Maskat, masakër në një familje

[Genti^Itali]

Nëna e Genci Sadaj, Hatixheja, ende nuk di gjë për vdekjen e të birit. Ajo rrëfen tmerrin e përjetuar me grabitësit

Maskat, masakër në një familje


Lindita Çela

TIRANË- Hatixhe Sadaj përpiqet të përballojë dhimbjet që ndjen në trup, ndërkohë që nuk di asgjë për të birin që i ka mbyllur sytë përjetësisht. I gëzohet faktit që kanë mundur të shpëtojnë të gjallë nga ai tmerr që përjetuan një natë më parë, ku persona të armatosur dhunuan shtëpinë e saj, pa ditur asgjë për gjëmën që i ka rënë në derë. Hatixheja nuk e di që Gentiani, djali i saj 23 vjeç ka vdekur në të njëjtin spital ku ajo qëndron e shtruar për shkak të plagëve që ka marrë në trup. Ajo ende nuk e di që nuk do të jetë e pranishme sot, në ceremoninë e varrimit të të birit. Di vetëm që edhe i biri, si bashkëshorti i saj, është i shtruar në një nga pavionet e spitalit Ushtarak. Shpreson që sapo të mund të ngrihet nga shtrati, të shkojë t’i shohë që të dy. Të afërmit, për shkak të gjendjes së rënduar të saj, kanë zgjedhur të mos i thonë se i biri i ka vdekur. Ndaj dhe gruaja mbi të 40-tat thotë që të paktën shpëtuan me kaq….. Është përmendur dje rreth mesditës në dhomën nr 5 të pavionit të kirurgjisë së Spitalit Ushtarak. Për fat të mirë, Hatixhe Sadaj është jashtë rrezikut për jetën, ndërkohë që plaga e marrë në kofshën e djathtë i shkakton dhimbje të mëdha. Me mund nis e tregon tmerrin e përjetuar në shtëpinë e saj.
Çfarë ndodhi në shtëpinë tuaj, gjatë natës së mbrëmshme?
Eh, shyqyr që shpëtuam me kaq. Ishte mezi i natës. Po flinim. Ne në dhomë, çunat në korridor. Është vapë dhe dyert ishin thuajse të hapura. Një njeri me pistoletë në dorë futet në dhomën ku flinim dhe na kërkon paratë. Pistoletën e mbante drejt nesh. Na kërkonte me dhunë të nxirrnim paratë si dhe të mos bërtisnim se për ndryshe do të na vriste. Unë fillova të bërtisja, ndërkohë që na dëgjon komshiu. Djali me maskë hutohet, ndërsa burri u mundua t’i merrte pistoletën. Në këtë kohë zgjohet dhe djali që po flinte në korridor dhe vjen të na ndihmojë. Duke u përleshur me të dolëm të gjithë në oborrin e shtëpisë. Aty pastaj dëgjojmë krismat e kallashnikovit dhe pamë që ishte dhe një tjetër. Sapo dolëm në oborr, menjëherë na qëlloi. Më pas kam humbur ndjenjat dhe nuk mbaj mend gjë.
A njohët ndonjërin prej tyre?
Jo. Sepse ishin me maska. Ata kishin kapuçë në kokë dhe doreza në duar. Di të them vetëm se ishin djem të shëndoshë dhe të gjatë.
Vetëm para ju kërkuan?
Po. Ai që hyri në dhomë na tha t’i jepnim paratë, ose ndryshe do na vriste. Unë i thashë se nuk kishim lekë, por ai na kërcënonte se nëse nuk do t’i jepnim paratë që kishte im bir, do të na vriste të gjithëve.
Çfarë pune bënte djali juaj?
Shiste telefona celularë tek qendra e Tiranës. Me ato para që fitonte mbanim frymën gjallë, pasi unë nuk punoj ndërsa im shoq ndonjëherë, gjen punë si murator.
A kishte probleme djali juaj?
Jo. Deri më tani nuk ka patur asnjë problem. I kam djemtë të mirë e të urtë. Nuk ngatërrohen me njeri ata. Shohin vetëm hallin e tyre. I kam djemtë e mirë. Vetëm me punën e tyre munda të bëj shtëpinë.
Kur keni ardhur në Tiranë?
Para gjashtë vjetësh. Kemi ardhur nga Dibra për një jetë më të mirë, por ja ç’na gjeti. Kisha lekë vetëm për të blerë tokën, ndërsa me punën e çunave ndërtuam shtëpinë ku fusim kokën. Djali i madh ka filluar tregtinë e cigareve që gjatë luftës së Kosovës. Më pas filloi të shiste karta telefoni dhe tani shet celularë.
Keni patur herë të tjera probleme në shtëpi?
Para tre muajsh, dikush tentoi të hyjë nga dritarja. Ishte natë dhe unë kujtova se ishte macja. Shkoj të mbyll dritaren, ndërsa komshiu më tha se kishte parë një njeri të vraponte.
A bëtë denoncim në polici?
Jo. Atëherë nuk i kushtuam rëndësi.
Po me komshinjtë keni probleme?
Deri më tani, nuk kam bërë as gjysmë llafi me asnjërin prej tyre. As unë as çunat e mi nuk janë zënë kurrë.
Po në punë, a ka pasur ndonjëherë probleme?
Jo. Deri tani nuk më ka thënë asgjë. I kam djemtë e urtë, por ja që hajdutët nuk të pyesin. Shyqyr që ia kaluam me kaq.

[Genti^Itali]

Vellai: Si maskat vrane Gencin
E Marte, 13 Korrik 2004
Tregim rrenqethes i 18-vjecarit Bledi Sada nga Peshkopia, i cili prej nje decade, se bashku me familjen, jetojne ne kryeqytet. Si u zgjua nen krisma dhe shkeli prane gjakut te perhapur ne banese. Vellai qe i vdiq ne spital, ndersa conte po atje, nenen dhe babain plot plage. Rrefimi i nenes: "Pishman qe s'i dhashe uje djalit ndersa jepte shpirt"

Dashamir BICAKU

TIRANE - Nje te vdekur dhe dy te plagosur rende, i ka kushtuar rezistenca, ndaj tre personave me maska, familjes Sada, nga Peshkopia, qe prej 10 vitesh banon ne kryeqytet. Myrteza Sada dhe bashkeshortja e tij Hatixheja, kane mbetur te plagosur rende, ndersa djali i tyre nuk ka mundur te jetoje vecse dy ore ne sallen e operacionit ne spitalin Ushtarak, pas disa plageve qe kishte marre ne gjoks. Tre persona kane hyre nepermjet kangjellave te murit rrethues gjate qe gdhihej dita e djeshme. Pasi iu kane kerkuar fillimisht parate, personat e paidentifikuar kane hasur ne rezistencen e tre pjesetareve te familjes, ndersa me pas jane detyruar te qellojne mbi ta duke lene te vdekur nje nga dy djemte e familjes, Genci Saden ndersa, jane plagosur rende dy prinderit, Hatixhe dhe Myrteza Sada. Ata jane derguar ne spitalin Ushtarak ne Tirane, nga djali i tyre me i vogel, Bledari. Perleshja mes pjesetareve te familjes Sada dhe tre personave te grabitur, ka shkaktuar edhe plagosjen e njerit prej grabitesve, gjate kohes qe treshja ka eshte perpjekur te largohet, pasi nuk kishte mundur te merrte ate qe kishte planifikuar. Ne oborrin e shtepise, autoret, kane lene nje maske, nje kepuce si dhe shume njolla gjaku, ne kangjellat hekurta mbi murin rrethues. Te gjitha keto, prova me mundesi identifikimi te autoreve per policine.

"U zgjuam per mort"

Ne shtepine e familjes Sada, ne rrugen "Besa", qe ndodhet prane "Frigoriferit", eshte vetem Bledi 18 vjecar, i vetmi i pranishem person i cili ka perjetuar ngjarjen e tmerrshme te ores 02.30 te mengjesit te djeshem, ku u vra vellai i tij me i madh, Genci 22 vjec, ndersa u plagosen dy prinderit e tij, Myrtezai, 54 vjec dhe nenen Hatixhen, 44 vjec. Nuk e permban dot veten, kur nis te rrefeje per "Korrieri"-n ngjarjen, ndersa lotet i rrjedhin ne faqe. "Ishte mesi i nates, - e nis tregimin Bledi. Ne po flinim. Une flija ne kuzhine, Genci flinte ne korridor, ndersa babi dhe mami flinin ne dhomen e tyre qe eshte kjo perballe me deren kryesore (me dore tregon deren e dhomes se prinderve te tij). Ketu ne kete divan ne korridor flinte Genci, ndersa kishte lene deren te hapur, per shkak se ishte vape".

"Gjak neper shtepi"

Bledi vazhdon ende i tmerruar, te tregoje se ka qene duke fjetur, kur ka degjuar te shtenat e thata te nje arme qe me vone mesoi se ishte nje automatik. Me pas kujton cdo hollesi pasi u ngrit nga shtrati duke rendur ne korridor, per te pare se c'kishte ngjare. "Pashe gjak ne korridor dhe u tmerrova. Nderkohe pashe mamin dhe babin qe ishin ne oborr te shtrire dhe renkonin. Kishin plage. Mora makinen dhe nisa per ne spitalin Ushtarak ata te dy, ndersa Gencin e derguan ne spital fqinjet". Bledari 18 vjecar, tregon me tej se kishte mesuar nga prinderit e tij, gjate kohes qe po i dergonte ne spital me makine, se maskat ishin ngjitur nga kangjellat e shtepise, ndersa kishin perfituar te shkonin direkt ne dhomen e prinderve te tij fare pa mundim, sepse dera e baneses, ishte lene e hapur nga Genci per shkak te vapes.

"Kishim 2 milione"

Pasi ishin drejtuar tek dhoma e prinderve iu kishin kerkuar atyre parate dhe celularet, qe kishin ne shtepi. "Kishim rreth 20 milione leke te vjetra ne shtepi", thote Bledi. Po sipas tij, kishin edhe nje sasi te konsiderueshme celularesh ne shtepi. Kur maskat kishin nisur te benin zhurme ne dhomen e Myrtezait dhe Hatixhes, eshte zgjuar edhe Genci i cili menjehere iu kishte shkuar ne ndihme prinderve te tij. Duke u kacafytur me nje prej autoreve ai kishte mundur t'i hiqte masken, ndersa i kishte marre edhe pistoleten nga dora. Kur dolen ne oborr, nje nga ata qelloi drejt Gencit, qe u plagos rende ne gjoks. "Edhe babai e nena kishin tentuar te perlesheshin me ta, dhe ishin plagosur". Bledi perfundon duke treguar se "pasi i kisha derguar ne spital dhe prisnim qe Genci te dilte nga operacioni, morem vesh se ai kishte vekur gjate nderhyrjes se mjekeve".

[Cofferati]

Keta kriminel dhe te tjere si keta duan plumbin ballit ose ti varesh ne mes te sheshit live on tv.....Ju shofte fara...

[Silvana_04]

Ata 2 Cunat Qe Hyne Me Maske Dhe Vrane Dhe Plagosen Gjithe Pjestaret E Nje Familje Duhet Te Denohem Me 10 Vjet Burg.

[Brari]

Silvane oj silvanë..
10 vjet shum nuk janë
se burgjet tani kanë
TeVe ne cdo anë
Kafe e divanë
Tenxhere e bananë
Ku ter te mirat hanë
hajdut,gango hajvanë
u vine per dit dashnore
bilardo e llapore
Byrek e akullore
e uj ne navojtore
adidas edhe tuta
cfar skane ata mu-ta
ministra avokate
i kan si mbreti grate
e nenat shamizeza
Su ndrin me diell me rreza
tek varri i te bijve
i ngrysin dit e nate
u a rrisin dhe femijte
bijve qe nen pllake
i coj kallash i gangos
qe pare dun per qejf


plumbi dhe litari
vetem esht ilaci
te shpetoj mileti
nga ky lloj lugati




torobellke..

[ALBA]

"Paratë i doja për të liruar vëllain"
Rrëfimi i grabitësit: E vrava Gencin, shokun tim, se më njohu


--------------------------------------------------------------------------------

Fatmir Popja
Artan Hoxha


TIRANE

Grabitjen e bëra se më duheshin pa- ra për të nxjerrë nga burgu vëllain tim". Ky është motivi me të cilin njëri nga autorët e grabitjes në familjen Sade, Florian Muça, ka justifikuar krimin e shëmtuar që i mori jetën 24 vjeçarit Genci Sade dhe plagosi dy prindërit e tij Myrteza dhe Hatixhe Sade. Arrestimi i njërit prej autorëve të tragjedisë së të hënës, ka qenë njëlloj ngushëllimi për familjarët e Genci Sades. Familjarët dhe të afërmit e kanë përcjellë dje në drekë, 24 vjeçarin me një ceremoni ku kanë marrë pjesë mijra veta, jo pse Genci ishte një njeri i njohur, por sepse ai ishte një viktimë e pafajshme. "Ai djali i arrestuar ka pas shoqëri me Gencin, pasi e kanë parë disa herë të rrinin bashkë. Ai është banor i lagjes dhe e ka shtëpinë këtu afër", thotë me lotë ndër sy Haxhi Ismaili, daja i Gencit. Më tej ai shton "mesa di unë ata janë njohur qysh në Dibër, se fshati i atij djalit që është arrestuar nuk është as 30 minuta larg nga fshati ku ka jetuar Genci". Një gjë të tillë e pohojnë edhe të afërm të tjerë të familjes Sade, sipas të cilëve vrasësi e ka njohur Gencin qysh në fëmijëri.

Arrestimi
Menjëherë pas krimit policia e Tiranës, si asnjëherë tjetër u vu në lëvizje për të zbuluar me çdo çmim autorët e këtij krimi të pashëmbullt. Në kohë rekord është kaluar në filtër çdo person i skeduar banor i lagjes 49 në kryeqytet, zonë në të cilën ndodhi krimi. Pas një pune të madhe operative policia siguroi informacionin se Florian Muça, një banor i lagjes, i njohur për të qysh më parë, ishte larguar nga banesa menjëherë pas krimit. Policia e Tiranës nisi bashkëpunimin me policinë e Elbasanit dhe kjo e fundit mundi të bënte lokalizimin e banesës ku ishte strehuar njëri nga autorët e krimit. Policia e Elbasanit ka hasur vështirësi vetëm për faktin se me emrin e xhaxhait të Florian Muçës, Hamdi Muça, ka shumë persona në qytet. Gjithsesi pas një pune të mirë operative u bë lokalizimi i banesës së Hamdi Muçës dhe pasi u mbyll rrethimi, u krye ndërhyrja në banesë. Florian Muça, 19-vjeç nga fshati Ostren i Dibrës dhe banues në Tiranë, u kap ndërsa po hante drekën, rreth orës 14.30 minuta të ditës së djeshme, në lagjen "11 Nëntori" të Elbasanit, pa bërë asnjëlloj rezistence. Policia e Tiranës ka identifikuar bashkëpunëtorin tjetër të Muçës, i cili është Arlind Hyseni, nga Puka, banor i së njëjtës lagje me viktimën dhe që ka patur gjithashtu njohje me të. Hyseni është shpallur në kërkim në të gjithë vendin.

Motivi
Muça gjatë marrjes në pyetje e pranoi autorësinë e kryerjes së krimit duke pohuar se e kishte bërë këtë grabitje për të siguruar paratë që i duheshin për të nxjerrë nga burgu të vëllain e dënuar. Ai ka treguar dhe identitetin e bashkëpunëorit tjetër në këtë krim. Ja çfarë tha Sade dje pas arrestimit nga policia për "Gazetën".

Si u lindi ideja për të grabitur familjen Sade?
Ne e njihnim këtë familje dhe e dinim se kishte mjaft para. Unë njihja Gencin që shiste celularë te banka. Ai kishte një shtëpi dykatëshe, një makinë dhe gjithmonë që kemi qenë ulur me të, kishte shumë para në xhep. Në këto kushte vendosëm me shokun tim që ta grabisnim. Siguruam armë dhe maska dhe pasi bëm planin e vumë në zbatim. Idenë për të vjedhur me armë ma nxiti dëshira për të siguruar para që të nxirrja nga burgu tim vëlla.

Ku e dinit ju që familja Sade kishte para në shtëpi?
Këtë e kishim të sigurtë sepse ata merreshin me tregëti. Genci Sade kishte kohë që e kishte marrë veten sepse shiste celularë.

Përse e vratë Genci Saden kur kishit njohje me të?
Këtë nuk di si ta shpjegoj, por erdhi pasi viktima na njohu sepse na ranë maskat. Kështu që ne për të shpëtuar nuk kishim rrugë tjetër, veçse vrasjes së tij. Kemi ikur zbathur që andej pa e ditur se kemi vrarë njeri apo jo.

Ku u larguat pas krimit?
Pas gjullurdisë që ndodhi kemi ikur nga sytë këmbët. Mendova se do të ikja drejt Greqisë por dështova sepse nuk kisha lekë. U nisa për të marrë miliona që më duheshin për të nxjerrë vëllanë nga burgu. Por tani do të bëj burg si vrasës edhe unë vetë.


Prindërit e plagosur mësojnë vdekjen pas varrimit të djalit

Prindërit e Genci Sades, Myrtezai dhe Hatixhja që janë duke luftuar me vdekjen në Spitalin Ushtarak, e kanë marrë lajmin për vdekjen e djalit të tyre vetëm dje pasdite, pasi ai ishte varrosur. Ata nuk e dinin se Genci kishte vdekur. Askush nga familjarët apo të afërmit nuk guxonte t'u thoshte të vërtetën. Familjarët dhe mjekët i kishin gënjyer për më shumë se 24 orë se Genci ishte i plagosur dhe po kurohej në reanimacion. Por dje pasdite, pasi ishte kryer ceremonia mortore, njeri prej të afërmve ka marrë guximin tu jap lajmin e kobshëm. Dhimbja e madhe nga plagët e plumbave të grabitësve me maska, nuk ka qenë asgjë për dy prindërit, para dhimbjes për humbjen e djalit të tyre të madh Gencit 24-vjeçar.


Genci do shkonte sot për fejesë në shtëpinë e vajzës që donte

Nesër (sot) do të shkoja me Gencin në familjen e vajzës që ai donte dhe do të kërkonim dorën e saj për tu fejuar", thotë me lot në sy daja i tij, Haxhi Ismaili. "As prindërit e tij nuk dinin gjë për këtë fejesë. Genci më kishte dhënë fjalën mua se do të shkonim bashkë te vajza që e ka shtëpinë jo shumë larg prej këtu. Ai ka qenë me të tre ditë më parë dhe kishte vendosur përfundimisht se do të fejohej. Por s'qe e thënë", thotë me dhimbje Haxhiu. Vajza me të cilën Genci do të fejohej ka ardhur në shtëpinë e tij, të hënën pas lajmit se ai ishte vrarë. "Ajo mbante në dorë disa fotografi të bëra me Gencin dhe na i tregoi. E ndjenim dhimbjen e saj, por ky ishte fati i nipit tim, për të cilin kam ndjerë pak ngushëllim vetëm pas lajmit se u kap njëri nga vrasësit", përfundon Haxhiu.

gazeta shqiptare

[Leandra]

Perseri me keto budalleqe merren ne shqiperi...?

Ato persona qe vrasin dike tjeter duhen varur me litar ne shesh te tiranes ti shohin te gjithe...

[Genti^Itali]

PASAPORTA

Emri: Florian
Mbiemri: Muça
Atësia: Kalosh
Datëlindja: 1985
Vendlindja: Dibër
Vendbanimi: Tiranë

[maratonomak]

ndjese paste viktima dhe meshire prej zotit per te afermit e tij [ viktimes ] , a cuna cuna [ me grabite njeriun tat , gjakun tat dhe shokun tat qe e takon flet dhe ben shaka me te ? pse te grabisesh vellain tend shqiptar ? pse te grabisesh te varferin ? a nuk ka plot greke e te huj te tjere qe kane ba pasuri pikerisht me vdekjen e mundin e vellezerve tanre ne mergim ? do doja ti kisha ketu te tre grabitesit , do doja jo vetem une po gjithe shoqeria shqiptare tu jipnin nje shans , por vetem pasi kabne ,mbaru denimin perkates nga organet ligjvevnese te shtetit ,

[R2T]

Duke dale pak jashte teme, pashe disa postime ne lidhje me komoditetin e burgjeve.

Me sa duket disa prej jush harrojne se burrgu sherben per te te kufizuar lirine, jo te drejtat minimale te jeteses. Vdo njeri, perfshi burgaxhinjte, kane te drejta themelore njerezore, pra uji ne banje, televizori, tutat e dashnoret ne dhome nuk kane pse te duken si favore. Te burgosururve u kufizohet vetem liria e levizjes dhe jo lirite e tjera. Nuk jemi me ne kohen e "merhumit" kur te burgosurit pervec denimit vuanin dhe dhunen. Perderisa e konsiderojme veten liridashes e demokrate, le ti kujtojme vetes se cdo njeri ka te drejtat e veta kushdo qofte ai.

Njeriu futet ne burg, per tu ndryshuar e per te mos qene me rrezik per shoerine kur te dale nga burgu. Nese e trajton si kafshe gjate vuajtjes se denimit, nuk mund te presesh njeri te civilizuar kur ai del prej tij.