Lojrat olimpike - Athine 2004

[Cupke_pe_Korce]

pupu na bombardove me foto yjesh Mua me solle nder mend Kasus klein qe ndezi zjarrin e lojrave olimpike (se mbaj mend c'vit) dhe qe i dridheshin duart

[kolombi]

Kjo eshte pamja e emblemes se Olimpiades se pare ruhet ne muze ne Lozane te Zvicres.
PS Aty ne Zvicer mban dhe Cupka parate lol.

[Tal Aga]

A e di kush se sa sportistë shqiptarë do të marrin pjesë, cilët janë ata dhe në cilat disiplina?

[StormAngel]

Panteoni, mrekullia që do të presë olimpikët

Ka shumë monumente të antikitetit Athina, por më i shquari është, pa dyshim, Partenoni, i vendosur në supet e shkëmbit gjigant të Akropolit, Partenoni, kjo mrekulli greke, e njohur si ndër shtatë mrekullitë e botës antike, është megjithatë pjesë e dekorit të Athinës që pret të organizoje Lojërat Olimpike. I bukur, hijerëndë, madhështor si rrallë tjetër vepër në botë, Partenoni e “ndjen” dhe ai angazhimin total të athinasve për t’u përgatitur sa më denjësisht për Olimpiadën. Janë përgatitje që prekin jo thjesht objektet sportive, por thuajse çdo pjesë dhe qelizë të Athinës. Punohet edhe tek Partenoni, tek kjo kryevepër botërore me një bukuri të pakrahasueshme dhe të paarritshme. Një monument gjigant, një thesar i paçmuar kulturor, i ndërtuar thuajse i tëri në mermer para pothuaj 2500 vjetësh. Aty në Akropol, tek këmbët e Partenonit, Muzeu i Akropolit si dhe Muzeu Arkelologjik i Athinës, tashmë janë gati, të rinovuar për të pritur vizitorë të shumte që do të zbarkojnë nga të gjitha vendet e botës. Janë muzeume që ruajnë brenda tyre thesare të paçmuara nga bota e antikitetit. Natyrisht, ata që do të shkojnë në Athinë për të ndjekur Olimpiadën, nuk mund të mos ngjiten deri sipër në Akropol për të parë Partenonin e famshëm. Partenoni është simboli i Athinës dhe i vetë Greqisë

[StormAngel]

Stadiumi Olimpik, një kryevepër botërore


Në Athinë, por jo vetëm brenda qytetit, janë ndërtuar objekte të shumta sportive, por që dallohen për një bukuri të rrallë arkitektonike. Mbulesa e stadiumit Olimpik është në vetvete një vepër e mrekullueshme artistike. Eshtë tepër e bukur, tepër e kushtueshme, tepër funksionale. Mban firmën e arkitektit spanjoll me famë botërore Santiago Kalatrava. Eshtë një mbulesë e lëvizshme, si një dekor i një skene të stërmadhe. E vështruar nga sipër, prej avionit, kjo mbulesë dhe krejt Stadiumi Olimpik të impresionojnë me pamjen e mrekullueshme që të ofrojnë. Shumë pranë qendrës së Athinës është një stadium i mrekullueshëm dhe i famshëm, të cilin grekët e quajnë “Kalimarmaro”, që do të thotë “mermer i mirë”. Eshtë stadiumi ku në vitin 1896 u zhvilluan Lojërat e para Olimpike moderne. Një arkitekturë e mrekullueshme ky stadium, i cili në Lojërat Olimpike të sivjetme do te jetë “arena” e disa garave olimpike. Por veçohet gara e famshme e maratonës, e cila do të nisë nga Marathona, 42 kilometra larg Athinës, dhe do të ketë finishin e vet pikërisht tek “Kalimarmaro”. Një tjetër ansambël sportiv me një bukuri të rrallë është Fshati Olimpik. Në mjediset moderne të këtij ansambli të rrallë sportiv, do të strehohen 17.500 sportistë të Lojërave Olimpike si dhe 6.000 sportiste të Lojërave Paraolimpike.

[StormAngel]

Brenda pak kohe kryeqyteti i Greqisë ka ndryshuar krejtësisht duke iu përshtatur Lojërave Olimpike të këtij viti

E vështirë të orientohesh në Athinën olimpike

Athina tashmë ka vertet një infrastrukturë moderne. Aq të mëdha janë transformimet në infrastrukturë, sidomos në ndërtimin e rrugëve dhe veprave të tjera publike, sa jo vetëm ai që ka qenë para disa vjetësh në Athinë, por qofte edhe vetëm para pak mujash, ë ka të vështirë të orientohet nga këto ndryshime. Sidomos në pjesën perëndimore, në zonën drejt Pireut, është bërë një punë kolosale me rruge e mbikalime, me vepra sportive dhe të tjera të karakterit publik, duke e transformuar rrënjësisht pamjen. U ndërtuan 120 kilometra rrugë të reja dhe u zgjeruan dhe modernizuan 90 kilometra rrugë ekzistuese, u ndërtuan 40 ura dhe mbikalime, metroja e Athinës u zgjat edhe 7.7 kilometra të tjera… Por ndër veprat më të rëndësishme, ndoshta më e spikatura, që u ndërtuan në vigjilje të Olimpiadës në Greqi, është ura e varur gjigante në Rio që lidh Patrën me pjesën tjetër të bregut. Një kryevepër me vlera të pallogaritshme për dobinë që sjell në jetën e përditshme, por në të njëjtën kohë edhe një vepër e rrallë arti për nga bukuria dhe hijeshia.
Por ka gjëra të reja për të cilat athinasit në veçanti dhe grekët në përgjithësi mund të krenohen me të drejtë. Athina ka aeroportin më të ri në Europë, ka metronë më të re në Europë, ka gjithashtu edhe tramin më te ri ne Europe. Patën një gëzim të veçante grekët, kur provuan të qarkullojnë me tram para pak kohësh, pas një pune të madhe që u bë për ndërtimin e një linje të re prej 23.7 kilometra linje hekurudhore enkas për tramin. Në Athinë trami nisi të rifunksionojë pas një ndërprerjeje prej plot 40 vjetësh!

[StormAngel]

Medaljet

Medaljet për Athina 2004 u bënë të njohura korrikun e kaluar në Pragë. Ana e përparme e medaljeve të 2004 u ndryshua për herë të parë që prej Lojrave Olimpike që u zhvilluan në Amsterdam në 1928. Tipari kryesor i tyre është paraqitja e karakterit grek i treguar në të dyja anët, që mbart vlera të veçanta, që prej kohëve të vjetra e deri më sot, duke reflektuar karakterin e Helenëve. Qëllimi i organizatorëve të Athina 2004 ishte modifikimi i pjesëve kryesore të medaljeve dhe të përfshinin elementë grekë që nxjerrin në pah ndryshimin që kanë pësuar këto lojra nga zanafilla deri në kohët moderne. Athina 2004 kërkoi që të përfshinin perënditë dhe qendra antike e Athinës në dizajn. Grekët e vjetër besonin në perëndinë Nike si perëndia që personifikon fitoren në stadium ashtu si në një fushë beteje. Sipas mitologjisë, Zeusi e dërgoi atë në Tokë për të kurorëzuar fituesit. Zbulimet treguan se Nike shfaqej gjithmonë me krahë, duke zbritur nga qielli për të dorëzuar medaljet e fitores. Medaljet e Athina 2004 do të kenë të gdhendur në njërën anë të medaljes perëndinë Nike që zbret në stadium për të kurorëzuar kampionin, ndërsa në anën tjetër ai është i pranishëm brenda stadiumit të Panathinaikos, stadiumi ku u lindën lojrat olimpike në 1896. Nga lashtësia thuhej se Nike kur jepte medaljet ulej dhe mbante në njërën dorë një kalli misri dhe një kurorë lulesh në tjetrën. Ndërkohë që pjesa e pasme e medaljes ka tre elemente, flakën e përjetshme e Olimpit e cila kalon në 5 kontinente, pishtarin dhe atletin.

[StormAngel]

A e di kush se sa sportistë shqiptarë do të marrin pjesë, cilët janë ata dhe në cilat disiplina?

http://www.nationmaster.com/encyclop...ummer-Olympics

Kerko ketu,ke edhe per historine e Olimpiadave,dhe ke flamurin tone kombetar!

[StormAngel]

http://www.athens2004.com/en/Committ...ipants?pid=ALB

Ndersa,
http://pages.albaniaonline.net/koksh/
Web faqja oficiale e Komitetit Olimpik Kombetar Shqiptar ka problem dhe nuk hapet.

National Olympic Committee of Albania
Rruga "Dervish Hima" 31
Tirana,
ALBANIA


tel: (355.42) 40 602
fax: (355.42) 40 565
email: secretaria@nocalbania.org.al

[StormAngel]

Dorian Collaku do na perfaqesoj ne Atletike,Sahit Prizreni ne Mundje,Erkand Qerimaj ne Peshngritje dhe Klodiana Shala ne Atletike.
Ju uroj fat!