Mediat elektronike: "DigitAlb" eshte pirateri

[ALBA]

E Enjte, 29 Korrik 2004
Shoqata e Mediave Elektronike te Shqiperise shprehet se "DigitAlb" ka shkaterruar nje pune disavjecare, duke rikthyer piraterine: "Programet e vjedhura po shiten me leke. Ndersa televizionet e tjera, programet e vjedhura do t'i japin falas". Sefedin Cela: Pse u largova nga drejtimi i Keshillit Kombetar te Radios dhe Televizionit

Kryetari i Shoqates Mediave Elektronike te Shqiperise, Aleksander Frangaj, ka reaguar ndaj transmetimit televiziv dixhital nga kompania "DigitAlb", duke e cilesuar ate si pirateri qe po shkaterron punen per nje media elektronike sa me te ligjshme. "'DigitAlb' shkaterroi gjithe punen tone disavjecare, por dogji edhe veten. Askush ne Shqiperi nuk ka pse blen 'DigitAlb'-in me leke, per te pare ato programe qe do te japin gjithe televizionet pa pagese. Teknologjia e re nuk justifikon vjedhjen. Cdo prodhim televiziv, pavaresisht sesi dhe ku transmetohet, ne radhe te pare duhet te blihet", ka deklaruar Frangaj.

Ne nje deklarate te Shoqates se Mediave Elektronike te Shqiperise thuhet se tashme ne vendin tone pirateria eshte kthyer. "Ende pa u mbushur viti nga miratimi i ligjit dhe fillimi i respektimit te te drejtave televizive, gjithcka eshte shkaterruar. Shqiperia eshte perseri i vetmi vend ne Evrope e me gjere, qe piraton programe televizive. Prej tetorit te vitit te kaluar, te gjitha televizionet, pa perjashtim, respektojne ligjin duke transmetuar programe te prodhuara vete apo te blera, por gjithe kete pune e prishi 'DigitAlb', i cili me 24 kanale transmetoi prej dates 15 korrik, programe pirate te pablera", thuhet ne deklaraten e Shoqates. Sipas saj, ne keto kushte, televizionet e tjera i kane kerkuara Keshillit Kombetar te Radio-Televizionit mbrojtjen e ligjit dhe konkurences mes operatoreve. Por, KKRT pervec premtimeve qe ligji do te zbatohet, asnje veprim konkret nuk morri, thuhet ne deklarate.

Sipas Shoqates, piraterine e "DigitAlb" e ndoqi menjehere "Shijak TV", i cili mbremjen e se martes e lidhi kalanin e tij me sinjalin satelitor te "Canale5", duke transmetuar ne menyre pritare ndeshjen e futbollit te trofeut TIM ne Itali, Inter-Milan-Juventus dhe duke premtuar publikisht se tani e tutje do te japin, jo vetem sport, por edhe filmat e Hollvudit, ashtu sic ben edhe "DigitAlb". "Pas Shijakut, edhe televizionet e tjere kane te drejte te vjedhin dhe te mos shpenzojne me para per te blere programe. Aq me teper qe "DigitAlb" programet e vjedhura i shet me leke. Ndersa televizionet e tjera, tani e tutje, programet e vjedhura do t'i japin falas", thuhet ne deklaraten e Shoqates Mediave Elektronike te Shqiperise.

Filmat e vjedhur

Pjese e piraterise eshte edhe transmetimi i filmave dhe lojen e ka rihapur perseri "DigitAlb". Shoqata Mediave Elektronike, ne deklarates e saj, ka bere me dije se "DigitAlb" ka vjedhur filmin e TV Klan. "Ne vijim te transmetimeve pirate, 'DigitAlb' ka transmetuar edhe filmin "A Beautiful Mind", nje film i kompanise se njohur amerikane 'Dream Works'. Ky film, bashke me disa te tjere, si 'Road Trip', 'Meet the Parents', 'Cast Aeay' etj. jane blere nga TV Klan per t'u transmetuar ne sezonin e ri, pas nje shtatorit. Por prona amerikane e blere me te drejte ekskluzive per tre vjet nga TV Klan u vodh duke u transmetuar nga 'DigitAlb'", thuhet ne deklaraten e Shoqates. Sipas saj, kjo kompani qe ka marre persiper t'u shese me leke filma te rinj qytetareve, nuk mund ta ushtroje kete biznes duke vjedhur filmat e televizioneve qe i kane blere ato per t'i transmetuar falas. TV Klan i kerkoi kesaj kompanie "te ndale piraterine qe transmeton ne kanalet e veta, pasi keshtu po demton gjithe procesin dhe te ardhmen e te drejtave televizive ne Shqeiperi. Ndryshe per te vjedhur nuk do shume mund e kesaj do t'i kthehen te gjthe televizionet".


korrieri

[ALBA]

"Po nuk u ndal pirateria, do vjedhin te gjithe"
E Enjte, 29 Korrik 2004
Flet Kryetari i Shoqates Mediave Elektronike te Shqiperise, Aleksander Frangaj

Cili eshte komenti juaj per fillimin e transmetimeve te "Digitalb"?

"Sipas verifikimeve tona dhe te gjithe operatoreve te tjere televizive, rezulton se kjo kompani keto programe i ka te piratuara, nuk i ka te blera, sic kane bere te gjitha televizionet e tjera. Kjo kompani me 24 kanale, transmeton 24 ore pirateri. Ky shqetesim eshte percjelle ne KKRT, sepse dalja e tyre pirate do te shkaktonte prishjen e ketij rregulli dhe daljen ne transmetimet private dhe nga televizionet e tjera. Ne keto kushte deri dje, te gjithe teleshikuesit u njohen me deklarimin e Tv Shijak ku e lidhi televizionin me "Canale 5", duke transmetuar pa asnje blerje dhe pa asnje te drejte televizive dhe per me teper, duke deklaruar se keto transmetime do t'i vazhdojne edhe ne te ardhmen".

Nese KKRT nuk zbaton ligjin per piraterine, sipas jush cfare do te ndodhe? Do t'i rikthehemi te gjithe piraterise perseri?

"Logjika te con qe nese dikush do te vjedhe, te gjithe te tjeret do te vjedhin. Nuk mundet qe televizionet qe transmetojne pa pagese me sistem tokesor, t'i blejne programet dhe nje televizion tjeter qe transmeton dixhital, duke u marre para qytetareve per abonimin, t'i vjedhe keto programe. Nese "Digitalb" vazhdon transmetimin e programeve pirate, deri neser (sot) ne mbremje, une si kryetar i Shoqates se Mediave Elektronike, i bej thirrje te gjithe televizioneve te Shqiperise, qe nga tropoja e deri ne Sarande, te fillojne te vjedhin te gjithe programet qe trasmetojne. Ne qofte se nuk ka shtet, nese KKRT eshte inekzistent, nese shteti aktual prej kartoni nuk eshte ne gjendje te menaxhoje keto frekuenca, te menaxhoje ligjin, te garantoje konkurrencen e ndershme, i bej thirrje te gjitheve te vjedhin".

Komisioni parlamentar i Medias me propozim te deputeti Nikolle Lesi, tentoi qe tre dite me pare te aprovonte nje ligj per transmetimin dixhital tokesor. Cili eshte mendimi juaj?

"Sigurisht, nisma per te transmetuar ligje dhe per te permiresuar ligje eshte gjithmone pozitive dhe i vleresoj te gjitha iniciativat. Por, nuk mund te le pa permendur qe tentaviva per ta miratuar kete ligj ne tre dite, per ta kaluar ne Komision Parlamentar sot (e merkure) e per ta kaluar ne Parlament neser (e enjte) meqenese eshte seanca e fundit, pa kaluar ne asnje komision tjeter, me duket nje tentative pak mafioze, pasi u jane marre firmat disa deputeteve pa ditur se c'kane firmosur dhe pa ditur se per cfare behet fjale. Ne keto kushte, nje dyshim i madh me lind ne kete drejtim, por fatmiresisht nuk kaloi kete rradhe. Me vjen keq me disa deputete injorante qe jane dhe anetare te Komisionit Parlamentar te Medias. Ne kater shtetet me te medha ne Evrope, kjo teknologji ka deshtuar. Qeveria angleze para tre-kater ditesh deklaroi shtyrjen e afatit te implementimit te kesaj teknologjie per ne vitin 2012. Ne Spanje ka deshtuar, ne Suedi, ne Finlande. Ne Itali keto masa jepen falas nga shteti. Nuk u shiten qytetareve per sa kohe nuk eshte ende e garantuar si teknologji. Dhe ne keto marresa digitale nuk transmetohen programe pay tv, pra, qe do paguhen nga qytetaret, por transmetohen kanalet e licensuara. Une nuk jam kunder dixhitalit, sikunder ne do te kemi projektin tone si shoqate per ta kaluar ne komision parlamentar. Por, une nuk mund te pranoj qe meqenese nuk eshte miratuar ligji ende hajde te piratojme".

Cili eshte mendimi juaj per deputetin Vili Minarolli, i cili eshte edhe anetar i komisionit Parlamentar te mediave, qe eshte shprehur qe perderisa nuk ka ligj le te transmetoje, pra eshte fjala per "Digitalb"-in?

"Deputeti Minarolli nuk eshte hera e pare qe jep deklarata totalisht te papergjegjshme. Eshte nje deklarate totalisht idiote, sepse nuk i lejohet nje deputeti, i cili ka qene anetar i Komisioni parlamentar edhe ne parlamentin e kaluar dhe qe ka miratuar ne kete komision parlamentar ligjin numer 8655, date 31.07.2000, i cili ne nenin 137/4, thote: denohet me gjobe deri ne 4 milion leke per rastet kur nje person instalon pajisje televizive ose radioje, duke dale ne transmetim me figure ose me ze pa autorizimin e KKRT-se. Pra, ligji e ka shqip. Si dixhitali, edhe analogu transmetojne ne te njejten bande, ne banden e frekuencave UHF. Pra, dixhital ka okupuar 4 frekuenca UHF, te cilat jane pasuri kombetare, qe me ligj administrohen dhe jepen vetem nga KKRT. Zoti Vili, i cili nuk ka lidhje me ate detyre qe ka, ben nje gafe jashtezakonisht te madhe, sepse ligji eshte. Papergjegjshmerine e zotit Vili e kemi lejuar disa here ne media dhe do t'i lutesha lidershipit te PD, t'i heqe te drejten e daljes para mikrofonave dhe kamerave te ketij njeriu totalisht te paafte, qe vetem turperon PD dhe nuk e nderon aspak ate ne syte e opinionit publik".

Socialistet kane vendosur te rrezojne dekretin e Presidentit per zgjedhjen e anetarin e 7 te KKRT-se dhe eshte fjala per gazetarin Lutfi Dervishi. Si e mendoni ju, kete kontradikte qe po lind midis tyre dhe institucionit te Presidentit?

"Kohet e fundit PS ndihet e corientuar me vendimet politike qe po merr. Me duket nje vendim absurd partiak, pasi eshte marre ne grup parlamentar dhe jo ne Parlament. Eshte skandal, sepse ligji e thote qarte. Ligji per RTV publik e privat i tetorit 1998 ne menyre eksplicite shprehet, qe KKRT perbehet nga shtate anetare, 3 prej te cileve i propozon shumica, tre opozita dhe nje Presidenti. Dhe as mazhoranca e as opozita nuk kane te drejte t'i thone Presidentit, jo Lutfiun, po Aleksandrin, se pastaj nuk do te ishte me propozim i Presidentit. Moisiu e ka propozuar: Emri im eshte Lutfi Dervishi, parlamenti vetem do ngreje doren. Mund ta ktheje mbrapsht zotin Dervishi vetem ne rastin kur ky, mund te kete precedente penale, mund te jete njeri i denuar, mund te jete shpallur ne kerkim nderkombetar per terrorizem, por nuk mundet qe me propozimin e zotit Ben Blushi, qe thote se Lutfiu eshte gazetar i djathte, te rrezohet dekreti i Presidentit. Me duket nje vendim teper absurd i PS nese neser do ta rrezoje dekretin e Presidentit dhe do te konsiderohet nje tjeter carje mes ketyre dy institucioneve, te cilat jane ne dem te funksionimit te shtetit ne rradhe te pare dhe te demokracise ne rradhe te dyte".





korrieri

[ALBA]

Vërejtjet e OSBE-së për projektligjin “Akti i lirisë së shtypit”


Shekulli

Çështje si detyrimi për të treguar burimin e të ardhurave për të vendosur një çmim dysheme për gazetat dhe fitim maksimal për shitësit e gazetave si dhe për të vendosur kufizime ndaj aftësisë së pronarëve për të konkurruar për kontrata me prokurime publike janë masa që kanë për qëllim të zgjidhin përmes një mbirregullimi të medias, një çështje që në thelb është politike.

----------------------------egullimi i tepruar i medias nuk do të eliminonte korrupsionin zyrtar dhe shpërdorimin e kompetencave të pakufizuara apo edhe kontrollin politik mbi median.


Nuk ka nevojë që të kemi ligje ekskluzive vetëm për kompanitë e mediave të shkruara

Dispozitat do të ndodhen në fakt, nën rrezikun e abuzimeve nga qeveria për t’i përdorur ato si armë kundër medias kritike ndaj saj


Efekti rrjetë i dispozitave do të jetë pengimi i zhvillimit të medias në linja të hapura e konkurruese, duke i shkaktuar dëm zhvillimit të tregut të medias


Transparenca lidhur me strukturën e pronësisë së medias, duhet përcaktuar me ligj dhe duhet të jetë e njohur për publikun por në ligjin “Për shtypin”, nuk duhet të ketë dispozita në lidhje me transparencën financiare të mediave të shkruara


Kompanitë private të medias nuk duhet të detyrohen që të deklarojnë regjistrat e tyre financiarë, nëse kjo gjë nuk u kërkohet të gjitha kompanive private dhe organizmave qeveritare një gjë e tillë


Nuk duhet të ketë çmim dysheme për gazetat sepse kjo nuk do të arrinte rezultatet e dëshiruara dhe do të ishte dizavantazh për popullsinë shqiptare

Propozimi për të ndaluar pronarët e medias, familjarët e tyre dhe aksionerë të tjerë të këtyre kompanive të kenë kontrata me qeverinë nuk qëndron, sepse kjo dispozitë do të kufizonte lojtarët e rinj që do të hynin në treg

Vendosja e një detyrimi mbi kompanitë publike për të reklamuar në të gjitha gazetat është e vështirë dhe ndoshta përbën një shpërndarje të gabuar të parave publike.

Vendosja e një detyrimi mbi qeverinë për të përkrahur të drejtën e marrjes së informimit është pozitive, por gazetat që mbështetin qeverinë nuk duhet të favorizohen në shpërndarjen e tyre në zonat e largëta.


shekulli

[Eminemka]

po do te vjedhim

sat+dhe digitalb jane te dyja pirate

[ncige]

Eh, vecse lajme te mira degjon nga Shqiperia, te behet zemra mal.

[mad]

ajo dihej qe ne fillim per DigitAlb-in.
Prandaj edhe Klan, TVA, dhe Koha u bene bashke dhe hapen SAT+, i cili eshte gjithashtu sherbim pirat!

{^_^}