Nje ngjarje e rende, sulmohet policia ne KUKES

[krokodili_73]

Policia shkon për të zhbllokuar punimet në aeroport, por përballet me armët. “Vetëm zoti na ka shpëtuar”

Aeroporti, policia sulmohet me armë


Bashkim Shala

KUKËS- Një grup personash të armatosur me të gjitha llojet e armëve automatike kanë hapur zjarr gjatë gjithë paradites së djeshme ndaj forcave speciale të ardhura nga Tirana dhe atyre të komisariatit të policisë së Kukësit që kanë ndërhyrë për të zhbllokuar punimet në aeroportin e Kukësit. Specialet e pranishme në vendngjarje si dhe policët vendorë ia dedikojnë jetën zotit , ku sipas tyre plumbat ju kanë vërshëllyer atyre nga të gjitha anët. Vërshëllimin e plumbave që vinin nga shpatet e malit të Gjalicës e kanë provuar dhe gazetarët që kanë qënë në vendngjarje. Gjithçka ka nisur në mëngjesin e djeshëm, rreth orës 8:00, kur një grup forcash speciale të komanduara nga kreu i tyre Artan Didi kanë ndërhyrë për të zhbllokuar punimet në Aeroportin e Kukësit, të bllokuar prej dy javësh nga një grup personash dhe familjesh që pretendojnë pronësinë mbi token, ku po ndërtohet ky aeroport. Në mbështetje të forcave speciale kanë qenë dhe grupet e FNSH-së së Kukësit dhe ato të policisë së komisariatit të këtij qyteti. Sipas pjesëmarrësve në operacion, me të mbërritur forcat speciale në Aeroport, një grup protestuesish, të cilët kishin zënë pozicione në disa kanale në anë të aeroportit, kanë hapur zjarr me të gjitha llojet e armëve ndaj forcave të policisë. Ndërkohë policia nuk është kundërpërgjigjur, por ka zënë pozicion duke u mbrojtur pas betoneve të bunkerëve që janë shkulur nga territori ku po ndërtohet aeroporti. Më pas grupi i armatosur është tërhequr drejt lagjes Krenzë të fshatit Shtiqën rrëzë malit të Gjallicës, duke vazhduar ritualin e hapjes zjarr me të gjitha llojet e armëve ndaj forcave të policisë, ndërsa policia ka vazhduar të mos kundërpërgjigjet. Rreth orës 12:00 nga territori i Aeroportit forcat speciale të ardhura nga Tirana janë tërhequr, por grupi i armatosur ka vazhduar të hapë zjarr edhe ndaj policëve të Kukësit të cilët gjendeshin në aeroport.
Policia akuzon vendorët për situatën
Bëhet e ditur se drejtori i forcave speciale, Artan Didi, dhe drejtori i policisë së qarkut të Kukësit Ylli Tafili kanë mbajtur kontakte gjatë dy ditëve të fundit me protestuesit për të zhbllokuar në mënyrë paqësore punimet në aeroport, por ka qenë e pamundur. Të martën drejtori i forcave speciale Didi dhe ai i drejtorisë së Policisë së qarkut të Kukësit, Tafili, kanë mbajtur kontakte të vazhdueshme me drejtues të pushtetit vendor në Kukës që të ndërhyjnë për të zbutur tensionet, por përfaqësuesit e pushtetit kanë qenë të paaftë të bëjnë një veprim të tillë. Drejtuesit e policisë akuzojnë pushtetin vendor në Kukës për gjendjen e krijuar duke zvarritur pambarim zgjidhjen e konfliktit të pronësisë. Krahas bisedimeve me drejtues të pushtetit vendor, burime nga drejtoria e policisë së Kukësit, bëjnë të ditur se drejtori i përgjithshëm i forcave speciale Artan Didi, po përgatit plane për të arrestuar grupin e armatosur. Për këtë qëllim ai ka kërkuar ndihma nga Ministria e Rendit Publik në forca dhe mjete. Burime të sigurta gjithashtu bëjnë të ditur se për të neutralizuar grupin e armatosur drejtori Didi ka kërkuar angazhimin e një numri të madh forcash dhe specialistësh, pasi policia ka informacione se me këtë grup është bashkuar dhe një kontigjent i rrezikshëm i personave në kërkim të cilët disponojnë edhe radio policie dhe armë snajper. Ndërkaq prokuroria e rrethit të Kukësit ka hapur një proces penal ndaj grupit të armatosur . Sipas prokurorit Xhevahir Lita ndaj këtyre personave është ngritur akuza e kundërshtimit me armë të forcave të policisë dhe vrasjes së mbetur në tentativë. Si provë materiale prokuroria ka administruar raportin e policisë për këtë ngjarje si dhe dëshmitë e policëve pjesëmarrës në operacion të cilëve ju kanë fluturuar plumbat mbi kokë dhe përmes këmbëve.. Ndërkaq pas kësaj ngjarje kryetari i bashkisë së Kukesit Osman Elezi ka tentuar të hyjë në lidhje telefonike me të gjithë pjestarët e kabinetit qeveritar, por sipas Elezit të gjithë ministrat kanë qënë të padisponueshëm. Pas shumë përpjekjesh, krybashkiaku i Kukësit ka mundur të hyjë në lidhje me zv/kryeministrin Namik Dokle, ku ky i fundit i ka premtuar kryebashkiakut angazhimin e qeverisë për zgjidhjen e këtij problemi.

[Qafir Arnaut]

Amon edhe ti si bohesh! Dava katunaresh ne nje vend te parendesishem. Ne mos i vrafte shteti per pronat, do vriteshin mes vedi per pronat. Same difference

[krokodili_73]

Injoranca dhe harbutlliku ka qene karakteristike e popullit shqiptar. Nerzit e kane me te lete qe pe te zgjidhur problemet e tyre, ne vend qe ti drejtohen gjykatave e ligjit, veprojne kafshllikshe duke bllokuar rruget, gjujt me gure e me plumba policise, djegie e shkaterrime. Nuk eshte ky rasti i pare, ka plot te tjera. Pasaj na vjen dhe cudi ne pse sna fusin ne evrope. NJe thote qe fajin e ka sala, tjetri todi. Jo ore jo, fajin e ka koketrashesia jone shkullore. Nuk kam nigju nai anglez une te marri atomatikun fshatse e ti gjuj policise se ka probleme administrative me shtetin. Dhe ceshte me e keqja, keto zullume jane si me shumice duke fillu nga bathorja e vashdu larte neper shkrepa.
KOKETRASHE e pike.

[ALBA]

AEROPORTI NE KUKES, PERLESHJE MES BANOREVE DHE POLICISE, 6 TE PLAGOSUR

6 persona kane mbetur ne plagosur mengjesin e sotem ne qytetin e Kukesit, pas nje perleshje mes policise dhe banoreve te zones ku po behen tentativa te ndertohet aeroporti. Sipas njoftimeve te para situata eshte tensionuar kur makinerite kane rifilluar punimet per ndertimin e aeroportit. Ne kete moment kane reaguar banoret te cilet ne menyre demonstrative jane shtrire ne hapsiren ku eshte ngritur kantieri dhe kane deklaruar se nuk do te lejojne qe te punoje asnje makineri.Mesohet se te plagosurit jane nga te dy palet, nderkohe qe armet e zjarrit nuk jane perdorur. Konfliktet per ndertimin e aeroportit te qytetit te Kukesit kane nisur prej kohesh, Banoret pronare te truallit kerkojne kompensim nga qeveria dhe jane te vendosur per te vazhduar protestat deri ne plotesimin e kerkesave.

top-channel.tv

[Genti^Itali]

Tre të plagosur, midis tyre dy punonjës policie dhe një protestues. Policia ndalon 4 persona, midis tyre dhe protestuesin e plagosur.

Aeroporti, përleshje mes banorëve dhe policisë, tre të plagosur


Bashkim Shala

KUKËS- Protestues, pretendentë për pronarë tokash ku po ndërtohet aeroporti i Kukësit dhe forcat e policisë janë përleshur dje mes tyre. Për pasojë janë plagosur me mjete të forta (gurë) dy punonjës policie dhe një protestues. Alfred Maksuti, inspektor i policisë kriminale në komisariatin e Kukësit dhe një polici i repartit 711 të Tiranës janë të plagosurit nga radhët e policisë, ndërsa në mesin e protestuesve është plagosur si pasojë e goditjes me shkop gome, Ajet Gjuta, 46 vjeç, nga fshati Shtiqën i Kukësit. Ndërkaq, forcat e policisë së Kukësit kanë shoqëruar në komisariat shtetasit Sali Bajram Gjuta, Ajet Bajram Gjuta (protestuesi i plagosur), Zaim Ali Gjuta, dhe Albert Ajet Gjuta, lindur dhe banues në fshatin Shtiqën. Burime të policisë së Kukësit thanë se të gjithë këta persona janë shoqëruar në komisariat pasi ata kanë kundërshtuar forcat e policisë, duke i goditur ato me mjete të forta. “Për këtë është njoftuar prokurori i rrethit , ku po punohet për zbardhjen e ngjarjes”,-thuhet në komunikaten e drejtorisë së policisë së qarkut të Kukësit.
Ngjarja
Punimet në aeroportin e Kukësit kanë më shumë se tre javë që janë ndërprerë për shkak se një grup që përfaqësojnë rreth 40 familje të fshatit Shtiqën pretendentë të 32 hektarëve tokë ku po ndërtohet aeroporti nuk kanë lejuar firmën MAK-ALBANIA për të vazhduar punimet. Më 6 korrik, forcat speciale të ardhura nga Tirana tentuan të zhbllokojnë punimet, por ato hasën në rezistencën e një grupi të armatosur, të paidentifikuar ende nga policia, të cilët hapën zjarr ndaj specialëve dhe policisë vendore me të gjitha llojet e armëve automatike. Që prej 6 korrikut, forcat speciale kanë marrë nën kontroll aeroportin, por nuk i kanë mbushur mendjen kompanisë MAK-ALBANIA që të fillojë punën, pasi kjo e fundit ka kërkuar garanci 100% gjatë kryerjes së punimeve. Të martën, prefekti i Kukësit, Shaqir Shehu ka mbledhur në zyrën e tij përfaqësues të kompanisë supervizore INFRATRANSPROJECT, që mbikëqyr punimet në aeroport, drejtorin e policisë së qarkut Ylli Tafilin, ku dhe ka urdhëruar që kompania MAK-ALBANIA të fillojë nga puna, pasi do të sigurohet nga uniformat blu. Pas marrjes së urdhrit nga prefekti, përfaqësuesit e kompanisë INFRATRANSPROJECT kanë njoftuar kompaninë ndërtuese MAK-ALBANIA për fillimin e punës. Dhe në mëngjes rreth 100 forca speciale me jelekë antiplumb, kallashnikovë e skafandra si dhe dhjetëra forca të policisë vendore kanë rrethuar aeroportin e Kukësit. Ndërkohë 15 –20 protestues që pretendojnë pronësinë mbi tokën për një pjesë të aeroportit qëndronin ulur në tokat që siç thonë ata “janë të tyret”. Nga ana e tyre, drejtuesit e operacionit policor kanë siguruar kompaninë MAK-ALBANIA që të nxjerrë nga parkingu makineritë e rënda për të rifilluar punën. Dhjetëra forca speciale kanë rrethuar çdo cep të aeroportit , ndërkohë që forca të tjera policore kanë zënë pikat kyçe në afërsi të fshatit Krenzë, ku me 6 korrik nga ky fshat u gjuajt me armë ndaj policisë. Mjetet e rënda të kompanisë MAK-ALBANIA kanë filluar nga puna të shoqëruara nga grupe forcash speciale dhe policia vendore. Fillimi i punës ka irrituar grupin prej 10-15 personash , të cilët fillimisht kanë kërcënuar manovratorët, përmes telefonave, duke i urdhëruar ata që ta lënë punën. Por rezistenca e manovratorëve dhe e policisë për të vazhduar punën, ka shtuar irritimin tek grupi i vogël i protestuesve, të cilët kanë filluar të kërcënojnë me vdekje manovratorët si dhe të hidhnin gurë ndaj mjeteve të rënda të kompanisë MAK-ALBANIA. Në këtë moment ka ndërhyrë policia, por ka hasur në rezistencën e grupit të protestuesve, ku tashmë gurët janë drejtuar ndaj tyre. Si pasojë është plagosur me gurë në kokë oficeri i policisë kriminale të Kukësit Alfred Maksut. Policia ka identifikuar si autor të gjuajtjes me gurë 13-vjeçarin A.Gjuta ndaj të cilit është ndërhyrë për ta neutralizuar. Në këtë moment ka ndërhyrë i ati i tij, Ajet Gjuta dhe si pasojë e përleshjeve me policinë ai ka mbetur i plagosur nga goditjet e shkopit të gomës. Gjatë kësaj përleshjeje e cila nuk ka zgjatur më shumë se dhjetë minuta ka mbetur i plagosur me gurë dhe një polic i FNSH-së Tiranë. Oficeri i policisë kriminale Maksuti është dërguar për mjekim në spitalin e Kukësit dhe pas një terapie intensive me serume ka dalë nga spitali, ndërkohë që protestuesi Ajet Gjuta nuk ka shkuar për mjekim, por ka kërkuar që të pozojë para kamerave. Pas këtij incidenti makineritë e MAK-ALBANIA-s kanë ndërprerë punën duke u rikthyer në parking, ndërkohë që bllokimi i punimeve në aeroportin e Kukesit ka hyrë në javën e katërt. Përleshja midis policisë dhe grupit të protestuesve është filmuar nga policia shkencore.