vajzës Edlirës, në Francë të paguhen në mënyrë të barabartë.
Më 7 nëntor u zhvillua seanca e fundit ku gjykata vendosi ndarjen bashkëshortore të çiftit Fatos dhe Rexhina Nano. Ata ishin martuar më datë 10 tetor të vitit 1974. Më 7 dhjetor gjykata e Tiranës jep një tjetër vendim në favor të kryeministrit shqiptar. Nëpërmjet një vendimi nr 4170 e shpall atë të pafajshëm për vitet e burgut të cilat i kreu gjatë viteve që vendi drejtohej nga Partia Demokratike.

Fatos Nano

Pasuria Vlera në milionë lekë Burimi
Autoveturë e tipit “Mercedes Benz” Dhuratë promorcionale nga ASA-AUTO STAR ALBANIA me president Basri Ruka, përfaqësues i “Mercedes Benz” në Shqipëri
Letra me vlerë 0.020.04 Të shpërndara nga shtetiTë shpërndara nga shteti
Llogari rrjedhëse MCEC (Master Card/Euro Card)Nr.0734 Drejtoria e Përgjithshme)Nr.17054 (dega Tiranë)Nr.19095 (dega Tiranë) 3139.0700.000.023.64 Kursime vetjake
Pagat komisione 2 635 000 Këshilli i Ministrave



Xhoana Nano

Pasuria Vlera në lekë Burimi
Apartament banimi 260 m2 35 000 USD Apartamenti është blerë me të ardhurat nga dëmshpërblimi për vuajtje të dënimit të padrejtë që iu njoh bashkëshortit tim nga gjykata e rrethit Tiranë me nr.vendimi 4170, dt.7.12.01
Shoqëria “JOY Travel sh.p.k” 100% kapital 21.654.593 lekëfitimi neto në vit25 654 012 lekë Themeluar nga ortaku i vetëm zotërues i 100% të kuotave regjistruar në gjykatën e rrethit të Tiranës me nr. Vendimi 22069 në datë.6.10.1999. kapitali është krijuar nga aktiviteti i shoqërisë
Shoqëria “Albacopter sh.p.k” me 50% kapital 1.186.00 Lek[ëDel me humbje – 917.331 lekë në vit Themeluar nga 2 ortakë zotërues nga 50% të kuotave “JOY Travel sh.p.k” dhe “AEROSERVICES sh.a”( subjekt grek themeluar më 9.04.1993 dhe publikuar në fletoren zyrtare dt.13.04.1993. nr.1212) rregjistruar në Gjykatën e Tiranës më dt.22.01.03, nr.vendimi 28882. Helikopteri ZA-AER EC 120B COLIBRI është pronë e shoqërisë “AEROSERVICES SH.A”



shekulli

[ALBA]

Pasuritë (zh)gënjyese?!


Dritan Ylli

Jo vetëm që do të kenë mbetur të habitur, por ndoshta edhe të zhgënjyer ata që mund të jenë njohur me deklaratat e pasurive të politikanëve të lartë, të publikuara në shtypin e përditshëm. Mendoj se nuk kanë qenë të paktë ata që duhet të kenë qeshur. Po, po! Duhet të kenë qeshur dhe duhet të jenë tallur me zë të lartë. Qenkan të varfër, more! Me të vërtetë “të varfër”! Të gjitha ato që kemi dëgjuar deri tani, paskan qenë vetëm fjalë...

Fjalë, imzot, fjalë; fjalë që i merr era! Nuk qenkan fare të vërteta të gjitha ato “zëra të liq”, që qarkullojnë lart e poshtë se filan politikan ka kaq milionë dollarë, ka prona, biznese apo deri edhe aksione në shoqëri aksionere të fuqishme, që gjenerojnë veçse para. Pra, qenkan fjalë, që vallë do të marrin fund tashmë që kemi parë deklaratat e (pa)sinqerta të politikanëve “të gjorë”?! Gjynah që iu dalin gjithë ato fjalë atyre që lodhen nga mëngjesi deri në darkë, shtatë ditë të javës, duke punuar dhe menduar për popullin. Sinqeriteti i tyre, i hedhur me kujdes deri në përpikmëri në një formular të plotësuar me shkrim dore (dikush e kishte të shtypur edhe në kompjuter), të mallëngjeka. U dashka të mbledhësh një fond për të ndihmuar krerët e lartë të politikës, se ndonjë ditë do të na mbesin edhe pa bukë. (Do na i thërrasë populli i thjeshtë me fjalët e tij të thjeshta “Pabuksa!”). Sa të varfër! Dhe sa të sinqertë?!

Por në fakt, ka një kontradiktë. Një kontradiktë në trajtat e simbolit, që krijon te secili atë ndjenjën e zhgënjimit, që vërtet të kaplon kur lexon ato deklaratat “e sinqerta”, të shkruara me kujdes. Dhe pikërisht kjo ndodh kur në të njëjtën ditë që lexon këto deklarata të kujdesshme, për fat të keq të bie rasti të lexosh edhe raportin tremujor të Kontrollit të Lartë të Shtetit për 27 milionë dollarë të humbura. Kaq shumë para të humbura nga buxheti i shtetit?! Pyetja mbetet thjesht retorike, kur sheh të (pa)thënat e sinqerta të politikanëve të lartë, atyre që janë sot në krye të administratës shtetërore, por edhe të atyre që kanë qenë dje në krye të shtetit. Enigma bëhet më e thellë dhe më simbolike, kur në deklaratat e sapopublikuara, më i pasuri zyrtar i lartë kishte jo më shumë se 100 mijë dollarë, ndërsa më i varfëri vetëm 21 milionë lekë; edhe ato i kishte dhënë hua?! Është mjaft intrigues fakti që nga paratë e taksapaguesve shqiptarë kanë humbur 2,7 miliardë lekë vetëm në tre muaj, kur ata që manaxhojnë dhe kanë menaxhuar këto para janë kaq të varfër. Dhe po të mendosh se po kaq shumë para kanë humbur edhe para një viti, para dy viteve e kështu me radhë. Hipokrizi ndaj mësuesve dhe mjekëve të thjeshtë, cinizëm ndaj policëve që përballen me krimin, tallje ndaj pensionistëve që mbeten dyerve të KESH-it dhe Telekomit, se nuk kanë me se të paguajnë faturat (tepër të larta për pensionet e tyre tepër të ulëta). Është cinizëm dhe papërgjegjshmëri, nëse lexon se kryeministri paska vetëm diçka më tepër se 32 mijë euro para “cash”, kur nga ana tjetër, në selinë e Kryeministrisë, siç raporton Kontrolli i Shtetit janë shpërdoruar 8 milionë lekë vetëm për telefona celularë. Po si mund të mos jenë hipokrizi dhe fyerje 3 milionë dollarë shpërblime të dhëna për njëri–tjetrin nga krerët e administratës, kur ministrat më të rëndësishëm të kabinetit deklarojnë se nuk kanë më shumë se 50 mijë dollarë gjendje. T´i lëmë pastaj akuzat e pavërtetuara të bëra nga njëri apo tjetri politikan i rangjeve të larta për prona dhe pasuri të patundshme në vendet më të bukura dhe më të shtrenjta të bregdetit shqiptar. Sipas ligjit të Inspektoritatit të Lartë të Deklarimit të Pasurive, vërtetësia e deklaratave mund të verifikohet. Por, kjo mbetet gjithnjë e dyshimtë. Të paktën, derisa drejtësia shqiptare të jetë reformuar plotësisht dhe të mos jetë gjithnjë në qendër të kritikave të raporteve të ndërkombëtarëve. Sepse, edhe drejtësia është nën kthetrat e po këtyre politikanëve të lartë, që për nga pasuria e kanë barazuar veten me një tregtar zarzavatesh, që gjithsesi e vë ndonjë milion lekë mënjanë. Ndoshta, do të ishte më mirë që të hetohej ku i ka çuar administrata 27 milionë dollarët për tre muaj dhe ku kanë shkuar miliona të tjerë ndër vite, sesa të verifikosh se sa të vërteta janë deklaratat e krerëve ndër vite të administratës. Mbase vetëm në këtë rast, mund të konfirmohej se sa të sinqerta kanë qenë pasuritë e deklaruara apo të fshehura të liderëve të politikës. Vetëm një e vërtetë që mund të rrjedhë nga ky verifikim mund të shkaktojë respekt dhe mirënjohje te njerëzit që kërkojnë transparencë, cilado që të jetë ajo. Sepse ndryshe, te secili do të krjohet ndjenja e mosbesimit..., që rrezikon gjithnjë të kthehet në një zhgënjim të madh social, por jo vetëm kaq. Ndoshta zhgënjim dhe mosbesim te klasa politike dhe “udhëheqëse”.


panorama

[ALBA]

Xhoana Nano ka deklaruar se kompania e saj "Joy Travel", del me fitim 120 per qind ne vit

Nano dhe Xhoana mashtrojne per pasurine






"JOY TRAVELL" FITIMI 30 % ME I LARTE SE CELULARET

"Joy Travel" konkuron "denjesisht" edhe kompanite e telefonise celulare. Norma e fitimit ne vit per kompanine "Joy Travel" rezulton 120 per qind. Ndersa sektoret qe konsiderohen me fitimprures, si psh telefonia celulare, arrijne nje norme fitimi maksimale prej rreth 90 per qind ose 30 per qind me pak se sa "Joy Travel". Ndersa shtepia e ciftit kryeministror eshte blere me nje vlere qesharake prej 35 mije dollaresh.

Kesaj i thone te genjesh veten. Pra, Fatos Nano dhe bashkeshortja etij, Xhoana, gjate deklarimit te pasurise, kane bere nje tjeter gafe. Ne perpjekje per te genjyer publikun, por edhe ligjin, ata as me pak e as me shume, kane bere te kunderten: kane genjyer veten, duke menduar se opinioni publik "do ta haje" edhe kete here. Kujt mund t'i besohet se nje shtepi me hapesire te bollshme edhe per te luajtur futboll, 260 meter katror, do te blihet me cmimin qesharak 35 mije dollare ose aq sa bejne dy garazhe makinash? Kujt i besohet se helikopteret na dalkan me humbje?

Nga te dhenat e publikuara nga vete Xhoana Nano, kompania e saj "Joy Travel" rezulton me nje fitim marramendes. Nga 21.6 milione leke kapital qe ajo deklaron se ka investuar ne kete kompani, fitimi vjetor rezulton 25.6 milione leke ose i dhene ne perqindje rreth 120%. Ky fitim i pazakonte treshifror eshte shume i larte jo vetem ne krahasim me kompanite e suksesshme shqiptare, por kete norme fitimi do ta kishin zili edhe kompanite me te suksesshme ne mbare boten. Keshtu, per sektoret qe konsiderohen me fitimpruresit, si psh. telefonia celulare, kjo norme arrin nje nivel maksimal 90 per qind ose 30 per qind me pak se sa "Joy Travel". Nga ana tjeter kompania "Albacopter", ne te cilen jane investuar 1.18 milione leke ka pesuar nje humbje prej 917 mije lekesh.

Apartamenti Xhoit 3.5 here me i lire se tregu

Apartamenti i Xhoanes 3.5 here me i lire se cmimi i tregut Nderkohe qe kryeministri i vendit zytarisht rezulton i pastrehe, bashkeshortja e tij ka ne pronesi nje apartament ne qender te Tiranes me nje siperfaqe te deklaruar prej 260 metra katrore.

Ky apartament eshte blere prej saj per 35.000 dollare qe do te thote nje cmim 134 dollare per meter katror. Ky cmim i favorshem eshte larg jo vetem me nivelin aktual te cmimeve ne ata zone, por edhe me nivelin qe kane pasur cmimet ne kohen kur eshte prenotuar ky apartament. Keshtu, ne zonen ku ndodhet apartamenti i Xhoana Nanos cmimi per meter katrore ka qene te pakten 450 dollare. Me kete cmim nje apartament me siperfaqe 260 metra katrore ka pasur nje cmim me te vogel se 120 mije dollare ose 3.5 here me shume.

Nano, pasuri sa nje punetor

Ne nje liste ne te cilen bejne pjese presidenti i Republikes, kryeministri me bashkeshorten, nje ish-president dhe tre ministra te qeverise, kryeministri Nano rezulton me nivelin me modest te pasurise. Nga deklarimet e tij e gjithe pasuria e tij permblidhet ne vetem 450- mije leke, nje "benz" te falur dhe 2 milion leke te ardhura vjetore nga paga.

Ndryshe nga kryeministri, bashkeshortja e tij, Xhoana Nano, ka nje pasuri te deklaruar prej rreth 27.5 milione lekesh dhe te ardhura vjetore qe vijne nga bizneset e saj 24.7 milione leke. Nderkohe qe ministri i Bujqesise dhe Ushqimeve Agron Duka me nje pasuri te deklaruar prej rreth 176 milion leke eshte mbi 100 here i pasur se sa presidenti i Republikes Alfred Moisiu i cili ka vetem 1.7 milion leke.

[ALBA]

KRYEMINISTRI GENJEN NE DEKLARATEN E PASURISE PER DHURIMIN

Deklarata e pasurise se kryeministrit Fatos Nano, ku thote se ka nje benz te dhuruar nga shoqeria "Auto Star Albania" e cila keto dite qarkullon ne media nuk eshte ashtu sic ka firmosur zoti Nano. Bile per kete firme qe ka hedhur kryeministri duhet te pergjigjet penalisht, pasi ne deklaraten ne fjale ka nje paragraf ku thuhet se personi nenshkrues mban pergjegjesi penale nese mashtron me firmen e tij. Sipas burimeve te gazetes mesohet se benzi qe Fatos Nano thote se e kam dhurate nga "Auto Star Albania", eshte ne te vertete dhurate e biznesmenit te suksesshem nga Durresi, Nard Koka. Zoti Koka ia ka dhuruar kete benz zotit Nano ne momentin qe ai ishte pa pushtet e pa asnje force per te ndikuar mbi ekzekutivin. Thjesht ka qene nje gjest miqesor i biznesmenit Nard Koka, pasi sic dihet publikisht ne vitet kur ishte vetem kryetar i PS-se zotin Nano e ka ndihmuar edhe financiarisht Nard Koka. Benzi, i cili zoti Nano kerkon ta fshehe burimin e tij, eshte pikerisht ai qe ka bere aksident dikur dhe ku humbi disa gishterinj, te cilet iu zgjaten me vone ne nje klinike te Athines. Eshte pikerisht ky benz i zotit Nard Koka qe kryeministri tani do ta fshehe origjinen e tij. Pse fshihet nga dhurata e Nard Kokes kryeministri yne? Atehere kur i duheshin leke dhe ndihme ishte dite per dite nen shoqerine e Nard Kokes, ketij biznesmeni te sukesshem, qe e ka ndertuar jeten e tij vetem duke u varur nga vetja. Ndersa ne deklarate per te qene gjoja ne "rregull" zoti Nano thote se ia ka dhuruar dikush tjeter. I pyetur mbreme nga "Koha Jone", zoti Nard Koka tha se nuk i jap asnjeriu llogari se cfare kam falur apo fal une. Jane parate e mia dhe mos insistoni me per kete histori qe nuk dua te hapet. Megjithate zoti kryeminister me mire do te ishte e asnje nuk do te thoshte asnje kritike nese ju do te ishit i sinqerte per dhuraten e shtrenjte tip benz.

Por kur genjen kryeministri, bile mashtron, atehere duhet te mendohemi se cilin kemi ne krye te vendit.

Pastaj ai benz ka numer shasie, date hyrjeje ne dogane, cmim blerje , kontrate te firmosur, flete zhdoganimi, etj. Keshtu qe organi i prokurorise duhet ta hetoje kete rast per te sqaruar opinionin publik dhe sidomos mazhorancen se cilin ka ne krye te saj, qe po e con ne nje humbje drastike ne zgjedhjet e vitit te ardhshem.

Re. Po.
koha jone

[Anisela]

Shume qesharake kjo!!!!Une per vete kam 50.000.000 ne muaj!!!!!

[ALBA]

Biznesmenët që kanë paguar Benz-in e Nanos

Mero Baze

Unë njoh së paku dy biznesmenë që kanë paguar për blerjen e makinës së Fatos Nanos. Njëri prej tyre, biles ishte keqkuptuar duke menduar se i kishte dhënë borxh ato para dhe, një ditë, pasi zoti Nano ia doli të bëhej kryeministër, tentoi të përfitonte nga dhurata e dikurshme. Për ta kthjelluar për "kërkesën" e gabuar, zyra e tatimeve i çoi një faturë prej 30 milionë lekësh të reja. Por nuk kam ndërmend të publikoj emrin e tij. As të dikujt tjetër që ka paguar për Fatos Nanon. Ajo që vlen të shënohet nga gjithë kjo histori e mashtrimit zyrtar të Kryeministrit, është fakti se nuk po i del zot asnjë biznesmen që t'i shpëtojë nderin e humbur. I pari përfaqësuesi i Benz-it, në Tiranë, u distancua nga deklarata zyrtare e Fatos Nanos, qoftë dhe për faktin se një gjë e tillë mund t'i kushtojë shumë në raportet me kompaninë qendrore të Benz-it. Por mbi të gjitha ai nuk e konfirmon dot një gënjeshtër që nesër mund t'i kushtojë shtrenjtë. As ai që ia ka blerë nuk e deklaron dot të falur, pasi nuk e ka paguar me paratë e veta. As ata që i kanë dhënë paratë nuk deklarojnë dot se ia kanë dhënë ato para, pasi u është premtuar se do t'u kthehen një ditë. Spiralja në të cilën kanë hyrë "dhuratat" e Fatos Nanos, është spiralja tipike që ndjek rrënimin e një institucioni të papërgjegjshëm. I pavetëdijshëm për rënien e autoritetit të tij tek njerëzit që e rrethojnë, i magjepsur nga pushteti burokratik dhe stili kauboj i drejtimit të shtetit, ai mendon se gjithkush është i gatshëm të sakrifikohet për të. Mbi të gjitha ai i quan biznesmenët ca skllevër të korruptuar që mund t'i rrinë gatitu.

Kjo që po ndodh me të tani është një leksion i madh. Atij nuk po i dalin zot për abuzimet private, as ata që kanë qenë viktima të këtyre abuzimeve. Biznesmenët që kanë paguar Benz-in e Fatos Nanos janë sot të rebeluarit e parë të pushtetit të tij. Ata po e lënë Fatos Nanon të vuajë iluzionin që ka pasur për pushtetin e tij. Fatura prej 160 mijë euro e Benz-it, është e mjaftueshme për të rrëzuar çdo president në botë nga pushteti. Por jam i bindur se kjo nuk i bën shumë përshtypje Fatos Nanos. Ajo që e dërrmon atë është fakti se ai po braktiset së pari publikisht nga biznesmenët, njerëzit që i forcuan atij mitin e njeriut të fortë. Po e lënë vetëm ata të cilët Fatos Nano i shkëmbeu me Partinë Socialiste, ata për të cilët u plasarit ajo parti. Fatura e Benzit, fatura e shtëpisë, fatura e Albakopterit, nuk e trondisin Fatos Nanon. Por frika për t'u dalë zot faturave të tij lajmëron ikjen e tij nga pushteti. Atë po e braktisin.