Rritet perqindja e varferise ne SHBA

[StormAngel]

E Premte, 27 Gusht 2004


RRITET PERQINDJA E VARFERISE NE SHBA

Rreth 1.3 milione amerikane kane jetuar ne kushtet e varferise ne vitin 2003, ka cituar dje Rojter. Pavaresisht nga permiresimet ekonomike, femijet dhe popullsia zezake, ishin me keq se te gjithe, thane burime qeveritare dje, ne nje raport zyrtar, i cili mund te konsiderohet si kritike kunder Bushit. Popullsia qe jeton ne varferi eshte rritur ne 12.5 per qind nga 12.1 per qind qe ishte ne 2002, tha Zyra e Gjendjes Civile ne nje raport vjetor mbi varferine. Keto fakte, nga demokratet jane komentuar si rezultat i administrimit te Bushit. Shifra e varferise rezulton ne 35.9 milione, duke iu shtuar 1.3 milione brenda nje viti. Kujdesi shendetesor publik ka rene gjithashtu vitin e fundit dhe te ardhurat ishin te pakta. "Sot konfirmoj per te gjithe amerikanet deshtimin e politikave te presidentit Bush", ka thene senatori i Masacusets ne nje deklarate. "Nen drejtimin e Xhorxh Bushit, familjet amerikane po njohin regres". Analistet amerikane kane bere komente te ndryshme per shifrat e varferise ne SHBA. "Gjeja e pare qe nuk duhet harruar eshte se numri i personave qe jetojne nen nivelin e varferise historikisht eshte ngaterruar me ngritjet dhe uljet e perqindjes se personave qe punojne, - tha Sekretari i Tregtise, Don Evans, ne nje konference. - Ne qershor te 2003-shit, kur eshte bere kjo statistike, papunesia ishte ne 6.3 per qind, ndersa tani eshte ulur ne 5.5 per qind".

[edspace]

Në radhë të parë çdo vënd ka standarte të ndryshme për varfërinë. Në amërikë konsiderohet i varfër një njeri që fiton më pak se $9000 dollare në vit ose një familje me katër veta që nxjerr më pak se $18000 në vit. Po të bësh një llogari të bazuar mbi minimumin e rrogës (rreth $5 ora) dhe për një javë standarte (40 orë), një person duhet të marrë afërsisht $9600 në vit. Me një rrogë të tillë do jetosh në një apartament me qira, do ngasësh transportin publik, dhe nuk do dalësh dyqaneve përditë, por kjo rrogë është mëse e mjaftueshme për të mbushur stomakun më mirë se familjet e varfra të Shqipërisë dhe shumë vëndeve të tjera të botës.

Në Amerikë, ai që do të punojë nuk e ka problem për të nxjerrë bukën e gojës dhe për të bërë një jetë normale. Provë për këtë janë emigrantët e shumtë që nga Shqipëria e deri tek Meksika që vijnë këtu vetëm me rrobat a trupit dhe pas një viti i shikon me makina e celularë.

Njerëzit që zë në gojë postimi më lart, ose nuk duan të punojnë, ose kanë probleme shëndetësore. Ne ata që kanë probleme shëndetësore ka dhe pijanecë, drogaxhinj, dhe fundërina të tjera që nuk duan të punojnë dhe zgjedhin të lypin rrugëve. Një njeri që nuk nxjerr dot bukën e gojës, mund të kërkojë ndihmë sociale deri sa të gjejë vënd pune. Një tjetër që mund të ketë probleme shëndetësore jo vetëm që merr para për të nxjerrë bukën e gojës por i sigurohet edhe shëndetësia. Përveç ndihmës sociale ka shumë organizata bamirëse, shumica të lidhura me fenë, që kujdesen për ata që kërkojnë ndihmë.

Gjithashtu ki parasysh se statistikat e varfërisë më lart dalin nga të ardhurat që njerëzit kanë deklaruar në fund të vitit për mbajtjen e taksave dhe aty ka shumë njerëz që gënjejnë që qeveria të mos mbajë taksa dhe tua kthejë mbrapsh ato që u ka mbajtur. Ata që punojnë me para në dorë, nuk i deklarojnë paratë. Psh. Një kamarier mund të paguhet $2 në orë me çek dhe merr $10 në orë nga bakshishet. Në fund të vitit ky person deklaron rrogën minimale ($5 në orë) dhe sipas qeverisë del i varfër.

Fakti që ky raport doli në këtë kohë, tregon që është një lojë politike për të ndihmuar demokratët që të fitojnë zgjdhjet. Ekonomia ka rënë gjatë qëndrimit të Bush-it por siç thashë dhe më lart, ai që do të punojë, vete lan pjata në restorant dhe e nxjerr bukën e gojës.

Si vëndi me ekonominë më të fuqishme, Amerika është mbrapa me Evropën perëndimore për shëndetësinë, barnat, pensionet, ndihmën sociale, etj, por varfëria nuk është për faj të qeverisë. Fajin e ka individi që nuk shfrytëzon kushtet.

[friendlyboy1]

edspace ti se paske shum iden nga ekonomia, ose nuk ke qen ne shum vende ne shba. Esht e vertet qe ne new york boston chicago etj do e gjesh nje cop pune ne wallmarte dunkin donuts dhe do e mbushesh plencin. Por puna esht qe kto rroga nuk mjaftojn as per qera dhe me teper nuk ke te drejt per inshurenc mjeksore pa menduar fare dentale. Vizita falas me masshealth mund te besh ne masachussetts po te jesh i keputur fare po ne jug kto gjerat falas nuk ekzistojn kshu qe te gjith te varfrit ven ne emergjenc. Emigrantet qe vin me roba trupi nuk kan dhe kalamajt dhe familjen nga mbrapa qe te bejn sakrific te flen te kemze ures po duhet te paguaj qeran. Ndersa ata qe vin nga shqiperia e di vet ti sa te veshtir e kan megjithse dhe nje far baze e kan te gjtih kudo qe ven.

[StormAngel]

Sipas një raporti të Byrosë së Statistikave në qeverinë amerikane, rritet me 1.4 milionë numri i të varfërve

Rreth 36 milionë amerikanë jetojnë në varfëri


Shekulli

UASHINGTON – Rreth 13 milionë amerikanë, janë zhytur në varfëri gjatë vitit 2003, pavarësisht nga zhvillimi ekonomik. Më të prekurit janë fëmijët dhe zezakët, sipas një raporti të qeverisë, që pritet të nxisë kritikat e demokratëve ndaj presidentit Bush. Përqindja e popullsisë amerikane që jeton në varfëri, është rritur deri në 12.5 %, nga 12.1 % që ishte në vitin 2002”, - thotë Byroja e Statistikave në Raportin Vjetor për Varfërinë.
Raporti i Varfërisë shihet si karta më e rëndësishme për të fituar pikë në ekonominë e vendit dhe pati shumë ndikim në mandatin e parë të Bushit në detyrë. Numri i njerëzve të varfër është rreth 35.9 milionë, që do të thotë edhe 1.3 milionë më shumë. Ndërkohë që, në vitin 2002, numri i të varfërve ishte 34.5 milionë. Po kështu, edhe masat për kujdesin mjekësor, kanë rënë vitin e kaluar, ndërsa pagat kanë mbetur në vend numëro, thuhet në Raportin e Varfërisë të qeverisë amerikane. Raporti detajon se fëmijët janë më të varfërit. Kështu janë rreth 12.9 milionë fëmijë, që jetojnë në varfëri, ose 17.6 % popullsisë nën moshën 18 vjeç. Shtesa e vitit të kaluar është me rreth 800.000 fëmijë më shumë, të varfër.
Rreth 45 milionë njerëz nuk kanë sigurime shëndetësore, ose 15.6% e popullsisë. Aziatikët nuk shohin ndonjë ndryshim të dukshëm në të ardhura, ndërkohë që, për hispanikët, të ardhurat kanë rënë me 2.6 %. Të bardhët, aktualisht, kanë pagat më të larta, me rreth 47.777 dollarë. Edhe para se të publikoheshin këto të dhëna, demokratët kanë deklaruar se administrata e Bushit po përpiqet të shpërfillë lajmet negative, duke publikuar raporte rreth një muaj më herët se zakonisht. Ata zakonisht i publikojën raportet në fund të shtatorit: një Raport mbi Varfërinë dhe të Ardhurat, dhe tjetrin mbi Sigurimet Shoqërore. Demokratët thonë se publikimi i të dhënave kaq të përmbledhura, bëhet për qellime politike. Por Drejtori i kësaj Byroje, i caktuar nga Bushi në detyrë, hedh poshtë zërat se politika ka luajtur rol në publikimin më herët të të dhënave.
Ajo që është më kryesore tashmë, është se debati i zgjedhjeve presidenciale do të fokusohet në çështjet aq thelbësore të politikës së brendshme si: Varfëria dhe Sigurimet Mjekësore. Deri tani është bërë më tepër zhurmë për politikën e Jashtme, veçanërisht për luftën në Irak, por edhe për të kaluarën e dy kandidatëve. Përderisa numri i vendeve të punës sa vjen e pakësohet, ndërkohë që pagat mbeten të pandryshuara, nuk diskutohet që do të shtohet numri i të varfërve”, - tha Sheldon Danzinger, një nga drejtuesit e Qendrës Kombëtare të Varfërisë në Universitetin e Michiganit, cituar nga “AP”