Greqia do te hape perfaqsi ne Kosove.

[kolombi]

Qeveria pro hapjes së përfaqësisë diplomatike në Prishtinë
Të enjten në parlamentin grek janë ndezur tonet e debatit, gjatë diskutimit të një projektligji të qeverisë për hapjen e Zyrës ndërlidhëse të Greqisë në Prishtinë, që do të funksionojë si një mision diplomatik i mirëfilltë, në shembullin e zyrës ndërlidhëse në Shkup të Maqedonisë.
Deputetë të opozitës dhe kryesisht të PASOK-ut, e kanë kritikuar qeverinë pasi, sipas tyre, hapja e Zyrës Ndërlidhëse inkurajon prirjen drejt pavarësisë të Kosovës, ndërsa nxit tendancat autonomiste edhe për komunitete të tjera shqiptare në rajon.

Duke u përgjigjur, zëvendësministri i Jashtëm vuri në dukje se hapja e zyrës ndërlidhëse, i shërben rivlerësimit të politikës ballkanike të Greqisë, si dhe forcimit të marrëdhënieve dypalëshe.

Ky togfjalëshi i fundit e ndezi përsëri debatin dhe opozita e akuzoi qeverinë se shkon ndesh me qëndrimin e gjithë qeverive greke për mosndryshimin e kufijve në Ballkan.

Gjithësesi, projektligji do të miratohet, por pasi të kalojë edhe në një seancë tjetër diskutimesh.

Qeveria e sotme konservatore ka trashëguar nga hera e fundit kur ishte në pushtet, në vitet 1990 - 1993, qëndrimin e theksuar në favor të politikave serbe në ish-Jugodsllavi, dhe përkrahjen e dhënë ndaj Sllobodan Miloshevicit e Radovan Karaxhicit. Këtë etiketim, qeveria e Kostas Karamanlis duket se don ta shkarkojë nga vetja.