Selami: Berisha eshte lideri legjitim i PD

[Albo]

Ish-kryetari i PD shprehet optimist se zgjedhjet e 2005 do t’i fitojë opozita

Selami: Berisha është lider legjitim i PD-së

“Ka pasur oferta për mua por jo konkrete, sepse kanë qenë më tepër në distancë”

Shekulli

TIRANE- Ish-kryetari i Partisë Demokratike, Eduard Selami, nuk e përjashton mundësinë e rikthimit në jetën politike shqiptare, por thotë se nuk ka marrë ndonjë ftesë konkrete. Në një intervistë për “Zërin e Amerikës”, ai tha dje se u takon grupimeve politike që të vendosin për një gjë të tillë, pasi ata janë lojtarët kryesorë. Zoti Selami ishte i ftuar në seancën për Shqipërinë që organizoi Komisioni Amerikan i Helsinkit.

Zëri i Amerikës: Zoti Selami, ju ndoqët seancën për Shqipërinë të organizuar nga Komisioni i Helsinkit dhe ju i ndiqni me siguri zhvillimet në Shqipëri. Si mendoni se është situata në Shqipëri aktualisht dhe çfarë doli nga kjo seancë, sipas mendimit tuaj?

Eduard Selami: Në radhë të parë unë dua të falenderoj Komisionin e Kongresit, Senatit amerikan për këtë seancë e cila drejton vëmendjen drejt Shqipërisë dhe siç e ndoqët edhe ju, siç pata rast ta ndjek edhe unë, Komisioni ka shqetësimet e veta për situatën në Shqipëri. Duke vlerësuar arritjet që janë bërë, njëkohësisht theksoi edhe vështirësitë që ka dhe në radhë të parë dhe kryesorja, rëndësinë që kanë zgjedhjet e vitit 2005 për proceset demokratike në Shqipëri. Shqetësimi kryesor i Komisionit është që 2005 është një test shumë i madh për demokracinë në Shqipëri dhe nuk duhet të përsëritet 1997 kur Shqipëria bëri një hap shumë të madh mbrapa, pas atij fillimi jashtëzakonisht të suksesshëm të demokracisë në fillim të viteve 1990.

Zëri i Amerikës: Nga pozita që ju i shikoni zhvillimet në Shqipëri, konfliktet politike dhe se si zhvillohen ngjarjet atje, cili është mendimi juaj për situatën aktuale në Shqipëri?

Eduard Selami: Natyrisht që unë jam i zhgënjyer që një pjesë jo e vogël, mbase pjesa më e madhe e energjisë politike në Shqipëri, derdhet duke u marrë me njëri-tjetrin dhe duke u grindur me njëri-tjetrin, por në të njëjtën kohë unë jam optimist dhe mendoj që Shqipëria nuk do të përsërisë 1997. Siç e përmenda pak edhe në fjalën time, unë kam besim që pozita do të koncentrohet në mbajtjen e premtimeve për të cilat është votuar, sepse në fund të fundit ai është qëllimi kryesor dhe nga ana tjetër unë kam besim tek opozita, ka sinjale pozitive që ajo do të hartojë një platformë tërheqëse dhe që do të arrijë të ketë sukses në zgjedhjet e ardhshme.

Zëri i Amerikës: Juve a jeni përfshirë tek kjo platformë tërheqëse, keni ndonjë plan që ju vetë të kontribuoni përsëri në jetën politike shqiptare?

Eduard Selami: Akoma asgjë konkrete, por ...

Zëri i Amerikës: A keni patur ndonjë ftesë?

Eduard Selami: Jo konkretisht, ftesat kanë qenë më tepër në distancë, por mendimi im është që është e rëndësishme që grupimet që janë atje dhe lidershipi i atjeshëm të vijnë në atë konkluzion, sepse ata janë lojtarët kryesorë.

Zëri i Amerikës: Juve i keni bërë të ditura mendimet tuaja atje, përmes kontakteve tuaja me kolegët tuaj?

Eduard Selami: Kontaktet e mia nuk kanë qenë kontakte të rregullta, por ky ishte një rast, dëshmia që mbajta këtu ishte si të thuash mënyra e kontaktit dhe e bërjes publike të mendimeve të mia.

Zëri i Amerikës: Njëri nga mendimet që ekziston në politikën shqiptare, më saktë jo në politikën shqiptare, por më shumë në jetën civile shqiptare dhe mbase edhe në disa qarqe ndërkombëtare, është që konflikti politik në Shqipëri është përqendruar tek dy persona: zoti Fatos Nano dhe zoti Sali Berisha, megjithëse edhe Partia Socialiste ka problemet e veta brenda saj. Cili është mendimi juaj? A duhet të vijë një brez i ri politikanësh? Ka kaq vjet që flitet për këtë. A mendoni se ka ardhur momenti për një ndërrim të udhëheqjes të partive kryesore politike në Shqipëri?

Eduard Selami: Unë mendoj që këto janë probleme të cilat u takojnë vetë partive për të vendosur për këtë gjë. Për mendimin tim këto janë probleme që u takojnë partive përkatëse të tyre, jo individëve. Po të marr anën e Partisë Demokratike që unë kam drejtuar në bashkëpunim me zotin Berisha, unë pa dyshim vlerësoj kontributin e tij për demokracinë. Asnjeri nuk është i përsosur, por mendoj që ai është lideri legjitim i zgjedhur i Partisë Demokratike dhe unë i qëndroj atij mendimi dhe e respektoj atë si një lider të zgjedhur të Partisë Demokratike.

[Albo]

PD: Eduart Selami është i mirëpritur

N.Perndoj

TIRANE- “Ish-kryetari i PD-së, Eduart Selami është i mirëpritur në Partinë Demokratike”, -kështu është shprehur dje sekretari i Marrëdhënieve me Jashtë në Partinë Demokratike, Besnik Mustafaj. I pyetur rreth mundësisë së kthimit të Selamit në Shqipëri, pas pjesëmarrjes së tij në seancën dëgjimore të Komisionit amerikan të Helsinkit, diplomati i selisë blu Mustafaj shtoi se, Eduart Selami është i mirëpritur në PD për të kontribuar në ndryshimin pozitiv të realitetit në Shqipëri. Sekretari i Marrëdhënieve me Jashtë komentoi dje edhe zhvillimin e seancës dëgjimore në Komisionin amerikan të Helsinkit. Sipas tij, gjatë kësaj seance doli qartë shqetësimi i amerikanëve ndaj gjendjes në Shqipëri “ku mungojnë standardet elementare të një demokracie për faj të qeverisë dhe maxhorancës qeverisëse”. “Po ndiqet me shqetësim degradimi i kësaj situate në Shqipëri, qoftë në aspektin e përparimit galopant të korrupsionit, të lidhjeve të politikës me krimin e organizuar ashtu edhe tentativat këmbëngulëse të Nanos dhe të qeverisë së tij për të realizuar edhe një herë një manipulim zgjedhjesh në Shqipëri”, -tha ai. Mustafaj përshëndeti dje edhe qëndrimin e përfaqësuesve të shoqërisë civile të mbajtur në Komisionin amerikan të Helsinkit. “PD-ja rikonfirmon vendosmërinë e saj për të mbështetur të gjitha përpjekjet që vijnë nga institucionet shqiptare, nga shoqëria civile, nga institucionet ndërkombëtare, nga vendet mike strategjike për të realizuar zgjedhje të lira dhe të drejta në Shqipëri, dhe është e bindur se pa realizimin e zgjedhjeve të lira dhe të drejta në Shqipëri nuk mund të luftohet as korrupsioni, as krimi i organizuar. Qeveria Nano, maxhoranca socialiste janë përgjegjësit e vetëm të gangrenës që po bren Shqipërinë”, -tha ai.

[ALBA]

Enigmat e aksidentit të Eduard Selamit

Prania në seancën dëgjimore, e publikuar vetëm një ditë përpara


Agim Baçi

Një aksident automobilistik, në vitin 1997, për pak sa nuk i ka marrë jetën ish-kryetarit të Partisë Demokratike, Eduard Selami. Menjëherë pas rikthimit të tij të furishëm në skenën politike, kanë dalë në dritë edhe disa nga të pathënat për jetën e ish- kreut demokrat, në shtatë vitet e fundit.

Selami u largua nga drejtimi i PD-së pas konfliktit me ish-presidentin Berisha për shkak të kërkesës për zbatimin e statutit të partisë, i cili identifikonte kreun partiak me kryeministrin, por ai kurrë nuk e deklaroi largimin nga partia. Nga burime të afërta me Eduard Selamin, gazeta “Panorama” ka mësuar se në vitin 1997 atij i ndodhi një aksident i rëndë automobilistik, ku një veturë e përplasi me forcë tek po ecte në vijat e bardha të rrugës në Nju-Jork. Sipas të dhënave, që i referohen asaj kohe, ky aksident, që shkaktoi ndërprerjen e aktiviteteve të Selamit për dy vjet, pasi ai nuk ishte në gjendje as të punonte e as të studionte, ka mbetur ende enigmë, edhe pse vetë protagonisti i kësaj ngjarje nuk ka pranuar kurrë t’ i japë ngjyrime. Ndërkohë, sipas të njëjtave burime, gjatë kësaj periudhe Selami është inkurajuar nga një grup i gjerë shqiptarësh, jo vetëm nga Shqipëria, por nga të gjitha trevat, e sidomos, prej shqiptarëve nga Kosova. “Dhjetëra bashkatdhetarë kanë kontribuar ekonomikisht në rikthimin e tij, duke i qëndruar pranë gjatë dy viteve të vështira”, u shprehn për “Panoramën” burime të besueshme pranë ish-kreut demokrat.

Selami, si përfundoi në SHBA
Ish-kreu i PD-së shkoi në Amerikë, nga mesi i vitit 1996, me një bursë Fullbright. Ai bëri specializim në dy nga universitetet me të mira private të Amerikës: Stanford dhe Columbia. Pas ngjarjeve të dhunshme të marsit të vitit 1997, Selami vendosi të qëndrojë në Amerikë dhe të vazhdojë studimet për Master e PhD në Universitetin Columbia. Por, këto studime janë ndërprerë për shkak të aksidentit të rëndë që i ndodhi, pasi ai nuk kishte asnjë mundësi t´i vazhdonte.

Pas rikuperimit nga aksidenti, Eduard Selami u detyrua ta mbyllte kapitullin e studimeve për Master e PhD, dhe iu fut jetës amerikane, si çdo emigrant tjetër. Sot ai është manaxher në firmën që ka ekskluzivitetin e veturave Lexus dhe Toyota në Virginia Beach.

Lidhjet me politikën në Tiranë
Raporti i fundit, i mbajtur në një nga sallat e Kongresit, përpara Komitetit të Helsnikit të Kongresit Amerikan, tregoi se Selami nuk ishte shkëputur aspak nga ajo që ndodh në Shqipëri. Gjithsesi, Selami gjatë këtyre viteve ka qenë një nga figurat më të kërkuara nga shumë drejtues të PD-së, për t´u rikthyer në forumet drejtuese. Madje, ai është kërkuar edhe në kohën më të vështirë të jetës së tij, kur ndodhej për rreth dy vjet jashtë aftësisë për të qenë një njeri me aktivitet, për shkak të aksidentit. Gjithsesi, ai mbetet ndoshta figura e vetme për të cilin Berisha duket se “e ka mbajtur gojën”, duke mos artikuluar kurrë ndonjë akuzë. E tillë ishte edhe përgjigjja e Selamit kundrejt lideri demokrat, tek shprehej menjëherë pas seancës përpara kongresmenëve se do të respektonte “legjitimitetin e të zgjedhurit të PD-së”.

Ndërkohë, rikthimin e tij me këtë status politik, e pranoi në formën më të plotë ambasadori shqiptar në SHBA, Tarifa, tek pranoi për “Panoramën” se ndihej i habitur për këtë ftesë ndaj kreut të PD-së dhe se ishte vënë në dijeni vetëm një ditë përpara takimit.



Familja Selami mes Amerikës e Shqipërisë

Ish-kreu i Partisë Demokratike, Eduard Selami, jeton që prej vitit 1996 në SHBA. Ai është i martuar me Pegi Vreton, e njohur si pjesënarrëse në Miss Albania në vitin 1994. E shoqja, Pegi, po mbaron studimet universitare për shkenca kompjuterike. Eduardi dhe Pegi kanë dy djem nga martesa e tyre, Riçardin (sipas emrit të kumbarit së tij, Richard Holbrook) dhe i dyti, Xhorxh. I madhi është 7 vjeç dhe futet në klasë të dytë, ndërsa i vogli është 4 vjeç dhe është në kopësht. Dy prindërit e Eduart Selamit jetojnë në Tiranë, në “Rrugën e Durrësit”. Vëllai i madh i Eduardit, Besniku, ka qenë deri disa muaj më parë këshilltar i presidentit Moisiu për Çështjet e Sigurisë. Por disa muaj më parë ai u shkëput (për arsye familjare) dhe u kthye ne Virginia Beach, ku kishte gruan dhe djalin. Ndërkohë, vëllai tjetër jeton në Boston, ku ka në pronësi një piceri.



Selami: Mesazhi për PD, ai që lexova në Seancë

“Dëshmia ime në komision ishte, si të thuash, një mënyrë kontakti e bërjes publike të mendimeve të mia”. Kështu u shpreh Selami pas seancës përpara Komitetit të Helsnikit të Kongresit Amerikan. Duke shprehur besimin se, projektet e opozitës do ta sjellin drejt pushtetit PD-në, ai pranoi gadishmërinë për t´iu përgjigjur një ftese të mundshme të lidershipit demokrat.



Edi, surpiza e takimit para kongresmenëve

Seanca Dëgjimore përpara Komitetit të Helsinkit në Kongresin Amerikan, e fokusuar mbi situatën politike në Shqipëri, e veçanërisht, mbi zgjedhjet e ardhshme parlamentare, u zhvillua të martën në një nga sallat e Kongresit Amerikan. Përveç të ftuarve nga Tirana, kryerepublikanit Mediu, kreut të lëvizjes “Mjaft!”, Erjon Velija, kreut të Zyrës për Mbrojtjen e Qytetarëve, Kreshnik Spahiu, si dhe pranisë së ambasadorit shqiptar në SHBA, Fatos Tarifa, e kreut të Prezencës së OSBE-së në Tiranë, Osmo Liponen, në këtë tryezë, në mënyrë krejt të papritur, u shfaq edhe ish-kreu i PD-së, Eduart Selamit. Menjëherë pas takimit, ambasadori Tarifa nuk e fshehu habinë e pranisë së Selamit, ndërkohë që në Tiranë një prani e tillë u pa si një sinjal në drejtim të opozitës. Krerët e Partisë Demokratike përshëndetën takimin, e gjithashtu, edhe fjalën e Selamit. Ndërkohë, ky i fundit lëshoi sinjale drejt një rikthimi të mundshëm në Tiranë, por gjithnjë duke paralajmëruar se do të priste “shenjat” nga Berisha. “E përshëndes zgjedhjen legjitime të Berishës në krye të PD-së”, u shpreh Selami, duke lënë të hapur mundësinë e bisedimeve me drejtuesit e PD-së. Mundësia për një diskutim të shpejtë është pranuar gjatë këtyre ditëve nga shumë drejtues të PD-së, por gjithsesi, duket se fjala e fundit i mbetet vetëm Berishës.

Panorama

[Zarathustra.]

Kerkesa e kongresit amerikan per kthimin ne Shqiperi te Selamit, ishte ne thelb nje thirrje "Berisha GO".

Selami sigurisht do perfaqesoje te djathten ne Shqiperi dhe per kete ai do synoje te udheheqe PD. Prej Selamit kerkohet qe ai te rifutet ne politike per ti dhene asaj nje impuls te ri dhe nje ndryshim thelbesor,dhe jo per tu njehesuar me politiken standarde te opozites ku ai kerkon te aderoje. E thene thjesht kongresi amerikan i tha Selamit- Shko zevendeso Berishen, dhe jo shko e behu nje me te.

Dhe per te gjithe enderrimtaret, bashkjetesa Berisha-Selami eshte nje utopi, sepse eshte provuar ne PRAKTIKE qe nuk ekziston, ashtu sic u provua bashkejtesa Berisha dhe gjithe themeluesit e tjere te saj. Selami do kthehet ne Shqiperi per te ndermarre ndryshime dhe qe te ndryshosh PD me nje Berishe ne krye sipas qejfit te Selamit duhet te kesh nje nocke mu ne maj te ballit.


Por Selami nuk e ka keq qe nuk e sulmon Berishen, edhe pse ai ka vuajtur shume prej tij, dhe mbi te gjitha edhe pse ishte vete Selami qe rreth nje vit me pare vuri si kusht te kthimit te tij ne PD, daljen menjane te Berishes.

Berisha ekziston sot ne politike fal 2 gjerave. 1) Injorances dhe xhahilllekut te shqiptareve dhe 2) Polarizimit te tejsakajshem qe i ka bere ai shoqerise shqiptare nepermjet gjuhes se urrejtjes dhe vrerit. Shume shqiptare nga injoranca kujtojne se demokracine ia u solli Berisha dhe akoma e shoqerojne figuren e tij me vitet 90. Me tej ata sepse jane injorante, dhe nuk mund te dallojne te aftin nga i paafti, i gjykojne njerezit nga morali personal dhe jo nga aftesia drejtuese dhe udheheqese. Ketu Berisha sigurisht del fitimtar, por jo shume shqiptare e kuptojne se Berisha ne kete aspekt eshte politkan pervert, dhe se politikani i ndershem eshte politikan i paafte.

Ne keto kushte nqs Selami do synoje majen e PD dhe opozites, atij i duhet mbeshtetja e Berishes dhe fanatikeve qe ai ka farketuar per kaq kohe. Kjo se pari i duhet qe ai te beje karriere brenda PD, ndryshe ai fluturon prape ne amerike. Me tej per nje politikan qe e fillon nga e para kjo pjese e elektoratit, sado e vogel ne perqindje eshte nje impuls i mire dhe force goxha muskuloze. Ne fund te fundit keta votojne gjithmone dhe te gjithe.

Vete analiza e Selamit indirekt ishte mbi te gjithe nje goditje e heshtur pikerisht kunder Berishes dhe PD.

Selami e akuzoi politiken shqiptare se ajo nuk merret me problemet reale te shoqerise por me duelet personale mes politikaneve. Ka pershkrim me te sakte per ate c'ka ben PD dhe Berisha deri me sot?

Me cfare merret PD e Berisha sot? Me benzin e Nanos, me apartamentin e Nanos, me gruan e Nanos, me moralin e Nanos, dhe me jeten e tij personale, kjo pasi u morr me moralin e Edi Rames, me babane dhe nenen e tij si dhe me jeten e tij personale, .... me tej ai merret me klubin e Zenumit, me pallatin e X apo Y. Me Kras Montanen, apo me aksidentet e Nanos. Ai e shan, akuzon dhe e kercenon Nanon vazhdimisht duke ia bere te qarte se ate e pret hakmarrja.

Ky eshte boshti i politkes se PD dhe Berishes, dhe kritika thelbesore e Selamit ishte po kjo filozofi, qe eshte filozofia e paaftesise, e mungeses se axhendes dhe te projekteve strategjike. Thjesht nje filozofi qe kenaq njerezit me thashethemaxhinj dhe me injorante te shqiperise.

Por cfare me shqeteson mua per figuren e Selamit eshte fakti se edhe pse ai ka 10 vjet ne amerike, karriera e tij ketu ka qene teper mediokre. Puna me e sofistikuar qe Selami ka arritur te beje ne Amerike eshte shites makinash. Kjo personalisht mua me shqeteson. Megjithate shpresoj qe kjo mos ta pengoje ate dhe synimet e tij progresiste, ..... shpresoj.

[dallandyshe]

Perseri te huajt po mendojne per fatin shqiptare!
Me 97-en, me nderhyrjen e trupave te NATO-s u be ndalimi i luftes civile dhe tani ne perzgjedhjen e qeverise shqiptare.
Eduart Selamit do ti duhet shume perpjekje per tu rikthyer ne skenen politike.
E mendoj, nje rikthim i tij , shume te veshtire.
Si per te hyre ne te njejtin parti PD por dhe te hape parti te re te se djathtes Selamit i duhet shume mundim,sakrifica,ose te rrije aty ku eshte!
Ai do te perballet me egoizmin e njerzve hakmarres, injorante, te pascrupullt te politikanve shqiptare, qe jane sot ne pushtet, nuk e ka haruar Sali Berishen eshte po ai mbase me i terrbuar, "manjak per pushtet".
Figura e Eduart Selamit ne radhet e PD ka qene e adhuruar si dhe te qenit ne krye te saj do te kishte shume admirim dhe perkrahje nga populli shqiptare ashtu si dhe kthimin e shume antareve te tjere qe jane larguar .
Per mendimin time, nese ne zgjedhjet e ardhshme jane po te njetit figura Nano-Berisha zgjidhja me e mire e popullit shqiptare te qe bojkotimi i zgjedhjeve, perderisa te vendosen figura te reja shpresdhenese te kombit tone.
Na duhet te bindim veten tone, se cdo te thote demokraci!
Fushaten elektorale, zgjedhja e te njejtve politikan shqiptare ka vetem nje mundesi, te thenit "NDAL";- Per ju politikan, "ka kryesi por ka edhe kosh"!
Na duhet te bejme, shume sakrifica, po dhe per Selamin ne rikthimin e tij, si edhe ndihmes amerikane .
Po a mund te shkulet lehte ky grami i keq qe ka mbire ne token shqiptare?

[Hyllien]

Rrofte hipokrizia i thone kesaj. Ai prej Berishes iku, se nuk i la pushtetin, nuk i la vendin e Kryeministrit sic ben Nano sot qe i mban te dy postet, tani dashka me u kthyer ne Shqiperi te vjedhi edhe nje here tjeter. Keta tipa jane te demshem per Shqiperine. Ai artikulli i Klosit duhej sjellur ketu, qe Shqiptaret jane tamam qenie te cuditshme. Jane mbush lajmet me ardhjen e Messiah Eduart Selami, edhe akoma nuk dihet po vjen apo jo... sikur ska pune tjeter aty. Eshte tamam sic thote Klosi, qe Vera Shqiptare e paketuar jashte eshte shume here me e mire se po e njejta qe paketohet ne vend.... per veren me i llaf jo per paketimin. PD te nxjerri fytyra te reja edhe ti heqi ata plera qe ka aty ne bord, perndryshe me keta tipa asnjehere ska per te bere derrman ne pushtet.

[Iliriani]

Gazeta Ballkan

Lajme nga Opozita

“Po kthehet fotoja e vjetër e PD-së”
Hapja e PD-së është një kërkesë ndjese e pathënë për të ikurit nga opozita në këto 10 vjet

Autori i Lajmit: Klodiana Bufi

TIRANË - Preç Zogaj, deputeti opozitar, shprehet për gazetën “Ballkan” mbi situatën aktuale të selisë blu dhe rikthimin në skenë të disa figurave të Partisë Demokratike.
Ai shprehet se ky rikthim përkon dhe me hapjen në Partinë Demokratike, çka do të thotë se opozita duhet të japë garanci më të madhe në pushtet sesa qeverisja e nesërme. Ai gjithashtu e ka cilësuar kthimin e ish-kryetarit të Partisë Demokratike, Eduart Selami, si një hap pozitiv që do të ndikojë në forcimin e partisë dhe imazhit të saj, për të ndrequr disa gabime të opozitës në të kaluarën, për t’i dhënë shpresë vendit për një fitore të saj dhe një të ardhme më të sigurt.
Ç’mund të na thoni për rishfaqjen e ish-figurave të Partisë Demokratike dhe konkretisht atë të Eduart Selamit?
Më parë ka pasur dhe figura të tjera që kanë bërë një hap mbrapa, që janë tërhequr nga Partia Demokratike dhe tashmë kanë një proces të kundërt, një proces rikthimi. Partia Demokratike ka përjetuar historikun e saj 13-14 vjeçar, që do të thotë një proces të dezintegrimit, pra largimit të disa figurave të saj. Ajo ka dy-tre vjet që ka hyrë në procesin e kundërt të agregimit, rikthimit të figurave të saj. Është një histori - mendoj unë - normale, një histori që ka ndodhur dhe mund të ndodhte në një vend me traditë modeste demokratike, në përgjithësi dhe në demokracinë e brendshme të partive në veçanti. Në kuadër të dukurisë së re të hapjes së Partisë Demokratike, të rikthimit shkallë-shkallë të figurave të vjetra apo të reja të kësaj partie, kemi dhe në këtë rast dhe kthimin e Eduart Selamit, i cili nuk është hera e parë që shfaqet, por këtë herë ai ka qenë i ftuar në Kongresin Amerikan, ku ka dhënë opinionin e vet personal si një shqiptar me banim në Shtetet e Bashkuara të Amerikës. Natyrisht ai është një personalitet i politikës shqiptare në vitet ’90-’95. Eduart Selami është larguar nga Shqipëria në një moment thyerjeje në Partinë Demokratike. Shumë të tjerë si ai e kanë parë këtë moment, por e kanë përcjellë të interpretuar në mënyra të ndryshme. Disa kanë qëndruar këtu e kanë dalë në opozitë me Partinë Demokratike, duke përballuar fatin e të qenit në opozitë, duke dashur të ndajnë fatin e tyre me fatin e shqiptarëve të tjerë. Këto janë mocionistët, ka patur dhe të tjerë që janë larguar nga Partia Demokratike kur kjo parti ka dalë në opozitë dhe mua kjo lëvizje më duket e padenjë. Eduart Selami iku në Amerikë, u tërhoq, sigurisht që është tërhequr në dëshpërim. Ai është një nga njerëzit që nuk i është kundërvënë Partisë Demokratike, ka mbajtur si të thuash të ndrydhura rezervat e tij për këtë parti. Ai s’ka dashur të përzihet në jetën e vendit dhe tani rishfaqet, dhe rishfaqja e tij përkon - mund të them - dhe me politikat e hapura që ka lançuar kryetari i Partisë Demokratike Sali Berisha.
Pra anunçimi i hapjes së partisë është një thirrje për të larguarit?
Hapja e Partisë Demokratike është një statistikë, që nuk ka rastësisht vetëm emra konkretë, ajo është një politikë që sheh më larg sesa disa emra konkrektë që quhen Selami, Pango, Pashko, Imami etj.
Hapja është lëvizje politike, e cila sigurisht i drejtohet të ikurve dhe është një moment ndjese e pathënë dhe për të ikurit, por është dhe një moment pajtimi, dhe një moment ftese për të ikurit për hapje më të gjerë. Hapja është prova e një emancipimi dhe një kulture të re të një lidershipi aktual të Partisë Demokratike dhe duke lançuar hapjen, ata kanë dëshmuar se janë rritur shumë politikisht, këtu kam parasysh vetë Berishën, Bamir Topin, Jozefina Topallin, Ridvan Boden, Besnik Mustafajn, Spartak Ngjelën, Sokol Olldashin dhe gjithë lidershipin që kanë postin e sekretarit, për të mos shkuar te drejtuesit e tjerë që nuk e kanë këtë post. Pra vetë momenti i përqafimit të idesë së hapjes është pozitiv për lidershipin aktual. Së dyti, hapja kërkon që të japë garanci shumë më të madhe se qeverisja e nesërme, prandaj hapja nuk drejtohet vetëm kundër figurave të larguara, por dhe ndaj Shqipërisë civile, ndaj elementëve pa parti ndaj rretheve shkencore, universitare. Për ta përmbledhur, do thoja se rikthimi i Eduart Selamit është në vazhdën e rindërtimit të polifotës së vjetër të PD-së, por e cila patjetër ka nevojë për emra të rinj dhe jo vetëm për emra të vjetër të larguar.
Ç’mendoni për ftesën e hapur të opozitës ndaj Selamit?
Sigurisht që Selami nuk ka pse të presë ftesa solemne se nuk janë politike. Unë e di që ka pasur dhe ftesa të drejtpërdrejta, por mendoj se nuk do dukemi në një pozitë të mirë nëse do vendosemi në pozicionin e njeriut që përkëdhel veten, me idene e një ftesë që do t’i vijë (kthehu tani, sepse tani janë kushtet e duhura). Pra nuk është fjala të kthehemi tani, por të kuptojmë rrugën që kemi përshkuar të gjithë si themelues të Partisë Demokratike, të kuptojmë të gjitha gabimet tona, për shkak të mungesës së përvojës dhe për shkaqe të tjera, sepse të gjithë kemi bërë gabime. Duhet të kuptojmë thellë arsyet e skizmave të njëpasnjëshme që ka pësuar Partia Demokratike. Të kuptojmë përgjegjësitë që kemi pasur të gjithë për këto skizma, qoftë ata që kanë thënë shporruni dhe qoftë ata që kanë provokuar tensione dhe situata në Partinë Demokratike. Mbi këtë bazë, pa bërë gjyqin e askujt, por thjesht për të kuptuar rrugën që do përshkojmë nesër-pasnesër nëpërmjet njohjes së gabimeve të përgjithshme, ne duhet të shikojmë përpara, të përpiqemi që të realizojmë rotacionin e pushtetit në Shqipëri dhe kjo gjë është përgjegjësi e opozitës, është pëgjegjësi kombëtare, për të krijuar një rotacion normal demokratik të pushtetit, si një mjet që çon përpara zhvillimin demokratik të vendit. Pra është përgjegjësi e opozitës të paraqitet me një program fitues dhe të fitojë zgjedhjet, të ndërtojë një qeveri që do të përmirësojë ndjeshëm parametrat e jetës në Shqipëri. Dhe me këtë nuk duhet të bëjmë shumë histori, duhet ta kemi parasysh atë, por duhet t’i kushtojmë vëmendje politikës dhe të bësh politikë do të thotë të jesh pragmatist, të shikosh si fitohet, hapja është një lëvizje që të çon në fitore.



Data e Publikimit: 24/07/2004

Shpresojme qe ne zgjedhjet qe vijne shqiptaret te kene nje alternative reale dhe cilesore per te votuar dhe te afte qe pas votimeve te marr persiper e te realizoj integrimin Europian dhe gjithe problemet qe ka vendi.

[StormAngel]

E Shtune, 24 Korrik 2004


BERISHA: SELAMI ESHTE PJESE E PD-SE

Shkrihen dalengadale akujt mes te ikurve nga selia blu dhe kryetarit te partise

"Eduart Selami nuk ka nevoje per ftese, pasi ai eshte anetar i Keshillit Kombetar, prane PD-se". Ky fakt u be dje i ditur gjate nje komunikimi me mediat nga shefi opozitar, Sali Berisha. Keshtu sipas tij, Eduart Selami eshte ne statutin e ri te PD-se anetar i Keshillit Kombetar dhe per kete arsye nuk ka nevoje per asnje ftese nga askush. Madje lidershipi opozitar, gjate fjales se tij siguroi se Selami eshte i mirepritur qe te rikthehet dhe kjo shfaqet ne vendin qe ai ka te percaktuar me statut. Gjithashtu rikthimi i Eduart Selamit eshte pritur prej kohesh nga Partia Demokratike. Madje e njejta gje iu sugjerua ketij te fundit edhe nga Kongresi Amerikan, gjate nje debati per Shqiperine, ku ishin te ftuar disa perfaqesues nga politika dhe organizatat joqeveritare. Sipas disa burimeve jozyrtare, behet e ditur se eshte i mundur rikthimi i Selamit ne jeten politike, madje ne krye te nje levizjeje me te madhe se PD-ja. Pare ne kete kendveshtrim, drejtues te forcave te ndryshme politike hodhen para disa ditesh pretendime te tilla se kjo eshte dhe arsyeja qe selia blu nuk po shfaq ende seriozitetin e duhur ne kete ftese publike te radhes. Fakti qe Selami mbetet i vetmi ish-lider i demokrateve qe nuk e ka atakuar asnjehere PD-ne dhe qe gezon mbeshtetjen e plote te anetareve te saj, sipas ketyre drejtuesve ka bere qe deri me sot te mos kete ndonje sinjal serioz per bashkepunim duke treguar keshtu nje fakt domethenes te ndrojtjes se Berishes. Por deklarata qe beri dje lidershipi opozitar i hodhi poshte keto pretendime. Nderkohe, sipas pretendimeve te drejtuesve politike, perflitet se edhe Eduard Selami, nga ana e tij i druhet rikthimit tek PD-ja persa kohe statuti i partise nuk do te sanksionoje mendimin ndryshme. Efekti pozitiv i rikthimit te Selamit vjen prej faktit se ai ka mbetur ne mendjen e zgjedhesve si nje lider i ekuilibruar, i pakorruptuar, dhe njekohesisht karizmatik. Duke iu referuar qendrimeve te ketyre drejtuesve, vihet re se rikthimi i Eduard Selamit, apo dhe politikaneve te tjere demokrate, te kene garancine se premtimet e Berishes jane serioze, do te duhet qe Berisha te shpalle publikisht nje iniciative per ndryshime ne statutin e partise qe do te sanksiononin shnderrimin e PD-se ne nje parti moderne perendimore. Ndersa pare nga aspekti i jashtem, keto politikane vleresojne se aleatet tane perendimore do ta ndienin veten me komfortabel me dyshen Berisha-Selami ne pushtet sesa me duelin e pafund per pushtet midis Berishes dhe Nanos. Kontaktet e ngushta te Selamit me diplomatet me te larte perendimore e sidomos ata amerikane, si dhe orientimi i tij thellesisht perendimor, do te ishin nje garanci per Perendimin se qeverisja e te djathtes nuk do te sillte cekuilibrime te reja ne Ballkanin jugor. Ndersa jetesa tejet modeste e Eduard Selamit gjate viteve te qendrimit ne SHBA dhe jetesa modeste e Berishes do t'u sherbenin aleateve tane perendiore si nje prove qe ne krye te qeverise shqiptare do te vihet nje dyshe e paperzier ne llumin e korrupsionit ku jane zhytur shumica e politikaneve shqiptare. Megjithate, rikthimi i Eduart Selamit ne politiken shqiptare ende nuk eshte konfirmuar prej tij.

[Iceberg]

Te nderuar
Kthimi i Selamit ne Politiken shqiptare do te ishte i mirepritur ne politiken shqiptare. Ne momentet ku po kalon politika shqiptare nje kthim i mundshem i Eduart Selamit ne PD eshte ogur jo i mire.
Kjo behet pikerisht kur ka dale ne skene Levizja Politike e Leka Zogut qe eshte kercenimi i pare serioz per dominuesit e skenes politike PS+PD te cilat ne unison kane reaguar frikshem dhe njekohesisht kercenueshem ndaj kesaj levizje. Kthimi i Selamit ne politiken shqiptare dhe bashkimi me levizjen e re do te ishte teper pozitive dhe shpresedhenese per shqiptaret pasi ai ka qene nder politikanet e rralle te respektuar dhe parimore nga zgjedhesit shqiptare.
Por, riatashimi i Selamit ne PD do te ishte fatal per vete Selamin dhe po ashtu por ate pjese patriotike te ish mbeshtetesve te PDse te zhgenjyer keqas nga kjo e fundit per flirtet me PS dhe partite e tjera satelite te Athines ne dem te interesave kombetare. Kthimi i Selamit ne PD ndoshta behet vetem per te coroditur ate pjese te pavendosur te votuesve qe potencialisht mund ti bashkangjiten Levizjes se Leka Zogut.

Te besh Parine Demokratike te besueshme per te marre pushtetin ne Shqiperi eshte njelloj sikur te marresh nje prostitute nga shtepia publike dhe ta reklamosh si virgjereshe. PD eshte nje force e deshtuar, antishqiptare po aq sa PS e Tos Nanosit dhe kurresesi nuk duhet te vije ne pushtet. Per me teper qe ate tashme nuk e dallon asgje nga Partia socialiste ne shitjen e interesave kombetare.
Dyshimi me perforcohet akoma me shume kur ky rikthim eshte trumbetuar kaq shume nga Eduard Zaloshnja mbeshtetes teper i fuqishem i Edi Rames nje nga mafiozet me te rrezikshem politike jo vetem ne Shqiperi por ne te gjithe Ballkanin.
Pra do ta pershendesja kthimin e Edit ne Levizje te re te paperlyerve po kurresesi ne Partine Demokratike. Ngjarjet e diteve te ardhshme do te tregojne se nga kush sponsorizohet kjo levizje e Selamit dhe sa proshqiptar eshte lobi i politikanene amerikane qe qendrojne pas tij.

[Hyllien]

Selami eshte nje person qe ka dash te zbatoj i pari ate cka po ben Nano tani. Kaq i etur per pushtet ka qene qysh atehere. Mos mor si na qenka kthimi i ketyre fantomasve gje pozitive per politiken Shqiptare ? Vetem tipa si Majko i bejn derrman ati vendi, po ata i heq Evropa nuk i do Evropa tipat qe kane pak tipare nacionaliste, dhe qe jane largpames, vejne keta parazitat e tjere qe ka PD dhe PS. Turp