Vatikani per feminizmin modern

[StormAngel]

Në një dokument prej 37 faqesh, Kisha e Shenjtë kritikon betejën e madhe moderne të frave----------------- për pushtet e barazi me burrat

Vatikani: Feminizmi modern, rrezik për familjen


Eva Kushova

Vatikani ka kritikuar dje betejën e madhe feministe moderne për pushtet dhe për barazi gjinore. Kjo lloj lufte sipas Vatikanit rrezikon konceptin tradicional të familjes dhe krijon një klimë ku martesat mes ---------------------seksualeve shihen si të pranueshme. Në një dokument prej 37 faqesh “mbi bashkëpunimin e burrit dhe gruas në kishë dhe në botë”, Vatikani bën të ditur se gratë duhet të respektohen dhe të kenë të drejta të parabarta në vendin e punës, por dallimet mes dy sekseve duhet të njihen dhe të ruhen.
“Vitet e fundit po shfaqen qëndrime të reja për çështjet e grave, përfshi dhe tendencën për të “theksuar fuqishëm kushtet e nënshtrimit në mënyrë që të nxisin antagonizimin”, -thotë dokumenti, i cili ripohon qëndrimet e Kishës Katolike për këtë çështje, përfshirë edhe ndalimin për të lejuar që femrat të bëhen priftëresha. Kisha thotë se shumë gra ndihen se duhet të jenë “kundërshtaret e burrave” në mënyrë që të jenë vetvetja. ‘Të përballur me abuzimin e pushtetit, përgjigja për gratë është që të kërkojnë pushtet. Ky proces çon në një kontradiktë të madhe mes burrit dhe gruas… që ka efekte të menjëhershme dhe vdekjeprurëse në strukturën e një familjeje”. Dokumenti kritikon përpjekjen e feminizimit për të theksuar dallimet e mëdha në bazë seksi. “Kjo gjë la nxitur ideologji të cilat për shembull vënë në pikëpyetje familjen dhe strukturën e saj natyrale prej dy prindërisht, një nënë e një baba, duke e bërë homoseksualitetin dhe heteroseksualitetin krejtësisht ekuivalentë me strukturën familjare.
Jo martesës së homoseksualëve
Papa Gjon Pali i Dytë vazhdimisht ka mbrojtur martesën tradicionale nga tendenca për të legalizuar martesat e të njëjtit seks në SHBA dhe në Evropë. Pasi Massachusetts u bë në muajin maj shteti i parë në Amerikë që lejoi martesat e homoseksualëve, kjo çështje është kthyer në një debat të nxehtë para zgjedhjeve presidenciale atje. Dokumenti në fjalë bën thirrje për një njohje më të madhe të rolit të gruas si nënë, dhe i bën thirrje shoqërisë të vlerësojë këtë si një punë reale. “Pavarësisht se mëmësia është një element kyç për identitetin e një gruaje, kjo nuk do të thotë se gruaja duhet të konsiderohet sipas këndvështrimit vetëm si një qenie pjellore”. Vatikani thotë se gratë që vendosin të bëhen gjatë gjithë kohës nëna, nuk duhet të damkosen, por në të njëjtën kohë i bën apel qeverive që t’ua lehtësojnë më shumë nënave kryejnë punë me shkëputje pa “hequr dorë nga jeta familjare”. Në prezantimin e këtij dokumenti, peshkopi Ratzinger tha se ky dokument do të jetë si një pikë nisje për një ekzaminim të mëtejshëm nga kisha, si dhe si një nxitje për dialog. Mes çështjeve të tjera, dokumenti sqaron përse femrat nuk duhet të pranohen priftëresha. Dokumenti shton se roli i gruas në kishë si dëshmitare dhe si “nuse”, siç ilustrohet nga Virgjëresha Mari, është një rol kyç por i ndryshëm nga ai i burrit. Aty thuhet se rezervimi i rolit të priftit vetëm për burrat nuk pengon praninë e grave në zemër të jetës kristiane. Por kisha nuk mund t’i ndryshojë rregullat tani, pasi Krishti ka zgjedhur vetëm burra si apostujt e tij. Ndërkohë që grupi që favorizon emërimin e grave në këto poste thotë se Krishti veproi vetëm sipër normave sociale të asaj kohe.