Centum primus singuli semel

[Ard]

Urimet e mija te perzemerta per krijimet e tua te mrekullueshme.
Nuk mund te bej komente per asnje poezi,ndoshta do sakatoja ndonjeren padashur dhe do ishte krim,aty perfshihen ndjenjat ne gjithe madheshtine e tyre!
Te uroj suksese ne rrugen e bukur te poezise dhe frymezime sa me shume.
Urime!

[Diabolis]

H-D, faleminderit për përgëzimet. Të kritikosh nuk është qejf, por ama nuk është as krim.

Nuk vidhet zemra e një gruaje
Si rrugaçi rrugës një kuletë,
Nuk fitohet me vaj e vuajtje
Siç kujton ndonjë mëndjelehtë,
As nuk arrihet me një vrap pele,
Qoftë kjo bishtpluhur, thundërshkëndi’.
Zemra e saj i ngjan një kështjelle,
Me mbrojtës që për të bëhen fli.
Ta marrësh murret pa ja rrëzuar,
Me ndeshje të pastër, pa dredhi,
Mbrojtësit në gjunjë, ti i lartuar,
Mbi krye ke përkrenaren me dhi.
Puthi buzët që të thonë: Imzot,
U trashëgofshi për jetë e mot.

[Diabolis]

Lamtumirë! ika në arrati,
Lirinë e dua pakufizim,
Shkrep një vështrim si një fotografi
Dhe në album e fut pa pikëllim.
Qëkur një arvanitase njoha
Mu desh që peng ta lë lirinë
Kurse shprehjen me të cilën u rrita
Në shpellat e shpirtit acari e ngrin...
Po rroj periudhën e harrimit,
Feksin dy diejt e saj të zeza,
Në tokë ul gjurin e betimit,
Dhe i them të dua Arta Preveza,
Ta kurorëzojmë dashurinë,
Dasmën ta bëjmë në Janinë.

[Diabolis]

Mos i lyej byzët me të kuqe
Vajzë, kur të shihemi së pari;
Jo se unë jam djalë me huqe,
Por them të bëj si Apolinari.
Dhe ja që nuk i pëlqej faqet,
Që drejt shkoj për buzët e buta,
Për ty rrojta mjekrën dhe mustaqet,
Krejt lulet e Çardhakut i këputa.
S’janë puthjet si frutat në pemë,
Që të pres stinën sa të piqen,
Që herën e parë bashkë do flemë,
Nuk lihen rastet kështu të fishken.
Monedhë me dy koka, ç’marifet,
Ajo shpinën më kthen, ikën e s’flet.

[Diabolis]

Me falni ne prisnit te lexonit vargje.
Me shpresen se do gjej kohen e duhur,

D D

[Margaritari]

Kjo vjeshte erdhi shume shpejt
apo veren nuk e pashe dot?!
Radhen e ka tani kjo vjesht
apo vere duhej te ishte sot..?!

Gjethet e rena pertoke
Me shume se te mjera duken
Shelgu pa ze ,perkulet dhe sot
Dallendyshet diku u humben

Kjo dite qenka shum e trishte
Me nje diell te thyer pergjys
Si asnjeher kjo dite me ligsht
Ne nje hon kujtimesh me permbys

[Diabolis]

përshëndetje Margaritari

Të kanë gënjyer,
Sytë të kanë zënë me pritje,
Në fillim me orë, me ditë,
Pastaj me vite,
Pastaj, pastaj me vite drite,
Të kanë gënjyer,
Gojën të kanë zënë me llogaritje,
Në fillim me dhjetshe, mijëshe,
Pastaj me milionë,
Pastaj, pastaj me infinite,
Të kanë gënjyer,
Frymën të kanë zënë me mërmëritje
Për baba Kohën,
Për kahun e orës si vërtitet,
Të kanë gënjyer,
Nuk i zë dot veshët me duar,
Nuk i mbyll dot sytë në përpëlitje,
Dhe të shtatë lëkurët e shenjta ti kanë çarë,
Të kanë mbetur vetëm timpanat,
Që ti rrahin si daullet e shiut,
Hapi sytë,
Shiu po bie...

[Diabolis]

Epitaf Shpirtit

Këtu prehet Ai
Që me ngjyrat mahnitëse të fluturave,
Erën dehëse të luleve,
Iku ditën e fundit të verës,
Duke kënduar për dashurinë.

[Diabolis]

Për ty,
E jap një nga gjithë ç’kam dy.
Një buzë, një dorë, një sy.

Por ty,
Nga tre dëshira s’të plotësoj dy,
Se vdes që aty.

Se të pyes “Si je?”
Dhe më jehojnë veshët “s’je, s’je”.

Se të përgjërohem “Ku je?”
Dhe sytë notojnë në vaj e kujë.

Përgjigjmu e mira ime, “Ç’bën?”
Në tru të vogël po më çmend.

[Diabolis]

Të duA.
Dhe pse të shoh të ligur,
Dhe pse për ty jam veç një numur
Një matrikull.

Dashuria për tyA
Është më e madhja e gjithësisë.
Unë të dua njëlloj
Edhe kur ti më braktis.