Veton Surroi zgjedh te konkurroje ne zgjedhjet e tetorit

[Qafir Arnaut]

1. Surroi nuk ka kombesi shqiptare por turke.

Problemi i pare i imi me Surroin eshte se ai nuk gezon kombesi shqiptare pasi nuk ka gjak shqiptari. Kombesia e tij eshte kombesi turke, nipi i nje oficeri turk qe ka ngelur ne Dardani pas renies se perandorise otomane.

Albo s'ke pse ta ulesh veten kaq poshte sa te biesh ne rracizem ..madje edhe me keq...rracizem i paperligjur pasi askush nuk e ka perkufizuar vecorite e 'gjakut' te Shqiptarit. [vetem nqs ke bere vete studime gjenetike qe s'denjon ti ndash me ne te tjeret). Vetoni nqs e ka gjuhen Shqip si gjuhe te nenes eshte shqiptar.

Per Veton Surroin kam degjuar vetem fjale te mira nga studiues perendimore te Ballkanit. Ai eshte djale ambasadori te Jugosllavise dhe njeri me kapacitet te larte intelektual qe di te flase me Perendimoret (qe na kane ne dore fatin). Duhet mbeshtetur pasi ka nje vullnet te mire te Perndimoreve ndaj tij, dhe kjo mund te jete e vlefshme gjate negociatave per "GJENDJEN" e Dardanise.

Nuk di se cila eshte politika e tij. Nqs ndokush ka informacion le te na e percjelle.

[edspace]

Një nga ligjet kryesore të Demokracisë është një fushatë e lirë dhe e barabartë për të gjithë kandidatët.

Zoti Surroi mund të jetë njeri i aftë, por kontrolli i medias është metodë jo-demokratike dhe do ti japë atij një avantazh jo të drejtë mbi kandidatët e tjerë. Mediat që ai zotëron, jo vetëm që do ta ndihmojnë për zgjedhjen por nqs zgjidhet, do ta mbajnë në pushtet edhe nqs ai nuk është i aftë të zbatojë detyrat e tij.

Prandaj para se zoti Surroi të hedhë kandidaturën, ai duhet të shkëputet plotësisht nga mediat që zotëron. Kjo mund të jetë diçka e pamundur edhe sikur ai të dojë të shkëputet prej tyre.

[Llapi]

Surroi: asnjë qeveri nuk mund t’i ndihmojë Kosovës në se ajo nuk i ndihmon vetes
Laura Konda
14 korrik 2004
Sot në programin televiziv ”Ditari” ishte i ftuar zoti Veton Surroi, analist dhe botues i gazetës ”Koha ditore”, i cili ndodhet në Washington për të marrë pjesë në një seancë dëshmish të organizuar nga Komiteti i Senatit për Marrëdhëniet me Jashtë.
Zëri i Amerikës: Zoti Surroi, shkurtimisht, për çfarë do të dëshmoni sonte në Senat?

Veton Surroi: Për gjendjen në Kosovë. Më lutën që të tregoj gjendjen reale atje dhe unë mendoj se gjendja reale është një gjendje e stagnimit (lexo: gjendje amullie) dhe e bllokimit të përgjithshëm. Do të sugjeroj dhe propozoj format se si dilet nga ky bllokim, me ndihmën dhe natyrisht, me rolin prijës që kanë Shtetet e Bashkuara të Amerikës.

Zëri i Amerikës: Sot është nënshkruar një dokument i përbashkët midis palës serbe dhe asaj shqiptare për krijimin e një ministrie në qeverinë e Kosovës për çështjet e pakicave, reformimin e pushtetit vendor dhe rindërtimin e të gjitha dëmeve të shkaktuara gjatë trazirave. A mund të thuhet se kemi të bëjmë me një fillim i ri për Kosovën?

Veton Surroi: Është një vazhdimësi e përpjekjeve. Unë mendoj se është një gjest i mirë, por mendoj se duhen dy gjëra themelore: së pari, mendoj se duhet një politikë e re, dmth nuk mjaftojnë ministritë, por duhet një koncept i ri politik, dhe së dyti, brenda këtij koncepti të ri politik, duhet të kihet një lëvizje më e madhe se bartja e pushtetit. Shpresoj që jo vetëm do të kemi ministri për minoritete, por do të kemi një ministri, e cila do t’i mbulojë të gjitha aspektet e tjera të nevojshme në Kosovë, siç është rendi, siguria, etj.

Zëri i Amerikës: Tani kanë kaluar disa muaj nga dhuna e marsit dhe gjakrat siç thuhet janë ftohur dhe mund të gjykohet me qetësi. Megjithatë, imazhi i shqiptarëve disi ndryshoi në sytë e opinionit ndërkombëtar pas dhunës së marsit. A mendoni se qëndrime të tilla ektremiste të disa grupeve të caktuara në Kosovë, do të mund të parandalohen në të ardhmen?

Veton Surroi: Mendoj se siç thashë, duhet inciativa e duhur politike, duhen ndërmarrë hapa të shpejtë, që ta ndryshojnë gjendjen edhe në politikë, edhe në ekonomi, dhe unë mendoj se me masa pozitive do të parandalohet mundësia e ekstremistëve që të keqpërdorin një lloj ndjenje të përgjithshme frustracioni (lexo: irritimi), e cila ekziston tek shqiptarët e Kosovës.

Zëri i Amerikës: Në Kosovë kemi parë këto dy vitet e fundit një ndërrim të vazhdueshëm të krye-adminsitratorëve, a ka qenë kjo diçka e mirë për Kosovën, apo ka ndikuar negativisht në zhvillimet e atjeshme?

Veton Surroi: Mendoj se jemi në një fazë stagnimi(lexo: amullie) dhe çdo kryeadministartor është thelluar edhe më shumë në baltën e Kosovës, të kësaj forme administrative dhe unë mendoj se nuk do pritur shumë prej kryeadminsitratorëve dhe përkundrazi, qytetarët e Kosovës duhet ta marrin iniciativën dhe ta shpien procesin përpara.

Zëri i Amerikës: A shikoni ndryshim në politikën e UNMIK-ut, pas dorëheqjes së administratorit Harri Holkeri dhe zëvendësimit të tij me kryeadministratorin e ri me zotin Jensen Petersen?

Veton Surroi Ende nuk ka ardhur kryeadminsitratori i ri. Ajo që është e qartë mendoj edhe për UNMIK-un edhe për bashkësinë ndërkombëtare në tërësi, është se duhet të ndryshojë rrënjësisht roli i UNMIK-ut në Kosovë, nuk mund të jetë më menaxhues i përditshëm i nevojave të kosovarëve, por duhet të ketë një rol korrigjues. Nuk kam shumë shpresa dhe nuk jam shumë optimist se burokracia e Kombeve të Bashkuara do të bëjë ndryshime kaq radikale.

Zëri i Amerikës: Një pyetje lidhur me zgjedhjet presidenciale në Serbi. Zgjedhja e demokratit Boris Tadiç kundër radikalit nacionalist Tomislav Nikoliç, a duket si një oguri i ri, i mirë?

Veton Surroi Unë mendoj se tregon një inklinacion(lexo: prirje) paksa më pozitiv në Serbi. Dhe unë mendoj se ka qenë një angazhim i fortë i forcave demokratike, që së paku të mos të legjitimohet fashizmi me fitoren e zotit Nikoliç. Por unë mendoj se kriza politike në Serbi do të vazhdojë, përderisa mos të kalojë Serbia nëpër një lloj pastrimi të 10 vjetëve të fashizmit, nëpër të cilën ka kaluar ajo shoqëri.

:Zëri i Amerikës Zoti Tadiç është shprehur se ai do t’i fillojë bisedimet lidhur me zgjidhjen e statusit të Kosovës. Sa do të ndikojë kjo pozitivisht në zgjidhjen statusit të Kosovës?

Veton Surroi: Unë mendoj se Kosova nuk duhet të negociojë, aq më pak të kërkojë pavarësi nga Serbia. Unë mendoj se me Serbinë duhen zhvilluar tri rrafshe negociatash: në rrafshin e së kaluarës dhe të dëmeve që i ka bërë Serbia jo vetëm në njerëz, por edhe në shkatërime, e të tjera, dhe të gjitha pasojet e apartejdit të imponuara nga Serbia. Duhet të bisedojmë për problemet e tanishme, në fakt Serbia duhet të ndihmojë në mënyrë që të krijojë një ambjent më të mirë për serbët e Kosovës në Kosovë, duke përfshirë këtu edhe kthimin, dhe së treti, duhet të projektojë këtu ardhmërinë, ku Kosova dhe Serbia, si shtete të pavarura ta projektojnë hyrjen e tyre në integrimet euro-atllantike.

Zëri i Amerikës Ju jeni një intelektual i shquar i letrave shqipe, por deri kohët e fundit keni qëndruar pa u përfshirë në politikë, megjithatë së fundi morët vendimin dhe jeni angazhuar me lëvizjen qytetare ”Ora”. Ç’përfaqëson lëvizja juaj?

Veton Surroi: Lëvizja është ndryshimi i konceptit politik në Kosovë me një ofertë konkrete për unifikimin e sistemit legal në Kosovë, për ndryshimin e qasjes ekonomike, për hapjen e vendeve të reja të punës. Do të thotë, prej kësaj letargjie politike, nëpër të cilën po kalojmë, ne kemi vendosur si qytetarë, të marrim iniciativën të hyjmë në këto zgjedhje edhe me një platformë të re politike, ta shpëtojmë Kosovën nga kjo fazë degraduese nëpër të cilën po kalon dhe të hyjë përfundimisht drejt krijimit të një shteti normal dhe jo vetëm drejt artikulimit, por drejt përmbylljes së statusit përfundimtar të Kosovës, që është pavarësia.

Zëri i Amerikës Tirana zyrtare është shprehur disi në mënyrë të moderuar ndaj zgjidhjes së statusit përfundimtar të Kosovës, ndërkohë që analistë ndërkombëtarë, kryesisht amerikanë janë shprehur pozitivisht se zgjidhja e statusit të Kosovës drejt pavarësisë së saj do të ndikonte pozivisht jo vetëm për Kosovën, por edhe për vetë Serbinë. Çfarë opinioni ekziston në Kosovë për këtë qëndrim të qeverisë shqiptare?

Veton Surroi: Unë mendoj se vëzhgohen me vëmendje të gjitha opinionet. Problemi esencial është se asnjë qeveri nuk mund t’i ndihmojë Kosovës nëse Kosova nuk i ndihmon vetes dhe Kosova këto vitet e fundit e ka dëshmuar me një klasë politike atë që kemi, se nuk është në gjendje t’i ndihmojë vetevetes. Unë mendoj se Kosova ka më shumë forcë se ç’përfaqësojnë strukturat e tanishme politike dhe me një ndryshim të kursit, në Kosovë, do të ketë edhe një përkrahje më të madhe ndërkombëtare në tërësi.

[Kresha]

Surroi eshte i sigurte se ne zgjedhjet e ardhshme do te kete nje rezultat te "kenaqshem". Po te ishte e kunderta, ai nuk do ta merrte vendimin per pjesemarrje ne keto zgjedhje. Surroi nuk do ta linte veten te diskreditohet ne politike. Synimi i tij nuk eshte fitimi i mazhorances ne parlament, por nje perqindje solide e votave qe do te ja mundesonte kontrollin mbi segmentet e rendesishme te politikes kosovare. Perkrahja e "te medhenjve" me siguri se nuk do te mungoje. Bile, do te bejne cmos qe te arrihet qellimi.

KOHA GROUP
Surroi ka deklaruar publikisht se do te terhiqet nga organet e KOHES nese futet ne politike. Influenca e tij dhe vija politike qe ai do te drejtoje me siguri do te jene prezente ne faqet e gazetes, por ai nuk do te kete rol te drejteperdrejte ne gazete. Albo duhet te jete nje cik me shume realist; pa "kontroll" te mediave nuk ka mundesi te kontrollohet politika shteterore.

Pretendimi se Surroi i perket kombesise turke eshte vetem nje spekulim pa peshe.

Kresha

[Arb]

Ora - edhe 5 minuta ne 12

Ora, Lista e qytetareve te Kosoves - Parti e re, me liderin e vjeter Veton Surroin, nuk ka jete me shume se 5 minutat e fushates elektorale, per aresye se ne menyne e vet, nuk ofron gjelle tjeter - program - pos sharjet ndaj LDK-se dhe Presidentit Rugova.

Nga sharjet tash kane hequr dore edhe PDK-ja dhe AAK-ja, sepse vetem sa ja shtonin namin Rugoves. Vetoni me sharje eshte shume i demoduar, se qytetareve ju intereson se cfare te mire mund te sjell kjo parti e jo cfare arsenali sharjesh do te dal.

Burimi: Kosovarja/Humori

[Lekë Rezniqi]

O Arb i nderuar,

po tashmë jemi mësuar se politika nuk po zhvillohet të tregohen vlerat tuaja, por të shpifen antivlerat e kundërshtarit.

Edhe "ORA" do të jetë si shumë parti në Kosovë.

Vetëm se ofrojnë zgjedhje në fletëvotime më tepër.

Edhe Edeita Tahiri me Edi Shukriun, zonja mjaft të nderuara dhe intelektuale themeluan "Alternativën Demokratike të Kosovës".

U mësuam me fushata elektorale e paralektorale.

Nuk i dihet, votat janë në dorë të popullit votues.

-------------------------------------------------------------------------------------------

Duhet demantuar një gjë. Sepse natyrisht po fillove të bësh diçka fillojnë zërat e këqinj, skandale, e të tilla gjëra.

Mirë e tha Dodoni i nderuar, se Veton Surroi rrjedh nga familje mjaft në zë Prizrenase, e cila përveç shumë gjërave të tjera dha edhe dy bijtë e saj për Shqiptarët, Rexhai dhe Sezair Surroi.

Njëri, dëshmor në Luftën e Dytë Botërore.
Tjetri, funksionar i lartë i RSFJ-së dhe Partisë Komuniste. Ambasador në Meksikë dhe vende të tjera Ameriko-latine (madje më duket edhe në Kubë), e edhe vende të tjera botërore, gjë që i ka ofruar z. Vetonit shkollim mjaft të larmishëm dhe të ngritur intelektualisht, larg idealizmave komunistë.

--------------------------------------------------------------------------------------

Veton Surroi, vetëm është pritur se kur po hyn në politikë, sepse si nënshkrues i marrëveshjes së Rambujesë "i detyrohet" popullit. Pastaj edhe si intelektual dhe mjaft politikan i shkathtë ndoshta i nevojitet Kosovës, e sidomos në këto vite tranzicioni, apo kur nuk e dijmë se jemi në tokë apo ajër.

--------------------------------------------------------------------------

Në të vërtetë, mendoj se do të ketë përkrahje jo dhe aq nënçmuese nga populli.


Edhepse është herët të spekulohet për këtë gjë!

Leka nga Prishtina