-Humbet - karrikatori i armes qe vrau Duçen.

[PLaku-i-Detit]

Sinani, krehëri i fishekëve në Muze bashkë me armën

Moikom Zeqo: Armës i mungon karikatori


06 Gusht 2004

Teksa buja për armën me të cilën u ekzekutua Benito Muzolini vazhdon, të tjera dyshime lindin. Dhe këtë herë bëhet fjalë për krehërin apo karrikatorin e armës.

Dje, gjatë ekspozimit të kësaj arme për mediat dhe fotoreporterët, në një nga ambientet e Muzeut Historik Kombëtar, drejtori i këtij Muzeu, Moikom Zeqo, u shpreh se karikatori i armës nuk ndodhet në arkivin e këtij muzeu. Sipas tij, së bashku me armën kanë ardhur vetëm katër fishekë, nga dymbëdhjetë me të cilët u ekzekutuar Duçja. Në Arkivin Qendror të Shtetit janë zbuluar disa dokumente, të cilat vërtetojnë emrin e vërtetë të kolonel Valerio, të quajtur Valter Audicio. Ndërsa, nga përballja me disa fakte të tjera, të dhëna nga drejtori i AQSh-së, Shaban Sinani, vetëm tri ditë më parë për gazetën “Panorama”, tregohet se në këto dokumente shkruhej se në Shqipëri ka ardhur arma, së bashku me krëhërin me fishekët e pashkrehur dhe numrin e matrikulit. “Arma ka karakter autentik, vetëm mungon karikatori. Karikatori, mesa duket, ka mundësi të mos ketë ardhur në Shqipëri për mundësi transportimi. Megjithatë, pavarsisht mungesës së karikatorit, ne mund të themi se arma prapë është një objekt muzeor i klasit të parë”, u shpreh dje gjatë konferencës për shtyp Moikom Zeqo. Sipas tij, arma është në gjendje funksionale dhe në nivel të mirë, e cila është arkivuar sëbashku me katër fishekë.

Dje, gjatë ekspozimit të armës
“Është një armë e rrallë dhe besoj se do të hedhë dritë mbi të vërtetën përfundimtare të armës, me të cilën u vra Benito Musolini”, nisi të rrëfimin e tij drejtori i Muzeut Historik Kombëtar, Moikom Zeqo, teksa mbante në dorë armën e ngritur. Është një armë automatike e kalibrit 7,16 mm MAS dhe që i përket prodhimit të vitit 1938. Sipas Zeqos, kjo armë i është dhuruar shtetit shqiptar në mënyrë të fshehtë. “Kjo nuk ishte një dhuratë publike; nuk ishte e bujshme. Kjo ishte një dhuratë sekrete”, tregon Zeqo. Sipas tij, arma, mesa duket është sjellë në Shqipëri nga një diplomat i shquar shqiptar, Edip Çuçi. ”Ekziston edhe një dokument i dorëzuar Hysni Kapos, i cili ishte zyrtar i lartë i shtetit në atë kohë, dhe është respektuar sekreti i ardhjes së kësaj arme”, shton më tej ai. Kjo është një armë e rrallë, me numër F 20830; ka një pasaportë të plotë dhe ruhet në arivin e Muzeut Historik Kombëtar. “Te ne arma ka kartelën e saktë. Numri i arkivit është 801 dhe është e regjistruar me të gjitha përmasat që ka pasaporta. Është një armë unike dhe do të vendoset përfundimisht në muze”, shton më tej Zeqo. Arma ka qenë e ekspozuar me raste festash deri në vitin 1976, ndërsa gjatë periudhës kohore, nga ’76 dhe deri më 1991, arma automatike, me të cilën u ekzekutuar Duçja, është ekspozuar në Pavionin e Luftës. Gjithashtu, sipas Moikom Zeqos, kjo armë me rastin e 60-vjetorit të çlirimit të Shqipërisë, do të ekspozohet sërish në ambientet e Muzeut Historik Kombëtar.



Fakte të ndryshme, për një armë
Përplasen datat e mbërritjes së armës

Dyshimet janë më te dukshme. Përplasjet mes njerëzve të ndryshëm, për të dhënat e kësaj arme, nuk mungojnë. Pikëpyetje të shumta lindin me mungesën e krehërit të saj, i cili nuk dihet nëse ekziston në të vërtetë; ka ardhur apo ka humbur këtu në arkivin e Muzeut Historik Kombëtar. Ndryshime faktesh dhe datash. Sipas drejtorit të Arkivit Qendror të Shtetit, Shaban Sinani, thuhet se në vitin 1956 Shqipërinë e ka vizituar Valter Audicio, ndërsa sipas drejtorit të Muzeut Kombëtar, Moikom Zeqo, tregohet, plot siguri, se arma në atë vit ka ardhur në Shqipëri, por një fakt të tillë nuk e vërteton Ilir Qesja, djali i shqiptarit Xhaferr Qesja, që ka marrë pjesë në togën ushtarake kur u pushkatuar Musolini.



etapat

31 korrik 2004
Lajmi i gjetjes në Shqipëri të armës me të cilën u ekzekutua Benito Musolini, u botua fillimisht në gazetën italiane, “Corriere della serra”, me fakte të dhëna nga drejtori i Arkivit Qendror të Shtetit, Shaban Sinani.

31 korrik 2004
Lajmi për armën botohet i pjesshëm në media dhe agjenci të ndryshme si AFP, BBC e shumë media të tjera evropiane.

1 gusht 2004
Shaban Sinani, drejtor i AQSH-së, shprehet në mediat shqiptare për detajet e zbulimit të dokumenteve të vendndodhjes së kësaj arme në Shqipëri.

3 gusht 2004
Djali i Xhaferr Qeses, Ilir Qesja, dëshmon se i ati i tij ka qenë në vendin ku u ekzekutua Benito Musolini.

4 gusht 2004
Arma me të cilën u ekzekutua Duçja, ekspozohet për mediat dhe fotoreporterët nga drejtori i Muezut Historik Kombëtar, Moikom Zeqo

[Alket123]

Ahahahaha paskan filluar ne Shqiperi cirqet Alla-Hollywood. Bravo Fatos Nano. Bravo!

[karaburuni]

Humbet - karrikatori i armes qe vrau Duçen.

Mos!!!!!!!!!!!!!