Vajza tregon trupin e fshehur pasi dorëzohet
Pasi i ka prerë fytin me thikë, e ka fshehur trupin në shkurre, në krye të fshatit. Pas problemeve të shumta që ka pasur fisi Tarazhi, në fshatin me të njëjtin emër në Mirditë, nusja e njërës prej familjeve, duket se nuk ka mundur t'u bëjë gjë të rriturve. Dhe, si hakmarrje, ka ekzekutuar fëmijën 11-vjeçar të kushëririt të burrit. Kështu Vitjana Dedë Tarazhi ka prerë me thikë në fyt 11-vjeçarin Gjok Fran Tarazhi. Pasi e ka ekzekutuar në orën 21.00, trupin e tij e ka dërguar në periferi të fshatit, duke e fshehur pranë një përroi dhe konkretisht në vendin e quajtur "Ara e Bardhok Markut, në krye të përroit". Pas kësaj, 23-vjeçarja është nisur për në Burrel (nga ky rreth është me origjinë) dhe është dorëzuar vetë në komisariatin e policisë. Policia e Mirditës ka shkuar menjëherë në fshatin ku ka ndodhur tragjedia, por nuk kishte asnjë informacion për vendndodhjen e trupit të fëmijës. Banorë të fshatit, së bashku me uniformat blu, kanë nisur kërkimet, por vendndodhja e të vdekurit është mësuar në mbremje vonë. Autorja e masakrës i ka treguar policisë së Burrelit për vendndodhjen e viktimës. Ndërsa policia e këtij komisariati ka njoftuar kolegët e Mirditës që vazhdonin kërkimet në errësirë. Deklarata në polici e 23-vjeçares ka qenë pak e çuditshme. Pasi ka treguar problemet e sherret në fis (nuk publikohen), ka thënë se 11-vjeçarin e ka goditur pa dashje me sopatë djali i saj 10-vjeçar. Nëse është vërtet kështu, atëherë Vitjana është martuar 12 vjeçe dhe fëmijën e ka lindur kur ka mbushur 13, gjë që është e pabesueshme. Gjithsesi, kjo ka qenë deklarata e saj paraprake, edhe në kushtet e tronditjes së thellë pas ngjarjes. Por, pritet që situata dhe rrethanat të saktësohen sot, pasi policia e prokuroria të kenë kryer veprimet. Dyshimi kryesor i uniformave blu është se, pas të gjitha atyre sherreve e problemeve që kishte në fisin e burrit, vrasjen e ka kryer 23-vjeçarja.
Përgjigju Duke Cituar
Postuar më parë nga Nebula
Krijoni Kontakt