Berisha: Qytetarë, aplikoni për kartat e identitetit në 12 janar

[no name]

Data e Publikimit: 14/04/2007

Autori i Lajmit:
G S
Çfarë ka të përbashkët ndërtimi i një rruge prioritet kombëtar dhe ekonomik, me projektin për prodhimin e kartave të identitetit, prioritet strategjik e social? Përveç milionave që nevojiten për to, ato i bashkon dhe emri i amerikanit të njohur Tom Rixh. Për herë të fundit, emri i këshilltarit të huaj të kryeministrit Berisha, u përmend në Shqipëri pak përpara se të nënshkruhej kontrata shumëmilionëshe me kompaninë amerikane Bechtel për rrugën Durrës-Morinë. Që nga ai moment, nuk u dëgjua më asgjë për këshilltarin amerikan që propaganda zyrtare e paraqit me ‘elegancë’ dhe si një provë të mbështetjes amerikane për qeverisjen aktuale. Dhe tani, po në vigjilje të një tenderi ndërkombëtar, po me vlerë të konsiderueshme milionash, ai për kartat e identitetit, përmendet sërish emri i Tom Rixh. Por deri tani qytetarët shqiptarë asnjëherë nuk janë njohur prej qeverisë me rolin e vërtetë të këtij këshilltari, me funksionet që ai kryen pranë qeverisë dhe zotit Berisha dhe mbi të gjitha, ka munguar në mënyrë të plotë transparenca për koston financiare me të cilën shteti shqiptar i ble shërbimet e tij. Publiku nuk di se si, por dhe se sa paguhet nga Këshilli i Ministrave ky këshilltar. Megjithatë nuk është e çuditshme që edhe ky tender ndërkombëtar që pritet të shpallet shpejt, të fitohet nga një kompani amerikane. Dhe që pas saj, vetë kryeministri ta komentojë një fakt të tillë, si një tjetër mbështetje amerikane për qeverisjen e tij, madje dhe ndërhyrje të investimeve të huaja në vend. Paçka se ky ‘investim’ do të blihet gjithashtu me lekët e taksapaguesve shqiptarë. Që do të shërbejnë edhe për të ‘blerë’ pak politikë të jashtme nga kryeministri.

[Albo]

Kryeministri Berisha flet në mbledhjen e qeverisë për projektin e prodhimit dhe shpërndarjes së dokumentit të identitetit për qytetarët shqiptarë

13/4/2007

Sot paradite, Këshilli i Ministrave u mblodh për të diskutuar dhe miratuar një sërë vendimesh, ndër të cilat Kryeministri Berisha vlerësoi të një rëndësie të vecantë vendimin për miratimin e projektit “Prodhimi dhe shpërndarja e dokumentit të identitetit dhe të pasaportave elektronike të shtetasve shqiptarë” dhe për një shtesë fondi në buxhetin e vitit 2007, miratuar për ministrinë e brendshme.

Duke e vlerësuar këtë projekt si shtyllën kryesore të vendosjes së një sistemi modern, në menaxhimin e identitetit të shtetasve shqiptarë, kryeministri theksoi se me zbatimin e këtij projekti, menaxhimi i identitetit të qytetarëve shqiptarë ecën drejt standardeve moderne, bashkohore, duke u vendosur në atë që quhet mosha dixhitale.

Kryeministri bëri të ditur se projekti në fjalë do të përfshijë prodhimin dhe pajisjen e shtetasve shqiptarë me kartat e identitetit, prodhimin dhe pajisjen e shtetasve shqiptarë me pasaportat biometrike, si dhe krijimin e nje infrastrukture moderne që do të shërbejë si bazë për ndërtimin e të gjitha të dhënave të tjera sociale dhe ekonomike të shtetasve, duke krijuar kështu bazën për të gjitha shërbimet e qeverisjes elektronike, si për qytetarët, ashtu dhe për bizneset.

Gjithashtu, kryeministri informoi se brenda një kohe të shkutër do ti nënshtrohen procesit të dixhitalizimit, regjistri i taksave, sistemi i doganave si dhe do të aplikohet prokurimi elektronik si forma më transparente dhe më moderne e prokurimeve.

Ndër të tjera, kryeministri u shpreh:

“Në mbledhjen e sotme do të flasim lidhur vendimin për kartat e identitetit. Projekti për kartat e identitetit është një projekt kompleks me përfitime të shumëfishta dhe me komponente të shumtë. Së pari ky projekt përbën dhe kolonën kryesore të vendosjes së një sitemi modern në menaxhimin e identitetit të shtetasve shqiptarë, sistem që përfshin grumbullimin, përpunimin, ruajtjen, përdorimin për qëllime publike të të dhënave të shtetasve. Me vendosjen e këtij sistemi, menaxhimi i identitetit të qytetarëve shqiptarë ecën drejt një moderniteti bashkëkohor, vendoset në atë që quhet mosha dixhitale. Ky projekt përfshin prodhimin dhe pajisjen e shtetasve shqiptarë me kartat e identitetit, prodhimin dhe pajisjen e shtetasve shqiptarë me pasaportat biometrike, krijimin e nje infrastrukture moderne që do të shërbejë si bazë për ndërtimin e të gjitha të dhënave të tjera sociale dhe ekonomike tëe shtetasve, krijimin e bazës për të gjitha shërbimet e qeverisjes elektronike, si për qytetarët, ashtu dhe për bizneset. Shqipria në mënyrë shumë të vendosur po ecën drej moshës dixhitale.

Në një hark kohor të shkurtër kam kënaqësinë që të informoj qytetarët shqiptarë se në pak muaj Shqipëria do të ketë të dixhitalizuar, jo vetëm regjistrin e bizneseve apo dëshmitë e penalitetetve, që tashmë ekzistojnë, por do të kompletohen taksat, regjistri i taksave dhe doganat për të qenë në përputhje plotësisht me të gjithë sistemin. Gjithashtu prokurimi elektronik, forma më transparente dhe më moderne e prokurimit, do të instalohet brenda një harku kohor, fotografimi dixhital i territorit do të kompletohet shumë shpejt.

Në të gjithë këtë ecuri shumë të rëndësishme vendosja apo menaxhimi dixhital i identitetit të qytetarëve përbën shtyllën më kryesore të Shqipërisë mnë moshën dixhitale.

Projekti ofron zgjidhjet më moderne dhe më fleksibël, si nga pikëpamja teknologjike ashtu edhe nga pikëpamja teknike, është i bazuar në standartet ee teknologjime me të përparuara ndërkombëtare. Në mënyrë të veçantë ky projekt është në përputhje të plotë me të gjitha kriteret më rigorze, më të avancuara të sigurisë ndërkombëtare që aplikohet në botë, përfshi këtu SHBA-t dhe vendet e BE.
Me zbatimin e këtij projekti Shqipëria dot të ketë një nga sistemet më të përparuara të menaxhimit të identitetit të shtetasve dhe një nga kartat më moderne të identitetit të tyre. Sistemi bazohet në një arkitekturë të hapur e cila mundëson përputhshmërinë dhe shkëmbimin e informacionit me të gjitha sistemet e tjera të të dhënave dhe informacionin të tillë si sitemi i sigurimeve shoqërore, tatimeve, regjistrimit të pronësisë, patentave, kriminalistikës etj. Në mënyrë të veçantë sistemi do të kordinohet dhe do të harmonizohet plotësisht me sistemin e regjistrit kombëtar të shtetasve, projekt i cili është në fazat e para të zhvillimit të tij. Për hartimin e këtij projekti një meritë të vecantë kanë specialistët e Ministrisë së Brendëshme dhe institucionet e tjera, por kontributin kryesor, por veçanërisht grupi qeveritar është mbështetur nga një ekip ekspertësh të shquar ndërkombëtar të mbledhur nga guvernatori Tom Rixh . Në përbërje të këtij ekipi kanë qenë ekspertë dhe specialistë me nje përvojë të jashtëzakonshme në hartimin e sistemeve për menaxhimin e identitetit të qytetarëve, të cilët kanë punuar për qeveri, organizata ndërkombëtare dhe biznese në Evropë, SHBA, Azi, etj. Ekspertët e këtij ekipi ndërkombëtar kanë qëne të përfshirë, kanë punuar dhe kanë asistuar administratën e SHBA-ve, në përmirësimin e sistemit të sigurisë së brendëshme dhe sistemit të vizave, administratën irlandeze për menaxhimin e sistemit të vizave dhe identitetit të qytetarëve, administratën australiane dhe disa administrata të vendeve të tjera.

Pas miratimit të sotëm qeveria do të punojë me shpejtësi për hartimin e termave të referencës dhe procedurave të nevojshme për organizimin sa më shpejt në një hark kohor të shkurtër të tenderit të hapur ndërkombëtar për zbatimin e projektit dhe prodhimin e kartave të identitetit. Në këtë tender pritet të marrin pjesë të gjitha kompanitë kryesore të botës në fushën e teknologjisë dhe të prodhimit të kartave të identitetit.

Qeveria sot miraton fondin prej 2 miliard lekë në mbështetje të këtij projekti. Plani ynë eshte që këtë tender ndërkombëtar ta hapim sa më parë dhe të bëjmë çdo përpjekje që pasi të shpallet fituesi të përshpejtojmë periudhën e instalimit të të gjitha pajisjeve teknologjike në mënyrë që të fillojë sa më shpejt pajisja e qytetarëve shqiptarë me kartat e identitetit.

Edhe njëherë dua të përgëzoj, sepse ajo që nuk u realizua në tetë vjet, po realizohet brenda 20 muajve dhe kjo dëshmon se reformat funksionojnë.”

Kryeministria

[Albo]

Karta pa identitet

E Merkure, 06 Qershor 2007

Ergys GJENCAJ

Mazhoranca dhe opozita nuk po gjejne paqe me njera-tjetren. Projekti i Ministrise se Brendshme dhe i miratuar nga qeveria per kartat e identitetit, ka sjelle perplasjen e radhes mes perfaqesuesve te dy kampeve politike kundershtare. Ministri i Brendshem, Bujar Nishani, ka prezantuar kete projekt per pergatitjen e kartave te identitetit dhe regjistrin elektronik i shtetasve perpara Komisionin parlamentar te Integrimit Evropian. Por pas ketij prezantimi, perfaqesues te opozites kane dhene vleresimet dhe komentet e tyre kundershtuese. Ministri Nishani ka thene se qeveria eshte teresisht e angazhuar per permbushjen ne kohe te projektit per regjistrin elektronik te shtetasve, kartave te identitetit dhe pasaportave biometrike. Sipas tij, brenda muajit qershor te ketij viti do te shpallet tenderi nderkombetar per kartat e identitetit dhe pasaportat. Nderkohe qe regjistri elektronik i shtetasve do te jete gati brenda shtatorit te vitit 2008, duke i paraprire ne kete menyre persosjes se listave zgjedhore per zgjedhjet e ardhshme parlamentare. Ministri i Brendshem theksoi se per nevojat e pergjithshme te shtetasve parashikohen te prodhohen dhe shperndahen rreth 2.5 milione pasaporta dhe 3 milione karta identiteti, kjo duke marre parasysh dhe te dhenat sipas regjistrit kombetar te shtetasve, por nisur edhe nga intensiteti i shperndarjes se pasaportave cdo muaj, qe sipas statistikave arrin ne rreth 18-32 mije dokumente ne muaj, kjo dhe ne varesi te periudhave. Por me i ashper ne oponencen e tij, ne aspektin teknik dhe praktik, ka qene deputeti socialist Blendi Klosi. Ai tha se sipas ketij projekti, do te jete shume e lehte per falsifikim ose vjedhje te identitetit te personave. “Shkon nje person, mund te pajiset me karte identiteti, duke pasqyruar nje emer tjeter anonim, fut te dhenat e veta dhe qe nga ai moment “Blendi Klosi” mund te transformohet shume mire me nje emer tjeter”, tha ai. Gjithashtu, ai pohoi se te dhenat e kartes se identitetit do te jene te pasakta, pasi ato do te hedhen ne menyre manuale. Ndersa deputeti tjeter i PS-se, Taulant Balla, kerkoi qe ne ligj te sanksionohet fakti qe qytetaret te detyrohen te pajisen me dokumente identifikimi, duke kerkuar subvencione nga shteti per pajisjen e tyre me kartat perkatese te identifikimit.

Korrieri

[leci]

Duket sikur do te bejne ndonje udhetim ne Hene,e jo te pajisin qytetaret me karta identiteti.
Sala eshte i gezuar sepse do pajisen me dokumenta shqiptaret.Dhe mbi te gjitha 2 miliarde leke fond per projektin.
Sa keq qe nuk ka mundesi te kufizohet me limit minimal injoranca.

[TOKE GEGA]

Duket sikur do te bejne ndonje udhetim ne Hene,e jo te pajisin qytetaret me karta identiteti.
Sala eshte i gezuar sepse do pajisen me dokumenta shqiptaret.Dhe mbi te gjitha 2 miliarde leke fond per projektin.
Sa keq qe nuk ka mundesi te kufizohet me limit minimal injoranca.

Po pse nuk i ka bere Partia juaj socjaliste

per 8 vite ne pushtet dhe i ka marre tre her parat nga bankat

europjane per kartat,a po me qense eshte patia e krimit antaret e

ksaj bande kriminale me permasa Botrore nuk munden te shikojne

drejte por vetem sipas udhzimeve te partis !!!!

[leci]

Partia ime socialiste?
Po flas per leke qe i paguan populli,e sa per info sme intereson as PS e as PD.
Se kendej mjafton te kritikosh Berishen e te quajne socialist-komunist.
Me duhen vetem 5 minuta per tu pajisur me karte identiteti ne vendin ku jetoj,kurse ne Shqiperi po behet tragjedi kjo e kartave.
Nese diferenca nuk te shfaqet do te jete ndonje problem kohe-haperise.

[Albo]

Këshilli i Ministrave miraton vendimin për hapjen e tenderit ndërkombëtar për kartat e identitetit

8/8/2007

Qeveria miratoi në mbledhjen e sotme vendimin për hapjen e tenderit ndërkombëtar për projektin konçesionar të kartave të identitetit. Kryeministri Berisha theksoi se pas një pune shumë të gjatë dhe të hollësishme, ky process do t`i jepet me konçesion kompanisë që do të ofrojë kushtet dhe kriteret më të leverdishme se të tjerat.

Zyra e Kryeministrit

[Brari]

po a nuk mundet qeveria qe ato makineri qe duhen per te prodhuar karta e dokumenta speciale ti bleje nje her e mire e ti fuse ne pune e te mos harakopet pasuria e shtetit neper tendera ..
u eshte bere mendja tender..
o ne posten shqiptare o ne banken e shtetit o ne ministri te rendit o ne ate qndren statistikore a cfar eshte ajo mbrapa kryeministrise.. te instalohet kjo teknologji e te mbarohen kto pune.. njehere e mire e te jen aty per cdo rast..

[Albo]

Berisha: Fund lojes me certifikatat

Fatjona Mejdini
E Merkure, 07 Nentor 2007

Qeveria, se shpejti, pritet te marre nje vendim, sipas te cilit, certifikatat qe do t’i mbahen qytetareve nga zyrat e administrates, do te paguhen nga vete keto zyra, duke i dhene fund ferrit te nxjerrjes se ketij dokumenti identifikues. Gjate nje vizite, qe Kryeministri zhvilloi dje ne zyrat e gjendjes civile ne njesite vendore 8 dhe 9 ne Tirane, deklaroi, se nisma e re e qeverise do te detyroje qe administrata ta kompensoje vete vleren e certifikates qe mban. Sipas Berishes, certifikates se qytetarit duhet t’i behet nje kopje nga ana e punonjeseve te administrates dhe t’i kthehet origjinali. “Tani do bejme nje vendim tjeter, qe kushdo qe do te mbaje certifikatat, t`ua paguaje atyre, sepse shteti duhet te kete fotokopje dhe jo ne cdo proces duhet t`u mbahen certifikatat. Zyrat e administrates, qe do te mbajne certifikatat, do te detyrohen ta paguajne vete cmimin e tyre”, - deklaroi Berisha gjate vizites ne zyrat e gjendjes civile. Sipas tij, administrata nuk ka zbatuar ne menyre rigoroze vendimin e qeverise per mbajtjen e certifikatave te qytetarit vetem ne raste te vecanta dhe per kete qeveria po pergatit nje nisme te dyte. “Une, prape shikoj njerez qe vuajne per certifikata. Ne beme nje vendim, por ky vendim nuk eshte respektuar, ndaj dhe qytetaret dynden, sepse kudo qe shkojne ua mbajne certifikatat”, - theksoi kreu i ekzekutivit, duke shtuar, se eshte i papranueshem fakti, qe qytetareve t’ju mbahen certifikatat e tyre origjinale, duke bere qe te jene gjithnje ne dyert e gjendjes civile. Berisha vezhgoi diten e djeshme edhe fillimin e punes per kalimin e te dhenave te shtetasve ne regjistrin elektronik. Sipas Kryeministrit, “ky projekt perben nje transformim rrenjesor ne permiresimin e sherbimit ndaj qytetareve dhe te gjitha sherbimeve te tjera te medha”.

Kartat e identitetit

Kryeministri Berisha deklaroi dje se me daten 12 nentor eshte blere hapesira per njoftim ne “Financial Times” per hapjen e tenderit per prodhimin e kartave te identitetit dhe pasaportave dixhitale. Sipas Berishes, tenderi per kartat do te mbyllet ne muajin janar dhe u shpreh optimist, se deri ne fund te vitit 2008 shqiptaret do te arrinin te pajiseshin me kartat e identiteti. Pak dite me pare ne vend ka nisur edhe kalimi i te dhenave te shtetasve shqiptare ne nje regjister elektronik, proces ky qe i hap rruge pajisjes se qytetareve me karta identiteti.

Koha Jone

[oliver55]

LajmeKartat e identitetit dhe dixhitalizimi i gjendjeve civile do të jenë gati për zgjedhjet e 2009, këtë e premtoi ministri i Brendshëm, Bujar Nishani, në mbledhjen e radhës së komisionit për integrimin në NATO. Dy nga kërkesat kryesore të komunitetit ndërkombëtar ndaj Shqipërisë, premtime që duhet të mbahen patjetër dhe nëse zgjedhjet e ardhshme nuk do të kenë këto dy elementë, atëherë qeveria, por edhe vendi do të marrin minus nga opinioni i institucioneve ndërkombëtare, që i kanë kërkuar këto dy çështje që në 2001.