Hiroshima kujton viktimat

[StormAngel]

Mijëra vetë kanë kujtuar viktimat e bombës së parë bërthamore në botë të hedhur në Hiroshimë në 6 gusht ‘45

Hiroshima kujton viktimat atomike


Shekulli

Në 59 -vjetorin e tragjedisë së Hiroshimës, mijëra vetë bëjnë thirrje për t’u dhënë fund armëve bërthamore
Jo më luftë. Jo më Hiroshimë. Jo më armë bërthamore. Këto ishin mbishkrimet që mijëra njerëz në gjithë botën mbanin në duar dje në kujtim të 59 -vjetorit të hedhjes së bombës së parë atomike në qytetin japonez të Hiroshimës. Ishte 6 gusht 1945, ora 8.15 e mëngjesit kur SHBA lëshon prej një luftanijeje në mes të Atlantikut një bombë që përmbante 20 000 ton eksploziv. Një re e madhe tymi ngrihet në qytetin japonez të populluar nga 350 000 vetë. Si rezultat: 160 000 të vdekur, rreth 60 % e ndërtesave kthehen në shkrumb e hi. Pamje të tmerrshme, njerëz të karbonizuar, të gjymtuar, të djegur. Për të mos mjaftuar shkatërrimi i Hiroshimës, 3 ditë më pas një tjetër bombë e këtij lloji urdhërohet të hidhet në qytetin tjetër japonez Nagasaki, ku gjetën vdekjen 70 000 të tjerë. Kjo e detyroi Japoninë të tërhiqej dhe të shënonte fundin e Luftës së Dytë Botëore më 9 gusht 1945. Kanë kaluar 59 vjet, por bota nuk do t’i harrojë lehtë pamjet e tmerrshme të Hiroshimës. Aty ku prej vitesh nuk mbiu as bari. Aty ku dhjetëra qindra të mbijetuar vuajtën vite më pas pasojat kanceroze të bombës dhe iu shtuan listës së viktimave të kësaj tragjedie. Bashkë me 5142 emra që kanë vdekur nga kanceri dhe nga sëmundjet e tjera që kanë lidhje me deformimet e shkaktuara nga bomba bërthamore numri i të vdekurve nga kjo tragjedi ka arritur në 237 062. Mes tyre, janë edhe shtatë të burgosur lufte amerikanë që kanë vdekur së fundi.
Për të kujtuar këtë ditë, mijëra japonezë kanë vendosur qirinj dhe buqeta me lule në harkun e Paqes dhe në Bomb Dome në Hiroshima, në pjesën perëndimore të Japonisë. Mijëra të mbijetuar, banorë, vizitorë dhe zyrtarë u mblodhën rreth vendit që i kujton viktimat e Hiroshimës duke mbajtur një minutë heshtje. Pas kësaj janë lëshuar në ajër 1000 pëllumba të bardhë, që simbolizojnë paqen. Duke folur për këtë ngjarje, kryeministri japonez Junichiro Koizumi konfirmoi qëndrimin e Japonisë për të ndalur prodhimin, zotërimin dhe transportimin e armëve bërthamore brenda kufijve të këtij vendi.
Stop armëve bërthamore
Viktimat e Hiroshimës janë kujtuar dje në gjithë botën, madje edhe në SHBA. Njerëzit kanë kujtuar me dhimbje atë ditë të zezë të historisë dhe kanë bërë thirrje që t’i jepet fund prodhimit të armëve bërthamore në botë. Ende shumë shtete vazhdojnë të përgatisin armë të shkatërrimit në masë, disa në mënyrë të fshehur, të tjerët të akuzuar botërisht. Traktatet për mosprodhimin e armëve të tilla, të firmosura nga një sërë shtetesh nuk e kanë ndalur garën që zhvillohet në prapaskenë. Ka qenë pikërisht kryebashkiaku i Hiroshimës ai që ka lëshuar dje një apel për gjithë botën, të ndalë prodhimin e këtyre armëve deri në vitin 2020. Ai më tepër ka akuzuar SHBA-të si shtetin që vazhdon të eksperimentojë minibomba të tilla. “Pikëpamjet egocentrike botërore të qeverisë amerikane po arrijnë ekstremet”, -thaTadatoshi Akiba, kryebashkiaku i qytetit të Hiroshimës në një ceremoni përkujtimore në parkun përkujtimor të paqes në qytet. “Duke shpërfillur OKB-të dhe ligjin ndërkombëtar, SHBA ka nisur kërkime për të prodhuar armë bërthamore më të vogla dhe me të përdorshme”, -tha ai. Pikërisht në muajin qershor, Senati amerikan miratoi shpenzime të tjera për studimin por jo për zhvillimin e një mbrojtjeje bërthamore dhe të një mbushjeje minibërthamore. SHBA ka ndërmenmd të prodhojë një armë minibërthamore që të ketë fuqi eksplozivi më pak se 5000 ton, çerekun e sasisë së bombës së hedhur në Hiroshimë. Përkrahësit e kësaj bombe argumentojnë se fuqia e saj shkatërruese do të jetë më e vogël, veçanërisht në njerëz. SHBA ka vendosur një vetëndalim të armëve bërthamore që nga viti 1992. Por zoti Akiba tha se bota ka nevojë të ndalojë të gjitha armët e shkatërrimit në masë. Ai u kërkoi gjithë kombeve të ndjekin takimin që do të mbahet në maj të vitit tjetër në Nju Jork për mosprodhimin e armëve bërthamore, dhe të firmosin një traktat që do të ndalë armët e tilla deri në 2020. Përveç SHBA-ve ai kritikoi Korenë e Veriut duke e konsideruar politikën e këtij vendi për siguri bërthamore, si një politikë pa vlerë. Por armë të tilla akuzohen se prodhojnë edhe shtete si Izraeli, India e Pakistani.
Box/
Historia e Hiroshimës
Presidenti Truman kishte paralajmëruar se do të shkatërronte gjithë kapacitetin e armiqve për të bërë luftë. “Deklarata e Postdamit, e lëshuar dhjetë ditë më parë, i bënte thirrje Japonisë të dorëzohej pa kushte, si shansi i fundit për të shmangur një shkatërrim total”, -tha presidenti Truman atë kohë. “Nëse ata nuk pranojnë kushtet tona, ata duhet të presin një shi që do t’i shkatërrojë nga ajri, në një mënyrë që nuk është parë kurrë në tokë”. Amerikanët kishin llogaritur se një pushtim i gjithë ishullit japonez do të çonte në vdekjen e rreth 1 milion vetëve. Hiroshima u mendua si objekti ideal për efektivitetin e një bombe atomike, pasi ky vend nuk po prekej dot nga bombat konvencionale. Në Hiroshimë ndodhej depozita kryesore e furnizimit të ushtrisë japoneze. Ishte 6 gushti 1945 kur sulmi ndaj Hiroshimës u realizua. Presidenti Truman urdhëroi hedhjen e bombës atomike nga luftanija “Augusta” në mes të Atlantikut, e cila përmbante 20 000 ton eksploziv dhe ishte 2000 herë më e fuqishme nga çdo bombë që ishte përdorur deri atë kohë. Bomba e Hiroshimës, e njohur me emrin “Little Boy” (duke iu referuar presidentit Rusvelt) - shkatërroi një zonë prej 13 kilometrash katrorë. Sipas zyrtarëve në atë kohë u raportuan 118 661 të vdekur. Por më vonë u raportuan 150 000 vetë nga popullsia prej 350 000 banorësh. “Little Boy” kushtoi 2 miliardë dollarë.
Tre ditë më vonë u hodh një tjetër bombë, më e madhe kundër qytetit Nagasaki. Bomba tjetër u quajt “Fat Man”, (referuar kancelarit britanik Winston Churchill), dhe peshonte 4050 kg. Nagasaki rrethohej nga male, dhe niveli i shkatërrimit u llogarit në 6.7 kilometra katrorë. Aty gjetën vdekjen rreth 74 000 vetë dhe po aq të plagosur. Dy bombat atomike, bashkë me deklaratën sovjetike të luftës kundër Japonisë më 8 gusht 1945 më në fund e lanë Japoninë pa asnjë zgjidhje. Japonia iu dorëzua aleatëve më 14 gusht 1945.

[antares]

Sigurisht ky nuk ka qene as krimi i pare e as i fundit i funderrinave janki ne bote. Mjafton tu kujtoj qe ky abort i historise eshte ngritur mbi genocid dhe skllaveri. Ata vazhduan te kryejne krime atehere dhe po i thellojne edhe kete minute qe po flasim. Koreja, Vjetnami, Laosi, Kamboxhia, gati gjithe shtetet e Amerikes Latine, afganistani, Iraku jane ilustrim i kesaj.
Kohet e fundit plehrat janki kane ndryshuar edhe doktrinen ushtarake duke bere te mundur perdorimin e armeve te shkaterrimit ne mase edhe en menyre preventive. Uroj qe nje dite te hane pak nga corba e tyre

[abnk]

Sigurisht ky nuk ka qene as krimi i pare e as i fundit i funderrinave janki ne bote. Mjafton tu kujtoj qe ky abort i historise eshte ngritur mbi genocid dhe skllaveri. Ata vazhduan te kryejne krime atehere dhe po i thellojne edhe kete minute qe po flasim. Koreja, Vjetnami, Laosi, Kamboxhia, gati gjithe shtetet e Amerikes Latine, afganistani, Iraku jane ilustrim i kesaj.
Kohet e fundit plehrat janki kane ndryshuar edhe doktrinen ushtarake duke bere te mundur perdorimin e armeve te shkaterrimit ne mase edhe en menyre preventive. Uroj qe nje dite te hane pak nga corba e tyre

Vetem nji gja shif. Krahaso rregjimin e qeverite e shteteteve qi permende ma siper, me qeverine amerikane. Krahaso Korene e Jugut me t'Veriut! Megjithate ju ndoshta j'u vjen keq edhe per Hitlerin e Stalinin. Hajdut oksigjenit!

[good devil]

cu be u be - po une them se do ishte historia pak me e bukur nqs japonia ta kishte bere bomben atimike para amerikanve.

edhe mos ja fusni kot se bomba vravi dhe gra dhe femije.

[antares]

ABNK! E pse jo? Cili nga keto shtete ka sulmuar e ka mbi 160 baza ushtarake me mbi 500000 ushtare jashte territorit te tij? Cili nga ato shtete ka perdorur arme te shkaterrimit ne mase? (Edhe ne Kosove u perdoren arme te shkaterrimit ne mase). Cili nga ato shtete luan me komunitetin nderkombetar? A mos valle cifutet paguhen dhe armatosen nga Koreja, Laosi, Kamboxhia, Vietnami, Panamaja, Grenada, Kili, Afganistani, Iraku?
Te keshilloj miqesisht dhe nxehtesisht ABNK te shohesh me pak Fox News e te lexosh me shume histori.
Per sa i perket fyerjeve personale ato une i coj ne /dev/null po po te te pergjigjesha me te njejten monedhe nuk besoj se do te te pelqente......