Politika evropiane ndaj Kosovës

[karaburuni]

Bot: Prioritet, forcimi i rolit të BE-së për Kosovën

PRISHTINE (23 Korrik) - Kryesuesi i Këshillit të Ministrave te BE-së, Ministri i Jashtëm i Holendës, Bernard Bot, porositi qytetarët e Kosovës që të punojnë me këmbëngulje në implementimin e standardeve. Ndërkaq, ai tha se prioritet për Kosovën gjatë mandatit të tij është forcimi i rolit te BE-së në Kosovë. Bot deklaroi dje në Prishtinë se bisedat aktuale për statusin e Kosovës janë të padobishme dhe do të krijonin precedencë për rajonin. Kjo çështje, sipas tij, duhet të zgjidhet në kontekst të integrimit të Serbisë e Malit të Zi dhe Kosovës në Bashkimin Evropian. "Bisedat aktuale vetëm për statusin janë të padobishme, sepse në fakt krijojnë presedencë për situatën në Ballkanin perëndimor. Duhet të punojmë në standarde dhe në implementimin e tyre, e pastaj në konktekst të integrimit të të dyjave në BE, Serbisë e Malit të Zi si dhe Kosovës, ne mund të zgjidhim në mënyrë më konkrete çështjen e statusit", deklaroi shefi i diplomacisë holandeze Bot, pas një takimi me zëvendësshefin e UNMIK-ut, Çarls Brajshou. ro/ro (QIK/BalkanWeb)

[karaburuni]

Kjo deklaratë të krijon përshtypjen se strategjia e BE për Kosovën është që të fusë Kosovën në SMZ dhe t'u japë garanci kosovarëve duke futur SMZ-në në Evropë. Shkurt muhabetit një lloj Jugosllavie e re.
Por kosovarët nuk duhet të harrojnë që kjo nuk do t'i pengonte serbët të vepronin si zakonisht, sapo të gjenin rastin, ashtu sic bënte Rankovici megjithëse kishte mbi kokë Titon. As Evropa nuk do të ishte garanci me një popull si serbët, që përsëri do t'i përdornin të gjitha mënyrat për të realizuar qëllimet e tyre.
E vetmja garanci për kosovarët do të ishte shkëputja e plotë nga Serbia apo SMZ.

[Shmeki]

Bot: Prioritet, forcimi i rolit të BE-së për Kosovën

PRISHTINE (23 Korrik) - Kryesuesi i Këshillit të Ministrave te BE-së, Ministri i Jashtëm i Holendës, Bernard Bot, porositi qytetarët e Kosovës që të punojnë me këmbëngulje në implementimin e standardeve. Ndërkaq, ai tha se prioritet për Kosovën gjatë mandatit të tij është forcimi i rolit te BE-së në Kosovë. Bot deklaroi dje në Prishtinë se bisedat aktuale për statusin e Kosovës janë të padobishme dhe do të krijonin precedencë për rajonin. Kjo çështje, sipas tij, duhet të zgjidhet në kontekst të integrimit të Serbisë e Malit të Zi dhe Kosovës në Bashkimin Evropian. "Bisedat aktuale vetëm për statusin janë të padobishme, sepse në fakt krijojnë presedencë për situatën në Ballkanin perëndimor. Duhet të punojmë në standarde dhe në implementimin e tyre, e pastaj në konktekst të integrimit të të dyjave në BE, Serbisë e Malit të Zi si dhe Kosovës, ne mund të zgjidhim në mënyrë më konkrete çështjen e statusit", deklaroi shefi i diplomacisë holandeze Bot, pas një takimi me zëvendësshefin e UNMIK-ut, Çarls Brajshou. ro/ro (QIK/BalkanWeb)

Shkas i nje lufte te re guerile ne Kosovë,....(eh kjo toka e Kosovës,nuk u ngop kurr me gjak shqiptari..për qdo dekad kerkon te rrjedh gjaku i shqiptarit për t'a ujitur këtë toke te bekuarë,dhe kurr nuk prituan shqiptarët dhe kurr sdo pritojn gjer sa ti bjen djelli permbi e t'i lshon rrezet mbi këtë tokeee )

Fajin do t'a bartin perseri Evropa,siq edhe e kan barture dekada me radhe !

[pagan]

dhe normal, ngaqe nuk ishin kosovaret qe e fituan luften (siç mesa duket kane filluar te kujtojne). me kujtohet sesi vet ata (prishtinalijte qe njihja) e quanin UÇK-ne me hajgare () ushtria çlirimtare e katunarve.

me shpejt do te jete e pavarur çeçenija sesa kosova.

si dhe nivelin ekonomik qe kosova pati ne kohe te titos, do te jete shume e larget dita (per te mos thene e pamundur ne rast pavaresie) per ta fituar perseri.

eshte pikerisht frika nga humbja e ketij niveli qe e ftohi zjarrin e bashkimit me shqiperine. megjithese kosova e pavarur (as ne serbi as ne shqiperi) nuk ka asnje gjase per zhvillim. e emblemat kombetare nuk do te mjaftojne per ta ngop si duhet barkun me buke.

[karaburuni]

si dhe nivelin ekonomik qe kosova pati ne kohe te titos, do te jete shume e larget dita (per te mos thene e pamundur ne rast pavaresie) per ta fituar perseri.

Cfare niveli ka patur Kosova ne kohen e Titos? Ishte ndoshta me mire se Shqiperia e atehershme, por mbetej krahina me e varfer ne ish-Jugosllavi dhe kosovaret ishin te detyruar te merrnin rrugen e mergimit neper Evrope, sepse nuk kishin se c'te benin ne Kosove.

eshte pikerisht frika nga humbja e ketij niveli qe e ftohi zjarrin e bashkimit me shqiperine. megjithese kosova e pavarur (as ne serbi as ne shqiperi) nuk ka asnje gjase per zhvillim. e emblemat kombetare nuk do te mjaftojne per ta ngop si duhet barkun me buke.

E leme problemin nga ana kombetare. Por a e ka njeri idene e potencialit te zhvillimit ekonomik te nje bashkimi Shqiperi-Kosove? Per mendimin tim eshte shume i madh se plotesojne njera-tjetren. Shqiperia eshte 2/3 malore dhe ka mangesi me prodhimet bujqesore por nga ana tjeter ka begdetin i cili pervec hapjes drejt Perendimit mund te shnderrohej ne nje perle turistrike ashtu sikurse eshte Greqia apo bregdeti Dalmat. Kurse Kosova ka fusha pjellore qe do te plotesonin mungesat e Shqiperise.

Potenciali eshte jashtezakonisht i madh, por a do te jene ne gjendje vete shqiptaret ne Shqiperi apo ne Kosove ta shfrytezojne apo jo, ketu eshte puna. Apo do t'jua lene te huajve qe te perfitojne nga keto pasuri sic e kane zakon?

[pagan]

karaburun, duke mos e dit moshen tate, dmth sa e njeh situaten e vertete ne ate kohe, po te them qe kosova kishte me te vertete mireqenie te larte, ndoshta me te ulten ne jugosllavi, por krahasuar me shqiperine, grekun, bullgarine, rumanine, e kishte me te larte se keto. ngaqe jugosllavia ne kohe te titos kishte nivel me te larte jetese edhe se gjermania lindore e bile çekia, te dyja keto ishin shtetet me te pasura te lindjes komuniste. (gjermania e çekia ja kalonin nga niveli jetes edhe shume vendeve perendimore; portugali, greqi, itali e jugut, spanje si dhe irlande. (kjo deri ne vitet 75 - 78)
te shohesh foto te frances se asaj kohe te hik menia venit per jeten e rrenuar qe benin shumica.

si dhe kuptohet qe une krahasimet i bej duke e nis nga vetja e shqiperia, nga tjeter vend s'ja vlen si thu ti, pastaj kosovaret jane shqiptare apo jo, dhe ne kohe te titos ne jugosllavi aplikohej VETADMINISTRIMI, ky ishte sistemi origjinal jugosllav, per te cilin ruset paten verrejtje qe shpuren ne shkeputjen e jugosllavise nga kampi lindjes qe para viteve 60 (ne kete kohe tito shpalli politiken e vendeve te mos-angazhuara, pra jashte kampeve politike).

e vetadministrim do te thote qe politiken e çmimeve dhe rrogave e udheheq BAZA (rrethi, ndermarrja, koooperativa) dhe jo KRYESIA (shteti, republika, ose qyteti), pra sektori me rezultate me te larta prodhuese krijon dhe nivel me te larte jete, fabrika me cilesi me te larte prodhimi, rrit çmimet e mallit sipas kualitetit por dhe rrogat sipas fitimit. nji keshtu, te bera dhe njiçik kurs ekonomie, hehe!

ndersa sa per ate piken e dyte, duhet ta shihje qe ne kllapa ta kisha fut ne rast PAVARESIE te saj dhe jo bashkimi siç sygjeron ti.

sepse bashkimi nuk eshte nje fjale goje, por proçes teper i komplikuar, ai do te varet nga deshira e kosoves sikur shqiperia te jete me e varfer se ajo, dhe nga deshira e shqiperise sikur kosova te jete me e varfer nga kjo. a kupton!

shqiperia siç duken bathet po e kap pak nga pak kosoven, do te vije dita do ta kaloje ate, sepse siç e the dhe vete forca kryesore zhvilluese e gjeneruese e te ardhurave vjen nga EMIGRACIONI (tek te dyjat, jo siç qe perpara vetem i njeres, kosoves), e emigracionin shqiperia e ka me te eger, ketyre u qan zemra me shume per lek, e prandaj DO TE pasurohen me shpejt e me shume se kosovaret mbrenda nje kohe relativisht te shpejte. pranej per bashkimin do te jete shqiperia qe do te zgjedhe dhe jo kosova....... kjo do te detyrohet te luaje rol te dyte pak a shume si ne jugosllavine e asaj kohe.

nji keshtu.

shendet e te mira.

[D&G Feminine]

Europa eshte shume konservatore persa i perket pavaresise se Kosoves. Sidomos ruset do bejne c'eshte e mundur per ta penguar. Vetem Amerikanet na bejne pune. Kam pershtypjen qe do i kthehen prape Kosoves.
Para nje viti i kam bere kete pyetje perfaqesuesit te ambasades amerikane ne OKB.
- Pse u terhoqet nga Kosova dhe a do te kete kandidat amerikan per kreun e UNMIK.
Pergjigja ishte: Kosova nga ne konsiderohet tani se backyard (kopsht) i Europes keshtu qe jemi distancuar per tia lene Europianeve te gjejne gjuhen e perbashket.

Madeleine Albright para nje jave deklaroi: Kemi bere gabim qe jemi terhequr nga Kosova, kjo eshte dhe nje nga aryet e problemeve atje.
Sinqerisht shpresoj qe te rikthehen, perndryshe Europianet dhe UN nuk kane per ti lejuar kosovaret te shpallin pavaresine as sot as mot.
Qeverite, OJQ-te, individet (shqiptare dhe kosovare) duhet ti kushtojne vemendje nje lobying-u te vazhdueshem ne US nqs duan te jene efikase ne kerkesen per pavaresine e Kosoves.

[pagan]

motra pavaresine ta jep veç VETJA dhe KOMSHIJA e jo LARTMADHERIJA.

historia FLET e na ben ta kujtojme, 500 vjet ndjejti turku ne kosove, i zhvilloi e begatoi, hekurudhen e ndertoi (hehe rimon), por kur u largua per paveresine as qe u kujtua (hehe rigon )

europa perendimore (france, angli, shermani) u zhvillua vetem kur u "vellazerua". dhe ne do zhvillohemi vetem kur te gjejme te njejtat vale me komshijte (ose fqinjet) tane.

ndryshe amerikani do te veproj po si sulltani (rimon e rigon )

[Hyllien]

Evropa u zhvillua fale miliardave qe ka dhene Amerika per ta. Un per vete kam qene ne Iralande, nje nga vendet me te varfera qe mund te ekzistonin deri ne vitet 60, e me pas pati nje rritje te ngadalte deri nga vitet 80. Fale pareve te Irlandezeve te Amerikes qe kane kap hallkat, erdhen me mijera investitor, sollen lloj lloj biznesesh dhe e kane bere Irlanden nje vend qe ke qef te rrish. Shume prej tyre jane kthyer, por kane lene niperit e tyre, kushurinjte e tyre etj. Zhvillimin maksimal pastaj e paten ne kohen e Clintonit qe ka bere gjera te mrekullueshme per ate vend, deri dhe hapje vende punesh, komplet industrine e kompjutereva dhe telekomunikacioneve per nje pjese te konsiderueshme te Evropes e solli atje etj etj. E pra kshu jane bere dhe te tjeret, me Greqi e Turqi bashke, pare Amerikani, dhe gjak qe eshte derdhur ne luften e dyte per ta shpetuar Evropen.

Ndersa sa per Shqiptaret, nuk mund te besh reforma ne Shqiperi, pasi Evropa nuk te lejon. Evropa do fusi Marokun(qe nuk eshte as ne Evrope) dhe nuk te fut ty, nuk ka si te fusi, pasi nese antaresohesh ne Evrope, Greku duhet te ndaloj te furnizohet me Arme masive, Shqiptaret kapin gjith tregun dhe qytetet e vecuara te veriut dhe te jugut do rigjallerohen nga biznesi, sic ka qene ne kohen e pashalleqeve etj etj. Pra ka implikime akoma me te renda nje futje e Shqiperi Kosove ne Evrope, se sa nje pavaresi e Kosoves, qe prap te len te ndare, te rras nje qeveri te pilotuar dhe te percan akoma me shume sec je i percare. Kjo pra eshte Evropa dhe car plani ka ajo me Shqiptaret, qe nuk mund te jete ne asnjemenyre antaresim i menjehershem, pasi gjaku qe kane derdhur Shqiptaret eshte shume i fresket, nacionalistat qe bota i kap dit per dit, dhe qe shqiptaret duke qene se jane teper te edukuar nga perendimi, i perqeshin, po rriten dita dites. Nuk mund te kete paqe ne nje rrajon te tilla, por vetem bashkim, dhe hyrja ne Evrope e lehteson jashtmase bashkimin, qe ska nevoje te jete ne letra e ne harta.

France Angli e Gjermani vllazerohen vetem kundra te tjereve, por kur vjen puna per njeri tjetrin gati jane... mjafton qe NY ka me shume police ne NYPD se sa ushtar ka Gjermani.

Turku neve na shiti, me ne krye "shqiptarin" Ataturk i cili dha dore te lire serbise dhe greqise te na cfarosnin si komb, edhe pse merita kryesore qe ato u gjenden te pavarur qe lufta qe Shqiptaret zhvilluan si per Greqine ashtu dhe per Serbine... megjithate ne per te tjeret te vrasim keshtu... qofte ne llogjike dhe skrupolozitet citimesh e kritikash e qofte fizikisht...

[StormAngel]

Diplomati norvegjez, është takuar me sekretarin e përgjithshëm të OKB-së, Kofi Anan

Kai Aide rekomandon reforma përmbajtësore në UNMIK

Javën e ardhshme, sekretari Anan do ta paraqesë raportin e z. Aide para Këshillit të Sigurimit të OKB-së, ku pritet të diskutohet edhe për reforma të UNMIK-ut

Nju Jork, 24 korrik - Diplomati norvegjez, Kai Aide, është takuar mbrëmë, në Nju Jork, me sekretarin e përgjithshëm të OKB-së, Kofi Anan. Ai ia ka dorëzuar z. Anan raportin nga misioni i tij disaditësh në Kosovë.

Burime nga selia e OKB-së në Nju Jork bënë të ditur se raporti e z. Aide përfshin rekomandime për reforma përmbajtësore të misionit të UNMIK-ut.

Javën e ardhshme, sekretari Anan do ta paraqesë raportin e z. Aide para Këshillit të Sigurimit të OKB-së, ku pritet të diskutohet edhe për reforma të UNMIK-ut.

Raporti i diplomatit norvegjez, Kai Aide, është hartuar pas vizitës së tij disaditëshe në Kosovë, ku ishte takuar me zyrtarë të administratës ndërkombëtare dhe me udheheqës të institucioneve të Kosovës, me liderë të forcave kryesore politike shqiptare dhe me përfaqësues të minoritetit serb
------------------------------------------------------------------------------------------------
Deklaratë e Grupit të Kontaktit për zhvillimet e fundit në Kosovë

Procesi i standardeve duhet të jetë në duart e kosovarëve

Në Deklaratën e publikuar, Grupi i Kontaktit ka mirëpritur arritjet pozitive gjatë të kësaj periudhe, pra që nga takimi i fundit i 8 qershorit, veçanërisht duke iu referuar dialogut ndëretnik, rindërtimit dhe kthimit si dhe qeverisjes lokale. Në këtë Deklaratë veçanërisht është vlerësuar bashkëpunimi i vendosur midis shqiptarëve dhe serbëve që ka rezultuar me një deklaratë të përbashkët në të cilën është konkluduar formimi i një ministrie për çështjet e minoriteteve të drejtat e njeriut dhe kthimin

Prishtinë, 21 korrik - Pas takimit të djeshëm me udhëheqës të institucioneve dhe forcave politike, Grupi i Kontaktit Plus ka publikuar një Deklaratë në të cilën janë dhënë vlerësime për arritjet e bëra gjatë gjashtë javëve të fundit në Kosovë, si dhe janë dhënë sugjerime për angazhimet e ardhshme.

Në Deklaratën e publikuar, Grupi i Kontaktit ka mirëpritur arritjet pozitive gjatë të kësaj periudhe, pra që nga takimi i fundit i 8 qershorit, veçanërisht duke iu referuar dialogut ndëretnik, rindërtimit dhe kthimit si dhe qeverisjes lokale. Në këtë Deklaratë veçanërisht është vlerësuar bashkëpunimi i vendosur midis shqiptarëve dhe serbëve që ka rezultuar me një deklaratë të përbashkët në të cilën është konkluduar formimi i një ministrie për çështjet e minoriteteve të drejtat e njeriut dhe kthimin.

Gjithashtu Grupi i Kontaktit ka ritheksuar se procesi i standardeve duhet të jetë në duart e kosovarëve si dhe është përmendur rëndësia e një partnershipi efektiv mldis UNMIK-ut dhe institucioneve të Kosovës. Njëherit ka nënvizuar faktin se që nga takimi i kaluar janë themeluar disa grupe të cilat do të bëjnë monitorimin e implementimit të standardeve.

Grupi i Kontaktit ka vlerësuar progresin e arritur në rindërtimin e objekteve të shkatërruara gjatë trazirave të marsit. Në bazë të vlerësimeve të UNMIK-ut deri tash janë rindërtuar 35 për qind nga dëmet e shkaktuara. Megjithatë, Grupi i Kontaktit ka shprehur shqetësimet në lidhje me sigurinë e komuniteteve të tjera në Kosovë si dhe ka bërë thirrje për më shumë përkushtim në krjimin e klimës që do të mundësojë kthimin e të zhvendosurve.

Grupi i Kontaktit ka mirëpritur idenë për krijimin e ministrisë së re për çështjet e minoriteteve. Pastaj ka vlerësuar se sa më shumë kthime të ketë në muajt e ardhshëm do të jetë një hap thelbësor.

Po ashtu Grupi ka mirëpritur draftin e prezentuar për decentralizmin e pushtetit në Kosovë dhe ka inkurajuar vazhdimin e bashkëpunimit në këtë sferë. Njëherit ka inkurajuar të gjitha palët për rifillimin e dialogut të Prishtinës dhe Beogradit në lidhje me çështjet teknike, ndërkohë që ka përshëndetur pjesëmarrjen e serbëve në grupin këshilldhënës për siguri si dhe në grupin punues për reformën në qeverisje.

Me këtë rast është theksuar rëndësia e zhvillimit ekonomik si dhe e hapjes së vendeve të reja të punës. Po ashtu Grupi i Kontaktit ka mirëpritur rifillimin e procesit të privatizimit dhe ka bërë thirrje sërish për të siguruar që të mos ketë më shtyrje. Është mirëpritur përpjekja për zhvillimin e strategjlsë për ekonominë e Kosovës, ndërkaq që është inkurajuar nxjerrja e rregulloreve nga UNMIK-u në përmihet dhe mineralet me qëllim të stimulim-it të ekonomisë.
-----------------------------------------------------------------------------------------------------
Ndersa sot peshkopi Artemie del me deklarate ne TV ne te cilen thote se Serbet nuk ndjehen te sigurte ne Kosove dhe se duhet te behet decentralizimi i pushtetit ne menyre qe minoritetit serb ne vendet ku jane shumice t`ju takojne me shume ingerenca rreth pushtetit.