Shpërthen mina në Irak, plagosen 3 komando shqiptarë

[mani]

Shpërthen mina në Irak, plagosen 3 komando shqiptarë




TIRANE (27 Korrik) - Shpërthimi i një mine ka shkaktuar sot plagosjen e tre komandove shqiptarë të cilët janë të dislokuar në Mosul të Irakut. Sipas News24, makina e komandove tona ka shkelur një minë, shpërthimi i së cilës ka shkatuar plagosjen e Egert Celës, Elton Abazllarit dhe Dashamir Gjylës. Mësohet se gjatë këtij shpërthimi ka mbetur i plagosur dhe një ushtarak amerikan. Patrulla e komandove shqiptare po kontrollonte zonën 7 km larg aeroportit, kur ka ndeshur në një minë e cila s'dihet se kujt kohe i përket. Pas kontaktimit të televizionit News24 me njërin nga të plagosurit, Elton Abazllarin, mësohet se komandot shqiptare janë jashtë rrezikut për jetën. Njëri prej tyre, Egert Cela, gjendet ende i shtruar në spital, ndërsa dy të tjerët i janë bashkuar shokëve në vendndodhjen e tyre në Mosul. Incidenti ndodhi 7 km larg aeroportit të Mosulit bm/bm (News24/BalkanWeb)

[Llapi]

Plagosen tre komando shqiptarë në Irak, major Bitri tregon ngjarjen

Lajmi i ores 8:40 AM

TIRANE (28 Korrik) - Tre ushtarakë shqiptarë dhe një ushtarak amerikan i grupit të patrullimit janë plagosur lehtë dje si rezultat ndjeshjes në një minë të njërës prej makinave të komandove shqiptare që veprojnë në Irak. Katër të plagosurit aktualisht janë jashtë rrezikut për jetën. Komandot e plagosur janë Kapter Egert Çela, 21 vjec, nga Skrapari, Kapter Elton Abazllari, nga Pogradeci, 25 vjec dhe ushtari profesionist Dashamir Gjyla, 19 vjec, nga Tirana. Incidenti ka ndodhur dje rreth orës 16 e 30 minuta, 7 kilometra larg venddislokimit të trupave shqiptare, në aeroportin e Mosulit, gjatë kohës që trupat tona po kryenin detyrën e patrullimit. Të katërt të plagosurit kanë marrë ndihmën e menjëhershme mjekësore në vendngjarje dhe me pas janë dërguar në spitalin ushtarak të Mosulit. Me forcat komando shqiptare në Irak ka biseduar në telefon Presidenti i Republikës Alfred Moisiu, i cili u ka uruar të plagosurve shërim të shpejtë. Burime zyrtare presidenciale thanë se presidenti Moisiu është shprehur se i gjithë populli shqiptar e ka përqendruar vëmendjen tek paqeruajtësit tanë në Irak dhe se të gjithë janë krenarë për ta. Major Bitri i tha presidentit Moisiu se kontigjenti shqiptar po e vazhdon punën dhe detyrën me një devotshmëri më të madhe, pas incidenti të ndodhur në Mosul. I kontaktuar nga News 24, Major Bilbil Bitri u shpreh se nënoficeri Çela është operuar dhe aktualisht është në gjëndje të mirë shëndetësore. "Me kënaqësi konfirmoj se gjendja e tyre është e mirë njëri nga të plagosurit që ishte më rëndë nga dy të tjerët ka dalë nga operacioni ku kishte për të hequr një copë të mbetur në një pjesë të trupit, dhe tani është jashtëzakonisht mirë dhe është jashtë rrezikut për jetën. Parametrat e tij shëndetësorë janë mëse normalë. Cili prej ushtarakëve është operuar? Ai është nënoficeri Egert Çela nga qyteti i Skraparit. Cila është gjendja e komandove të tjerë të plagosur? Dy komandot e tjerë të plagosur kanë marrë mjekimin e nevojshëm të specializuar pranë spitalit amerikan të bazës dhe tani janë në kampin tonë dhe janë të gatshëm për t'u kthyer në detyrë. Si është gjendja aktuale në Mosul? Gjendja në Mosul është e njëjtë si në të gjithë Irakun. Forcat e koalicionit janë në shenjestër, po aq sa edhe forcat e sigurisë irakene, dhe instituicionet të përkohëshme të Irakut. Major keni ndonjë mesazh për familjarët e komandove? Do doja t'i siguroja familjet e ushtarakëve se djemtë e tyre gëzojnë shëndet të plotë dhe për më shumë se kaq, shokët janë gjendur pranë tyre dhe për më tepër kanë përcjellë mesazhin e dashurisë dhe respektit për shokët dhe punën në grup. Morali i efektivit për kryejen e detyrave është më i lartë sesa ka qënë më parë. ro/ro (GazetaShqiptare/BalkanWeb)

[StormAngel]

Ushtarakët shqiptarë Egert Çela, Elton Abazllari dhe Dashamir Gjyla janë plagosur pas shpërthimit të një mine

Komandot: Si u plagosëm në Irak

Abazllari: “Jemi në gjendje të mirë shëndetësore dhe nuk kemi pësuar dëmtime të mëdha nga shpërthimi”

Ened Janina

TIRANË- Mina plagos tre komando shqiptarë në Irak. Dje rreth orës 16.30 makina ku po udhëtonin komandot shqiptarë ka hasur në një minë dhe ka shpërthyer. Si pasojë kanë mbetur të plagosur ushtarakët shqiptarë Egert Çela, Elton Abazllari dhe Dashamir Gjyla. Plagët më të rënda i marrë kapteri 21 -vjeçar nga Skrapari Egert Çela ndërsa dy ushtarët e tjerë, pasi kanë marrë ndihmën e parë mjekësore janë rikthyer në bazë. Çela i është nënshtruar një ndërhyrjeje kirurgjikale, e cila i ka hequr ciflat e minës që i kishin dëmtuar qafën. Pas kësaj, ai ka dalë jashtë rrezikut për jetën. Lajmi është pohuar dje nga burimet zyrtare të Ministrisë së Mbrojtjes dhe nga vetë komandot shqiptare në Irak. Sipas tyre, së bashku me tre ushtarët shqiptarë është plagosur edhe një ushtar amerikan. Ndërkohë ushtari Elton Abazllari ka pohuar dje për “Shekullin” se gjendja e tyre tashmë është mjaft e mirë. “Jemi në gjendje të mirë shëndetësore dhe nuk kemi pësuar dëmtime të mëdha nga shpërthimi i minës. Jemi vetëm disi të shokuar nga ajo që ka ndodhur dhe kemi marrë mjekime”,- tha dje ushtari profesionit Abazllari.
Ngjarja
Ka qenë ora rreth 16. 30 e ditës së djeshme kur makina me tre ushtarët shqiptarë ka ndeshur në një minë të vendosur në rrugë. Grupi i patrullimit përbëhej nga katër ushtarë, tre prej të cilëve shqiptarë dhe një amerikan. Në atë moment ata ishin duke shkuar në aeroportin e Mosulit dhe rruga ku ata po kalonin ishte kontrolluar edhe më parë për mina. Sipas burimeve nga komanda jonë në Irak, mësohet se mina ishte vendosur në rrugë paraditen e sotme nga forcat irakene dhe ushtarët nuk e dinin këtë gjë. Mina ka prekur gomën e pasme të makinës ku udhëtonin tre ushtarët shqiptarë duke e hedhur makinën në erë. Ndërkohë dëmtime ka pësuar edhe një makinë e dytë që ndodhej pas asaj që shpërtheu. Sipas burimeve nga Iraku, makina është shkatërruar krejtësisht por ushtarët nuk kanë pësuar dëmtime serioze për jetën. Plagët më të rënda i ka marrë kapteri 21- vjeçar Egert Çela dhe ushtari amerikan. Çela ka marrë plagë në qafë, të cilat i kanë shkaktuar humbje të konsiderueshme të gjakut.
Mjekimi
Menjëherë pas ngjarjes, makina e dytë ka transportuar për në Spitalin Ushtarak të Mosulit katër të plagosurit. Ushtari amerikan dhe kapteri Egert Çela janë futur menjëherë në sallën e operacionit ku i janë nënshtruar një ndërhyrjeje kirurgjikale. Komandoja shqiptare në Irak ka pohuar se Çelës i është pastruar krejtësisht plaga nga ciflat e minës dhe i është dhënë një sasi gjaku. Ndërkohë, gjendja e dy shqiptarëve të tjerë të plagosur ka qenë shumë më e mirë. Kapteri Elton Abazllari dhe ushtari profesionit Dashamir Gjyla kanë marrë vetëm ndihmën e parë mjekësore dhe janë kthyer në bazë. “Kapter Egert Çela dhe ushtari amerikan i grupit të patrullimit vazhdojnë që të jenë nën kujdesin e mjekëve, ndërsa kapter Elton Abazllari dhe ushtari profesionit Dashamir Gjyla janë dërguar rishtazi në vend dislokimin e tyre”,- thuhej dje në komunikatën zyrtare të Ministrisë së Mbrojtjes në lidhje me këtë ngjarje. Gjatë pasdites së djeshme, Ministria e Mbrojtjes ka kontaktuar me komandot shqiptare në Irak dhe ato i kanë konfirmuar se gjendja është normalizuar. Gjatë kontakteve telefonike të “Shekullit” me komandën shqiptare është konfirmuar se rasti i djeshëm ishte thjesht një aksident dhe tashmë gjendja është kthyer në normalitet. Pjesa tjetër e trupave shqiptare po vazhdon detyrat e saj sipas programit të paracaktuar më parë.

[Kryeplaku]

Me ne fund ndodhi ajo qe te gjithe e prisnim.
Ejani forumsa dhe shani Arabet tani! Edhe kur te mos ngelet kembe Shqiptari ne Irak prape Arabet e kan fajin, ata politikanet tone jane te gjithe engjej qe duan t'a shpetojne boten nga dialli arab dhe nuk ngurojne kurre te na japin dekorata kur na humb ndonje kembe ose ndonje dore nga ndonje mine - ja prisni dhe disa ore dhe do i shifni dekoratat e Mojsiut per keta trima qe vune jeten ne rrezik vetem per te shpetuar boten nga dialli arab- kurse ne populli shqiptar jemi populli qe e prekrahim (me gjumin tone te thelle) kete lufte kundra diallit arab. Rrofshin engjejt si Nano, Mojsiu e Majko qe po shpetojne Ameriken edhe gjithe boten perendimore nga dialli arab lum ne per trimerine e ketyre ushtareve (qe per disa leke vajten ne Irak) meritojne me te vertet dekorata biles mbas disa vjetesh edhe OKBja do dekoroje Nanon me Mojsiun me cmimin "pellumbat e paqes". Me ne fund bota po na meson edhe si "paqeruajtesa", nuk jemi me mafioza.

[Saint-Simone]

Me vjen keq qe bashkekombesit e mij lene kembet per qejf te amerikes...

[R2T]

Ju callme-adhuruesit, boll perhapet thashetheme per prerje gjymtyresh. Te gjithe, fale Zotit, i kane ne vend kembe e duar. Boll u quravitet dhe zbrapset tajaren, me rrezikun e pare te kthesa. Ushtaraku kur vesh uniformen dhe i hypen avjonit e ka mare parasysh se cfare e pret. Nuk i duam asnjeriu te keqen, po detyra e ushtarakut e kerkon nje sakrifice te tille. E nese ne do kthejme kurrizin nga aleatet tane, ne dite te keqia, se kemi frike te bejme sakrifica te tilla, cfare lloj aleati jemi ne? Cfare mesazhi u japim atyre qe shfaqin interesin te bashkepunojne me ne? Miku i mire duket ne dite te keqe. E nese ne Kosove, u inkuadruan mijra Amerikane, e ku dhjetra te tjere humben jeten per clirimin e saj, ne po quravitemi se po paguajme 70 ushtare e u plagosen 3.
Nese ju personalisht jeni nga fshati "Nëm", dhe keni kete lloj metodike ne shoqeri, mos prisni qe dhe pjesa e Shqiptareve te hyje ne ate kategori. Kosova ishte nder qe duhet kthyer. Fatmiresisht ka akoma Shqiptare qe e kuptojne se nderi lahet vec me nder. Ushtaret Shqiptare ne Irak nuk jane aty as per Ameriken as per Irakun dhe as per Zimbabene, por perfaqesues dhe per te miren e Shqiperise. Per sa kohe ju do vazhdoni te adhuroni me sy mbyllur callme-mjekercjapat, jam i sigurt se nuk do arrini ta kuptoni kete koncept.

Sherim te shpejte bijve te Shqipes.

[Saint-Simone]

Une nuk adhuroj askend. Thashe qe me vjen keq...
ti je me sa shoh nje njeri tipik qe adhuron ameriken dhe idiotin bush... te uroj sherim te shpejte ...

[green]

Fatmiresisht ka akoma Shqiptare qe e kuptojne se nderi lahet vec me nder.

I gjithe shkrimi yt R2T eshte shume i plote per ata qe kane mend ta kuptojne. Por sidomos kjo fraze...ah sa kuptim qe ka...eshte kyci i te gjithe muhabeteve qe bejme ne ketu...Dhe mjere kush nuk e kupton apo ndjen se cfare fshihet pas saj...
Na masakroi, helmoi mendjet dhe zemrat komunizmi...Na ka bere bukeshkale, mosmirenjohes, hipokrite, qe cirremi per te ashtuquajturen te drejte absolute sepse duam ti shmangemi asaj drejtesise se vertete qe eshte aq e thjeshte...dhe qe gjendet ne zemer...

P.S. Arabet dhe marrezia e tyre per te kthyer gjithe boten pas 2000 vjet?! Djaj dhe shkuar djallit vete!C'te keqe kane pasur shqiptaret nga Amerika ndonjehere...(hajde hidhuni dhe argumentoheni)dhe ne vijim te kesaj...c'te mire na kane bere arabet qe po iu digjet kaq shume kurrizi juve per ta?

[Saint-Simone]

c'te mire na kane bere arabet qe po iu digjet kaq shume kurrizi juve per ta?

hajde arsyetim hajde...

a te p.... trute ty...(kripsha) ...

nese atje vriten njerez te pafajshem çdokush e ka te drejten te flase per ta dhe t'i mbroje pavaresisht nese ka perfitu diçka apo jo...

shkrimi yt tregon se ne jeten e perditshme je nje person intersaxhi dhe i pacipe qe po te hedhin ca leke ta lepin me qejf gjithe diten...

pastaj ç'eshte ky inat karshi arabeve edhe kur jane te pafajshem... atje jane vrare me mijra njerez te pafajshem ju akoma me flitni per nder karshi amerikes...

[Hyllien]

Ndonje lajm rreth asaj vrasjes se 68 Irakianeve nga Arabet e tjere ? Cbehet atje, apo dhe per ate e ka fajin amerika qe shkojne e vrasin te rinjte qe antaresohen tek policia. Kjo nuk ka ku te vete, ka nje kufi gjithshkah, po te shkosh te vrasesh rracen, besimin tend nuk ka ku te vete. Fanatizem teper i madh.