Berisha: Qytetarë, aplikoni për kartat e identitetit në 12 janar

[Albo]

MB dhe OSBE, tryezë për modernizimin e sistemit të gjendjes civile në Shqipëri.

Ministria e Brendshme në bashkëpunim me Misionin e OSBE-së në Tiranë, organizoi një tryezë diskutimi për modernizimin e sistemit të gjendjes civile në Shqipëri.

Të pranishëm në këtë diskutim ishin Ministri i Brendshëm Z.Bujar Nishani, Kryetari i Delegacionit të Komisionit Europian Z. Helmuth Lohan dhe Kryetari i Misionit të OSBE-së Z.Robert Bosch.

Ministri i Brendshëm Z.Bujar Nishani informoi mbi ecurinë e procesit të hedhjes së të dhënave në regjistrin elektronik,proces i cili deri më tani ka përfunduar në Tiranë dhe në bashkitë e komunat me më pak se 10 mijë banorë në jug të vendit.

Ministri Nishani u shpreh se qeveria e cilëson prioritet modernizimin e sistemit të gjendjes civile e në këtë kuadër ka planifikuar mbështetjen e duhur financiare e ndërkohë ka miratuar edhe projektligjin për mbrojtjen e të dhënave i cili do të kalojë së shpejti në Parlament si dhe ka miratuar vendime të rëndësishme në fushën e ristrukturimit të shërbimit të gjendjes civile.

Zgjidhja që ne i ofrojmë shërbimit të gjendjes civile duhet të konceptohet e realizohet si një zgjidhje afatgjatë, efikase, që i reziston kohës dhe furnizon me transaksione demografike e territoriale dhjetëra institucione te tjera, ndër më të rëndësishmet mund të përmendim sistemin elektoral, të tatim taksave, edukimit, urbanistikës, postës e telekomunikacionit, sistemin e drejtesisë etj. Ky proces kërkon ndërkohë edhe ruajtjen e ritmeve në kompjuterizimin e të dhënave në çdo njësi vendore-deklaroi Ministri i Brendshëm Z.Bujar Nishani.

Kreu i Delegacionit të KE në Tiranë Z.Helmuth Lohan vlerësoi realizimin e hapave konkretë të ndërmarrë nga qeveria shqiptare për modernizimin e sistemit të gjendjes civile dhe cilësoi si hap mjaft pozitiv miratimin nga qeveria dhe dërgimin në parlament të projektligjit për mbrojtjen e të dhënave.

Edhe kreu i Misionit të OSBE-së në Tiranë Z.Robert Bosch vlerësoi ecurinë e deritanishme të hapit të parë të procesit të modernizimit, kompjuterizimin e të dhënave të regjistrit themeltar të shtetasve.Z.Bosch shprehu ndërkohë rëndësinë e realizimit të një sërë procedurash përfshirë krijimin e rrjetit kombëtar të zyrave të gjendjes civile si dhe të konsultimit të gjerë me të gjithë përdoruesit e mundshëm.

Në këtë tryezë diskutimi u trajtuan në prezantime nga specialistët përkatës përfitimet nga procesi i modernizimit të sistemit të gjendjes civile, ndryshimet e mundshme në kuadrin ligjor dhe kërkesat e përdoruesve të sistemit të ardhshëm të gjendjes civile.

Kryeministria
20/02/2008

[Albo]

Kartat e identitetit, shtate kompani ne gare

E Premte, 29 Shkurt 2008

Tenderi i pasaportave ka filluar diten e djeshme me hapjen e ofertave nga kompanite e huaja, ndersa asnje prej firmave konkurruese nuk eshte shqiptare. Shtate kompani te huaja paraqiten kerkese-ofertat e tyre per prodhimin e dokumentit te identifikimit dhe pasaportes elektronike. Ne mbledhjen e tij te pare, qe eshte zhvilluar dje ne Ministrine e Brendshme, komisioni i vleresimit te ofertave i kryesuar nga zv.ministri i Brendshem, Ferdinand Poni, ka pranuar zarfet e 7 kompanive te huaja te interesuara per projektin e pasaportave elektronike. Kryetari i komisionit u ka bere te ditur te pranishmeve dhe medias se, "i gjithe procesi i pranimit, vleresimit dhe i hapjes se zarfeve me ofertat perkatese do te jete ne transparence te plote". Per kete qellim u eshte hapur rruga per pjesemarrje ne cdo mbledhje medieve ne cdo ambient pune te komisionit. Deri ne mbledhjen e komisionit te vleresimit kishin terhequr dokumentacionin gjithsej 55 kompani, ndersa dje vetem 7 prej tyre jane paraqitur me nje oferte konkrete. Kompanite e interesuara jane "Nadra", "Sagem", "Oberthur", "Bundes Duskerei", "Nadra", "Comsorzio RIE" dhe "Zetes". Gjate hapjes se procedures u deklarua se ne komision jane paraqitur kutite perkatese me materialet e nevojshme, si modele, kataloge, projekte te realizuara etj.. Asnje prej kompanive te interesuara per prodhimin e pasaportave elektronike dhe kartave te identitetit nuk eshte vendase.

A.Cena



Kompanite :

Bunders Druckerei, Gjermani

Indra, Spanje

Oberthur, France

Sagem, France

Comsorzio, Itali

Zetes, Begjike

Nadra, Pakistan

KJ

[EDUARDI]

Ekspertët: Kartat e identitetit, dështim për zgjedhjet e 2009-ës

Ministri Nishani kundërshton: Projekti do të realizohet 100%


Projekti i kartave të identitetit vihet në dyshim se nuk mund të mbarojë brenda afatit për zgjedhjet e vitit 2009. Ky konstatim lëshohet nga ekspertët e firmave që kishin shfaqur interes për këtë tender, megjithatë ministri i Brendshëm ka deklaruar të kundërtën. Sipas ministrit Nishani, projekti në fjalë është parashikuar që ato të mbarojnë brenda afatit të caktuar, në mënyrë që shtetasit shqiptarë të votojnë me kartë identiteti gjatë zgjedhjeve të vitit 2009. Por, sipas parashikimeve të ekspertëve, kjo mund të jetë e mundur vetëm nëse tenderi fitohet nga një firmë, e cila ka infrastrukturën të gatshme për të realizuar projektin. Nga parashikimet, edhe nga ato të Ministrisë së Brendshme, shpallja e fituesit të tenderit të kartave të identitetit e pasaportave biometrike mund të realizohet nga fundi i muajit mars. Pas kësaj, lidhja e kontratës mes firmës fituese dhe organit kontraktues, që në këtë rast është Ministria e Brendshme, mund të mbyllet brenda muajit prill, pra rreth një muaj më vonë. Në muajin prill, firma fituese duhet të nisë punën për përgatitjen e infrastrukturës, që sipas kritereve specifike në dokumentacionin e tenderit, duhet të ndërtohen 390 qendra aplikimi në të gjithë Shqipërinë. Një qendër kryesore e database do të krijohet në Tiranë dhe veç kësaj do të krijohet edhe qendra rezervë. Madje, sipas dokumentacionit të tenderit të kartave të identitetit, ndërtimi i qendrës kryesore dhe i qendrave lokale të aplikimeve duhet të jenë sipas standardeve dhe kërkesave specifike që paraqet projekti. Nga vlerësimi i kërkesave të projektit prej ekspertëve të firmave të interesuara, periudha për ndërtimin e këtyre qendrave zgjat nga 5-6 muaj. "Kështu, një firmë që nuk ka ngritur infrastrukturën më parë dhe që do të fitojë tenderin, mund të fillojë me aplikimet për kartën e identitetit afërsisht në muajin shtator të këtij viti", shpjegojnë ekspertët. Me fjalë të tjera, mbeten nëntë muaj deri në mbërritjen e procesit zgjedhor që shqiptarët të pajisen me kartën e identitetit, ose e cilësuar ndryshe mbeten 200 ditë zyrtare pune. Sipas kontratës, një firmë është e detyruar të prodhojë deri në 15 mijë karta identiteti dhe tremijë pasaporta biometrike në një ditë. Nga përllogaritjet rezulton se deri në afatin e procesit zgjedhor, firma kontraktuese mund të prodhojë dy milionë e gjysmë karta identiteti me kapacitet të plotë. Sipas kontratës, firma duhet të prodhojë rreth 3.2 milionë karta në vitin e parë të kontratës, që është quajtur edhe viti i mbingarkesës. Pra, si afat të përcaktuar, firmës fituese nuk i mjafton koha për të përfunduar këtë projekt para zgjedhjeve të vitit 2009. Veç kësaj, deri më tani, asnjë qytetar nuk është i detyruar të pajiset me një kartë identiteti. Sipas konfirmimeve nuk ka ende një ligj që i detyron ata të pajisen me këtë kartë identiteti. Por, për këtë problem, ministri i Brendshëm, Bujar Nishani, ka deklaruar se kjo do të rregullohet me akte nënligjore, duke "detyruar" shqiptarët të pajisen me një kartë të tillë, e cila do të jetë identifikuese për ta në shumë organe shtetërore. Madje, Nishani është shprehur i sigurt se në projektin e këtij tenderi janë parashikuar të gjitha elementet që kartat të mbarojnë para procesit zgjedhor dhe siguron se kjo do të realizohet dhe është marrë parasysh edhe nga firmat që kanë dhënë ofertat e tyre pranë Ministrisë së Brendshme për tenderin e lartpërmendur. Momentalisht, nga firmat që kanë paraqitur oferta, njëra prej tyre e ka pothuajse të gatshme infrastrukturën, pavarësisht se në Shqipëri ka pasur një përvojë jo të këndshme me një tender tjetër pasaportash.


@Shqip

[Albo]

Kartat e identitetit, Topi dekreton kontraten

E Premte, 01 Gusht 2008

Hyn ne fuqi kontrata koncensionare per prodhimin e shperndarjen e kartave te identitetit dhe pasaportat elektronike. Presidenti i Republikes, Bamir Topi, dekretoi dje kontraten e lidhur mes Ministrise se Brendshme dhe grupimit te Sagem Securite e Fondit Shqiptaro-Amerikan te Ndermarrjeve, per prodhimin e kartave. Kreu i shtetit dha firmen e tij pro, pavaresisht debateve te ashpra zhvilluar ne Kuvend nga opozita se kontrata te tilla vetem lehtesojne firmen por nuk japin garanci se kartat e identitetit do te jene gati per zgjedhjet parlamentare 2009. Partia Socialiste ishte kunder, pasi sipas tyre qeveria nuk mund te garantoje e aq me pak te jape afate konkrete per realizimin e kartave te identitetit. Ne nje kohe kur dihet se realizimi eshte i domosdoshem per zhvillimin e zgjedhjeve sipas standardeve nderkombetare. Po dje, Topi dekretoi dhe marreveshjen mes Keshillit te Ministrave te Shqiperise dhe qeverise se Austrise per realizimin e nje sistemi kompjuterik per Regjistrin Kombetar te Gjendjes Civile ne Shqiperi. R.R

Koha Jone

[Albo]

Kryeministri Berisha: Procesi i ardhshëm zgjedhor me listat e votuesve dhe letërnjoftimet elektronike

- Kryeministri prezanton në mbledhjen e qeverisë dokumentet e reja të identitetit, letërnjoftimin elektronik dhe pasaportën biometrike

Kryeministri Berisha prezantoi sot, në mbledhjen e Këshillit të Ministrave, dokumentet e reja të identitetit të personalizuara, letërnjoftimin elektronik dhe pasaportën biometrike. Kryeministri Berisha tha se ky proces po ecën sipas parashikimit dhe se qytetarët shqiptarë do të votojnë në zgjedhjet e ardhshme me dokumentet e reja.

“Sot, - u shpreh Kryeministri - hapen qendrat e regjistrimit të qytetarëve në qytetin e Tiranës, nga ku do të fillojë edhe lëshimi i tyre. Procesi po ecën sipas parashikimit me kompaninë dhe janë garancitë e plota që qytetarët shqiptarët do të votojnë me letërnjoftimet e reja elektronike. Procesi zgjedhor do të jetë një proces i paparë më parë, me lista elektronike të votuesve dhe me letërnjoftime elektronike.”

Kryeministri Berisha theksoi se pasaporta e re biometrike përmban simbolet më të arrira kombëtare, Skënderbeun dhe shqiponjën.

Kryeministria
17/12/2008

[Albo]

Berisha: Kartat e identitetit, më 12 janar

Vendosur: 08/01/2009 - 09:07

Kryeministri Sali Berisha i bëri thirrje dje të gjithë qytetarëve shqiptarë që janë mbi moshën 18 vjeç, që të aplikojnë për marrjen e letërnjoftimeve të reja. Në mbledhjen e Këshillit të Ministrave, Kryeministri Berisha informoi se në datën 12 janar fillon në Tiranë procesi i pajisjes së qytetarëve me letërnjoftime. "Kam një thirrje dhe apel ndaj të gjithë qytetarëve shqiptarë mbi moshën 18 vjeç, që të shkojnë dhe të aplikojë për marrjen e letërnjoftimeve. U bëj thirrje qytetarëve të Tiranës se marrja e kartave të identitetit është absolutisht një moment i veçantë për secilin prej nesh, sepse ne marrim një dokument, një letërnjoftim të njëjtë dhe ndër më modernët në të gjithë Evropën. Para kujtdo që e paraqesim letërnjoftimin, ne prezantohemi si qytetarë me një dokument identifikimi të denjë për ne", u shpreh Kryeministri.

[Jack Watson]

Di gje njeri si do quhen keto karta identiteti apo leternjoftim?

[juanito02]

Shume mire qe po behen po vete Sali gjenjeshtari interplanetar premtoi se jane te subvencionuara prej shetit.
Spaska 10 eu per qytetar kjo qeveria e bomit te leshit?