Klubi i Milanistave #8

[StormAngel]

/me mban barkun me dore se nuk mundet dot.ahahahahahahahahahahah
CANG CUNGAT! loooooooooooooool
Te rrime shtrember e te folim drejte o Intero,Milani kete vit eshte me i mire.

[StormAngel]

11-08-2004

Nesta: Kemi mbrojtjen më të mirë

Ergi Lubani


Alesandro Nesta është i lumtur dhe i qetë në prag të fillimit të sezonit të ri: "Te Milani kemi mbrojtjen më të fortë në botë. Me mbërritjen e Stamit përballë nesh do ta kenë të vështirë të gjithë sulmuesit." Ndërsa për sekretet e skuadrës kuqezi ish-mbrojtësi i Lacios thotë: "Ne e kemi treguar edhe vitin e kaluar se mund të fitojmë edhe kur luajmë keq. E rëndësishme është që të marrë gjithmonë pikë, sepse tre rezultate negative të njëpasnjëshme mund të jenë të mjaftueshme për të të nxjerrë nga lufta për titull. Kjo ndodhi vjet me Juventusin." Në fund, Nesta flet për rivalët që synojnë t'i marrin kuqezinjve titullin kampion: "Interi, si gjithmonë, ka bërë një revolucion të vërtetë, por këtë herë duket se drejtuesit kanë lëvizur mirë dhe kanë formuar një skuadër fituese. Juvja të tremb vetëm me emrin që ka dhe nuk dorëzohet kurrë. Më pas është edhe Roma, e cila ka mbetur një skuadër solide që mund të bëj një kampionat të mirë."

[inter_forever]

Sa te lezecem jeni ju bilanistat !!! Kur rrifet Interi dhe kur fitoni kujtoheni te beni postime...Tamam tifoza objektiv ....
Si ju rrasi Sampi 2 gola ne 5 minuta ...Hajde Bilan stellare hajde...
Me i miri ne fushe Gatuso druvari...Ka bere mbi 10 faulle per te verdhe...Ai eshte kasap majmun , jo njeri ...
Dhe nje gje...Edhe sot ju ndihmoi arbitri !!! Penallti e paster ..Kalaze i shqyen fanelen Bazanit...Ec aty ..Filluat qe tani me hilerat....
Rrofte berluska !

[StormAngel]

Ke inat ti plako?

[StormAngel]

Pjesa e pare na takoj neve, e pjesa e dyte Sampit
Tek e fundit nuk u rrafem.
Kaka shenon gol,kjo na duhet neve,te kemi ne forme lojtaret kyc,e jo kupa Seat qe njeri as qe e di se cka eshte.

[ballack]

Sa te lezecem jeni ju bilanistat !!! Kur rrifet Interi dhe kur fitoni kujtoheni te beni postime...Tamam tifoza objektiv ....
Si ju rrasi Sampi 2 gola ne 5 minuta ...Hajde Bilan stellare hajde...
Me i miri ne fushe Gatuso druvari...Ka bere mbi 10 faulle per te verdhe...Ai eshte kasap majmun , jo njeri ...
Dhe nje gje...Edhe sot ju ndihmoi arbitri !!! Penallti e paster ..Kalaze i shqyen fanelen Bazanit...Ec aty ..Filluat qe tani me hilerat....
Rrofte berluska !

Ne me albitra do i morim ndeshjet gjer ne fund,gjer sa ju te mbushni shekullin me emrin"te deshtuarit e perhershem"!!!

[StormAngel]

Nje pershendetje deri tek Milanistat e forumit (dhe Anti Milanistat nenkuptohet)

[StormAngel]

Nje interviste e Nestes:

Mbrojtësi kuqezi shprehet entuziast pas dy sezoneve më se të suksesshme me fanellën e "Djallit" 16-08-2004

Nesta: Milani, skuadra për t'u mundur

Ergi Lubani


Flet pak sepse është njeri i rezervuar dhe nuk e sheh faktin e të qenit futbollist si diçka për t'u vënë në dukje. Në sytë e të gjithëve, Alesandro Nesta vihet kur luan në fushë. Një mbrojtës me klas dhe një element i pazëvendësueshëm për Milanin kampion Italie dhe për kombëtaren "axurre". 26-vjeçari u lëshon sfidën kundërshtarëve për sezonin 2004-2005, duke filluar nga ndeshja e Superkupës së Italisë, më 21 gusht, me Lacion. Ja cila ka qenë intervista e tij: - Nesta, cila është sfida e këtij Milani të ri? - Duhet të përpiqemi të konfirmojmë autoritetin tonë në Itali dhe në Evropë. Sidomos këtë të fundit, pasi fitimi i Ligës së Kampioneve është objektivi parësor i drejtuesve të klubit. Eshtë një projekt shumë ambicioz, sepse të qëndrosh në majë është më e vështirë sesa ta arrish. - Çfarë mund të përmirësoni në krahasim me sezonin e kaluar? - Përqendrimin. Vitin e kaluar e paguam shtrenjtë mospërqendrimin. Ndodhi ndaj Deportivos në Ligën e Kampioneve, ku pësuam një eliminim të turpshëm. Ajo ndeshje na shërbeu si leksion dhe sivjet nuk do të nënvlerësojmë asnjë takim, sepse nuk ka më skuadra të dobëta. - Në dy vjet, Milani ka fituar një Ligë Kampionesh, një titull kampion Italie, një Kupë Italie dhe një Superkupë Evrope. E imagjinonit një sukses të tillë kur u larguat nga Lacio? - Jo, nuk e imagjinoja diçka të tillë. Në Milano erdha me shumë ambicione dhe me shpresë për të fituar gjithçka, por kjo ndodhi brenda dy vjetëve. Më shpejt sesa e kisha planifikuar unë. - Si po e ndihmoni Stamin në ambientimin e tij te skuadra kuqezi? - Duke i shpjeguar sesi funksionon i gjithë ambienti kuqezi. Edhe pse Japi është disi i turpshëm, po bëj çmos që ta ndiejë veten në Milanelo si në shtëpinë e tij. - Stami i turpshëm? Jo ai që njeh e gjithë Italia... - Nuk ta jep përshtypjen, por në fillim është i turpshëm. Ai është një njeri që e pëlqen shumë shoqërinë dhe për këtë matet mirë përpara se ta njohë. Gjithsesi, jua them me plot gojën se, përveçse një futbollist i madh, holandezi është edhe një njeri i shkëlqyer. - Në ç'rol do të luajë? - Nuk e di, sepse mund të luajë si në të djathtë, ashtu edhe në qendër. Po bëjmë shumë prova në stërvitje dhe kjo do ta ndihmojë Ançelotin edhe gjatë sezonit. - Vitin e kaluar, të gjitha skuadrat dinin t'i kundërpërgjigjeshin lojës së Realit të Madridit. A druheni se diçka e tillë mund të ndodhë sivjet me ju? - Ne jemi skuadra për t'u mundur. Nuk dyshoj se shumë trajnerë e kanë studiuar mënyrën tonë të lojës. Milani është një nga skuadrat më të mëdha të botës dhe është normale që në ndeshjen me ne do të na i studiojnë mirë karakteristikat. Por ne shpresojmë të vazhdojmë të imponojmë lojën tonë. - Mendoni se lufta për titull do të jetë një derbi i gjatë ndërmjet dy skuadrave të Milanos? - Interi ka bërë revolucion e zakonshëm, si në çdo verë, por lufta nuk do të jetë vetëm ndërmjet nesh, pasi edhe Juvja është gjithmonë një garanci dhe nuk është më pak e fortë se ne dhe zikaltrit. Mbetet edhe Roma, një skuadër solide, që mendoj se do të bëjë një kampionat dinjitoz. - Cili është sulmi më i fortë me të cilin prisni përballjen? - Ai i Interit, por edhe dyshja Del Piero-Trezege nuk duhet nënvlerësuar. - Po fillon një sezon i gjatë dhe i lodhshëm. Cili është sekreti për të vazhduar deri në fund, pa u lodhur deri në pranverë? - Të fitojmë edhe kur nuk luajmë mirë. Këtë e kemi bërë në disa ndeshje vitin e kaluar. Duhet të marrim gjithmonë pikë. - Duke parë Maldinin dhe Kostakurtën, a mendoni se mund të luani në moshën e tyre? - Jo, ndoshta sepse edhe ata të dy kur ishim në moshën time nuk mendonin se do të luanin deri në këtë moshë. Vjen një kohë kur mendon për të ardhmen dhe vit pas viti e gjen veten 37 vjeç me pantallona të shkurtra, duke vrapuar në fushë. Mbetet fakti se Maldini dhe Kostakurta janë dy shembuj për t'u ndjekur. - Si ndiheni kur ju vlerësojnë mbrojtësin më të mirë në botë? - Nuk mendoj që jam mbrojtësi më i fortë në botë, sepse dy kandidatë të tjerë për këtë përkufizim i kam në skuadër dhe janë Maldini dhe Stam. Nuk e di cili është më i afti nga ne, por e di se Milani ka mbrojtjen më të fortë në botë. - Sa i vështirë do të jetë për Ançelotin drejtimi i një skuadre të tillë? - Shumë, por ai do t'ia dalë mbanë, siç ka bërë në këto dy sezonet e fundit. Edhe vjet kemi pasur shumë dilema gjatë verës, por ai bëri zgjedhjet e duhura, që në fund rezultuan fituese. Edhe sivjet do të ndodhë diçka e tillë. - Në fund, Di Kanio e mbylli karrierën e tij aty ku e filloi, te Lacio. Po ju si do të veproni? - Jam ende i ri dhe është shumë shpejt për të menduar për fundin e karrierës. Tani për tani jam në një klub që nuk do ta ndërroja me asgjë në botë.

[Davius]

Nje pershendetje deri tek Milanistat e forumit (dhe Anti Milanistat nenkuptohet)

A jam edhe une ketu dikund Cati...apo JO...

Take Care Vellaj...

[StormAngel]

Me Realin do mirremi vesh ne Champions League.
Sa per ketu ne klubin tone,cdo kush eshte i mire se ardhur.