Berisha: Qytetarë, aplikoni për kartat e identitetit në 12 janar

[Qafir Arnaut]

Me ne fund pas 15 vjetesh iu mbush mendja pushtetareve qe rregjistrat e gjendjes civile dhe identifikimi pozitiv i shtetasve eshte parakusht per demokracine. Kuptohet, kjo ndodh jo se nuk e dinin por sepse nuk DONIN, pasi identifikimi pozitiv i shtetasit veshitereson manipulimet e proces-verbaleve. Cuditerisht, shenjat e gishtave do te jene ne sejcilen karte. Lind pyetja "Nuk eshte shkelje e te drejtes te 'vetjaksise'(ok...fine...privacy in english)?

Gjithashtu timetable per leshimin e ketyre ID cards eshte maj 2005. Pra edhe kete here Nano e Berisha do kene dore te lire te manipulojne zgjedhjet, qe jane parakushti kryesor per hyrjen ne NATO dhe per vazhdimin e negociatave per fillimin e negociatave per hyrjen ne BE. Mu m'duket sikur keta s'dun me hy askund sa jane gjall vallah!


Mbledhje e Komisionit për Rendin dhe SHISH-in

Komisioni për Rendin dhe SHISH-in, më datë 30.06.2004 zhvilloi mbledhjen me këtë rend dite: "Raport i Ministrit të Pushtetit Vendor dhe Decentralizimit për paketën ligjore që shoqëron ligjin "Për gjendjen civile".

Ministri deklaroi se ka filluar tashmë puna për zbatimin e paketës ligjore të vitit 2002 që lidhen me numurin e identitetit dhe dokumentin e identitetit. Pritet që të zhvillohet tenderi ndërkombëtar me një fond prej rreth 6.5 milionë eurosh, për prodhimin e kartës së identitetit dhe krijimin e sistemit të komjuterizuar të gjendjes civile. Do të prodhohen rreth 2.7 milionë karta, për shtetasit mbi 16 vjeç, sipas ligjit, lëvrimi i të cilave do të fillojë pas majit të vitit 2005. Do të pajisen fillimisht qytetarët e rretheve të mëdha dhe më pas do të vazhdohet sipas një radhe të caktuar. Sipas Ministrit gjatë gjithë këtij procesi më e rëndësishmja do të jetë krijimi i sistemit të komjuterizuar të regjistrit të gjendjes civile për 36 rrethet e Republikës i cili më pas do të sigurojë shpërndarjen e kartave, me të gjithë elementët e sigurisë.

Shqetësimit të anëtarëve të Komisionit nëse kjo kartë është sipas standarteve të kërkuara dhe a lidhet me zgjedhjet, Ministri iu përgjigj se standardet janë ato të caktuara nga Komuniteti Europian dhe ky dokument do të lidhet me shërbimet publike që do ta bëjë të detyrueshme pajisjen e shtetasve me të. Ai siguroi se ky dokument nuk lidhet në mënyrë të drejtpërdrejtë me procesin, por sigurisht që do ta lehtësojë në mënyrë të ndieshme atë.

Ankesën e deputetëve për zbatimin me vonesë të kësaj pakete ligjore, Ministri e justifikoi me fondin tepër të lartë të këtij projekti dhe për më tepër ndërkohë janë bërë shumë rregullime të domosdoshme në sistemin e regjistrit të gjendjes civile, siç është pastrimi i emrave të dyfishtë që figurojnë në rrethe të ndryshme, etj. gjë që sjell përgatitjen për sistemin e ri.

Shpenzimet e mëdha nga buxheti i shtetit për këtë projekt mendohet se do të mbulohen me shitjen e kësaj karte për shtetasit shqiptarë. Në përfundim, mendohet se përdorimi i këtij dokumenti do ta afrojë shumë Shqipërinë me standartet e kërkuara të dokumentave të identitetit të BE-së.

[Cofferati]

Pse dhe lek me bo leternjoftime nuk kane eh??

[Qafir Arnaut]

Pse dhe lek me bo leternjoftime nuk kane eh??

Jo or daj i kane se koston do ja kalojne shtetasve. Shume lehte mund te kishin marre para borxh ne baze te fuqise taksuese qe ka shteti, dhe detyrimit per te marre karten. Kete gje shume mire mund ta kishin bere edhe me "lejet e drejtimit te makines' qe jane si me i pas leshu Osmanlite ne Mesjete.

Sic te thashe...nuk eshte se nuk dine por nuk duan. $6.5 milione euro shume mire mund ti kishte dhe nje konsorcium i 14 bankave qe jane ne Shqiperi nqs nuk sigurohej dot nga jashte.

Por problemi eshte tjeterkund: Kompjuterizimi i gjendjes civile, dhe ekzistenca e identifikimit pozitiv te shtetasit veshtireson manipulimin e kutise te votimit...Prandaj s'e bojne ate pune ata derra te trashe.

[Hyllien]

Karta e identitetit, fituesi shpallet javën e ardhshme

Elda Spaho

Brenda javës tjetër do të marrim vesh cila do të jetë paraqitja e dokumentit të ri që do të përdorim për t’u identifikuar. Ministria e Pushtetit Vendor dhe Decentralizimit (MPVD) deklaroi dje se do të shpallte variantin fitues javën e ardhshme. Kjo u bë e ditur pas prezantimit që 8 studio grafike dhe dizenjatorë të pavarur bënë në Galerinë Kombëtare të Arteve, gjatë konkursit për dizenjimin e dokumentit të identitetit.
***
Njëra pas tjetrës, për 8 ose 9 minuta, secila nga studiot ka prezantuar dje në një ekran të madh variantin ose variantet e dokumentit, të dizenjuar ashtu si u ishte dukur më e mira. Konkursi i hapur që në 1 korrik nga ministri Ben Blushi dje kishte ditën e përballjes.
Dizenjimi nuk ishte i zakonshëm sepse karta e identitetit, që do të vijë në duart e shqiptarëve pas 20 vjet mungese, duhet të ketë shumë elemente sigurie, për të qenë e pafalsifikueshme. Secila nga studiot kishte zgjedhur simbole nga më të ndryshmet. Psh. shqiponja e flamurit shqiptar diku ishte dizenjuar me katrorë të vegjël që vinin duke u zmadhuar, diku tjetër brenda saj kishte vijëza të pjerrëta dhe një shqiponjë tjetër më të vogël. Një studio tjetër grafike paraqiti si element sigurie një figurë që dukej thuajse si koral. Por që në fakt nuk ishin gjë tjetër veçse dhjetëra shqiponjëza të vogla të grupuara bashkë, që syri i njeriut mezi i dallon. Vijëza të valëzuara, të pjerrëta, të drejta, gjithçka për ta bërë dokumentin sa më pak të falsifikueshëm. Pse jo edhe sa më tërheqës sepse dizenjot e paraqitjes së tij kanë qenë me ngjyra të ndryshme, që nga bojëqielli deri tek e arta. Mbrapa kartës së identitetit do të zërë vend edhe shenja e gishtërinjve të atij që do ta mbajë në xhep.
Cili variant do të jetë fituesi? Përgjigjen do ta marrim javën tjetër por sidoqoftë juria ishte e mendimit që niveli dhe cilësia e dizenjove ishte e lartë. Në përfundim të prezantimit, Blushi deklaroi se studiot grafike kishin punuar me shumë seriozitet.
Studiot që konkurruan për “Dizenjimin e Dokumentit të Identitetit”
1-Austria Card (Austri)
2-ARS Albania (Kosovë)
3-Çelësi (Shqipëri)
4-DSI (Gjermani)
5-Ilar (Shqipëri)
6-Elsi Kongo Design (Shqipëri)
7-VGA Top Chanel (Shqipëri)
8- Arian Dushku (Shqipëri)
9- Eva Tundo (Shqipëri)

Përbërja e jurisë
Ministri i Ministrisë së Pushtetit Vendor dhe Decentralizimit
Ben Blushi
Drejtori i Galerisë së Arteve
Abaz Hado
Dizenjator Suad Barbullushi
Drejtori ekzekutiv i AMC-së Stefanoz Oktapodas


----

Po ky Greku cdo ne komision ? Cna ka gjet me keta njerez, sa shum na duan more... apo i duam ne ?

[StormAngel]

Drejtori ekzekutiv i AMC-së Stefanoz Oktapodas


----

Po ky Greku cdo ne komision ? Cna ka gjet me keta njerez, sa shum na duan more... apo i duam ne ?

Me duket se ne me teper i duam,
I thone kesaj ai qe te qorton ai edhe te do.Keshtu edhe puna jone me keta.
Ne kenge kompozitori grek,ne mobil operator drejtor poashtu,gati se ne cdo pore te jetes shoqerore shqiptare ka nga nje grek.
E cuditshme,po edhe me ironike eshte se dikush duhet t`i leshoj te hyjne ne ate shoqeri.hmmmmm

[AlbaneZ]

• OSBE ka qenë dhe mbetet akoma një kundërshtare e një sistemi më të besueshëm që lidhet më kartat e identitetit dhe regjistrimin e popullsisë

OSBE-ja në vendin tonë ka marrë akuza se është një nga kundërshtueset më të forta të krijimit të sistemit të adresave, si dhe të prodhimit të kartave të identiteti. Sekretari politik në Partisë Socialiste, Ben Blushi ka akuzuar direkt OSBE-në, gjatë seminarit të zhvilluar për platformën zgjedhore, se “kërkon të monopolizojë projektin e krijimit të sistemit të adresave si dhe të prodhimit të kartave të identitetit”.

“OSBE-ja ka qenë dhe mbetet akoma një kundërshtare e fortë e një sistemi më të besueshëm që lidhet më kartat e identitetit dhe me regjistrimin e popullsisë. Jo për arsye morale, jo për arsye pragmatiste, OSBE-ja vazhdimisht ka kërkuar ta monopolizojë këtë projekt, duke krijuar vetë burime financimi për këtë projekt nga Bashkimi Europian, të cilat nuk janë të mjaftueshme për të krijuar këtë proces”, - u shpreh Blushi.
Socialisti Blushi nënvizoi se një nga problemet më të rëndësishme të reformës zgjedhore në vendin tonë, është pikërisht pajisja me karta identiteti të qytetarëve dhe krijimi i një sistemi të besueshëm adresash në vendin tonë. “Besoj se nëse këto çështje merren seriozisht, për 6 muaj kartat e identitetit mund të jenë gati”, - u shpreh Blushi. Por sipas tij, duket se edhe vetë qeveria nuk e ka marrë seriozisht këtë projekt, pasi ky projekt do të ketë një faturë financiare dhe qeveria nuk ka parashikuar asnjë zë në buxhetin e vitit 2007 për këtë projekt.

Këshilla

Sekretari socialist Blushi u shpreh se në këto kushte, qeveria shqiptare duhet të përfshihet në një proces autonom, për të bërë të mundur realizimin e këtij projekti kaq me rëndësi jo vetëm për të arritur një nga standardet e kërkuara nga Bashkimi Evropian, por edhe për vetë shoqërinë shqiptare. “Qeveria duhet të hyjë në një proces autonom, sepse ky është një proces autonom sado qoftë i konsoliduar nga Bashkimi Evropian apo OSBE-ja dhe ishte gratis, por procesi duhet të jetë autonom; ky duhet të jetë një proces shqiptar”, - u shpreh Blushi. Sipas tij, nisur nga kushtet kur pushteti lokal është i ndarë përgjysmë mes opozitës dhe maxhorancës, atëherë kjo e fundit është e detyruar që projekti të zhvillohet në bazë të një bashkëpunimi dhe konsensusi. “Strukturat ekzekutive në bashkëpunim pozitë-opozitë, në kushtet kur pushteti lokal mbetet i ndarë përgjysmë, në kushtet kur opozita qeveris gati dy milionë banorë, çështja e emetimit dhe prodhimit të kartave të identitetit duhet të zhvillohet me një proces konsensual”, - nënvizoi Blushi. Sipas tij, regjistrimi i popullsisë dhe prodhimi i kartave të identitetit kanë një lidhje shumë të rëndësishme mes njëri-tjetrit.

Gazeta Shqiptare.

[Albo]

Kryeministri flet për shpejtimin e projektit për pajisjen e qytetarëve me karta identiteti

28/2/2007

Në mbledhjen e sotme të Këshillit të Ministrave, Kryeministri Berisha u përqendrua në përshpejtimin e fillimit të zbatimit të projektit për pajisjen e qytetarëve me karta identiteti, duke e konsideruar atë si një përparësi që do të përmbushë jo vetëm një angazhim të qeverisë në kuadër të programit të saj, por njëkohësisht do të lehtësojë qytetarët nga barra burokratike e lëshimit të certifikatave. Kryeministri kërkoi nga ana e Ministrisë së Brendshme përshpejtimin e punës për fillimin në kohën më të shkurtër të këtij projekti madhor.

Duke folur për rëndësinë e këtij projekti, Kryeministri bëri këto komente:

“Do të doja të sillja në vëmendje problemin e kartave të identitetit. Ministria e Brendshme, por edhe qeveria në tërësi, duhet që ta nisë këtë projekt nga zbatimi me përparësinë më të madhe. Nga ana e Ministrisë së Brendshme janë bërë disa përgatitje, por projekti është shumë imperativ dhe duhet të fillojë në kohën më të shkurtër të mundshme. Është jashtëzakonisht e rëndësishme që qytetarët shqiptarë të mund të pajisen me kartat më moderne të identitetit.

Ky është një detyrim i shumëfishtë, është detyrim i programit tonë dhe një nga ato detyrime që ka pasur një shtytje, është gjithashtu një kërkesë imperative për lëvizjen e lirë. Në të gjitha negociatat tona për liberalizimin e lëvizjes në mënyrë konstante ne jemi zotuar se do të procedojmë me shpejtësinë më të madhe të mundshme me kartat e identitetit. Gjithashtu ky është një detyrim për identifikimin e zgjedhësve, që përbën një kërkesë të rëndësishme në mënyrë që të arkivohet përfundimisht diskutimi mbi vërtetësinë e dokumenteve të lëshuara nga gjendja civile dhe të bëjë të mundur që qytetarët shqiptarë të çlirohen nga certifikatomania. Megjithëse, pas vendimit të Këshillit të Ministrave për fotokopjimin e tyre nga zyrat e shtetit, është kufizuar në mënyrë të ndjeshme lëshimi i tyre, sërish mbetet një problem që rëndon edhe burokracinë shtetërore, edhe arkën e xhepin e qytetarëve, pavarësisht se çmimi i tyre është shumë i lirë, por edhe koha për nxjerrjen e certifikatës ka çmimin e vet.

Të gjitha këto së bashku bëjnë të domosdoshme që shqiptarët të çlirohen sa më shpejt nga kjo barrë burokratike. Ndaj duhet të procedohet me shpejtësi. Është marrë një ekspertizë e mirë lidhur me tiparet që duhet të ketë karta e identitetit. Natyrisht duhet të jetë më e mira e mundshme, pasi kemi avantazhin se mund të përfitojmë nga të gjitha përditësimet që i janë bërë asaj deri më sot dhe të kemi një kartë identiteti moderne. Ndoshta është e domosdoshme të funksionojë një grup më i gjerë sesa Ministria e Brendshme, në mënyrë që të zgjidhet çështja e numerëzimit të saj dhe qytetarëve. Në këtë aspekt ekziston një arkiv, është numri i të siguruarve, por duhet parë nëse do të përdoret ky arkiv apo do të ndërtohet nga e para numerëzimi i qytetarëve.

Edhe një herë e theksoj se ky është një problem madhor. Duhet që Ministria e Brendshme të marrë të gjitha masat për fillimin sa më shpejt të jetë e mundur zbatimin e këtij projekti. Në varësi nga forma që do të përzgjidhet për lëshimin e saj, në rast se është e nevojshme mund të bëhet edhe një rialokim fondesh. Nëse nuk përballohet me fondet e mundshme që mund të mobilizohen për këtë qëllim, atëherë mund të bëhet edhe një rialokim fondesh në parlament. Duhet të ecim me shpejtësi. Është ecur për përzgjedhjen e karakteristikave teknike, por duhet përzgjedhur mënyra se kush dhe si do të lëshohet karta, çmimi, i cili duhet të jetë detyrimisht i arsyeshëm dhe jo një çmim që të rëndojë buxhetin e qytetarëve, ndonëse nga pikëpamja ekonomike është me interes shumë të madh për qytetarët, pasi me marrjen e kartës së identitetit ata shpëtojnë nga dëshmia e pafundme e certifikatave.”

Keshilli Ministrave

[Albo]

Kartat e identitetit, Me 25 mars, gati ekspertiza

E Marte, 20 Mars 2007

Brenda marsit duhet te perfundoje tenderi nderkombetar per kartat e identitetit dhe per pasaportat dixhitale. Gjate mbledhjes se grupit demokrat, Berisha nenvizoi rikonfirmoi se kartat e identitetit, regjistrimi i popullsise, pasaporta dixhitale dhe regjistri elektronik perbejne perparesite me madhore te reformave. “Brenda dates 25 mars, - theksoi kryeministri, - kompletohet e gjithe ekspertiza e dyte, pasi ka qene e domosdoshme te kete nje pakete ekspertizash per keto ceshtje”. Mbi bazen e tyre qeveria do te marre vendimin per te shpallur tenderin e hapur nderkombetar fillimisht per kartat e identitetit dhe per pasaportat dixhitale, proces te cilin do te perpiqemi ta kompletojme ne kohen me te shkurter te mundshme, duke pasur parasysh se nuk eshte nje proces qe kompletohet ne menyre te rrufeshme.

Korrieri

[Albo]

Harta dixhitale, nis fluturimet avioni i fotografimeve

E Merkure, 14 Shkurt 2007

Nis fluturimet avioni i cili do te kryeje fotografimin ajror te territorit te Shqiperise. Tashme kompania nga Kroacia "Geofoto", ka nisur punen per realizimin e hartes dixhitale te territorit te Republikes se Shqiperise. Sipas afateve te bera publike nga drejtuesit e ALUIZNI-t, brenda tre muajsh cdo qytetar mund te verifikoje pronen e tij ne internet, ne rast se do te kryeje transaksione me te. Ne kete kontrate eshte percaktuar se Shqiperia do te kete harten e saj dixhitale brenda 9 muajsh. Brenda nje muaji do te mbyllet i gjithe procesi i fotografimit te zones urbane, e cila perben nje siperfaqe prej 1200 km, dhe produkti hartografik do te jete ne perputhje me koordinatat e sistemit nderkombetar, cka eshte nje burim i rendesishem per punimin e te dhenave korrekte. Sipas afateve te percaktuara, brenda 45 ditesh do te prodhohen ortofoto ne harddisk, ne leter dhe harte vektoriale dhe brenda 3 muajsh nga momenti i fillimit te fotografimit ajror do te realizohet produkti per zonen urbane, brenda 9 muajsh per 2 lotuset e tjera; lotusi rural dhe ai malor, do te jete i perfunduar produkti ortofoto harddisk dhe ne leter. Per sa i perket procesit te legalizimit, ky fotografim do te fiksoje situaten ndertimore dhe infrastrukturen urbane ne nje moment te dhene. Gjithashtu, harta dixhitale do te krijoje mundesi per here te pare, qe te ngrihet baza e te dhenave dhe te krijohet data-base i pronesise.

Korrieri

[Davius]

Shumë shpejt shqiptarët do të pajisen me karta identiteti dhe me pasaporta biometrike sipas standardeve ndërkombëtare. Ishte vetë kryeministri Berisha që gjatë mbledhjes së qeverisë në ditën e djeshme bëri të ditë akordimin e fondit prej dy miliardë lekësh nga fondi rezervë e Këshillit të Ministrave. Ministria e Brendshme dhe ajo e Financave do të jenë dy dikasteret qeveritare që do të përgjigjen dhe organizojnë drejtpërdrejt pajisjen e qytetarëve shqiptarë me karta identiteti dhe me pasaportë biometrike.Kështu, më ën në fund duket se një prej çështjve që ka shkaktuar mjaft probleme për shqiptarët si jashtë dhe brenda vendit po merr fund dhe shumë shpejt do të marri fund edhe çështja e procesit zgjedhore që lidhet me listat e votuesve dhe identifikimin e tyre. Vetë kryeministri Beriisha e vlerësoi këtë projekt si shtyllën kryesore të vendosjes së një sistemi modern, në menaxhimin e identitetit të shtetasve shqiptarë. Kryeministri theksoi se me zbatimin e këtij projekti, menaxhimi i identitetit të qytetarëve shqiptarë ecën drejt standardeve moderne, bashkohore, duke u vendosur në atë që quhet mosha dixhitale. Kryeministri bëri të ditur se projekti në fjalë do të përfshijë prodhimin dhe pajisjen e shtetasve shqiptarë me kartat e identitetit, prodhimin dhe pajisjen e shtetasve shqiptarë me pasaportat biometrike, si dhe krijimin e nje infrastrukture moderne që do të shërbejë si bazë për ndërtimin e të gjitha të dhënave të tjera sociale dhe ekonomike të shtetasve, duke krijuar kështu bazën për të gjitha shërbimet e qeverisjes elektronike, si për qytetarët, ashtu dhe për bizneset. Kreu i ekzekutivit informoi se brenda një kohe të shkutër do t’i nënshtrohen procesit të dixhitalizimit, regjistri i taksave, sistemi i doganave si dhe do të aplikohet prokurimi elektronik si forma më transparente dhe më moderne e prokurimeve. “Ky projekt përfshin prodhimin dhe pajisjen e shtetasve shqiptarë me kartat e identitetit, prodhimin dhe pajisjen e shtetasve shqiptarë me pasaportat biometrike, krijimin e nje infrastrukture moderne që do të shërbejë si bazë për ndërtimin e të gjitha të dhënave të tjera sociale dhe ekonomike të shtetasve, krijimin e bazës për të gjitha shërbimet e qeverisjes elektronike, si për qytetarët, ashtu dhe për bizneset. Shqipëria në mënyrë shumë të vendosur po ecën drej moshës dixhitale”, tha Berisha. Sipas kryeministrit, në pak muaj Shqipëria do të ketë të dixhitalizuar, jo vetëm regjistrin e bizneseve apo dëshmitë e penaliteteteve, që tashmë ekzistojnë, por do të kompletohen taksat, regjistri i taksave dhe doganat për të qenë në përputhje plotësisht me të gjithë sistemin. Gjithashtu prokurimi elektronik, forma më transparente dhe më moderne e prokurimit, do të instalohet brenda një harku kohor, fotografimi dixhital i territorit do të kompletohet shumë shpejt. “Qeveria sot miraton fondin prej 2 miliard lekë në mbështetje të këtij projekti. Plani ynë është që këtë tender ndërkombëtar ta hapim sa më parë dhe të bëjmë çdo përpjekje që pasi të shpallet fituesi të përshpejtojmë periudhën e instalimit të të gjitha pajisjeve teknologjike në mënyrë që të fillojë sa më shpejt pajisja e qytetarëve shqiptarë me kartat e identitetit. Edhe njëherë dua të përgëzoj, sepse ajo që nuk u realizua në tetë vjet, po realizohet brenda 20 muajve dhe kjo dëshmon se reformat funksionojnë.”, përfundoi Berisha.

Gazeta SOT