Humbet shtepine,ekzekuton familjen

[StormAngel]

Roland Cama ka hapur zjarr dje paradite mbi gruan dhe dy prindërit e saj. Më pas me armën e punës ka vrarë edhe veten

Humbi shtëpinë, ekzekuton familjen

Pak orë pas divorcit nga gruaja e tij Miranda, Rolandi, ka ekzekutuar të gjithë familjen. Jetim djali 2-vjeçar

Ened Janina

TIRANË- Efektivi i FNSH-së disa orë pas divorcit vret gruan e tij, vjehrrin, plagos vjehrrën dhe në fund vret veten. Ngjarja e rëndë ka ndodhur paraditen e djeshme në fshatin Qesaraktë kryeqytetit. Efektifi i forcave speciale Roland Bajram Cama ka qëlluar me pistoletën e punës mbi të shoqen Mirandën, vjehrrin Mustafa Grymshi dhe vjehrrën Fatime Grymshi. Plumbat e tij kanë lënë të vdekur në vend të shoqen dhe vjehrrin ndërsa Fatimja ndodhet në spital jashtë rrezikut për jetën. Pas kësaj, ai ka dalë jashtë shtëpisë dhe me një plumb pas koke ka vrarë veten. Ngjarja e djeshme ka lënë jetim djalin dyvjeçar të çiftit Cama, Kevinin. Dje paradite çifti Roland dhe Miranda Cama ishte ndarë zyrtarisht në gjykatë dhe shtëpia së bashku me djalin dyvjeçar Kevin i kishin takuar gruas. Kaq ka mjaftuar që Rolandi të kalojë në depresion nervor dhe të shkrehë armën e punës në drejtim të së shoqes dhe prindërve të saj. Ngjarja është pohuar dje nga burimet zyrtare të policisë së kryeqytetit. Sipas tyre, ajo ka ndodhur rreth orës 13.00 të ditës së djeshme.
Konflikti
Çifti Roland dhe Miranda Cama kishin kohë që grindeshin me njëri tjetrin. Sipas fqinjëve të tyre, prej rreth gjashtë muajsh ata kishin pasur konflikte të ashpra dhe Rolandi nuk jetonte në një shtëpi me të shoqen. Ai kishte shkuar tek prindërit e tij në Allias ndërsa në shtëpinë e tyre bashkëshortore kishin ardhur dhe jetonin dy prindërit e gruas. Prej disa javësh, ata kishin hapur edhe gjyqin për divorc. Dje në Gjykatën e rrethit Tiranë është dhënë edhe vendimi përfundimtar që ka ndarë çiftin Roland dhe Miranda Cama. Sipas vendimit të gjykatës, gruas i takonte shtëpia e përbashkët dhe djali dyvjeçar, Kevini. Kjo ka irrituar tej mase efektivin e repartit të policisë numër 711, FNSH. Shtëpinë e kishte ndërtuar ai së bashku me njerëzit e gruas. Sipas fqinjëve, Rolandi kishte blerë tokën ndërsa njerëzit e gruas i kishin dhënë paratë për të ndërtuar shtëpinë, gjë të cilën ai e kishte bërë vetë. Dje, pas vendimit të gjyqit, Rolandi në gjendje depresioni ka shkuar në shtëpi. Atje e kanë pritur prindërit e gruas, të cilët nuk e kanë lënë që të hyjë brenda. Pas një debati të gjatë ai ka arritur të hyjë në shtëpi ku ndodhej e shoqja së bashku me dy prindërit e saj. Në shtëpi ata janë zënë për disa minuta dhe prindërit e Mirandës kanë kërkuar që Rolandi të dalë jashtë.
Vrasja
Gjatë zënies, efetivi i FNSH-së Roland Cama është nxehur edhe më shumë. Në gjendje depresioni ai ka nxjerrë pistoletën e punës dhe ia ka drejtuar gruas dhe njerëzve të saj. Ai i ka kërkuar të shoqes që të pajtohen sërish dhe të vazhdojnë jetën bashkë. Kjo kërkesë është refuzuar nga e shoqja dhe Rolandi i ka kërkuar asaj që t’i japë djalin dyvjeçar Kevinin dhe të mbajë shtëpinë. Edhe kjo kërkesë është refuzuar nga e shoqja dhe njerëzit e saj. Atëherë efektivi i FNSH-së Roland Cama ka shkrehur pistoletën e tij në drejtim të të shoqes dhe dy prindërve të saj. Si pasojë e plumbave të marrë e shoqja Miranda dhe i ati i saj Mustafa Grypshi kanë vdekur në vend. Ndërkohë Fatime Grypshi është plagosur. Kur ka parë të tre njerëzit e shtrirë përdhe dhe të mbuluar nga gjaku Roland Cama gati është çmendur. Ai ka dalë jashtë shtëpisë njëkatshe dhe është vërtitur rreth saj për disa sekonda. Më pas Rolandi ka hyrë në një dhomë të shtëpisë, e cila nuk kishte përfunduar ende së ndërtuari dhe pasi është ulur në gjunjë ka qëlluar veten me një plumb në tëmth. Fqinjët pohuan dje se pas ngjarjes kanë lajmëruar policinë, e cila ka shkuar menjëherë në vendin e ngjarjes. Trupat e Mirandës dhe Mustafat dergjeshin pa jetë në shtëpi ndërsa e plagosura është transportuar menjëherë për në spitalin civil. Trupi i Roland Camës është hequr i fundit nga vendi i ngjarjes dhe është dërguar për në morgun e Tiranës.

Viktimat
Roland Bajram Cama, punonjës në “Repartin 711”
Miranda Cama 30 vjeç (bashkëshortja e Rolandit)
Mustafa Grymshi, 60 vjeç (i vjehrri)
Fatime Grymshi 55 vjeç (e vjehrra) është e plagosur

[Saint-Simone]

Eshte per te ardhur keq.
Varferia ...

[Di68]

Eshte per te ardhur keq.
Varferia ...

Nuk eshte varferia por cmenduria....meshkuj qe kujtojne se i kane grate skllave te tyre....me duket se i keni harruar kohet e prinderve tane, kur gruas i jepej vetem nje dhome gjumi kur ndahej nga burri dhe shumica e grave i duronin burrat nga halli, se s'kishin asnje lloj perkrahje ne shoqeri.

[R2T]

Nuk eshte vetem varferia, cmenduria apo mentaliteti. Ne kete rast, eshte dhe mundesia. Personave te tille nuk duhet tu bien kurre ne dore arme, le me pastaj tu jepen nga shteti. Nese nuk do ishte i armatosur, historia mund te kishte perfundim ndryshe.

[Genti^Itali]

E mbijetuara e vetme e tragjedisë flet për konfliktet që kanë ekzistuar prej kohësh ndërmjet të bijës dhe dhëndrit

Fatimja: Rolandi e torturonte time bijë


Lindita Çela

TIRANË- Fatime Grymshi, e mbijetuara e vetme e masakrës që ndodhi paraditen e djeshme në kryeqytet rrëfen për “Shekullin” të gjithë ngjarjen. Ajo dje ka humbur të bijën Mirandën dhe të shoqin, Mustafain, ndërsa vetë ka një plagë të madhe në kraharor dhe shpatull. Më shumë se plaga në trup i dhëmb shpirti ndaj nis e vajton të bijën me fjalë e më pas mallkimet e nënës shkojnë tek gjakësi, tek njeriu që dikur ajo ka pranuar me tërë shpirt në shtëpinë e saj e ndërsa dje i mori jetën njërëzve më të shtrenjtë të saj. Fatimja qëndron e shtruar në urgjencën e Qendrës Spitalore Universitare “Nënë Tereza”, e mbuluar më një batanije të vjetër dhe nis e tregon konfliktin ndërmjet të bijës dhe të shoqit i cili ka përfunduar dje në një tragjedi të vërtetë. Ajo akuzon policinë që nuk ka ndërhyrë më parë për të shuar konfliktin që ekzistonte ndërmjet Roland Camës dhe vajzës së saj Miranda, edhe pse e kishin parashikuar këtë gjë qysh më parë.
Zonja Grypshi , çfarë ka ndodhur dje në shtëpinë tuaj?
Oh e shkreta unë, shtëpi zeza thuaj. Ç’të them më parë... Do të flas më shumë për policinë e më pas për atë maskara i cili i mori jetën e çupës dhe burrit tim.
Pse çfarë ka bërë policia?
Njëqind herë i kemi lajmëruar për sherret që kishte ime bijë me atë maskara por ata mbronin Rolandin sepse edhe ai ishte polic. Fajin për këtë kasaphanë që ndodhi në shtëpinë time e ka policia dhe njerëzit e dhëndrit se ata e kanë shtyrë atë të bëjë vrasje.
Ka patur konflikte ndërmjet vajzës suaj dhe të shoqit?
Prej kohësh ata të dy kanë pasur konflikte deri sa gjashtë muaj më parë vendosën të ndaheshin. Ishte ai që ka dashur të ndahej me Mirandën dhe për këtë hapi dhe gjyqin. Në fillimi ata shkonin shumë mirë. Kanë katër vjet që janë martuar dhe djalin e kanë dy vjeç e gjysmë. Më shumë se një vit më parë vajza shkoi të jetojë tek prindërit e burrit të saj. Aty edhe kanë filluar grindjet ndërmjet tyre. Ndërkohë që vendosën të ndërtonin shtëpinë e tyre. I thoshja vajzës të kishte durim sa të përfundonin shtëpinë dhe më pas do të ishte e qetë. Shtëpinë Rolandi e ndërtoi me baxhanakun e tij por edhe pse i vunë punët disi në vijë ai sërish e rrihte Mirandën.
Për çfarë arsyesh?
Çtë them ma më të kotat por di që ai e torturonte dhe e rrihte. Para ca kohësh i ka prerë dhe duart.
A keni lajmëruar për këtë dhunim në polici?
Po, por asnjëherë nuk i kanë marrë seriozisht ankesat tona. Madje ato e mbronin atë se ishte edhe ai polic.
Thatë që Miranda po ndahej me të shoqin po ku jetonte?
Në shtëpinë tonë prej 6 muajsh ndërkohë që ndiqte dhe gjyqin.
Po dje çfarë ndodhi?
Më saktë zënka ka filluar një ditë më parë. Rolandi vjen në shtëpi dhe kërkon djalin e tij. Thotë se i kishte ardhur e motra nga Greqia dhe donte që i biri të rrinte me ta. I them Mirandës që ta lërë djalin e vogël të shkojë me të atin sepse edhe ato e kanë fëmijën e tyre. Pasi mori djalin nuk po e sillte më. Lajmëruam avokaten për këtë fakt dhe ajo na tha se kishim bërë gabim që e kishim dhënë djalin pa përfunduar gjyqi. Nga mesditja Miranda shkon për të marrë djalin. Isha vetëm në shtëpi dhe nuk dija çfarë të bëja. Nuk kisha kë të lajmëroja ndërkohë që ai e sjell Mirandën rreth orës 11 të natës. Vajza më thotë se ishin zënë prapë për punën e shtëpisë dhe të djalit.
Po dje çfarë ndodhi?
Dje kishin seancën e fundit gjyqësore për ndarjen e tyre. Gjykata i njeh të drejtën e rritjes së djalit Mirandës po ashtu edhe shtëpinë. Kur kthehemi këtu vjen Rolandi i cili kërkon të flasë me Mirandën. U futën në dhomë dhe pas pak kohësh dëgjoj të shtënën e pistoletës. Bërtas dhe së bashku me tim shoq rendim në dhomë. Me të hapur derën ai gjuan edhe në drejtimin tonë. Më pas nuk di i asgjë çfarë ka ndodhur. Unë rashë përdhe dhe më sollën në spital. Këtu mora vesh se vajza dhe burri im kishin vdekur.

[Di68]

Hajde merri vesh lajmet qe vijne nga gazetat shqiptare, njera thote djali ishte 4 vjec, tjetra 2 vjec. Nje lajm thote qe Rolandi ishte djale i urte, tjetri thote qe e torturonte te shoqen....hajde merri vesh, por nje gje eshte e qarte dhe nuk e luan as topi:
Qe nje numer i mire i meshkujve shqiptare i quajne grate si prona dhe skllave te tyre dhe nuk mund ta pranojne "humbjen" me to....kuptohet ky kishte armen ne dore dhe e beri, te tjere ne pamundesi te armes se zjarrit i therin apo i vandalizojne ne menyra te ndryshme...mjere ata femije qe rriten ne ato kushte.

[StormAngel]

Zoti mos dhashte te jesh edhe nje sekond ne kepucet e ketyre te shkreteve,
Paramendoni se sa rende eshte t`u thuash 3-4 femijeve nga nje vjet se nuk kane cka te hane,e lene me sende tjera.
Jete makabre,po zoti i mbaresofte dhe iu zvogelofte dhimbjen.
Lajme tronditese cdo dite,e asgje nuk ndermiret per tu permiresu ndonje send.
E tmerrshme me te vertete, te jesh ne fund te nervit te fundit te kokes,te jesh ne fund te shpreses per nje te neserme me te mire...dhe themi njerezit vetvriten apo vrasin! Ah... Zot!

[Hyllien]

Ketu plasen duke u ndare e duke tradhetuar grate ne Shqiperi, ti po na thua se po i trajtokan meshkujt si skellver. Mund te kete akoma ne ato zona te veriut nje kulture te tille, por mos harro se per ket pune po plas lufta ne Irak. Cdo ti qe vjen me prish terezine mua kur un kam qene gjithmone ashtu ? E kupton ku ta kam llafin ? Se si po behen tranzicionet ne Shqiperi(tranzicione i thoncin se vetem ashtu nuk jane). Gjerat duhen kohe te ndryshohen, por kur ka ndryshime te tilla radikale ne planin kulturor-shoqeror flas(se un jam pro persa i perket planit politik), dihet qe do kete dhe cmendurira te tilla, si psh rrolet te ndryshojne komplet, familja te shperbehet, apo te kete dhe vrasje te tilla makabre. Te gjith ata njerez qe jane vrare atje jane viktima.

[StormAngel]

Ja edhe nje rast tjeter:

Ramadan Meta, 85 vjeç nga Puka, i ka vënë dje zjarrin dyshekut të tij duke mbushur me tym katin e parë

I sëmuri i vë zjarrin spitalit


Ened Janina

TIRANË - I sëmuri mendor i vë zjarrin dyshekut të tij duke rrezikuar përhapjen e flakëve në të gjithë Spitalin Psikiatrik në kryeqytet. Ramadan Meta nga Puka e ka gjetur personelin e Psikiatrisë të papërgatitur dhe me një fije shkrepëse që “çuditërisht” ndodhej në duart e tij i ka vënë zjarrin dyshekut ku flinte. Zjarri i vënë nga i sëmuri 85- vjeçar është përhapur edhe në një dyshek tjetër duke bërë që i gjithë kati të mbushej me tym dhe të përhapej panik edhe tek pacientët e tjerë. Ndërkohë disa pacientë dhe të afërmit e tyre kanë pasur dëmtime të lehta të shkaktuara nga zjarri. Personeli i shërbimit ka njoftuar menjëherë zjarrfikësen e cila ka mundur të fikë zjarrin e shkaktuar nga i sëmuri kronik. Pas vënies së zjarrit, 85-vjeçari Meta është mbyllur në dhomën e hekurt të urgjencës së spitalit. Mjeke e turnit, në momentin që ka rënë zjarri, ka qenë Ilda Kapo. Lajmi është pohuar dje nga policia e Tiranës si dhe vetë personeli i Spitalit Psikiatrik. Sipas tyre, zjarri i rënë dje nuk ka djellë dëmtime të rënda përveç djegies së dy dyshekëve dhe plagëve të lehta të disa prej pacientëve dhe të afërmëve të tyre.


Ngjarja
Ka qenë ora 17.15 e ditës së djeshme kur i sëmuri kronik Ramadan Meta i ka vënë zjarrin dyshekut të dhomës ku ishte i shtruar. Për fat të mirë, i sëmuri Meta ndodhej vetëm në dhomë dhe ai nuk ka pasur mundësinë të dëmtonte njerëz të tjerë. Ndërkohë tymi i zjarrit ka depërtuar edhe në dhomat e tjera të repartit të burrave dhe ka rrezikuar disa nga pacientët. Menjëherë pas vënies së zjarrit, pacienti ka dalë qetësisht nga dhoma e tij duke e lënë dyshekun që të digjej. Vetëm pasi dysheku ka marrë flakë dhe tymi është përhapur gjithandej, personeli i psikiatrisë ka kuptuar atë që kishte ndodhur. Vetë personeli ka ndërhyrë për të shuar zjarrin duke hyrë në dhomën e pacientit Ramadan Meta dhe më pas ka njoftuar zjarrfikësen. Pas pak zjarrëfikësit dhe punonjësit e spitalit kanë arritur që të shuajnë krejtësisht zjarrin. Mjekja e turnit, Ilda Kapo, e nxirë nga tymi tha dje për “Shekullin” se nuk ka patur asnjë të plagosur përveç djegies së dy dyshekëve. Infermierët e shërbimit e kanë mbyllur Metën në urgjencën e spitalit për t’u siguruar që ai të mos shkaktonte ndonjë incident tjetër.


Fenomeni
Personeli i paktë në numër në Shërbimin e Psikiatrisë dhe lënia në gjendje të lirë e të sëmurit kronik në repartin e burrave duken se kanë qenë shkaqet e incidentit të djeshëm. Ata pak infermierë që janë ndodhur në spital nuk kanë mundur ta parandalojnë të gjithë këtë ngjarje e cila mund të kishte edhe pasoja më të rënda. Ndalimi i ngjarjes ka patur nevojën e domosdoshme të zjarrfikësve. Mjekët pohuan dje se me incidente të tilla të sëmurët mendorë mund të vënë në rrezik jetën e tyre por ata mund të rrezikojnë edhe pacientët e tjerë. Këtë shqetësim e ka shprehur edhe para disa kohësh shefi i shërbimit të psikiatrisë Anastas Suli. “Të 35 infermierët që punojnë këtu nuk mund të kujdesen dot për të 120 të sëmurët mendorë që janë në spital.”-ka pohuar Suli. Edhe pse numri i paktë i personelit është një çështje që mund të justifikojë këtë shërbim, qënia e një kutie shkrepëse në dorën e të sëmurëve bën të kundërtën. Në fakt, të sëmurëve mendorë nuk u lejohet të kenë pranë vetës asnjë mjet të “rrezikshëm” e aq më shumë një shkrepse që mund të shkaktojë dëme vërtet të mëdha. Ky incident shkaktoi vetëm djegien e dy dyshekëve të katit të parë të psikiatrisë dhe tronditjen e disa të sëmurëve dhe familjarëve të tyre por zjarre të tjera mund të bëjnë edhe më shumë.

[Di68]

Ketu plasen duke u ndare e duke tradhetuar grate ne Shqiperi, ti po na thua se po i trajtokan meshkujt si skellver. Mund te kete akoma ne ato zona te veriut nje kulture te tille, por mos harro se per ket pune po plas lufta ne Irak. Cdo ti qe vjen me prish terezine mua kur un kam qene gjithmone ashtu ? E kupton ku ta kam llafin ? Se si po behen tranzicionet ne Shqiperi(tranzicione i thoncin se vetem ashtu nuk jane). Gjerat duhen kohe te ndryshohen, por kur ka ndryshime te tilla radikale ne planin kulturor-shoqeror flas(se un jam pro persa i perket planit politik), dihet qe do kete dhe cmendurira te tilla, si psh rrolet te ndryshojne komplet, familja te shperbehet, apo te kete dhe vrasje te tilla makabre. Te gjith ata njerez qe jane vrare atje jane viktima.

Grate tradhetojne? Ka divorc, nuk ka nevoje per zgjidhje si ne kohe te qepes....une s'po merrem me zonat e thella te veriut, vrasja ka ndodhur ne Tirane....c'terezi po te prish une ty? Ndryshimet ne fushen politike i dashke po ne ate shoqerore joooo se aty na dhemb. Nese gruaja ia dridhte le ta ndante, ashtu si dhe beri...por kur gjyqi e nxjerr ate me gisht ne goje, atehere ai nuk duroka...nuk eshte se vrasja eshte bere ne gjaknxehtesi e siper, nuk eshte se ai e gjeti me tjetrin ne krevat dhe i iku truri dhe e shkrepi ate te shkrete arme. Ajo ishte vrasje e paramenduar.
C'llogjike eshte kjo qe t'i leme gjerat ashtu sic jane? Vuajne grate tere jeten, s'guxojne te ndahen se s'kane ku te shkojne (ki parasysh qe prinderit zakonisht jetojne me djalin dhe nusen, e s'ka vend per vajzen e kthyer nga burri, mbase dhe me femije nga prapa) edhe durojne nje jete mizerje se s'kane rrugezgjidhje tjeter....po s'ka gje kjo situate mos te ndryshoje, vetem burrat mos te na preken.