Histori njerzish...Kjo eshte historia e saj!

[Brari]

Ju qe jeni jashte kujdes nga miss "Pallatet Agimi" ,klementina Shehaj.

Lexoni ktu.

"Pesë familje tiranase të mashtruara kishin denoncuar gruan 37-vjecare që zhdukej pasi merrte paratë
Mashtronte prindërit e emigrantëve

Burg pa afat "postieres" që kërkonte para për të dorëzuar "dhuratat" nga kurbeti

Alma Çuka
TIRANË - Trokiste në dyert e familjeve të emigrantëve dhe pasi prezantohej si postiere, deklaronte se një "pako e madhe" kishte ardhur në atë adresë prej pjesëtarit të familjes në emigracion. Burg pa afat vendosi dje gjyqtarja Manjola Bejleri për të pandehurën Klementina Shehaj, 37 vjeçe, me banim tek pallatet "Agimi", shkalla numër tetë. E pandehura u arrestua më 30 korrik. Akuza me të cilën do të qëndrojë në burg e pandehura Shehaj është ajo e vjedhjes me anë të mashtrimit më shumë se një herë. Vepra penale e kryer nga Shehaj sipas prokurorit Sajmir Hysi dënohet deri në pesë vjet burg në rast se ajo vërtetohet. Para gjykatës prokurori Hysi tha se e pandehura brenda dy muajve ka arritur të mashtroi pesë persona me banim në Tiranë duke u marrë atyre sasi të konsiderueshme parash. Mashtrimi ka patur si objektiv të vetin familjet që kanë fëmijët në emigracion. E pandehura, sipas akuzës, ishte munduar për të gjetur një mënyrë fitimi dhe për disa kohë e arriti qëllimin e vet. Prokurori Hysi tha se e pandehura kishte piketuar familjet që kryesisht kishin fëmijë në emigracion dhe ishin pensionistë.
E pandehura u shkonte në shtëpi dhe u thoshte familjarëve se në adresë të saj nga fëmijët e tyre jashtë vendit kishin ardhur pako me sende me vlerë. Në këmbim të këtij shërbimi e pandehura kërkonte një shumë të konsiderueshme parash që shkonte deri në 35 mijë lekë të reja. Nga ana tjetër, e pandehura në pako kartoni fuste sende pa vlerë si qese plastmasi, pako me kripë, çanta. I paketonte mirë dhe u shkonte në shtëpi familjarëve, me qëllim që t'u merrte shpërblimin për punën që kryente. Këtë veprim e pandehura e kryente prej disa kohësh, por vetëm për dy muajt e fundit është arritur që të zbulohet nga pesë persona që e kanë identifikuar. Klementina Shehaj, pasi merrte paratë disave prej personave u thoshte të mos mundoheshin se ua dërgonte ajo pakon në shtëpi, ndërkohë që zhdukej pa lënë gjurmë. Sipas akuzës, në drejtim të të pandehurës janë bërë pesë kallëzime në prokurori. Katër prej kallëzimeve janë bërë pa emër, pasi ata nuk e njihnin si fytyrë dhe si emër, por vetëm kanë njoftuar në polici për mashtrimin që u bënte një femër.
Njeriu që e ka njohur Klementina Shehajn është Ramazan Vata. Sipas akuzës, Vata e ka denoncuar të pandehurën për vjedhje me anë të mashtrimit. Pas denoncimit nga Vata edhe shtetasit e tjerë të mashtruar, Muhamet Dyrmishi, Mimoza Hito, Luiza Gjografi dhe Kumrie Qershori e kanë njohur të pandehurën në Drejtorinë e Policisë. Prokurori Hysi tha se në shtëpinë e të pandehurës janë gjetur disa pako të përgatitura me sende pa vlerë me qëllim që të mashtronte edhe familje të tjera.
Vetë e pandehura nuk e pranoi të ketë kryer një vepër të tillë. Ajo tha dje para gjykatës se ishte me shkollë të lartë, pavarësisht se në polici ishte shprehur se kishte vetëm arsimin tetëvjeçar. E pandehura Shehaj tha se nuk është marrë me asnjë lloj aktiviteti dhe se personat që kanë bërë kallëzim kanë gënjyer, madje janë ngatërruar me ndonjë person tjetër. Avokati i saj Enver Mema, kërkoi që gjykata ta linte të pandehurën në arrest shtëpie, duke patur parasysh faktin se ajo ishte femër dhe vepra që ka kryer nuk paraqet rrezikshmëri. Por gjykata nuk mori parasysh deklarimet e të pandehurës dhe avokatit të saj duke e dërguar në arrest burgu pa afat në dhomat e repartit 313-të.

[Fiori]

Njeriu eshte i pafajshem, derisa vertetohet se ai eshte i fajshem.

Te futesh nje grua ne burg nuk eshte shume e veshtire. Por gjithmone ndodh qe futet pa diskutim ne burg "nje njeri i pa armatosur". Si rrjedhoje, jeta e nje te pafajshmi mund te shkaterrohet. Kaq menjehere hyjne ne burg dhe kriminelet qe vrasin e presin sheshit??

Nq se ajo del nga burgu e pafajshme, ca i mbetet institucioneve ne fuqi?!

Edhe nq se i ka vjedhur ato lek, me shume te drejte i jap asaj se atyre qe e kane akuzuar. Nga cfare lexova e gjitha mu duk me shume si nje lloj hakmarrje personale nga ana e denoncuesve se sa nje krim i vertete.