Berisha: Nano po falimenton Telekomin

[StormAngel]

“Nano po falimenton Albtelekomin”


Darina Tanushi

TIRANE - Berisha ka akuzuar dje, kryeministrin Fatos Nano për shkatërrim të Albtelekomit. “Nano vazhdon pushimet në Egje, ndërsa mafia e tij në mënyrë të pandërprerë vazhdon përpjekjet për falimentimin përfundimtar të Telekomit, pasi ka vjedhur 100 milionë dollarë në këtë institucion siç ka provuar raporti i Unionit Ndërkombëtar të Telekomunikacionit, KLSH, komisioni hetimor parlamentar”, -tha Berisha. Kështu me urdhër të qeverisë e të Nanos miratohet kohët e fundit një marrëveshje TIM, ku përveç përcaktimit të tarifave të reja ndër të tjera shfuqizon termat ekonomike të marrëveshjes ekzistuese inkriminuese. Sipas Berishës, “për një thirrje ndërkombëtare që hyn në Albtelekom, Albtelekomi merr 9.2 lekë, për kalimin e kësaj thirrjeje në rrjetin mobil, kurse Albtelekomi i paguan rrjetin mobil 22 lekë. I paguan pra 12. 4 lekë më shumë nga ç’merr për impulsin e tranzituar nga rrjeti ndërkombëtar”. Me këtë mekanizëm Albtelekomi duke llogaritur me vitin 2003 dhe tremujorin e vitit 2004, me marrëveshjen ekzistuse fitonte 44 milionë lekë të ardhura në muaj, ndërsa me marrëveshjen e re Albtelekomi humbet 399 milionë lekë në muaj ose afërsisht 4 milionë dollarë. Pra ky është mekanizmi i shkatërrimit dhe i falimentimit përfundimtar të Albtelekomit. Dhe kjo është bërë totalisht me porosi të kryeministrit Nano, vlerësoi Berisha.

[ATMAN]

[U]pse tani po e merni vesh ju qe kryeministri nano eshte antishqiptar , ai ka vite me radhe qe po i shet interesat e shqiperise

[kundraRRYMES]

Miredita

A mbani mend bujen e madhe neper televizionet shqiptare apo shtypin e shkruar rreth marrëveshjeve të interkonjeksionit midis shoqërisë anonime "Albtelekom", dhe dy kompanive të telefonisë celulare si dhe kompanisë rajonale telefonike "Hermes" kontrolli i shtetit vertetoi qe mareveshja ishte bere ne dem te Telekomit shqiptar. Tani sipas ketij lajmezi te del se marreveshja ishte bere ne baze te ligjit te parlamentit... Pra ligjet e parlamentit perligjin vjedhjen ne kurriz te subjektit shteteror... hajde ku ta fus e ku ta nxjerr ...




Prokuroria pushon hetimet ndaj "Albtelekom" për interkonjeksionin

TIRANE - Organi i akuzës ka vendosur pushimin e hetimeve për lidhjen e marrëveshjeve të interkonjeksionit midis shoqërisë anonime "Albtelekom", dhe dy kompanive të telefonisë celulare si dhe kompanisë rajonale telefonike "Hermes". Objekt i hetimit, që u denoncua disa muaj më parë nga Kontrolli i Lartë i Shtetit (KLSH), ishin pretendimet se marrëveshja e intekonjeksionit ishte bërë në dëm të Albtelekomit dhe në favor të dy kompanive të telefonisë celulare dhe asaj rajonale "Hermes". Sipas kallëzimit të atëherëshëm të dorëzuar nga prokurori nga KLSH, dëmi ekonomik i shkaktuar shtetit nga kjo marrëveshje sipas përllogaritjeve të ekspertëve të KLSH-së kapte shifrën e rreth 3,2 milionë lekëve. Por pas disa muajsh hetime, organi i akuzës arriti në konkluzionin se marrëveshja e interkonkjeksionit midis palëve ishte hartuar sipas udhëzimeve dhe ligjit të dalë nga Parlamenti, dhe për rrjedhojë vendosi pushimin e hetimeve.


keto jane prokurore... e ky eshte parlament ...

[Zarathustra.]

Sa interesant ky pohimi i Berishes.

Njeriu gjate pushtetit te se cilit, Albtelekomi nuk vendosi qofte edhe nje telefon publik ne rruget e shqiperise, akuzon sot per manaxhim te keq. manaxheri i shtetit shqiptar ne kohen e non-sensit me te madh ekonomik, dhe te falimentimit me te madh ekonomiko-social, ka goje te akuzoje per keq-manaxhim.

O zot i madh!

[Redi]

Sa interesant ky pohimi i Berishes.

Njeriu gjate pushtetit te se cilit, Albtelekomi nuk vendosi qofte edhe nje telefon publik ne rruget e shqiperise, akuzon sot per manaxhim te keq. manaxheri i shtetit shqiptar ne kohen e non-sensit me te madh ekonomik, dhe te falimentimit me te madh ekonomiko-social, ka goje te akuzoje per keq-manaxhim.

O zot i madh!

C'ja fut kot dhe ti tani. Rri rri dhe hedh ndonje brrockull.

Mbi 90% e atyre qe jane sot, jane bere ne baze te marreveshjeve, kontratave dhe projekteve qe u bene ne kohen e Berishes o qyq.

Pas 90, Shqiperia kishte nr. me te vogel te telefonave shtepiake per Nr. e popullsise ne Europe dhe gjithashtu nuk kishte as rrjet, as infrastukture dhe as fonde per te ndertuar.

Megjithate shume u be, madje teper, per 4 vjet. Tirana si qytet u pajis gati e gjitha me telefona shtepiake. U ndertuan telefonat e pare publike qe u shfaqen ne Tirane ne vitin 96 ne mos gaboj. Filloi sherbimi i kartave telefonike etj. Hyne Siemens, Alcatel etj kompani te huaja qe po investonin. Flas per Tiranen, pasi shume qytete te Shqiperise deri ne vitin 90 lidheshin nepermjet centralit, dmth nuk kishin as Prefiksin e tyre. (Ne 90 ne mos gaboj, vetem 5-6 qytete kishin Prefiks dhe nuk lidheshin nepermjet centralit kryesor te qytetit)

U miratua projekti per kalimin e fibrave optike nen Adriatik qe do te lidhte Sllovenine, Italine, Shqiperine dhe Greqine, projekt qe ne te ardhmen do te mundesonte jo vetem lidhje me te shpejta e efikase, por dhe internetin etj etj.

Per celularet eshte muhabet tjeter, pasi ne ate kohe as bota nuk e kishte te zhvilluar ate sistem dhe nr i celulareve ne raport me nr. e banoreve ne Europe e Amerike ishte teper i vogel dhe tarifat ishin teper te larta.

Tani ne 2004, 8 vjet me vone, Shqiperia ka tarifat me te larta ne Europe si per telefonine fikse ashtu dhe ate mobile, megjithese ka standartin me te ulet te jeteses ne Kontinent.
Telefonia eshte bere pre e monopolit dhe e interesave te politikaneve. Skandalet per Albtelekomin nuk kane te sosur.

[Zarathustra.]

Nash ere babam

Me ke sy i shikon gjithe keto mrekullira ti? Reformimi i sistemit te telefonave ne shqiperi ka filluar qe me qeverine e stabilitetit. Albtelekomi eshte zgjeruar si biznes 3 here me shume mbas 97 sesa gjate 92-97. Ketu te kujtoj konkurencen e madhe qe ka pasur Albtelekomi nga telefonia celulare.

Tarifat e larta te albtelekomit jane te llogjikshme kur konsideron se nje kompani e tille nuk ka treg ne shqiperi per te siguruar ato qe quhet "economies of scale", pra te kete kaq shume abonente sa ti shperndaje kostot fikse ne racione me te vogla per cdo abonent. Me tej tarifat i larta i percakton edhe biznesi i pasigurte dhe shpesh here spontan. Njerezit nuk paguajne, apo kane prirje te medha per vjedhje. Ja pse nje minute me nje celular biznesi ne shqiperi ( ku pagesa eshte e garantuar) eshte 200 leke te vjetra kurse me karte eshte 600 leke te vjetra.

Kablli optike jo vetem qe nuk ka qene projekte qe kane filluar gjate qeverise se Berishes, por edhe sikur te kete qene nuk shenon asgje te vecante apo asgje qe nuk do realizohej gjithsesi. Sherbimet e Albtelekomit gjate 92-97 ishin teper te kufizuara dhe primitive. Tregu ishte i mbyllur dhe aspak i liberalizuar. Cmimet ishin po kaq te larta, per mos te thene me te larta. Telefonat publike nuk ekzistonin, dhe strategjia e albtelekomit mungonte.

Berisha nuk beri asgje te vecante me albtelekomin. Albtelekomi dilte me fitim ne ate kohe per disa arsye te kombinuara qe i jepnin superioritet 1) vete natyra e telefonise fikse eshte biznes i sigurte, nqs nuk paguan te pritet linja 2) albtelekomi ishte i vetmi "mjet" komunikimi ne ate kohe dhe nuk kishte konkurence sic ka sot nga telefonia celulare, dhe 3) albtelekomi nuk u angazhua ne asnje investim strategjik por u mjaftua ne telefonine fikse, qe per kohen duke pasur status monopol ishte akoma fitimprurese, por me te ardhme te erret. Albtelekomin e priste vdekja financiare nga konkurenca. Vete fenomeni albtelekom ne thelb i ngjante fajdeve dhe efektit droge qe ato kishin ne ekonomine shqiptare. Nje rritje apo fryrje artificiale aktuale te ardhurash dhe mireqenie financiare, me nje cmim fatal per te ardhmen.

Kriza e sotme e Albtelekomit nuk eshte aspak e papare edhe ne bote. Telekomunikacioni sidomos telefonia fikse po kalon kriza te thella edhe ne amerike, megjithese ajo ofron nje game shume here me te madhe sherbimesh disa here me fitimprurese se thjesht lidhja me telefon.

Teknologjia qe perfitoi albtelekomi gjate 92-97 u asfiksua nga mungesa e strategjise prej shtetit te paafte te Berishes qe deshtoi, ashtu sic dehstoi ne cdo plan tjeter ekonomik qe ai ndermori. Ketu une nuk po ze ne goje manaxhimit skandaloz qe iu be KESH-it, Albpetrolit, etj etj. Investimevet ne KESH psh ishin pothuajse ZERO dhe ky sektor ishte dhe eshte me strategjiku per zhvillimin ekonomik, dhe qe sot eshte rinovuar totalisht po del me fitim megjithese ne kushte shume te veshtira biznesi dhe po thith miliona dollare investime.

Berisha dhe bajrakteret e tij nje gje diten te bejne me shume mjeshteri. Te prishin dhe mohojne cdo gje qe u dilte perapa sipas "teorise se Shokut", dhe parrulles "oburra ta shkaterrojme se e ka bere komunizmi". Mbi kete vej edhe fenomenin fajde me mbi 1 miliarde dollare te humbur, dhe mbylle nje here e mire kapitullin e koketrasheve PD-iste qe na cuan ne gremine ekonomike dhe lufte civile. Po keshtu ndodh kur merr nga burgu dhe fut ne administrate.

Qe kshtu.

[Dito]

Mund ta di cfare nuk shiti ky njeri qe mos shese edhe kte te fundit qe ka ngelur. Berisha ka te vetmin faj qe nuk i shiti kur ishte vete ne pushtet ndonje shqiptari dhe te merrte topet mjekroshi. Hallall ja befte zoti nanos perderisa ky vend nuk ka burra.

[Redi]

Leshator, fol me kompetence per Ndermarrjen e Konservave po deshe, por mos fol per gjera qe nuk i di mire, pasi vetem ne nje fyell i bie: "Bajraktarizmi","Koketrashet" etj etj etj.


Njerezit nuk Paguajne thua ti...

Po, padyshim, por njerezit nuk paguanin as ne kohe te Berishes dhe eshte pergjegjesi e qeverise, si demokrate ashtu socialiste qe nuk i detyron njerezit te paguajne por te vjedhin.

Pas 97-es Albtelekomi ka patur konkurrence jo si pasoje e telefonise celulare, pasi telefonia celulare i ka tarifat me te larta se ajo e Albtelekomit dhe eshte e pamundur per nje shqiptar qe te perdori 24 ore/7 dite ne jave celular, por si pasoje e keq administrimit, korrupsionit dhe monopolit. Kompanite e celulare ofrojne tarifa marramendese te cilat cdo kompani shteterore nuk ka per gje qe ti mbyse. Plus qe telefonia fikse eshte e ndryshme nga ajo mobile dhe ne shume drejtime nuk ka lidhje.
Eshte komplet e pallogjikshme qe tja vesh fajin konkurrences per tarifat e larta te Albtelekomit. Ne Amerike mund te kaloje ne kriza, por atje telefonia fikse ka konkurrente po kompani te telefonise Fikse se pari dhe se dyti, telefonia mobile ofron tarifa teper te ulta.

Ne Shqiperi nuk ndodh as njera dhe as tjetra.
As Albtelekomi nuk ka konkurrente ne telefonine fikse dhe as tarifat e telefonise Mobile nuk jane me te ulta.

Ti thua qe tarifat e Albtelekomit jane te llogjikshme.
Kam pershtypjen qe mund te jesh i vetmi shqiptar ne rruzullin tokesor qe i quan tarifat e Albtelekomit te llogjikshme, pasi as vete ministri i Telekomunikacionit nuk i ka quajtur te tille.
Ta kam thene qe ne postin e pare qe Shqiperia ne 90 trashegonte nje sistem teper te prapambetur te telefonise fikse dhe nuk mund te presesh mrekullira ne 4 vjet. Pervec Tiranes, Shkodres, Vlores, Beratit, Gjirokastres, Durresit dhe Elbasanit si qytete, gjithe te tjeret nuk kishin prefiks dhe duhet te lidheshin nepermjet centralit te postes qendrore.

Duhej qe te hapeshin rruget ne fillim, ato kanale per te cilet te gjithe ankoheshin dhe nuk e kuptonin se cfare po behej, te ndertohej infrastructura, sistemi i centraleve telefonike etj etj.

Telefonat publike u shfaqen ne Tirane qe ne vitin 95 e me vone u shumfishuan dhe cdo qytet kishte centralet e tij te pavarur nga ai qendror. Albtelekomi dilte me fitime dhe
Socialistet me ate grekun qe vune ne krye te Albtelekomit e gjeten cdo gje gati.
Por interesat ishin tek telefonia mobile qe iu dha komplet grekut dhe politikanet tane kishin interesa ekonomike atje.
Kjo eshte arsyeja qe Albtelekom del me humbje dhe eshte i zhytyr deri ne gryke me borxhe.

KESH-I e Albpetroli jane ceshtje te tjera dhe mos i be corap gjerat.

[StormAngel]

Nano: Amerikanët në privatizimin e Telekomit, naftës dhe energjisë


Shekulli

TIRANE- Kryeministri Nano ftoi dje biznesin amerikan që të marrë pjesë në privatizimet e sektorëve strategjikë si telefonia fikse dhe ajo celulare (licenca e tretë), industria e naftës, energjisë elektrike në prodhim, përçim dhe shpërndarje. “Investitorët e huaj janë të mirëpritur të investojnë në të gjithë sektorët e ekonomisë sonë dhe atyre u garantohet trajtimi kombëtar. Në besojmë se tashmë ekzistojnë të gjitha kushtet e nevojshme për financimet, prodhimet dhe kapitalin tregtar amerikan për të investuar në tregun shqiptar, gjithashtu, ftoj kapitalin amerikan të marrë pjesë në këtë proces privatizimesh. Qeveria shqiptare dhe unë personalisht jemi plotësisht të angazhuar dhe ju garantojmë procedura transparente, efikase sipas standardeve të kërkuara”,-tha kryeministri gjatë konferencës për investimet në Shqipëri të zhvilluar në Nju Jork .
Nano lajmëroi se në axhendat e përbashkëta me BE dhe vendet e tjera të Ballkanit, është parashikuar se Ballkani dhe BE do të heqin tërësisht barrierat doganore nga fundi i vitit 2008.
“Shqipëria nuk u ofron më surpriza të pakëndshme investitorëve. Legjislacioni shqiptar për investimet e huaja është shumë liberal. Në të nuk ka kufizime për pjesëmarrjen e kapitalit të huaj apo për riatdhesimin e tij.
Shqipëria ofron avantazhe konkurruese në forcën e punës, krahasuar me vendet e tjera të ish -bllokut të Europës Lindore. Vendi ynë ka çmimin më të ulët të energjisë në rajon dhe po merr në konsideratë mundësinë për ta ulur më tej atë për industrinë”,-tha Nano. Sipas tij Shqipëria ofron potenciale të konsiderueshme për investime dhe përdorime në industrinë e turizmit, krahasuar me kapacitetet tashmë të ezauruara të Italisë, Greqisë, Kroacisë dhe Turqisë.
Ndërsa nënsekretari amerikan i Tregtisë, William Lash tha se departamenti i tij po punon për nxitjen e kompanive amerikane për të investuar në Shqipëri, pasi Shtetet e Bashkuara kanë gjetur tek Shqipëria një mike të mirë.
Përveçse një vend me stabilitet në rajon, Shqipëria mund të shërbejë edhe si një treg i mirë për kapitalet amerikane.
Ministria e Ekonomisë bëri prezantime të hollësishme të lehtësirave që ofron legjislacioni shqiptar në fushën e investimeve për kompanitë e huaja. Kryeministri Nano vazhdon vizitën e tij në Nju Jork dhe dje është takuar me sekretarin e përgjithshëm të Kombeve të Bashkuara, Kofi Annan, ndërsa sot shkon në Boston për t’u takuar me komunitetin shqiptaro-amerikan atje.

[Eminemka]

o mo na ngrini nervat me nje derdimen burgaxhi si puna e nanos.berishen ke qejf a shikosh.kurse nanon bobo ca ti shikosh.eja me ne""""""""""""""""""berisha berisha is the best!!!!!!!!!!!!!!!!!!!!!!!!!!!!!!!!!!!!!!!!!!!!!! !