E Hene, 02 Gusht 2004

Levizjet e ambasadoreve

France Ferit Hoxha (largohet)

Austri Shpresa Kureta (largohet)

Hollande Qiriako Qirko (largohet)

NATO Ilir Boēka (largohet)

Ēeki Shaqir Vukaj (largohet)

Rumani Leonidha Mertiri (largohet)

Kroaci Arben Cici (largohet)

OKB Agim Nesho (largohet pas 7 vitesh)

Argjentine Edmond Trako (largohet pas 7 vitesh)

Rome Pellumb Xhufi (ka dhene doreheqjen)

Izrael (vendi bosh)

Arabia Saudite (vendi bosh)

Japoni (do te hapet ambasade e re)

Kryeministri Nano i ka kthyer mbrapsht ministrit te Jashtem, Kastriot Islami, listen me emrat e rinj qe ai ka propozuar per emerimin e 13 ambasadoreve. Kreu i qeverise i ka kerkuar shefit te diplomacise te rikompozoje listen e tij me emra te tjere, pasi propozimet e Islamit nuk i kane pelqyer. Burime nga kryeministria thane per "KJ" se Nano ka mbetur i pakenaqur nga propozimet e ministrit te Jashtem dhe i ka kerkuar atij te heqe nga lista se paku 4 nga emrat qe ai kishte sugjeruar. Sipas ligjit, ambasadoret tane qe akreditohen jashte vendit, propozohen nga ministri i Jashtem, miratohen nga kryeministri dhe dekretohen nga presidenti. Aktualisht jane 13 misione diplomatike qe do te rinovojne titullarin e tyre, duke perfshire ambasadat ne Izrael dhe Arabine Saudite, te cilat jane pa titullar. Misionet diplomatike ne OKB dhe Argjentine do te zevendesohen me kryediplomate te rinj pasi Agim Nesho dhe Edmond Trako qendrojne prej 7 vitesh ne postet e ambasadoreve. Po keshtu, edhe ambasada shqiptare ne Rome do te nderroje titullarin pasi Pellumb Xhufi dha doreheqjen zyrtarisht per arsye personale. Ne fakt, Xhufi, i cili ka qene edhe ish/zv/minister i Jashtem pati kontradikta me zyrtaret e larte te qeverise dhe kryeministrin Nano. Konfliktin mes tyre e trajtoi gjeresisht edhe media, aq sa ministria e Jashtme u detyrua te pergenjeshtroje zerat se perplasja mes Nanos e Xhufit per arsye qe s'kane te bejne me diplomacine, ishte nje trillim i mediave. Brenda muajit gusht, ne seline e kryeministrise pritet te mberrijne propozimet e reja te ministrit Islami te cilat me pas do te shqyrtohen dhe miratohen nga kryeministri Nano. Para se ta nise listen per ne presidence, Nano do te zhvilloje konsultime edhe me kreun e shtetit, ne menyre qe te mos hase ne rezistencen e Moisiut. Nderkaq, brenda muajit gusht, ministri i Jashtem do te mbledhe ne Tirane te gjithe ambasadoret e akredituar ne bote per te zhvilluar analizen vjetore te diplomacise.

Analiza

Javen e kaluar, shefi i diplomacise zhvilloi analizen gjahtemujore te dikasterit qe ai drejton. Islami shpalli se ne gjashtemujorin e dyte te ketij viti, ka si objektiv takime zyrtare ne te gjitha vendet e reja qe u anetaresuan ne muajin maj ne Bashkimin Europian. "Une evidentova prioritetet ambicioze te gjashtemujorit te pare, te cilat mbeten prioritete per te gjithe vitin 2004 dhe ne vazhdim.

E para, lidhet me theksimin e orientimit evropian te politikes shqiptare ne funksion te integrimit ne Bashkesine Evropiane. Do te thoja qe per here te pare brenda nje periudhe kaq te shkurter arrihet te kryhen vizita te rendesishme ne kryeqytete te tilla si Rome, Londer, Berlin, Paris; arrihen kontakte me Belgjiken dhe sot me Hollanden. Ne gjashtemujorin e dyte do te behen takime me te gjitha vendet e Evropes Veriore, ato Nordike dhe ne menyre me specifike, me te gjithe vendet e reja anetare te BE-se per te percaktuar nje veprim me te qarte politiko-diplomatik ne funksion te integrimit", deklaroi Islami pas analizes se ministrise se Jashtme. Ai shtoi se edhe me vizitat e takimet e nivelit te larte qe jane kryer edhe ne SHBA ministria e Jasthme ka vazhduar te krijoje imazhin pozitiv te vendit, qofte nepermjet realizimit te ketyre takimeve dhe marredhenieve bilaterale, te rritura ne menyre progresive, por edhe te kontributit qe jep Shqiperia ne procese te tilla siē eshte lufta kunder terrorizmit nderkombetar. "Ne kemi garantuar dhe siguruar njekohesisht vleresime mjaft pozitive persa i perket moderacionit dhe rolit te saj ne rajon dhe njekohesisht mbeshtetje per procese te tilla siē eshte anetaresimi ne NATO apo integrimi ne Bashkimin Evropian", tha Islami.